強記小廚

媽子生日，平時多數係去食西式鋸扒。但係冇乜心水，咁就帶佢哋嚟試吓小炒。驚冇芝麻雞，訂位嘅時候已經預留咗半隻。另外原來OpenRice訂位嘅話小菜有折扣優惠，呢個係店員主動話俾我哋知。先叫咗個小食爽滑魚皮，雖然個豉油就鹹咗少少，但係個處理得夠爽脆，呢個抵讚！跟住隻芝麻雞雖然我覺得佢可以炸得再脆啲，但係雞肉就已經好夠滑又夠嫩。另外個冰梅骨幾有懷舊feel因為佢用咗欖豉去整，平時喺屋企都會用嚟蒸排骨，佢咁樣炒埋落啲肉排，甜甜酸酸夏天食就冇咁膩。小炒王個份量都好大跌最鍾意佢有啲白飯魚乾，食落去脆卜卜。另外個脆米牛柳粒都相當有驚喜，一來口感特別牛肉夠腍杏鮑菇彈啦啲米炸過又脆口，所以個口感好特別。另外後加一個龍蝦伊麵，佢話可以加$30可以芝士焗。初頭以為佢係芝士兜亂，點知嚟到嘅時候個底依然係上湯底加玻璃芡。芝士嘅份量就少咗啲。少見呢個做法，不過食落去又冇咁乾，亦都冇咁滯。兩個老人家都食得開心。個龍蝦嘅話初頭以為佢會暴龍，點知嚟到似係青龍，食落去肉質彈牙，係幾有鮮味，呢個價錢我覺得性價比相當高。整體用餐，食物嚟講係相當滿意，不過樓底就矮咗啲，啲枱亦都坐得比較迫，所以隔離佢講嘢大聲少少都好認聲，不過呢啲就係舊式餐館嘅地道氣氛！…查看更多

食左好多年，之前轉左大廚，味到改变， 冇食一排， 聽聞大廚返返嚟，即刻再嚟幫襯燒牛仔骨一定要食， 而家收得嘢嘅 餐廳已經買少見少，收一點，收工幫襯都可以， 成餐飯好味有熱鬧， 仲好有人情❤️❤️…查看更多

 一月某天，天氣驟寒，正好吃個暖笠笠的羊腩煲，讓身體暖和暖和，舒服舒服。上網看看，見這間位於大角舊區的老店羊腩煲評價不俗，便在飲食網站先行訂檯。也許是天氣寒冷吧，這飯店的桌子早已被訂個一空，要非我早有訂檯，怕且便要吃閉門羹了。只是兩夫妻撐檯腳，吃不到太多東西，所以除了一心為它而來的「古法扣黑草羊腩煲」（$298）外，就只是點了店中十大必食推介之一的「強記小炒皇」（$98）做晚餐。這裡的「古法扣黑草羊腩煲」羊腩不少，配以冬菇、冬筍、枝竹等，加上另上的唐生菜，正是寒冷天氣的恩物。可惜這羊腩煲的羊腩扣得火候差了一點，未夠軟腍，即使皮肉俱備，骨不太多，而且蘸以腐乳醬之後也頗為惹味，仍然只算及格，但未算出色。幾乎是每間香港中菜小館必備的小炒皇其實每間小菜館的材料都是大同小異的，這間「強記小廚」也不例外，材料無非是韭菜、蝦乾、銀魚乾、腰果等物，與其他小菜館的出品並無多大分別，不過這兒的小炒皇勝在十分大碟，材料極多，而且味道亦鹹淡得宜，不會過濃或無味，確是水準之作。在天寒地凍的晚上，可以和愛人一起吃一頓暖身暖胃的晚餐，真好。…查看更多

同朋友聚會最鍾意黎呢度食飯，最鍾意氣氛勁正～ 價錢都非常抵食～ 食飽晒仲飲埋啤酒，每人都係2xx。次次都會必食幾樣～ - 秘製牛仔骨：牛仔骨啲飲勁軟熟，外面又係食唔到呢種感覺，再加埋芥辣真係回味無窮。- 羊腩煲：勁多材料。配埋生菜係冬天必食的。羊肉有味但唔會太過臊。最正就係有黑色外皮，勁QQ彈牙。 個煲仲有腐竹同馬蹄，煮到入晒味。可以配幾碗飯- 爽脆魚皮：麻油味勁香～ 去到外面食過咗多間，都係覺得呢度係最爽脆的😍…查看更多

幫襯左10年以上，每次去旺角必食嘅餐廳，餐廳氣氛很好，很多家庭客，好像我們的食得很開心🥳餐牌有很多選擇，每次來叫幾款都試唔哂，菜色很有鑊氣，睇得出廚師用心製作，大家常來嘅都不用多講，因為睇得出很多都係熟客仔😆，所以我每次來都一定先book位，我們一家四口剛剛好有卡位坐得非常舒服💗今日叫咗四個餸咕嚕肉，非常脆口，菠蘿很甜一吃便知是新鮮菠蘿辣子雞，我們要求小辣，辣味剛剛好黃金蝦，最喜歡吃的一道菜，炸蝦依然爽口魚香茄子煲，最喜歡叫來送飯的一道菜…查看更多

原來預約左7點半，同個雞包翅，人到之後就叫左6餸1翅咁空肚飲左幾個字啤酒之後，終於有餸上，真係幾難食，份量又少，完全冇大排檔水準，之後飲啤酒再等多大半個鐘，前後等左一個半鐘都未上雞包翅同個菜炒牛肉，我地禮貌問個女侍應兩三次，頭兩次都話再等等啦，第三次直程黑口黑面話 冇得催架，繼續等啦 ，聽到真係火到黎，黎幫襯真係好似爭左佢錢咁，服務態度極差，其實有咁多食肆，冇必要受氣食餐飯，所以最後就起身埋單走了。其實我未試過食飯係咁差體驗，食物難食，服務差，份量少，永遠不會再光顧！！…查看更多

早前想話去強記小廚，點知係門口聽到一位女士同侍應以下對答...."請問無訂枱有無位呀?""無!""咁..... 係門口等枱又得唔得呢?""無位! 爆埸!"如果轉去水記.心有不甘，想睇睇強記有咩噤把閉，於是 WhatsApp 佢地訂枱，會一會佢地.上網睇食評，負評較少正面評價多，年尾流流希望我食完都可以俾個好評啦!強記小廚開係一處位於被建築五金材料包圍嘅店舖，果頭麻甩佬較多，一到六點鄰近D店舖開始關門變得水靜鵝飛烏燈黑火車都唔多架.入到餐廳，見到全部餐枱都放上 "留座" 標示，餐廳放上4~5張大餐枱環境變得唔太闊落.原本點燒生蠔同燒羊架，點知燒爐壞咗，所有燒物停售!結果點椒鹽豆腐，果皮蒸鮑，上湯龍蝦伊麵同芝麻雞.香港餐廳賣椒鹽豆腐都有幾款，有D大粒，有D外層炸過都唔係脆口，強記哩款椒鹽豆腐係自己中意口味，外層香脆內層軟滑，只係凍咗D唔夠熱，份量比預計中少.果皮蒸鮑蒸到啱啱熟唔過火，口感唔韌其中一個原因係鮑魚身上切上多刀，令鮑魚唔會太結實，只係豉油失色，唔係甜豉油，豉油份量亦不足.上湯龍蝦伊麵上湯夠濃郁，濃郁到重味咗D，值得一讚係龍蝦肉夠彈牙，份量足無偷工減料，其他餐廳D龍蝦伊總係蝦肉不足唔知去咗邊.芝麻雞最滿意，面層鋪滿芝麻，雞肉嫩滑，唔需要點任何醬汁已經好好味，不過餐廳都無提供醬汁，如果有惹味蔥蓉就更正!我地坐近門口，見到不停有D無訂枱嘅 Walk in 客走入嚟問有無位，個個問完之後都露出失望表情，所以如果要幫襯必須要訂枱.…查看更多

今日約咗兩個朋友一齊嚟強記小廚食羊腩煲，我地都係第一次嚟呢間餐廳，食完我哋都一致覺得價錢合理，環境上如大排檔般咁熱熱鬧鬧，食物也有驚喜及非常好食我哋都一定會再黎！首先講吓個麻香爽魚皮最有驚喜嘅一味菜，估唔到佢嘅魚皮做得非常爽脆，而且亦大大塊，加埋薑蔥蔥同豉油一齊食，味道配搭得非常好，食食吓我幾乎食咗大半碟鍾意食爽魚皮嘅人一定要試然後要介紹今餐嘅主角羊腩煲羊腩煲一拎出嚟要啲時間煮滾佢，應該係預先整好然後雪咗入冰箱未嚟得切融晒雪。個煲滾起之後啲羊肉都好入味，數量都夠兩至三人食，而且有枝竹馬蹄筍等配料一起，整個煲份量夠，算係相當不錯了！蒜蓉燒生蠔呢個都大力推介，燒得好入味好好食愛吃蠔朋友必定要試！蒜香燒茄子正常發揮，蒜蓉同蔥混埋一齊燒，非常惹味好食送飯都一流強記小廚食後感很好，值得推介，可以一食再食…查看更多

天氣咁凍 四個人一齊邊邊佢 😆 好有大排檔氣氛嘅茶記 ( ´▽｀)就算打左電話去但都要等一等 就證明好多人食叫左個羊腩煲 基本馬蹄，荀，薑果啲配料都齊但佢舊薑真係好大舊😂中左幾次伏都以為係羊肉嚟 調味都叫正常唔會太咸 肉都唔會太老 好似二舊水有找二舊水有找嘅話 份量都叫正常 約有廿舊左右🤔*蠔餅我覺得佢個蠔餅係脆 但同我食開/期望果隻唔同我仲以為係潮式果啲會厚身少少 🤏🏿 但佢唔係所有無乜點食( ･᷄ὢ･᷅ ) 唔係太啱我*燒豬頸肉 一上枱係凍 食左一塊都無食(´▽｀) 對我嚟講有啲咸 同埋油得嚟唔香口⋯⋯ 成餐我都係用個煲係咁烚生菜食 食飽自己😂…查看更多

第一次幫襯，為咗個羊腩煲而嚟。但係見檯檯都整兜魚皮咪貪得意叫埋一份，又真心唔錯，爽口而且調味幾香，值得嗌。樟茶鴨（半隻）比想像中好，食落有d鴨皮都仲脆，食落煙燻味重，d肉仲算少juicy唔會乾身。 終於到主角黑草羊腩煲。 一煲唔洗3舊水，羊腩份量都唔少，好抵食。 羊腩開頭未煮夠食落未夠淋，好彩之後由佢慢慢煲下就爭好遠，肉味重，立即咬得開。黑草羊唔係平時嗰d勁淋嗰種，肉味係重d，但相對就要煮耐少少。味道係ok，呢度嘅配料有竹筍、冬菇、馬啼同枝竹。 枝竹就唔算多，有d唔夠喉。整體質素係唔錯，係位置難搵少少，但覺得可以encore。…查看更多

記得好多年前來過，今次再光臨水準一樣跟以前一樣好好，食材新鮮，店員個個都好親切，疫情下能捱得住的小店不多，還能保持到水準更加少，推介此小店，特別推介佢個羊腩煲，超好食😋…查看更多

夜麻麻同朋友出去食晚飯誠意推介呢間好有鑊氣嘅小廚咁凍嘅天氣梗係要嗌羊腩煲啦🐐啲羊腩幾大嚿馬蹄入晒味個汁都比較渴身黑松露醬包大蝦球🍤黑松露醬+蝦🍤 好味不過份量比較少蟹粉炒豆苗有其他比較，呢個記比較普通啦最後出場嘅係香橙蜜餞焗一字骨個皮好好味又唔會好漏個醃肉都得好入味誠意推介呢一個「香橙蜜餞焗一字骨」…查看更多

食過返尋味😏😏😏 今次帶2個同事，一齊去食好嘢。「強記小廚」😍😍😍 我上個月食過之後，已經諗定左 下次一定要試下個「椰娘肉蟹煲」。呢味蟹，椰汁香，蟹多肉，正到我忍唔住 叫咗個白飯，D汁撈飯。（因為我平時盡量夜晚係戒澱粉質㗎）。哈哈。今次破左介。另外2同事最欣賞個「豉汁蒸白鱔」，佢哋話條魚好鮮甜，同我一樣都忍唔住 叫咗個白飯。今晚D餸，味味都咁正？😙 唔送飯？真係對唔住自己🥺🥺🥺下次我會帶我屋企人黎試吓先😌😌😌…查看更多

我本身住天水圍，銅鑼灣返工，講真真係好少會約friends出去旺角食嘢囉。成日聽D friends講《強記》真係好正，有機會一定要試吓。今晚終於約齊D friends收工去試吓。😏😏😏入到去，環境都算乾淨，比起大排檔係舒服好多，至少起碼有冷氣嘆。🤣🤣🤣（大熱天時冇冷氣真係唔掂）服務員態度都幾好。我呢啲港女，叫佢幫手影相，佢哋都好樂意環境+服務：整體黎講，⭐️⭐️⭐️⭐️（5⭐️滿分）小菜菜式真係多元化～食完今餐，我同D friends已經諗定下次黎要食咩？小廚黎講，真係好夠鑊氣，好惹味，最緊要價錢合理。Good Good Good食物：整體黎講，⭐️⭐️⭐️⭐️（5⭐️滿分）…查看更多

今次已經是第二次來食，果然名不虛傳，比之前仲好食👍🏻今次好醒目我，先book咗枱，仲留咗我最鍾意飲嘅杏汁豬肺燉雞湯，真係超級正👍🏻但係記得一定要預留左先，仲有黑松露鮑魚😋😋😋😋試咗幾樣野唔記得影相，好嘅食物當然要配啤酒啦😄我哋仲飲咗幾支啤酒🍻員工服務態度好好，見到佢啲圖片好多嘢我都想試，但係真係實在太飽啦，下次再嚟試吓其他先我都會推介俾朋友👍🏻地點都算方便一出地鐵站行幾分鐘就到…查看更多