強記小廚

嗰日同35知己行完旺角，揾嗰地方食小炒啤一啤，朗豪坊附近見有呢間就入去。無人排隊，8點都無乜人都覺得會中伏，但太肚餓，又有酒飲，是但。坐低叫左幾個餸，黑椒牛仔⻣，生炒⻣，通菜牛肉。點知味味餸得嗰咸字，牛仔⻣真係得⻣，嗰黑椒汁真係得黑椒味。生炒⻣好粉，好似食緊生粉咁。得通菜牛肉放得入口，不過不失。原本35知己有啲雅慶，點知失望而回，無下次。。。。😅食完番屋企樓下仲要買左嗰M記醫肚，無下次！！！！…Read More

冬至做冬中午1點左右就去買了一份大羊腩煲$488外賣！晚上一家三口（一位小朋友）食！結果入面很多骨頭薑和筍！根本無冇羊腩係入面非常憤怒仲係大煲！好好一個冬至！本人從不寫任何食評！這次實在太生氣😡…Read More

今晚光顧「強記小廚」買外賣，回家打開外賣盒，好失望， 手抓餅竟然燶到這個地步，唔係啩，以後不敢再叫這一項了⋯⋯廚師如果可以整完後望一望先交貨好d喎⋯⋯其實煎過頭是否不應該交畀顧客呢⋯…Read More

【羊腩煲】 HKD238.【日本芥末牛柳粒】 HKD88.雖然今個冬季同預期一樣都係不太冷🧣，但天氣稍為涼啲都有心癮想去食個羊腩煲。羊腩煲🍲黎講，價錢💰算係係公道，不論羊肉定係支竹份量⚖️都頗多。可惜羊肉🐑煲好耐都唔夠淋，而且幾乎冇咩羊穌味。比較適🈴️本身怕食羊嘅朋友。至於小菜方面，穫氣就一般般。而我地👫試嘅依個牛柳粒🐂雖然肉質夠嫩，不過芥末味太弱😞。嗌得芥末牛柳粒嘅人通常對芥末嘅接受程度都高，所以落重手啲都唔怕。…Read More

這天有內地的朋友來香港，當然要帶她來試一下鑊氣小炒。 這家之前沒來過，我們7點左右到，裏面還沒有滿。我們叫了黃金大蝦，這個外層炸得很好，薄薄的，裏面的蝦肉也很嫩。重點是味道非常好，鹹蛋香很足。我們也叫了通菜煲，裏面的菜挺好吃的，不老，但略鹹。炸大腸外皮炸過火了，有點硬:(不過味道是夠的。但魚皮很不錯哦，爽口，彈牙但可能是自己吃不慣，覺得有一點點腥，但是朋友覺得很好吃。我們叫了2個白飯，還有可樂。總的來說這家不錯呢…Read More

最近香港環境太多負能量，所以星期六諗住出外面食一下，放鬆一下心情。本來揾緊大角咀一間大排檔，點知搵錯咗搵左呢間原來發現喺旺角，還好都比較近。去到落車基本上都係泊係街邊，冇乜所謂因為都係一條比較偏僻嘅路，同埋店內夥計可以幫手睇住架車，不過有一個問題就係落車後傳來一陣死老鼠味，已經先扣分。之前定位已經訂咗一鍋杏汁白肺湯，所以睇完餐牌加多幾個餸就已經可以落單。夥計服務其實尚算熱情，非常幫手，完全唔係嗰啲大排檔叔叔或姐姐嘅態度。先上白肺湯，由於靚女幫手安排，所以冇特別影相，湯渣都冇乜特別。講返個湯，杏汁味道可以，不過個人覺得湯底太重味精，材料算係豐富，白肺亦充足，不過當然比起其他出邊嘅質素可能還有點距離。之後就到油浸筍殼魚，炸得非常之脆口，而且份量十足，味道鮮味也非常好，絕對沒有重口味之嫌。某程度上這已經是整頓飯的highlight。啫啫通菜煲冇乜嘢特別，主要係味道偏鹹，菜係新鮮的。呢道菜叫做超級多菜譜蜆肉炒蛋，由於太想食所以食到一半先至記得影相。不過想食到一半發現原來而家已經冇做蜆肉，所以係沒有通知我們的情況下換咗做蝦仁仔。其實味道唔錯嘅，送飯一流。不過對於要將啲蜆滅門嘅阿辣妹，表示有點失望。蜜糖欖菜骨絕對係小朋友至愛，阿肥仔同叉燒妹都好鍾意。肉嘅部位也不錯，沒有太多肥肉，不過賣相有點偏油，食落還可以。唯一嘅投訴係太多腌肉粉同埋偏鹹。旋片牛柳粒又係小朋友的另一摰愛，味道尚算接受，不過這個牛肉粒真的是太多腌肉粉了。呢碟菜式出場阿辣妹立刻雙眼發光，她表示非常興奮。食完之後發覺其實佢嘅麻辣一點都沒有麻，所謂嘅辣都係落咗小小辣粉仲係啲汁上邊睇到。味道還可以嘅，不過個人覺得可以炒得有誠意啲。總括嚟講係一間非常旺角地道嘅大排檔，個人覺得在大排檔來說還未達標，大部份菜式都係偏鹹，所以在有選擇的情況下，應該暫時不會再來。…Read More

朋友聚會選擇了這間小炒店! 完全驚喜!位於旺角的後街。我們叫了通菜炒鮮魷,黄金蝦,酸菜魚,辣雞煲,當晚,店員向我們推介說蟶子和扇貝新鮮,我們就叫了蒜蓉粉絲蒸蟶子。通菜炒鮮魷,很惹味,通菜不老,鮮魷都有不少!黄金蝦: 超好吃! 咸蛋黄味濃,ㄧ囗咬下去,皮脆,充滿咸蛋香,蝦挺大呢!而且蝦很彈牙,爽口! 完全停不了囗! 極力推介!酸菜魚(叫了小辣),酸辣剛好! 魚片,酸菜,秀珍菇,豆卜,食材豐富,花椒味和酸菜好香! 喜歡酸辣的人,不要錯過!辣雞煲: 雞滑,雞煲味道剛好!令人越吃越上癮!蒜蓉粉絲蒸蟶子: 蟶子size大,肉厚,肥美! 蒜蓉香,粉絲吸了蒜蓉的香及蟶子的鮮味! 蟶子很新鮮! 果然是店員的是日推介! 這個也很好吃!!總括來說,味道好,不會太咸! 海鮮類新鮮!店員服務好! 食物份量又夠,是朋友聚會聊天的好地方。…Read More

最近天氣轉冷，就好想去食個羊腩煲，男朋友search到呢間強記ge羊腩煲都多人讚，所以今晚就專登去食啦。因為睇其他食評話7點就開始full，所以我地6點幾就去到，坐低諗住即刻點個羊腩煲先啦，點知職員話羊腩煲停左好耐！無奈地出面落緊大雨，我地都費事再行泥行去，一於試下其他小菜啦。麻香爽魚皮先來一碟爽魚皮，魚皮偏厚身，入口非常爽脆，份量亦算多，$40大大碟好抵食！辣酒煮花螺辣酒辣度唔算好辣，個汁都幾惹味，花螺ge size偏大，入口就有點韌。欖角冰梅骨一粒星都唔想俾ge系列！望落以為大大舊，咬落去都去大部份都肥膏，咬到肉ge位又好鞋好韌！個汁又食唔出係咩味！煎蠔餅又係一粒星都唔想俾ge系列，眼見差不多每枱都有叫一碟，的確係大大碟，蠔仔份量都算多，但粉漿份量仲加多，油膩到好似食緊啖啖油咁！食完仲口渴左成晚！去到7點幾已經坐滿人，環境非常嘈吵，食完都覺得好頭痛。小菜價位算合理，可惜食物質素未如理想。…Read More

與朋友們聚會，突登搵個比較多選擇多交通公具既地方，依間打冷我地黎過好多次依間鋪頭永遠都甘多人，每次晏少少黎都一定要等位， 不過勝在今日朋友中有人放假早左黎，所以唔需要等位一早黎到當然要飲返支啤酒叫左個炸豬大腸，用黎送啤酒一流仲有魚皮一碟，十分爽口依個椒鹽豆腐都係必叫，內軟外脆娃娃菜，不過一定要撈埋底d汁先好食辣妹炒蜆，中意食辣既人一定唔可以錯過炒牛肉，望落似豬頸肉，但食落半肥瘦依碟小炒皇每次黎都一定會叫咕嚕肉，不過建議撈飯食會好d…Read More

這間小廚通常都要等位的，因為門口時常企好多人喺度等， 不過今次有訂位， 所以可以直入!簡單食個生日飯局，有酒有餚，最緊要大家食得開心!牛柳粒，新鮮嫩滑，乾蔥頭入晒味，配埋腰果，配搭不錯。啫啫通菜有蝦醬味，但係比較油，份量唔係好大碟。椒鹽豆腐外脆內軟好味。本來叫羊架，原來已經冇做燒羊架，侍應同朋友都推介羊扒，不過今次唔好食, 又騷, 又油。燒茄子全個都差唔多鋪滿晒蒜蓉喺度，裡面仍水蔬菜汁，夠味嘅。邪惡嘅蛋黃黃金蝦出現喇，蝦熟柔軟，啖啖鹹蛋王味，好食呀，但係唔可以食得多。煎蠔餅，夠脆多蠔仔，唔會油淋淋，好食，送酒一流。灼魚皮，係爽口彈牙，冇魚腥味，鍾意食魚嘅人，一試何妨。尖椒好鬼辣，好彩有啤酒。…Read More

品質平均:-母親節唔想同其他人迫，又唔想俾下欄，食旺角強記小廚就最perfect。當然大時大節人哋要做二至三輪生意就不能期望食物質素能保持。但主理出來的也非常不錯，尤其招牌的金稻牛柳粒、墨魚餅、蠔餅、芝士虎蝦伊麵底、楊州炒飯也非常美味，但那碟冰梅骨就甜得好緊要，重手咗D。整枱十個人有大有細，十一碟餸，個個抱住個大肚腩走人，價錢都是$927，抵!!同朋友坐低啤一啤，食下小菜，無敵。強記小廚旺角甘霖街31-33號地下…Read More

小炒店同大牌檔一向也是一大班人既食飯好去處，有人推薦呢間“強記小炒”，所以就黎左試一試。我地一行八個人👭👭👭👫總共叫左14碟餸，話多唔多，話少唔少，因為有d係前菜小食，但埋單位位唔使百四蚊，算係咁啦😜前菜有：蒜拍青瓜陳醋雲耳魚皮**********小菜：燒菠蘿蒜香茄子酸辣土豆絲椒鹽鮮魷***********主菜：小炒皇脆豚肉炒蜆水煮魚（半條）煎蠔餅脆皮芒芒大蝦球香葉炒牛柳粒*******************另有叫啤酒、汽水同幾碗飯所以好抵食由於佢營業到深夜，所以都啱夜收工既人黎食宵夜…Read More

因為收工收得夜,好多時候我同同事要食宵夜都只能打邊爐,搵左一大輪,終於搵到唔係邊爐但又開得夜gei小菜館~~整體黎講呢度食物選擇都好多,好彩我地多人,先有機會叫好多唔同gei菜式!一開波會送你一牒小前菜~~~蜜味鮮果牛仔骨D醬料調得剛剛好,甜度剛好可以抵銷油膩感~D肉好林好容易咬,不過最好食都係D椒~牛魔王一定要叫金稻牛柳粒,上面D脆脆好香口,咸咸地,同埋黑椒味牛肉粒一齊食恰到好處,牛柳粒size剛好可以一啖入口,牛味都好突出.椒鹽豆腐同椒鹽鮮魷係每次黎都一定會叫gei菜式~~豆腐出面o個層薄得黎又脆,裡面就好似豆腐花咁滑,至於魷魚就好爽口彈牙,兩樣野椒鹽之下都特別惹味香口,豆腐一定要叫!沙嗲肥牛粉絲煲係飽肚之選~~~放響底部gei粉絲非常入味,就算放耐都唔會粉,依然keep到彈牙口感~~~D肥牛薄切好好咬,配白飯係完美組合~~燒菠蘿同燒茄子都係好出眾gei菜式,如果你係菠蘿控就更加要叫2碟,因為菠蘿真係超多汁~~~又大舊,絕對係抵食之選~~~至於茄子個size係你未見過咁大條,加上佢上面加左好多醃料,所以好有咸香!金蒜金古啫花甲D花甲好彈牙,雖然未算係超級新鮮,但都好好味,特別係蒜香夠曬皮,好快就比我地KO曬煎蠔餅係招牌!唔好以為佢係濕林有蛋版,佢其實係炸!所以入口非常酥脆,蠔仔味道好突出但一D都唔腥,點醬食更加好味拍蒜青瓜就普普通通,作為前菜不過不失窩貼小棠菜都係特色招牌菜,雖然話有菜,但外表睇落一D都唔似,因為D菜完美融入窩貼,好脆之餘不失蔬菜清新味,一個人都食得曬!黃金蝦D蛋黃醬汁好香好惹味.可惜蝦肉有少少粉,口感稍為扣分.煎珍珠帶子都記得要叫丫~~滑嫩gei煎蛋包住粒粒指甲咁大gei帶子,鮮味蛋味兼備,另一送飯之選!!佢仲有好多小菜,但次次我都唔記得邊個打邊個,但整體黎講係好食gei,多人食會抵D…Read More

强记小厨我好多年前睇开饭嘅时候就发现，13年嘅时候嚟过，当时觉得一般，因为点咗白切鸡，香港啲鸡同广州嘅有差距，品种不同，不好比较。这次扫咗三家茶记或者甜品之后，因为要嚟旺角坐车，所以决定Encore，从尖沙咀去红磡攞完行李翻嚟，再嚟旺角，而且攞住二十几公斤嘅行李，都咪话唔攰。来到七点多啲，店内已经满座，好彩最后一张双人台俾咗我哋。老板态度非常好，我哋行李放门口，佢帮我哋睇住。然后啦啦声点咗三个菜，叫加快，担心得一个钟，唔够时间食，错过巴士。然而菜很快就上完了，一个蚝饼，一个金稻牛柳粒，一个椒丝腐乳炒通菜。出品方面，通菜係最好食嘅，虽然啱啱从泰国翻嚟，几乎日日食通菜，但係碟菜仲係好快扫完，也係唯一扫完嘅菜蚝饼非常大份，也很脆，很香蛋味，但係有点过火，有点太硬，影响了口感，主要係我哋唔係好饿。牛仔粒就更加油了，在炸米中加夹杂很多牛肉，但係实在食唔攞，勉强食晒牛肉就算了，后来唸翻，要果味牛仔骨可能会清爽啲。但係这家老板又是十分好人的一个，同声同气，非常帮手。买单两百二十几，比东宝便好多。下次有机会再Encore。…Read More

旺角食大排檔食物嘅好地方，一邊食飯飲酒就最適合。叫咗牛柳粒，黃金海中蝦，炸蠔餅，花雕豬手，再炒左兩碟菜。牛柳普普通通，黃金海中蝦幾過癮，成隻蝦連皮炸，個皮都幾有口感。蠔餅好大份，啲豪好大隻，亦冇乜內臟味，跟嘅豆瓣醬亦都同過號餅號夾。…Read More