強記大排檔

营业中

休息中

由細食到大以前食佢街邊的風味，都值回票價宜家搬左上街市，各方面都差了叫左3個送，椒鹽鮮魷、菜心炒牛肉、魚香茄子煲椒鹽鮮魷很差，外面是林的，仲要係凍凍地，9成炸起左好耐菜心炒牛肉一般貨色食完哂依兩個送，魚香茄子先上菜....吹左佢3次，我地都食到得返好少飯，浪費哂個送以前覺得佢魚香茄子最正，但宜家都失色哂，完全冇咸魚香味味道亦都唔夠，理應有些少辣味吧。老友聚會要轉場了

以前強記係響順欣花園樓下 , 果陣係響露天地方食 , 無論熱到死 ,仰或冬天凍到震都照坐。而家強記搬左上街市熟食中心 ,夜晚成個埸都係佢 ... 小小的大排檔可以變得有聲有色 , 真係好利害!!今晚嗌左幾個小菜 , 基本上黎到強記唔洗愁食D乜 , 因為佢真係樣樣都咁好食 ,你可以咪埋眼求其響餐牌上面指幾個餸 , 都一樣咁好食。椒鹽腰果雞軟骨 + 沙爹肥牛粉絲煲 + 金銀蛋莧菜3個餸都好好食 , 其實個雞軟骨好好食 , 但因為唔太想食炸野 ,所以認為個肥牛煲係今晚最好ge , 而金銀蛋莧菜 , 其實好難整得唔好食 , 同時亦好難整到特別出色 ,不過 , 呢度有冷氣 , 有乾淨ge環境(地下通常都乾爽) , 又有電視睇每人都係幾十蚊 , 如果你鍾意熱鬧 , 呢度絕對係一大班老友黎聚舊傾計慶祝ge好地方!!

母親大人搬左去粉嶺住, 今日入去探佢, 佢就帶左我和祁生去上水石湖墟熟食街市食飯, 話呢到有個大特點喎, 就係朝早時間熟食街市入面大大話話有十幾廿間鋪, 但一到下午三點後, 就會變剩一間叫"強記"既, 專做晚市, 仲集合左其他幾間做晚市的一齊做添, 都有好多野食架, 有泰式, 潮州打令, 燒味, 小炒和西式; 一次過可以睇哂4間的菜單, 你可以一次過叫哂咁多間都得。翠塘豆腐 - 呢個好好味, 係個汁"結"左少少, 但豆腐粒好有黃豆香味, 底下的水蛋又勁香蛋味, 正~薑蔥魚雲煲 - 汁味道適中, 煲內有大量的蔥和薑, 唯一唔好係...魚雲係一早炸左, 表面已經唔脆, 再加入汁煮放入煲內, 魚雲立時好...un...! 蘿蔔牛腩煲 - 牛腩比較碎, 牛腩汁OK, 蘿蔔就大件事, 用水灼過放入煲內, 牛腩自己有牛腩味, 蘿蔔就完全無味, 仲有個煲係凍既, 擺到明係煮完放入煲內!!椒絲腐乳炒通菜 - 大排檔小炒預左連埋其他order一齊炒, 所以炒菜無特別意見啦~ 係無鑊氣囉~好似係香港好耐都無食過和咁大個場既大排檔, 幾廿張檯大家都係做同一樣野就食食食, 而且仲好多人幫襯添, 突然間有一刻覺

是日去了釣魚，同行釣友釣了兩條大魚，所以晚上帶著魚穫去了大排檔開飯。兩條大魚，一條作清蒸，一條作煲魚湯。其餘再點了不少佳餚：蒜蓉炒西蘭花：蒜蓉味不濃，西蘭花也不硬不林，ok。京都骨：一般，夠酸味。炸蝦餅：很好食，夠彈牙，蝦味濃，炸得脆口。推介推介卤水鵝：很差，騷味很重，肉質也不佳。泰式豬頸肉：很爽口，配上泰式汁，很好。韭菜豬紅：豬紅很大件，不鬆散，ok。加工魚湯：魚湯煲至奶白色，很好飲，配上豆腐白菜一起煲，不錯。豉汁蒸黃立倉：因為是魚穫，特別好味呢？配上豉汁，拌飯一流。

自從上水街市大排檔翻新左之後都冇試過響果度食晚飯今晚第1次黎 又幾特別喔連住響屯門o既同事都試過特登入黎食 仲介紹返我去睇黎好似幾好咁喎!!相信一般街市大排檔 都會有n咁多間食肆比你揀今次都唔例外 我以為平日早午餐黎食都可以坐1張"抬"但可以叫唔同鋪頭o野食估唔到夜晚黎都係喎 每張"抬"上面都有n咁多張餐牌叫你叫西餐、泰式、打冷、火鍋、燒味、小炒 應有盡有今日一家5口 叫左半隻燒鵝 鹵水豬大腸、豬紅、蒜容炒菜心同煎蠔餅+ 2碗白飯燒鵝 ($105): 燒鵝肉夠瘦，唔會一咬落口成口都係油、不過皮唔夠脆，但都幾抵食喎，超大碟啊鹵水豬大腸: 配芽菜爽爽地幾好食，豬大腸鹵得夠入味， 值得一讚o既係冇左豬大腸平時果陣唔知咩味豬紅:辣辣地，好入味，唔會一夾就散，不過份量唔多，下面有好多"九"菜墊底，所以唔係咁抵食蒜容炒菜心: 菜心好靚，條條菜都好大條，蒜容超多，簡直係my favorite (好似32蚊一碟)煎蠔餅($50，大): 5個人食其實唔洗叫大蠔餅，因為份量真係好多，最正o既係d蠔仔好大粒上水街市大排檔 越夜有越多人o既趨勢雖然地方唔算乾淨 但不

前幾日係阿媽既生日...個晚..我&阿哥同佢去左食晚飯咁阿哥就帶左我地去左食大排檔..我地叫左4樣送....3碗飯....2支啤啤..西蘭花少帶子 - 帶子幾鮮!!但西蘭花就咸左d….西芹腰果炒雞丁 - 幾好味!!腰果香...西芹爽!!!魚香茄子煲 - 熱辣辣既一個煲...但好似唔多有魚香味!!!豉椒粉蜆 - 炒得好入味..但就好似辣左少少!!ha…可能太多野食la…食到勁飽!!!!!埋單$297…..^^

由於果日已經等友人們從海洋公園返黎~等左勁耐~一來餓到死~二來等到火都黎(5:00p.m.等到10:00p.m.)所以一到強記就正左3枝啤酒~同其中一個黎搵我先ge fd吹下水先(主角+配角仲要梳洗下先黎)入正題喇~我勁餓,所以決定叫左個豉椒炒蜆先~呢個餸十分惹味~唯一美中不足d蜆瞉就多~不過d肉都好似唔見左唔少喎~不過送啤酒都ok la~之後仲叫左個啫啫雞煲~如果d雞多d會仲好~等到人齊2碟餸已經冇左一半最尾正左個魚香茄子煲~一個字"正"~d茄子好好味又唔太(林),口感唔錯4女1男叫左4個飯~加埋我個fd幫我正ge蛋糕~剛剛好~是晚叫左：豉椒炒蜆+啫啫雞煲+魚香茄子煲+4碗飯+6枝細啤酒~埋單都係14x....每人30有找~超正~

上星期五與全組同事開完會後，便乘火車北上到上水石湖墟街市熟食中心食晚飯。一行七人到達強記後選了個涼風位置坐下，隨即叫嘢食。我們除了叫強記的食品外，還有叫金曼谷、農家及何俊記的食物。總共叫了十一個餸：1.強記煎蠔餅-----好大碟和好食，同事靚妹最鐘意食。2.強記沙拉骨-----都好味道，轉眼已沒有了。3.強記椒鹽鮮魷-----炸得不夠脆，同事高大威的至愛。4.強記琵琶豆腐-----唔係咁好食。5.強記蒜蓉白菜仔-----都可以。6.強記蠔仔粥-----好味，一大窩都清晒。7.金曼谷咖喱海鮮包-----好味道，但是這班年青人原來不太喜歡辣的。8.金曼谷咖喱雜菌包-----都是很好食，拍檔最愛吃。9.農家黑椒牛肉粒-----好味道，年輕人話牛肉粒好好食同正喎！兩個薯蓉球比富仔食晒。10.何俊記燒鵝半隻-----今次燒得比上次差了些，但是都可以。11.何俊記燒肉拼叉燒-----都是新鮮出爐，燒肉皮好脆，叉燒還可以。雖然十一個餸，但是還可以清得八成，而亞妹同拍檔兩人係食很少，靚妹則有頭無尾，我只是飲多過食，好在有三個年青力壯的俊男。是晚埋單連四罐汽水、六支大啤酒及一碗白飯都係七佰多元，真係好低

尋晚同屋企人黎呢度食dinner而我地叫左:1)粉絲蝦米雜菜煲 ok' 有粉絲冬菇生菜白菜菜心西蘭花紅蘿蔔.清2)八珍豆腐煲 有油豆腐.鮮魷.冬菇.蝦. 幾好3)生炒排骨 好似好多抬都有叫呢個送,都ok4)白飯x255)齋米呢間野幾旺呀. 食咁多野大約係13x. 幾抵

突然「健康」：煎蛋牛肉飯蓋青- 不過係好油既椰菜青。肉餅為山竹牛肉近親，陳皮味重，鋪得薄一薄。煎蛋用油太多，變咗「炸蛋」- 燶邊溏心太陽蛋。雖然尚算乾淨，但由屁股離櫈個一霎那，準備隨時跳扭腰舞…

跟朋友胡鬧完, 趕出去支持中國隊對家, 最後趕不及輸錢, 卻買了幾張中了的六合彩...周圍找吃的, 最後決定吃街市的任何一檔。上來才知道, 原來成個街市的夜檔, 是可以撈亂吃的。叫了很多很多菜, 豉椒炒蜆, 梅菜扣肉, 馬拉盞炒通菜, 還揀了兩隻花蟹, 一薑蔥炒一避風塘。豉椒炒蜆大堆頭, 卻不好吃。蜆肉多沙, 芡汁又杰, 吃剩了好多。梅菜扣肉是大家都喜歡的菜, 雖然我一直對此味菜有疑問, 用一個煲仔上, 很多油浸著, 肉很快被大家吃曬, 我就喜歡用梅菜撈飯, 很老實, 質素只屬一般。菜又係用煲仔上, 又係用一堆油泡著, 感覺很恐怖。花蟹經泡油再加工。肉厚, 百多元兩隻而言都叫抵食。兩種煮法中, 個人較喜歡避風塘式, 豆豉炸得幾香口, 花蟹乾身, 味道不錯; 薑蔥炒蟹只吃到一堆芡, 不喜歡。啤酒要了藍冰啤, 淡得像水, 很難喝。唔明, 點解此等中式店咁喜歡濫用生粉芡汁; 點解蟹一定要泡油? 究竟有無人鍾意咁食架?