影片
今日(5-10-2022 Sat)中午,同老公到红磡揾佢男友M聚聚,由于朝早留肚嚟红磡至食嘢,但因预时间预迟咗,所以嚟到时,附近想食嘅店舖又未正式开门,我哋行经呢喥,老公就停底买啲嘢食,佢用咗$16.00买个肠粉,鱼蛋同烧卖三并.我哋去到M𠮶喥,佢就要开餐喇,打开睇,绝大部份都系肠粉,睇见鱼蛋系啡色,老公话呢只系辣鱼蛋,我试吓,系好辣,不过辣一阵就过咗,而佢同其他嘢嘅口感都一样正常,不过鱼蛋同烧卖嘅份量都系各三粒.不过佢嘅辣酱又唔系好辣.
继续阅读
经验所得叫得美食或美味既食肆都强差人意背道而驰，已做好心理准备应战，我不入地狱谁入地狱！九铁经常故障，搞到 10 点半先到黄埔，劲肚饿呀！鱼肉烧卖、茶叶蛋，好鬼穷唯有食少一点点。专登想食煎酿三宝，竟然 3 点后先有得供应。鱼肉烧卖，只 $10 蚊兜啊！辣油淡如水净油没有渣，烧卖咽咽韧韧湿度高，轻轻的咸，浅浅鱼味。茶叶蛋，要 $11 蚊 3 只，浓咸实净，没有特别的蛋蛋。咖哩鱼蛋，只需 $9 蚊有 12 粒，大大碗抵食㖞！咖哩水好淡，鱼蛋弹弹索索声好假，味道唔腥可以的。麻辣辣椒油有几粒花椒浮浮下㖞，装饰黎架？完全都唔麻既？辣油不香不辣。辣酱好咸，少少酸带微弱的辣。木瓜雪耳糖水，婶婶话例汤未煲好，午饭时段过左半都未有例汤？可能沽清啦。只有糖水供应，我唔食甜野架，是但照要转赠同事品尝。赤小豆莲藕猪骨汤，味浓香甜热辣辣，全数灌落暖笠笠好舒服。冻冰冰的𩠌菜依旧，都系先饮碗热汤暖暖胃先。冬瓜杂菜汤，真的冬瓜来的吗？绝无味精都是天然的超甜味道，不过豆味超强不喜欢。我要饮咸汤，不要甜汤，就连蜜枣我一样不喜欢。五谷五豆汤，其实每次饮都估唔到系咩汤，估计系素汤。没半点肉但味道香浓，豆味强烈还泛著栗子甜味，新鲜食材真材实料无味精无添加。杂豆汤，浓厚豆味跟鲜番茄味道，明显没半点肉的健康汤水，味道真的不错，热热地享用。薏米汤，非常浓郁甜美！可能系红萝卜的关系。薏米咽韧，杰杰厚厚的汤汁，试两口够晒。豉油鸡髀，硬实冰冻的鸡髀有点干硬，免强合格。咸咸的豉油味只留在鸡皮外，油感较重，咬落干干结实，白潺潺鸡肉无味，肉汁欠奉。最好连肉带皮一齐食就有点味道，过过口瘾还好，未算好味道，但唔难食既。肉片炒豆角、蒜蓉椰菜花，两味菜爽嫩都不过不失。豉油鸡全翼，依只浸到霉霉烂烂，味道阴沉单调，颜色暗哑，睇见都唔开胃。真心去街市只售 $10 蚊 3 只，鲜嫩弹滑高质千倍万倍！豉油鸡扒，只有细细半件，咸咸油油的鸡皮，干硬无味白肉，话晒都够厚身叫啖啖肉。蒜蓉西兰花椰菜花，鸳鸯炒真罕见，冻冻淡口多汁爽爽的西兰花及椰菜花。蒜蓉炒芥兰，微暖略粗糙，有菜汁带著甘涩味。豉汁豆卜炆排骨，油油重咸排骨碎，骨杉杉没怎么肉食。超咸豆腐卜比排骨更咸，索尽咸汁油淋淋！冬瓜炆豆卜，清淡得黎食到天然味道，瓜爽甜搭豆卜香口咽韧。梅菜蒸鲩鱼，鱼身好多骨呢！油腻感满分，鱼肉渗著肉汁，夹著微甜梅菜都算合格。炸鸡全翼，首次有热既𩠌食，千年难得一遇！她就系刚炸起鸡全翼。新鲜出炉惊喜万分开心死，外脆内嫩香喷喷，豪气地一咬一扯肉汁飞射，腌味可口啖啖肉好好味！凉瓜炒蛋，接著处理冰冻凉瓜炒蛋，都落左不少糖炒凉瓜㖞。甘味微弱，微爽偏软，凉瓜微甘腍身不甘不苦只食到咸味。炒蛋散碎湿湿，够嫩滑甜味浓厚，味道不错但太少蛋喇！而且炒到蛋还蛋、瓜还瓜散筲筲的。腊肉炒豆角，最后冰冻腊肉炒豆角，以为清炒豆角添！凉浸浸的腊肉炒四季豆，有一片腊肉点缀真的感动流涕！爽甜四季豆，味道蛮可口。赵到索索青够爽脆够鲜甜，泛著腊肉的油香，但冻左就变得油腻。蒜蓉炒菜芯，反而有惊喜㖞！劲多菜芯虽然冻冰冰，冷冰冰地不停食，少少菜甜味，少少蒜香味。略爽带嫩清甜，无渣无草青味，说不到好好食，满意合格。咕噜肉，藏在菜芯下的咕噜肉其实系生炒骨。冻到肉质变硬变硬，表面黏黏糊糊的，淡淡的酸淡淡的甜，平凡唔难食。肉碎茄子，最后到溶成一劈的肉碎茄子，惨不忍睹，卖相可怕！颜色暗淡带灰，油油的口感及味道顶硬上食左大半。麻婆豆腐，竟然是热的，几生修来的福啊！不过完全无味既？忘记落盐？豆瓣酱同样无味，加太多水？讨厌的硬豆腐，硬掘掘有豆味但不香，完全唔想食。炸鸡扒，冷冰冰的厚厚炸鸡扒半件，鸡肉无味，鸡皮有微咸，冻鸡肉干硬油，冻鸡皮连炸浆十分硬韧，唔好食亦唔难食，算饱肚抵食。干硬炸鸡扒，加上又靭又腍带湿的炸粉，用点牙力消灭吧！只食到外层咸咸椒盐味，基本上无鸡味亦食不到鸡扒有腌过。豉油鸡髀，其实豉油鸡髀都几难煮得唔好食，依只真的出类拔萃难得一遇！鸡皮竟然有股浓烈嗅膻味，百思不得其解，用上什么嗅香料浸制呀？幸好膻味只出现在鸡皮，鸡肉完全无受影响。除鸡皮嗅膻加风干到胶韧，白肉鞋烚烚出晒渣，干争争没有任何味道！求鬼其不停咬咬咬吞吞吞，当无食过！豆豉鲮鱼炒油麦菜，只有一丁点的鲮鱼肉碎及骨碎，搞笑非常！油感十足的油麦菜，名乎其实起油，当然油从鲮鱼来的。已变黄的油麦依旧爽甜，还有蒜蓉豆豉香味，最衰冻到似沙律，免强都入得口。莲藕肉饼，人生第一次的莲藕蒸肉饼，莲藕已变成糊状泥浆跟肉饼完全融合，质地棉腍湿黏，肥猪肉味突出。萝卜炆牛腩，萝卜爽脆多汁微涩还入得口，一粒劲膻牛腩边皮，投降！娃娃菜，冻冻爽甜爆汁无投诉。番茄炒蛋，超老蛋有牛油味道，口感似用蛋碎搓成蛋球一样，无添加醒胃鲜茄多汁酸甜可口。煎秋刀鱼，鱼味劲浓鱼脂丰沛，结实香甜油油的，冰冻不过十分满意。粟米汁猪扒，松化猪肉原汁原味没有松够天然，腌味得宜搭上甜美湿湿粟米汁，啜得高兴，赵得愉快！南乳炆五花腩，鞋鞋的瘦肉炆得重味，猪皮爽弹黏滑，互补不足。
继续阅读
见无乜人写呢间，就写下啦。黄埔区虽然旧啲，办公室黎讲一定无中环、观塘等等咁靓，但食lunch平既餐厅就好多。呢间开心美食系其中一间，我同其他区返工既朋友讲我$26一个餐，有两个𩠌、大量饭，仲有饮品送，佢地都大呼好抵！下图系我最常搭配的组合：蕃茄蛋同麻婆豆腐。麻婆豆腐辣辣地好过瘾，绝对胃口大增。白饭方面我叫咗「少饭」，呢个份量我都差啲饱到食唔晒😂我觉得最好既系佢有得拣饮品、中式汤、甜品。通常有红豆沙既话我都会食，其次系中式汤，都系好好味。一般我过咗peak hour先落去买，1点20几分左右已经唔驶等，即叫即有。初时以为呢种类型的店舖，放晒啲𩠌菜出黎，啲𩠌会凉晒，因为台湾都好多呢type食肆往往放到好冻，食落口都觉得唔愉快，所以一直有得拣都唔食呢啲。但勇敢试过一次（因为够平，呢个价位只能食车仔面，但成日食面都闷），发现啲𩠌仲系热辣辣，就改观咗，咁开心美食成为我的首选。（在大街的内巷入面，唔会长期食到车废气）
继续阅读