建興亞婆豆腐花

营业中

休息中

2月14日, 喺索古灣食完野, 一路沿住遠足徑行去榕樹灣. 行到入榕樹灣大街前, 見到有間小食店, 好多人排隊呀~ 原來已經黎到我地嘅第2站, 建興阿婆豆腐花~::: 凍豆腐花 x 2::: @$7排隊都排咗半個鐘有多, 咁出名真係唔食對唔住自己~ 我地每人叫咗一碗, 見阿婆婆”不”d豆花好純熟, 跟手再喺個水煲度倒糖漿, 話咁快就做好一碗~ 豆花真係超滑, 又夠晒凍, 啱晒行完山嘅人士!! 糖漿本身已經夠甜, 不過亞比向來鍾意落黃糖, 食到底會變得甜過龍~ 所以建議食凍嘅唔駛再加黃糖, 食之前將豆花糖漿撈混, 如果唔係會面淡底甜~ $7一碗真係超水準~ 出面d糖水舖賣成$20一碗仲要難食~ 真係唔知點解, 要喺d郊區食豆花先至有風味~ 黎到南丫島一定要食!

見openrice咁多人推介 於是同男月友一齊去食因為我地星期三去所以無乜人唔洗等叫左兩碗凍豆腐花天氣熱辣辣食碗凍豆腐花真係舒服到呢呢度的豆腐花真係凍食都咁滑好好味佢的糖漿比較杰而且有薑味好特別記得一定要去試呀 ^^

離開Shelly再向前行、轉一個左灣再行多大約百多米就去到南丫島最出名嘅「建興阿婆豆腐花」。不知是否事有湊巧，出名嘅豆腐花都係叫阿婆，是否整豆腐花呢種技藝只有上了年紀嘅女性先可以掌握。話說回來，此店嘅豆腐花又真係值得有捧場客。未到門口，於空氣中已經聞到一股淡淡的黃豆清香。豆腐花幾大窩，但排隊嘅人更多，好快一窩已經賣晒。只見阿婆手起「鏟」落，好快注滿一大碗豆腐花，幾乎滿瀉。豆腐花很滑，不過溫度則唔係好熱，而且入口之後黃豆味不知為何打了折扣。不竟要豆腐花又滑又香，唔係咁容易掌握。豆腐花七蚊一碗，到南丫島可以捧一下場。

好味！

星期日同一班朋友去左行山,我地係由索古灣入榕樹灣走,所以黎到呢度都成5點喇,當日天氣涼涼地,不過都好多蚊,我同老公都係食熱豆腐花,但係唔熱既,只係得DD暖,豆腐真係好滑,不過食落無乜豆腐味,失色左D,不過行到咁攰,當加油站都OK既!

三月一日 (星期日)今日因有要務在身,遠赴南丫島,當然要逐一試試出名的食店!剛吃過南島書蟲,向前行不多遠,就到達榕樹灣後街的建興亞婆豆腐花可能因沒有肉落肚,不太覺飽,毫不猶豫就坐下,準備一試是一個類似露天茶座型式的店,若像今天一樣清涼,是一個很理想的乘涼處再配上甜而滑的豆腐花,一樂也!排隊的人好像沒完沒了,剛有人買完離開,又有新的人加入"婆婆"手法純熟,很快便乘了兩碗給我們,再加上很"杰"的糖漿,回到坐位再加上黃糖豆腐花的確很滑,不過稍為少了黃豆香而糖漿真的很甜,建議不須加太多黃糖,因吃到最後可能會像我們一樣,因太甜而放棄獨市生意,都只是七元一碗,很底吃,遇着好天氣,更加是一大樂事和大埔的阿婆豆腐花相比,這裡的更滑溜,但豆味會較淺,總之各有各的特色為什麼這麼多阿婆會賣豆花呢?

到南丫島都算幾出名的建興食豆腐花，可能是時間尚早的關係，不太多人，沒有長長的人龍，由碼頭到洪聖爺灣海灘的小徑中途就會見到建興豆腐花，大約行20分鐘度黎啦，一碗凍豆腐花，一枝涷豆漿，不太甜，有少許的豆味，老實說其實都很一般，但是如果加上附近鳥語花香的自然環境，這些比較健康的食物又好像很配合，而且兩種東西合共都是十多元，我覺得都是很不錯了，當然如果你只是對抗拒大自然的都市人，面對蛇蟲鼠蟻沒有冷氣的自然環境又會有另一翻感覺，不過秋涼天氣行行山食食亞婆豆腐花真的很舒暢心擴神怡。http://icuteee.mysinablog.com/index.php?op=ViewArticle&articleId=1601639

黎到南丫島..當然要食婆婆豆腐花啦行山行到咁上下"支力"就會見到是日唔駛排隊 哈叫左個涷既豆腐花解暑,係有d失望既, 個豆腐花豆味欠奉,唔夠滑,食到一半會有微微既薑味, 跟住又冇左既!? 我覺得唔係想像中咁好食囉。

知道好出名!!!難得上到山!!梗係要食啦!!!!咁岩去到唔太多人.唔洗排隊等.gd!叫左2碗都係凍豆腐花!1食..嘩!!好滑呀!!!仲有棉棉的感覺!!!唔似平時係街市買到個d散.....好似食緊雪糕咁!!!真係正!d甜水又岩岩好...!唔會太甜.really nice.最衰就係係咁遠.......搞到好難得先食到...如果唔係我日日食都得!哈.

興之所致，到南丫島一遊，遊到身水身汗之後，終於見到亞婆豆花～好爆場，好多人．．．不過為左一試咁出名既豆花，等啦！！排到先知冇晒凍，得熱．．．算吧，照買。南丫島＄７比起萬佛寺o個檔＄７薑汁豆花，呢度算好大碗喇～一食落去．．．嘩．．．燶味已經cover晒所有感覺。即使豆花再滑，糖水再甜，因為呢一點已經大打折扣。唔通我真係咁黑仔？假設除去佢0既燶味，佢都唔係特別滑，地茂既豆花滑過佢好多，佢只不過係好普通既豆腐花，可能係因為成大個南丫島都冇咩豆腐花檔，而亦都可能係大部份既人客都係行到身水身汗勁攰又餓又口渴先黎食，覺得佢特別好食掛．．．於我而言，有感名大於實。

今日同baby 到lama island 玩, 平時一得閒就入黎行行,e度空氣都清新d, 今次, 冇啦啦行行下又想食下豆腐花,所以就行左15分鐘度黎到食呀灣豆腐花啦,今次見到唔係好多人,可能已經係5點幾,我地2人一人一碗凍豆腐花,好味呀, 雖然凍就唔係話太凍,不過e家既天氣差唔多啦,同之前一樣係咁好味,唔會食到好重石膏粉味,正呀!~連我e d 平時唔係好食豆腐花既人,次次黎親都要食下次我地一定再黎食過!~不過今次見唔到個呀婆呀..~~~

見到好多人排隊所以試下買左碗凍豆腐花$7價錢okay,唔貴不過味道我就覺得認真麻麻無d人講到咁好食滑係幾滑,但同時無乜好香豆腐味喎未落好多黃糖都okay甜因為糖漿太甜,我諗熱既可能會好食d

2008年12月28日同屋企人一齊去南丫島行山食海鮮, 早兩年已搞過同樣活動, 由榕樹灣出發到索古灣食海鮮, 2年無黎, 梗係一心諗住食返d 地道美食, 當然, 豆腐花必食, 但...出符意料之, 好味豆腐花已不再, 豆腐花太水狀, 最重要既係... 供應既黃糖竟然加左大量既白沙糖係入面, 唔怪得之少左咁多人幫襯, 單一既食物都唔可以保持水準, 仲要收$7碗, too bad.........

我每次去南丫島都會去吃的店舖哪裡最美味當然是熱乎乎的豆腐花 (凍的沒熱的那麼好味)豆腐造得香，而且薑糖也製得很美味而且，那裡的咖喱魚蛋和很好吃我的建議是，如果你不常吃到新鮮製作的豆腐花，那下次去開南丫島就要試試當然，如果你已經經常吃到新鮮的 (我是指那些舊式豆製品店自家製的豆腐花)那...可能會另你覺得 "平平無奇"

來到已4點幾5點.一切照舊, 7蚊碗吖.但已冇凍的了, 只有熱的.加d 糖, 一食, 咦, 好似咁希既?睇清楚點 , d豆腐花都未"瓊", 當然啦.太好生意, 未得都要攞出黎賣, 咁當然冇凍架喇大家記住, 冇凍就有可能出現我的情況. 過了鐘就唔好食啦~另叫了魚蛋, 魷, 豬皮, 雞中翼;30蚊兜, 唔係好大架, 看相; 諗諗吓都幾貴, 味ok.