建榮特色桑拿菜火鍋店

营业中

休息中

平日去順豐經常經過呢間大排檔，趁今日星期五就和同事一齊過嚟食返餐好嘅。見好多都係一家大細或者係一班朋友一齊黎，好熱鬧同埋好有地方特色。呢間餐廳比我想像中乾淨，碗碟一d都唔油膩。見到唔少人食蒸氣火鍋不過我哋就揀食小菜。椒鹽九肚魚炸得非常脆口，而且入口即化，軟綿綿好水潤，加埋炸得好香口既蒜頭粒，簡直係絕配。今日特登叫咗一個蒜蓉豆豉蒸白鱔。鱔肉加埋蒜蓉豆豉汁和蔥，非常惹味，配白飯就最夾。西蘭花炒蝦球超級大碟。蝦球非常大粒同埋彈牙，唔係一般雪藏貨。西蘭花同埋青紅黃椒都好爽甜，炒好之後都仍然非常翠綠可口。整體來講CP值超高，下次放工之後都可以再食。

山景邨裡頭其無咩好食，想多d選擇及食好d，通常會行去建榮街熟食中心。嚮入口第一間食肆，晚頭黑經常坐無虛席。作為消費者，最實際當然是用腳投票。我相信，能有長期捧場客支持，原因不外乎好食、有特色、抵食、就腳、口碑、選擇多...，我想這裡也會是一樣。先來個生炒骨，件件大小相若，肥廋均勻，有肉有嚼頭，而且酸酸甜甜很開胃。油滾鑊氣夠造就呢碟椒鹽鮮魷外乾內腍，令口感更加有層次，不論灑少淮鹽抑或是dim喼汁，也同樣惹味時值天氣轉涼，生炒糯米飯就最 "應節"，食碗暖暖，即刻滿足晒

今日去屯門工業區拎之前訂既電器，見肚餓，開車經過一排大排檔，我地就揀間最旺既試下啦始終好少黎工業區晚餐。坐底，店員好好招呼，個場都好大，坐得舒服。知道我怕肥，主動提議我少，夾返我地口味。男朋友鍾意食排骨，見到呢個名咁特別，冰淋醬烤骨，就一試啦！果然好香口，脆口！又一d唔油膩。食唔停口跟著又黎香口酥炸台山蠔！呢個係店員叔叔推薦，炸得皮脆，蠔多汁！跟著叫左當造菜，芥蘭鮮魷。真系好大碟又足料，雖然少油左，但依然有風味。好爽脆清甜芥蘭。最後我地唔想食飯，叫左個少油版XO醬炒牛河。邪惡😈呢個真係男朋友自己食曬咁滯，佢話炒得夠鑊氣，牛肉又滑，河粉炒得又干爽，正。今餐真係好滿足，第一次遇上好味好服務既大排檔，下次一定再黎

昨日幫老細送貨去屯門貨倉，經過建榮街熟食市場時，俾一間名字幾特別，叫做建榮特色桑拿菜的大排檔吸引左，於是乎放工後跟倉同事一齊去食飯兼啤啤佢。同事叫了燒豬手，都好大隻吓! 外皮燒得十分香脆，但底層肉質仍是很嫩，不會太乾。再者，上枱前，經已拆骨及原隻切細，以方便進食。除了食西餐會order外，排檔+啤酒一樣合適牛坑腩通常見於麵檔，因要蚊得腍，用慢火長煮是最好的。沒想過這裡的牛坑腩用來酥炸，仍能保持濃濃的牛肉味和腍腍的口感話晒都係大排檔，整番碟鼓椒炒蜆基本上是指定動作，新鮮、無沙、入味又夠鑊氣...簡值正到脾

紅棗雲耳蒸雞雲耳蒸雞係屋企都成日食到，不過都係忍唔住嗌咗黎食！一黎就聞到好香喇～加埋紅棗令到個汁都甜甜地，一定要用黎撈飯先得。而d雞就蒸到啱啱好，又腍又入味，雞皮都吸晒啲汁，凈係呢味送都送咗我大碗飯啦！有肉有菜，菜都嗌左兩款，一清一淡我就鍾意食清d嘅鮮腐竹浸時蔬，小白菜浸晒啲湯好正！啫啫時蔬食多幾啖就會覺得太鹹籠仔海鮮炒飯一路都好懶剝蝦殼，但呢個開邊蝦我ok!! 上面d蒜蓉又係好好送飯，蝦都夠晒新鮮爽脆，唔錯唔錯。鹽焗豬肚粉腸可能漏左單，差唔多食晒先黎，不過好彩當佢小食咁食都得，反轉個錫紙打開就見到d煙攻出黎，名符其實嘅新鮮出爐，入面有豬肚、粉腸、豬雜之類，食落爽口而且都洗得乾淨，粉腸唔會有太多雜不甩嘅烏糟野。如果係未開飯前食呢個就更加好啦～黃金系列小菜都係必食，黃金醬炸完出黎鹹香脆！仲有即燒嘅燒豬，凍返d又可以過黎食埋羊腩煲啦～

這晚約了大學時期的好友一聚，來一餐簡單貼地大排擋晚宴。基於大家都是同區人，方便起見之下，一致決定選址區內的大排擋，輾轉之下尋得這家「建榮桑拿菜火鍋專門店」。店舖雖位處工業區，但也算是鄰近西鐵站，門口亦放有大型燈牌招牌，離遠都能看到。餐廳分有吸煙區和非吸煙區。筆者與友人都並非煙民，所以入坐室內的位置。椒鹽鮮魷幾乎是筆者在大排擋的必點之物，愛其香噴噴又夠惹味。椒鹽鮮魷入口非常香脆，從其脆卜卜的程度可以推算到魷魚是即點即炸，新鮮熱辣。椒鹽口味也可以當作佐酒小吃。而上菜時還附有醋汁，蘸了後酸酸的很開胃。送飯用一流的煲仔菜：煲內有蓮藕、茄子、西蘭花、冬菇等素菜，健康人士之選。因爲下了南乳，味道非常濃郁；而用了燜的方法令每一款食材都很入味。蓮藕咬口很爽，加上美味的南乳醬，筆者禁不住的往嘴裡送。從名字看已感到吸引的一道菜。炒飯底部墊了一塊荷葉，難怪每一口飯能有淡淡的荷葉清香，還可以減少飽膩感。海蝦面舖上蒜蓉，蒸好後飄來陣陣蒜香味。把海蝦和炒飯拌勻，蒜蓉和飯粒完美結合，每一口飯既有荷香也有蒜香。但略嫌炒飯未夠硬身，而且油份有點過多。最後點了一個香茜皮蛋湯來下一下火，反而剛才吃了邪惡的椒鹽炸物。碗內盛著

happy friday 最好就是食吓風味小菜，飲番支大啤，找個坐得耐的地方啤啤佢！喱到幾方便泊位又有大排擋式風味，坐位唔算逼亦唔污糟。菜式都夠多選擇，份量夠大。扺讚上湯鮮蝦伊面，個汁做得啱啱好，用上湯的清清地味道帶出蝦的鮮甜原味，伊面是新鮮煮的唔會軟林林咬落重吃到伊面的質感，配上獻汁一口吃夠晒過癮！蝦夠甜亦爽口，Size有返咁上下大隻先食得滿足伊面分量夠晒多，兩個人可以食幾碗鮮蝦肉質彈牙爽甜另外叫了一個辣子炸田雞夠哂野味，微微辣的田雞肉帶著辣椒和蒜香，炸得夠火候，是送啤的因物田雞肉質夠彈口，但唔會炸到乾晒，仲食到田雞肉的纖維酸菜魚要讚，不但大碟而且魚的份量夠晒食，酸菜味與上湯調得剛好，不會太酸太辣蓋過魚的味道魚都算夠滑多肉

今晚食呢一間再三幫襯過嘅大排檔幫襯，大件夾抵食得黎仲非常之有親切感～點解咁講？因為佢坐落喺冬菇亭入邊，夠地道有鑊氣不特止，仲有別有一番風味！黃金鮮魷 $98黃金系列即係鹹蛋炒乜乜啲friend，今次就試試個鮮魷，啱啱炒起食落特別香口！鹹蛋醬汁完整咁包圍住鮮魷，鹹香酥脆，送飯送酒都一絕～紅棗雲耳蒸雞 $88一碟係例牌份量，雞件大件又滑漏，仲有好多雲耳同松草花，蒸出黎香噴噴，啲汁用黎撈飯都冇得輸，好好送飯！啫啫時蔬 $68即係肉鬆芥蘭，肉碎汁好惹味，芥辣亦夠晒甜，不過食耐咗會有啲㝰，覺得太油膩～籠仔海鮮炒飯 $108老闆介紹我地食嘅籠仔炒飯，鐵籠個底墊咗荷葉，放入加蛋炒過嘅飯，蒸完出黎個飯好香！夾埋上面啲蒜蓉開邊蝦，真係未食都流晒口水咁～開邊蝦食起上黎又方便，加埋啲蒜蓉撈飯超正，凈係食呢個我都夠啦！

—豉汁蒸白鱔($128/例牌)雖然屬於魚尾部份 但都多魚肉如果配埋煲仔飯 真係一流紅燒乳鴿($48)炸到外皮香脆 再夾住少少脂肪 鴿肉軟腍 用手食得好滋味西蘭花炒蝦球($98)除咗西蘭花 仲有三色椒蝦球望落仲多過d蔬菜冰鮮味不大 都爽彈瑤柱蛋白炒飯($78)聞落已經有瑤柱嘅香味滿佈江瑤柱/乾瑤柱?!碎 翠玉瓜 蛋白各式汽水($10)————————————————————建榮特色桑拿菜火鍋店屯門建榮街32號建榮熟食市場地下C6號舖

估唔到呢個位置會有間大排檔，平時經過都唔會留意到。今次因為要去嗰頭拎啲貨，所以就諗住順便去呢度食埋佢嘅大排檔嘅餸菜睇吓好唔好食。點知都不出乎我所料，好多人喺嗰度食，證明真係好好食。

因為工作關係今日去左屯門工廠區個邊，做完野岩岩好食飯時間，見到有間地道大排擋好多人，應該唔錯籠仔梅菜蒸菜芯。梅菜甜，菜芯吸左梅菜同荷葉味，清清淡淡食落口感覺舒服金菇瑤柱羹。個羮好足料，入面有韮王，肉絲，金菇同瑤柱都比好多去大排擋一定要叫既就係煲仔類，因為通常都用瓦煲，好有風味涼瓜火腩白膳煲。上枱既時候仲係滾，涼瓜唔苦甘甜，火腩同白膳都好入味最後點少得黄金蝦，隻隻蝦都有咸蛋黃，炸到好脆就黎連殼食都得，正！

今日星期五晚約左個老友黎食下係屯門工業區既熟食市場，我同老友都鍾意食小菜， 建榮特色桑拿菜火鍋店就岩哂我地啦，而且地點道腳，由屯門西鐵站行過黎都唔洗十分鐘，非常方便。行到門口已經見到店內座無虛席，夠哂熱鬧。企係門口既我急不及待入去一嘗究竟。店內有冷氣招待，怕熱既朋友可以嘆住冷氣食野都冇問題。我同老友見今日天氣都幾清涼，簡左坐係冇冷氣既位。第一次黎到呢到梗係叫店員介紹下d菜式啦，店員就推介我食呢個羊腩煲，見今日天氣清涼就梗係試試佢。一打開蓋，一陣陣羊香，正阿。我都急不及待試下羊肉，羊肉煮得夠軟身，唔會太硬，易入口，而且冇咩羶味。煲入面有冬菇，冬筍等等，每樣野都非常入味。食完一煲之後都開始飽啦，但黎得梗係食多個菜式先走啦。我再點左一個豬手，豬手份量夠，外面脆有口感，肉質不差。飲住啤酒，嘆住豬手都咪話唔正。享受一餐豐富晚餐都係時間走啦，有機會會再黎建榮食埋其他未食過既菜式，臨走當然影番張相留個記念啦。

今日又入咗屯門探舊同學，順便搵下食，今次朋友竟然帶咗我黎工廠區，試咗依一間小菜味道相當之不錯嘅大排檔食飯！估唔到晚上理應寂靜無人嘅工廠區，入面嘅依一間大排檔竟然燈火昌盛，座無虛席！雖然係一間工廠大排檔，但佢嘅環境佈局唔算差，大排檔內只有食物香氣而並沒有油煙味，而且房間有冷氣開放，空間寬闊燈火通明，環境可算乾淨衛生。而侍應們招呼欣勤，不時會主動幫我地沖茶換碟。粟米鱼肚羹：呢个粟米鱼肚羹，真係非常足料，食落口每啖都有鱼肚，而且粟米味濃郁，令人不知不覺食完一碗又一碗，真係會令人食過返尋味！紅燒乳鴿：乳鴿即叫即炸，價錢公道。上菜嘅時候新鮮滾熱辣，但又唔會好油膩，真係皮脆肉嫩，食落齒頰留香！古法秘製羊腩煲：依個羊腩煲真係不得了，煲入面嘅羊肉，每一件都係真真正正嘅腩位，而且火候夠，食落好又香又鬆化！個煲嘅配料亦好足，入面嘅冬菇同支竹吸收晒羊腩煲嘅精華，味道不比羊腩遜色！今次又食到一間好嘢，又可以記得佢了了

我好少食大排檔，但今次岀屯門搵班朋友，比佢地帶左來呢間性價比高嘅大排檔。呢度有室外亦都有室內，室內有冷氣房，座位唔迫。可惜嘅係，個日有位大媽係後面博哂命咁嗌，聽到我就耳聾😭脆皮原隻隻豬手燒到又熱又紅，脆皮做得非常脆，唔會好硬，肥肉唔多，而且食落唔膩。實肉較嫩，燒味入哂d肉度，咬幾耐都唔散。佢另外配左黑椒胡椒汁，胡椒味突出得來又帶有少少黑椒嘅刺激，超乎想像咁夾。冰淋醬烤骨，冰淋醬唔似咕嚕肉的菠蘿酸汁，但味道相似，只係酸甜度較低，烤骨香口脆甜，開胃。之後就係百花蜜牛肉粒， 啲配菜薯仔超好味， 薯仔外脆內淋， 加埋百花蜜的調味，薯仔真係會食上癮。而作為重點嘅牛肉粒，蜜糖味反而冇咁出，因為有好香的黑椒和牛肉味遮蓋左。最後再叫左份招牌咕嚕肉，是平常配搭的青椒菠蘿咕嚕肉， 青椒很甜新鮮， 醬的調味重心偏向酸， 咕嚕肉的外皮能夠脆， 肉軟淋易咬。 份量十分大份，兩個人能夠一個餸加兩碗白飯都食很飽。

大排檔一直俾人嘅印象都唔係咁舒服，但係難得今日朋友帶咗嚟屯門嘅工廠區大排檔，真係充滿驚喜，環境舒適之餘，又唔會坐到好迫，冷氣又足夠，最重要嘅係侍應好熱情，服務又足夠，果然係大排檔嘅價錢，五星級嘅享受西蘭花沙律明蝦球，果然係我最愛之選，蝦肉爽口彈牙，配上酸酸甜甜嘅沙律醬，送飯果然一流，我真係食到停唔到口，難得上面仲沈有少少嘅芝麻，可以帶出嗰種香氣，西蘭花爽口，唔會煮到好林，碧綠色果然養眼。你一個白鱔蒸飯，一定係必食嘅推介，白線爽口又彈牙，完全食得出佢新鮮湯起，鮮味十足，至於個飯真係好味到一食仲想再食，本身佢已經係炒飯底，而且再p鋪上荷葉，再去蒸，炒飯已經充滿鑊氣，裏面中間有荷葉嘅香氣，真係好食到停唔到口。粟米魚肚湯，分量十足，與好多好多， QQ地彈彈地，最重要嘅係呢個湯肯定唔會有好多味精，因為我飲完之後一啲都唔會覺得口渴，每人可以飲到兩大碗，真係食到好飽啊