廚十三老壇酸菜魚 (太子集團中心) (已結業)

突然好掛住深圳老二酸菜魚，由於疫情關係，好耐都冇去過深圳食酸菜魚，唯有留喺香港搵間地道d嘅，經上網搜尋一番之後，見到廚十三d好評好似唔錯，所以今晚放工同朋友仔一齊去試食！雖然今日係星期一，但全場入座率都有9 成，睇黎應該味道不錯😍廚十三嘅酸菜係自家製的🤤🤤🤤酸菜魚係有分size 的，可因應人頭去叫👍🏻👍🏻👍🏻有好多配菜可以另加，每款大部分都係$28 除左主打酸菜魚之外，仲有好多涼菜選擇🤗🤗🤗仲有小吃同甜品添😋😋😋老虎椒愛鬆花蛋$68，皮蛋味道金香，配上老虎椒同特製辣油增加口感碧綠脆筍$78，咬落去好脆口，食落陣陣香麻味，呢度嘅冷盤做得相當出色小份酸菜魚（小辣）$338，份量甚為驚人，味道不會過酸，酸度辣度剛剛好，魚肉質感鮮嫰，另加入菊花，味道清新👍🏻👍🏻👍🏻配菜就加咗金菇、腐竹、寬粉最後仲食埋甜品，紅糖冰粉，冰粉口感似涼粉，加上紅糖、味道清新！後記：廚十三嘅酸菜魚味道不錯，以後唔一定返深圳食喇🤤🤤🤤🤤🤤

前排疫情尚未緩息時，都要食飯嫁！但都搵點坐位寬躺冇咩人的餐廳先敢食。本來想外賣，但見無咩人就膽粗粗堂食啦！揀個離地球最遠既角落位，坐底職員都派個袋俾我放口罩。午餐一餸麵加熱飲已經$68...咁招牌是酸菜魚，當然試下啦！點了酸菜魚米線，熱咖啡！配料有點酸菜和蘑菇一黎飲啖湯先，嘩....好酸呀....魚肉係滑溜，無骨有點調味，ok但湯底已經夠酸，再加埋酸菜....um...我只食到酸味....食唔到咁多...飲杯野解解先，杯咖啡似係即溶沖粉個種...唔飲啦...

🔻招牌老壇酸菜魚 ($388)價錢雖然比返大陸食貴 但真係超大盤又足料 酸酸辣辣 魚肉好辣無骨 望到都流口水 胃口大開 每人再叫咗一碗飯嚟食🤤.🔻刀拍前男友個名好搞笑 其實係青瓜 店員好nice 送咗呢個前菜俾我地食.雖然比起返大陸食略貴 但食物高質 返大陸來回時間又長 不妨嚟呢間廚十三老壇酸菜魚過下口癮！😋😋👍🏻

昨日跟朋友一共三人慶祝生日，她說想吃酸菜魚。之前曾經試過銅鑼灣分店，覺得幾好食，便一試尖沙咀分店。在openrice訂了枱，門口帶入座的男侍應態度挺好。在點菜時，一名女侍應幫我們，我們其實不太會吃魚，所以打算叫小份（1條魚）（2人份），然後那名女侍應不斷叫我們叫大份（兩條魚）（3-4人份），說其他人不愛吃魚也會叫大份。我們沒有理會她，堅持叫小份，因為另外的朋友真的不愛吃魚，她的態度有點差，說一會加多一條不可加多一百多元便多一條，連落單後又要再問多次。其實我們這樣叫就有我們的理由，不斷問然後態度又差都不知什麼是服務態度。然後魚來到後，發現上面沒有落平時會有的菊花作裝飾，可能侍應不喜歡我們或者忘了吧，我們沒有問。還有一點，那個女侍應沒有問我們辣度，吃的時候不太感到辣。而酸菜好像又不太酸。魚大部份都沒有骨，夠滑，但小心有些小刺未去除。我們另外加了薯仔，米線，寬粉，金菇。味道整體還算不錯。其實最離譜的是那名女侍應在洗手間吃煙，等了很久才出來，然後又大煙味。值得讚賞的是我們買蛋糕沒有刀，男侍應他們給了我們一把膠刀。

以前間唔中會食下酸辣魚刺激下味蕾，難得疫情有好轉就約埋班大學朋友出嚟挑戰下！呢間廚十三喺好多地方都有分店，今次我地就嚟到尖沙咀既分店。老壇酸菜魚 土豪份（$598）另加酸菜（$28）、寬粉（$28）、腐竹（$28）好大碗湯，酸得嚟都幾辣，好彩叫咗飲品溝下辣。魚既份量比想像中多，肉質滑而實，唔會太容易夾散，高質👍🏻 寬粉好煙韌，好好咬口，都幾上癮！正經的雞被撕（$108）即係手撕雞😂入面有雞絲同青瓜，唔算好辣。避風塘魚腩（$108）埋在炸蒜蓉粒堆既炸魚塊，上菜時仲熱辣辣脆卜卜，入面有魚肉魚骨，好可口，有啲熱氣。紅糖冰粉（$28/位）外脆內軟既甜品，上菜時配上紅糖醬，一樣食材兩種食法。唔蘸醬既話就好似食緊脆既無味年糕，蘸醬既話又係另一番風味，要趁住熱辣辣即刻食！

今次好難得地揾到幾個都好鍾意食魚又可以食得辣嘅朋友約埋一齊食酸菜魚🐟😋 本身已經超期待因為係香港好少有食魚嘅餐廳🥺到步之後見到每枱都有個好正宗好大碗酸菜魚就知無介紹錯😇今次好好彩餐廳安排嘅位置可以望到出面嘅風景同埋可以同朋友自成一角🤪坐低之後見到Menu其實主要都淨係需要揀碗魚嘅size同入面嘅其他配料🙈我哋驚淨係食魚唔飽，所以最後揀多咗腐竹，寬粉同金針菇 (全部配料都係每款加多$28)😚本身碗酸菜魚係fix咗個辣度(真係會幾辣)，雖然我哋成班女仔都食得辣但係要量力而為所以都係叫餐廳小辣😳一上枱首先就係我哋嘅主角....酸菜魚🥳真係好大碗好多魚同料，基本上2/3嘅枱都係俾佢霸佔咗😂隨便撈一撈都揾到好多辣椒，酸菜同黑胡椒🌶️所以唔洗問係勁入味同好有辣度🔥有啲人好驚食魚因為有骨，但係呢一碗酸菜魚係完全無骨勁易食!!!🤩除此之外，我哋加嘅配料佢哋都俾得好足，夠晒我哋四個女仔食飽飽🤰🏻🤰🏻🤰🏻🤰🏻特別推介大家可以加寬粉因為佢會吸晒啲湯超正🤪除咗碗大大嘅酸菜魚，我哋仲叫咗碧綠脆筍($78)，手撕雞($108)同避風塘魚腩($108)🤪啲筍好脆好新鮮，可以好好咁解辣🙈手撕雞就真係撕到一條條好好味，少

我對上一次食酸菜魚係幾時呢? 我諗應該都有兩年無食啦，呢次我同左同事V去左呢間樓上店食酸菜魚，個環境幾好，因應疫情關係，每張枱周邊都會有板去隔一隔，令到客人都食得安心。黎到緊係要叫返個老壇酸菜魚，但叫左唔好辣，因為就返同事唔係好食得辣。酸菜魚到了，碟野真係好多塊魚，酸菜又夠，而我第一時間當然就試下啖湯好唔好飲，飲落都幾惹味，魚肉夠嫩滑，配埋酸菜魚湯真係整多幾碗飲都仲得。另外我地仲叫左啲小菜黎食，其中有碟手撕雞個名好特別，叫正經的雞被撕，個名都幾搞笑，咁唔知係咪都要正經咁食呢，哈哈。叫左咁多野食，當然叫返碟涼拌青瓜黎食下，而呢碟青瓜都有另一個名就係叫刀拍前男友，剩係個名都已經有種莫名的痛了，不過個青瓜真係好入味，中和返頭先食咁多野。最後當然要叫埋甜品啦，咁就叫左紅糖冰粉作為結尾，好透心涼，甜度剛剛好，幾好食。呢間酸菜魚真係幾好吃，同埋可以按人數去決定要食邊隻份量，約埋三五知己確係唔錯。

一直都仰慕酸菜魚之名，但又唔受得魚腥味, V仔有啲煩，又要食又怕腥，不過，廚十三可以滿足到。清湯加上酸菜，特別在於佢有啲蒜香。如果唔食得辣嘅嘢，需要向店長特別提出，就唔會太辣，清湯加上魚肉浸透，令個湯有鮮味。另外，酸菜係廚十三嘅賣點，可算特別,跟魚一起食係另一種感覺。酸菜有另於酸酸甜甜嘅味，用上南薑加酸菜，大家不妨可以嘗試。至於魚肉，一定值得一贊。魚肉係用盧魚，鮮嫩可口，係啖啖肉。唔會有腥味。兩人食一盤已經好夠，因為配上廚十三特有薯粉，吸收晒魚，湯，酸菜味道。另外我們特別加了手撕雞及青瓜。店長送了水晶粉甜品🍮⋯⋯係個完美結局。

我個frd超級鐘意食酸菜魚，所以今次就陪佢食啦😌 點知都出乎預料幾好味第一次食酸菜魚，原來有咁多配料可以加😝仲有啲小菜可以嗌，都幾吸引我地兩個人食叫左小份（2人份），係超級大碗！！！ 夠三個人食都得呀，我地都加左唔少配料hehe😋 有寬粉，午餐肉，金菇，一開始覺得唔夠辣，但原來會愈食愈辣架！啲魚都幾滑，啲酸菜索哂啲湯都好好味😆必食既係寬粉！好有咬口同好滑，仲好食過啲魚同酸菜呀😋食咁辣唔叫野飲真係頂唔順，我叫左杯巨峰提子核打，好清爽！😆朋友就叫左杯荔枝梳打小食方面都好正，叫左個手撕雞，菜名叫正經的雞被撕，講出黎都有d尷尬😂，味道幾好，係略有少少鹹姐仲叫左個老虎椒愛鬆花蛋，即係皮蛋啦，好香好好味😋同埋啲位都隔得幾開，感覺都夠安全

今晚同女朋友黎到尖沙咀試呢間廚十三既酸菜魚。我地叫左一個二人份既酸菜魚再加左3個配菜:土豆，荀同埋寛粉，手撕雞同埋柚子梳打。係餐牌上面大大隻字寫住: 酸菜更好吃哦! 原來係真既，一大盆酸菜魚上枱既時候已經聞到好香，成盆酸菜魚無論酸菜定係魚片，甚至係芽菜都好好味。而手撕雞就不過不失，略嫌味道份量少左啲。最後叫左杯柚子梳打，不過不失。

真心講句呢間我諗係暫時喺香港食過最好食嘅酸菜魚個味道亦都超級貼近深圳之前食過嗰間酸菜好食過魚嘅酸菜魚首先一嚟到個地理位置已經冇得輸有一個高空既夜景侍應嘅服務都好好 會主動換碟添茶會探熱同埋有口罩袋派比食客主食我哋叫咗一個二人份量，小辣嘅酸菜魚配粉加左寬粉同埋土豆片一嚟到嘩咗一聲因為真係好大碟熱辣辣既油淋喺面 有好多好香既花椒叫左個白飯兩個人Share食酸菜魚點可以唔配白飯 將啲汁淋落飯度食一流值得一讚 呢度既辣味嘅層次好豐富 唔似普遍食到既死辣死咸 可能因為佢用左特別既辣椒酸度亦都好適中 又有好多香料 超讚！魚片🐟無骨 好滑好爽口 吸哂酸辣汁既精華 寬粉好有咬口 好大條好長 都好飽肚土豆片切得好薄 咬落爽口 都好夾 小食叫左老虎椒愛松花蛋 即係皮蛋香蒜同埋辣汁好正上上簽上上簽既辣汁又同酸菜魚既好唔同 幾特別入面咩串都有 有椰菜花 🥦雞腳 蓮藕 青瓜 鵪鶉蛋都有 幾新奇 作為前菜share都唔錯甜品叫左紅糖冰粉 好得意 第一次食係有蒟蒻喺底 上面再有啲黃糖同埋椰果好好食既甜品！ 值得一試 好鍾意食蒟蒻🥰佢呢度有特登用紙皮再將食客一台台隔開都好甜心食到勁飽！聽講

店內一位男侍應服務水準好差，一入門口我已講明朋友已到，姓x, 佢完全無講野，只係手指指示意張枱係邊😒坐低諗緊加咩料落兜酸菜魚，問佢本身盆酸菜魚有咩料，佢只係話得酸菜同魚...😒😒😒酸菜魚份量比我想像少，我地加左米線同腐竹，都好少，好唔抵食之後叫左杯酸梅湯飲，臨走經過門口個雪櫃見到入面好多支裝酸梅湯喝品，原來佢地只係將支裝酸梅湯倒落個杯俾客...

假期前夕 食番餐先歸家是常識吧🤣同友人今日去到尖沙嘴食酸菜魚呢間餐廳係我第二次嚟上次同同事食午餐覺得不錯兩人就叫咗老壇酸菜魚 小份配菜方面加咗-土豆片🥔-青萵片& -寬粉上枱好大盆 芬香撲鼻唔好俾佢既大碟嚇親 份量啱啱好🤭賣相令人開胃 🤩酸菜魚可以揀辣度 叫左加辣 🔥🌶加辣其實係偏向麻多啲 最鍾意哩隻味🥰魚片🐟起碼有20片 今次食有小小細魚骨 所以都要小心d 魚片算滑 不錯呢度嘅酸菜不太酸啱晒友人同我既口味👍🏻土豆片 & 萵筍片薄薄一片增加左成個菜式嘅口感寬粉非常煙un..唔可以少咗佢🤪小食就叫左🥢正經的雞皮撕🐓其實就係手撕雞伴青瓜飲品就叫左🥢柚子梳打 酸酸甜甜中和返辣到侍應好服務見我哋飲晒啲茶不停幫我地添茶👍🏻

酸菜魚, 其實慶左好耐, 但之前一直冇機會去食, 今次經朋友介紹，一約再約, 終於黎食到。今次黎到尖沙咀既廚十三。 這間唔知點介定佢新定舊店, 雖然佢上年剛開, 但上個月停業過現在再開, 所以係味應該當新店呢😕我同朋友比較早黎, 因為怕人多。 早黎果然比較舒服, 地方望落乾淨, 開陽, 仲有海景首先要讚下餐牌, 雖然唔係好大本, 但餸名好有趣，什麼刀拍前男友(其實係青瓜), 不開心的黑木耳, 酥炸無臉男😂真係好有趣。最後我地點左:碧綠脆荀真係好脆。冇諗過佢切得咁靚，刀功好利害, 賣相都好靚。香脆開胃。老壇酸菜魚雙人餐真係好大盤。 好在佢有得簡辣, 我地點左微辣, 感覺剛剛好, 一點點麻辣，配啤酒超正。佢入面配菜好好味，咁大盤都唔會煮到爛晒，特別佢既魚肉仲係一片片, 好嫩滑, 仲要冇骨, 好美味。雨露均沾本身唔知咩黎，係店員推介原來係類似炸年糕既野。 就咁睇以為好甜好漏, 但配住酸菜魚個感覺又出奇地夾。 食完有圓滿既感謝。好耐冇食得咁開心。 我地食到差唔多8點, 開始人多就走啦。希望, 下次再同多d朋友黎食過。

前排想食酸菜魚，即刻諗起呢間廚十三，係香港餐廳黎講呢間酸菜魚算係正宗同埋好食我地揀左窗口位，可以望到維港，夜晚應該好靚疫情關係，呢間餐廳有提供膠袋俾的地裝口罩。 午市有單人米線套餐，下次自己黎食會試下今次叫左個二人份嘅酸菜魚，份量勁多桂花魚好滑，肉質唔散，無骨，所以食落啖啖肉 湯底酸得黎帶有麻辣， 好開胃，食完亦唔覺口渴。加左一份腐皮，份量多！腐皮好吸湯汁，所以幾好食老虎椒愛鬆花蛋皮蛋加埋蒜蓉真係絕配，而且有少少微辣，令人一口接一口。 碧綠脆旬萵筍好爽口，調味比較清淡，食咗咁多濃味菜式，用嚟中和返都唔錯正經的雞被撕呢碟手撕雞份量都多，味道亦係辣辣地帶酸，有芫荽同芝麻香，不過就油左少少雨露均沾呢款甜品一上來，未影相就俾我食左2件外皮又熱又脆，入面軟得有少少煙韌，加埋黃豆粉同點d黑糖漿，好夾好好食畫上完美句號！