影片
港铁香港大学站 B1 出口, 步行约2分钟
继续阅读
电话号码
61800622 (日间)
96817214 (夜晚)
营业时间
今日营业
12:00 - 01:00
星期一至日
12:00 - 01:00
以上资料只供参考，请与餐厅确认详情
今日心痒痒，就嚟石塘咀番啅呢间康记粉面，老板娘友善好人。午餐时段到店，食客唔多，揾个位坐低望一望个餐牌，人手落单，点了个招牌豉油王牛腩猪手双拼捞粗，老板娘即刻入厨房煮面。一阵碟面就送上，面跟一碗清汤，牛腩猪手都好入味，牛腩软硬适中，有口感，猪手炆得好淋，入口即散，面条爽滑弹牙，有些少枧水味，但可以接受，面条索哂d豉油汁，好好味。口味：🥚🥚🥚🥚环境：🥚🥚🥚服务：🥚🥚🥚🥚性价比：🥚🥚🥚
继续阅读
今次行过西营盘，脑海里闪过网络上对康记粉面嘅各种赞好，就即兴决定行入去探个究竟。第一印象，档口干净企理。叫咗碗猪手加酥扒汤面，价钱实惠。弹指一挥间，一碟充满炖肉香气嘅面面前诱惑紧我。先嚟一啖酥炸鸡扒，外皮真系做到炸得脆卜卜，入口喊得出“卓越”两字。啲猪手啊，𠮶份腍滑同淋漓的味道，正！实在喺值得每个经过嘅食友试吓。汤底嘅话，无得输，好饮到令人心花怒放🌺，可以话系熬得出时间嘅精华。云吞面嘅云吞，充满惊喜—薄皮包裹嘅鲜虾，咬落去弹牙得滞。至于云吞汤底，清甜得嚟不失鲜味，一啖啖都能喝到海鲜嘅自然甘香，绝对系补充灵魂嘅良药。结实嚟讲，呢家店嘅食物质素同服务，称得上系“出晒色”。喺呢个闹市中，饮一口醇香嘅汤，品一啖纯朴嘅美味，唔单止系养肤，简直养生养心。下次一定会再光顾，推介俾大家！👍👅🍜
继续阅读
康记今次想同大家介绍吓呢一间小众街坊先识嘅美味小店超级好味嘅炸鸡翼牛丸捞丁！ 💲48极度出色，唔系讲笑首先系蒜香炸鸡翼，外皮十分脆口，亦都有蒜香味，可以见到外皮充满着炸蒜～就闻一闻已经闻到佢有浓郁嘅蒜头味道😍无论系外皮定系里面嘅肉都有味道并非虚有其表嘅普通炸鸡翼！然后牛丸先系重点！真系爆汁牛丸啊！一咬落去牛味就充斥着整个口腔肉汁喺个口入面浪下浪下 一啲都唔干身！真系好出色另一方面，佢个豉油王捞丁亦都唔会煮得太淋，有豉油王嘅香气，有时识识吓觉得佢干身嘅话我通常都会配埋佢上个碗汤，捞少少汤落个面度 增加湿度 加埋佢哋嘅秘制辣油😭成碗面真系好好味的最后再饮下个汤，简直Perfect不过由于佢都系一间街坊小店 而且处于后巷位置～所以食嘢嘅时候有时可能都会有乌蝇或者蚊滋仔飞来飞去大家就要自行衡量了大家去开西环都要食呢间嘢！
继续阅读
一直都系食开呢一碗超级好味嘅炸鸡翼牛丸捞丁！ 超出色，唔系讲笑😢💓首先系佢个炸鸡翼，外皮劲脆卜卜，亦都有蒜香味，就咁闻吓佢都有浓郁嘅蒜头味道😍然后牛丸先系重点！真系爆汁牛丸啊！劲有牛味，一啖咬落去就知道系正嘢！佢个豉油王捞丁亦都唔会煮得太淋，有豉油王嘅香气，觉得太干嘅话，我通常都会配埋佢上个碗汤，然后再加佢哋嘅秘制辣油😭真系好好食㗎，一碗双拼咁好食嘅捞丁只系$48咋，强烈推荐大家快啲试吓！💓
继续阅读
想食下港式粉面，见到google review rating 唔错，特登揾。佢系一条巷仔入面，正常都未必经过。但！柱侯牛腩 is surprising good!! super tender and soft, and 好入味！！一上菜𠮶阵吓亲，好大碟😂豉油王捞面都好唔错，不过个鲜牛肉唔知系咪因为冇水浸住，有啲干。仲有墨丸都好有口感，墨鱼味浓，太弹牙与太粉之间既口感拿捏得岩岩好。另外再嗌咗一碟油菜，正常水平，菜心爽口，加少少蚝油，香港面店风味。个门面望落去一啲都唔靓仔，环境的确一般，而且系one man band, 唔好expect有service 。正常行过都可能未必会入去，但系真心推介！！
继续阅读
您可能会有兴趣的...