康竜九州拉麵

4.11.2009 新入職幾天,便要去公司總部training放飯有接近3個小時,左逛逛右逛逛先選擇這裡要了個set lunch,豚肉芝麻拉麵,跟住可選擇沙律/雙倍麵要吃得飽的我當然要雙倍麵,加杯凍竹蔗水湯底ok感覺冇咩味精, 芝麻拉麵真係double份量芝麻味幾出,豚肉半肥瘦有咬口,不過隻蛋唔流心凍竹蔗水,冇乜特別,淡淡地咁埋單差不多$40,算係咁,可以更好既P.S. 估唔到過左幾個月先寫呢個食評佢已經關門大吉…查看更多

叫了個豬軟骨芝麻拉麵午餐, 裡面包括兩件三文魚壽司, 三文魚唔係噤新鮮, 唔建議大家係呢到食壽司~其實D芝麻拉麵係無咩芝麻味, 反而湯底就比較咸~豬軟骨都係普普通通, 總之唔難食~整體就普通啦, 無驚喜, 可以一食LOR~…查看更多

康竜 = 康龍雖然知道日本字竜係龍，不過通常日本店面都好少介紹讀音，懶日本化咁。點知呢間店裡的墊檯紙有介紹讀音以及九州拉麵的源遠流長、豬骨湯底及拉麵的柔軟韌度，等等。試了七味雞翼芝麻麵，從來都未試過芝麻拉麵，感覺好得意。不會好似墨魚麵般深色，但就非常煙韌。麵裡有蔥花、粟米，等。不過豬骨湯底都有 d 味精以及有 d 油左，自己覺得火山石石鍋烏冬 d 湯仲清過佢呢。七味雞翼都未試過，有四隻，食唔出七味粉 / 辣味，不過有四隻都都好。+$3 可以有蟹籽沙律及 drinks...都係戒甜，無試到。服務都算幾有禮貌 attentive 架。都可以番桌。…查看更多

是日放假,間野開左好耐都冇去試過,果日見平日人少少就入左去試是次餐單:=====================七味豬頸肉拉麵牛肉拉麵凍檸茶x2=====================味道：d湯真係好正!拉麵好彈牙!配料方面冇誠意....牛肉有少少怪味七味豬頸肉..我食吾出有七味粉的味道....凍檸茶...係用雀巢果隻...好難飲環境：地方大,很舒適,冷氣夠服務：很熱情招待...唯一缺點是d服務員望實客人食野...好吾自在衛生：開放式廚房,見到廚師整食物,沒有見到不衛生的地方抵食：下午茶一個拉麵$30覺得有d貴....最多$25左右比較合理, 因為下午茶份量很少…查看更多

今天和母親大人一起到"康竜九州拉麵"食lunch,食物一到,便拿下相機拍照,打算在openrice寫寫食評,但真的詁不到,直到14/6,總評分也不到到達3 分. 但相反,整體上,我和母親大人也覺得食物,環境及服務也不錯的,真的要和他平反一下.還記得,這間拉麵店也是開了半年多,之前是一間米線店及泰國料理,兩個鋪位現在混合成一間康竜九州日本拉麵店.前手是我食咁多間米線店最好味的一間. 當我入這店時,我也令我回想起前身的米線是多麼好味.講回這間康竜九州拉麵,今天我order了一個吉列魚柳芝麻麵,而母親大人便order了沖繩吉列豬扒粗拉麵. 另外,加3元,便可以選擇三文魚壽司/蟹子沙律及可樂/竹蔗水. 我們一起order了三文魚壽司,飲品我是order了竹蔗水及可能.加3元,便有三文魚壽司,雖然很細件,賣相也很普通,竹蔗水也很淡, 但只是加3元而且又有飲品,凍飲也不用加2,本人已覺得ok了,不會要求太高. 反而要求的,都是主菜的拉麵.我選擇的吉列魚柳芝麻麵-$4x,真是不錯,吉列魚柳很脆,芝麻麵很煙韌,也很重芝麻味,感覺很特別,而且湯是好好飲的,但所謂的好飲,不是太味精,飲完後不用連飲兩杯水來沖走一下味精的口腔.另外的沖繩吉列豬扒粗拉麵,也是不錯,吉列豬扒也很脆,不過粗拉麵也不及我的芝麻麵.芝麻麵也給我另類新口味的感覺,而且麵也煙韌,但粗拉麵也普通了一點. 不過,總合來說,這一間拉麵尚算不錯.不過,不加3元有指定的食物,就會感覺到有點兒貴了.…查看更多

因為工作關係最近要到紅磡工作，「為食」的我當然要看看附近有什麼好吃的。昨天午飯時間，我看到一間叫「康竜拉麵」的食店，看到不用等位便進去試試看。我點了一個豬軟骨拉麵午餐，餐牌上說包2件三文魚壽司和一杯飲品，但因為我不愛吃三文魚，便問女店員可否轉為玉子壽司(我的最愛！)，她很有禮貌的回答我：可以的！拉麵分為三種麵底，有粗、幼和芝麻拉麵，我還是選了幼麵，初初是想選芝麻拉麵的，但店員說是黑色的，所以放棄了。飲品方面，只得汽水和凍檸茶選擇，凍檸茶是雀巢檸檬茶來的，最後還是喝可樂擺了！我最愛的玉子壽司先來，還不錯吧；大約十分鐘左右，店員捧上熱騰騰的豬軟骨拉麵，先說豬軟骨，十分有咬口，不會過「林」，很好；另外湯底是奶白色的，是味道不錯豬骨湯底；至於拉麵，很爽滑，可是份量不太足夠，滿足不了「大食」的我。總括而言，比我預期的好，不論的食物還是服務方面。…查看更多

大半年前行過見到開左間新既日本野，已經想試下~但係唔知點解拖左咁耐，又日日都係紅磡食飯，都冇幫襯過。今日男朋友講起，就決定去試下新野~晏晝食左tea，所以差唔多九點半先落食飯~去到呆左…十點都未到，間舖一個客都冇，仲以為佢收左舖tim.. 都覺得唔多妥，但係都去到門口喇，就試一試la~~因為冇客既關係，就算間舖一個待應，加埋佢好忙咁入緊d調味料，招呼我地一枱客都卓卓有餘~din. 既價錢都ok 既，四、五十蚊一個飯or拉麵，依家有優惠，+$3 仲有三文魚壽司2件or 蟹籽沙律 + 一杯野飲 (汽水/檸荼/竹蔗茅根) ~ 雖然佢d野飯好似幾九搭八，不過加 $3 都幾抵~店名寫住「拉麵」，無理由唔試架~所以兩個都嗌左拉麵… 香辣雞軟骨粗麵 (即係普通拉麵) + 蟹籽沙律 + 凍檸荼 炸魚柳粗麵 + 三文魚壽司 + 凍檸荼雖然得一枱客，但係唔知點解都要等好耐先有得食~5分鐘後先上三文魚壽司 ，2件壽司都要整咁耐?! 味道一般，咁便都唔會有太大期望~ 不過之後既沙律就差d…一堆青瓜絲上面有少少蟹籽同蟹柳，冇味…食完個沙律就上拉麵喇~賣相怪怪地…深黃色湯面有d好似酸菜咁既野，少少粟米同一件溏心蛋(事後證明佢唔係溏心，係成隻都唔熟)先飲啖湯，嘩鹹到呢… d 拉麵都係幾得，同即食果d差唔多~又話自己主打拉麵既?!?!再食粒雞軟骨 好油、一d都唔香、唔辣…我食左四五粒就食唔落…俾哂男朋友清左佢… 個麵底又唔好食，個湯又唔好飲，個配料又咁油…搞到冇哂胃口…不過見d魚柳食唔哂就試一舊…嘩 好油…仲唔係幾新鮮…食完有d想嘔…成餐最正常就係杯凍檸荼，梗係la~雀檸好難唔正常~d 野食差又餘，個環境都唔係幾得…一路食，一路有好多細細隻既昆蟲飛來飛去…仲見到個侍應攤開d調味料俾昆蟲"嬲"，個人走左去…咁既quality，唔怪得一個客都冇……查看更多

長話短說,我和太太星期日中午1點幾去,無咩人,唔使等位,叫了一個2人前套餐,$148加一,價錢一般,有前菜,頭盤,主菜同飲品.前菜係2件加州卷+2件三文魚壽司,壽司好細件,味道OK,但係加州卷嘅蟹籽甩到一碟都係,賣相唔得.頭盤有好多選擇,我要了餃子,店員問我要煎定炸,我要煎,一碟只得6隻,又細隻又濕,係放湯煮完先至煎,個底一D焦都無,離譜.主菜都有好多選擇,我和太太都要了炸豬排拉麵,豬排炸得幾好,好脆,但一D肉味都無,大家樂賣廿幾蚊嘅吉列豬排都好過佢,D麵仲差,勁重鹼水味,攪到碗豬骨湯底變成有苦味,好難食.最後杯飲品,我和太太都叫了凍飲,但上檯杯野係暖嘅,係用熱水沖咗先加冰,上檯時D冰已滆晒,但係杯飲品仲暖,問你死未.總結,一定唔會有下次.…查看更多

本身呢個鋪位既雲X川搬左過隔離 ~初到紅磡既呢間康竜九州拉麵 緊係要試試啦 !叫左個雞軟骨拉麵 !真係粒粒炸到金黃色既雞軟骨"粒"對於一個男仕而言 .. 我諗我食三碗應該夠飽 !老實講 碗面真係好普通 !埋單位位都五六十蚊 !我寧願食番原址另一間雲南米線好過了 ...價錢夠我食兩碗 ! 同埋仲好食 !最特別係 我同朋友去個日~入面已經有幾張台吉左出黎 ~但係負責係出面接待位小姐就話公司規定要整理好曬放曬茶先比入 ~但係出面個個都等左好耐 係咪應該要識得執生呢 ???…查看更多

今日同囝囝溫哂默書之後, 已經覺得肚仔打哂鼓了, 本來想去jingles, 不過又未開門, 實在太肚餓喇, 又見呢間野有八五折, 咁就入去試一試啦先講佢地o既服務, 店員的服務都算過得去, 不過最奇怪o既係, 一d 穿著該店制服的人,坐在sushi bar打psp 呢樣唔多好睇呀, 老闆多加留意.豚肉軟骨拉麵, 我選擇了幼麵, 不過就冇咩特別, 湯底比較咸, 冇咩豬骨的鮮甜味. 豬軟骨都幾林身, 仲有半隻糖心蛋添,.軟殼蟹卷, 試一次就夠喇, d 飯好散, 一夾起就散, 真係唔拈炸自家製鍋燒餃子, 食落就似超市一大袋買返黎果d, 仲話係自家製, 唉!吉列虎蝦, 呢一味就唔掂, d 蝦肉林架!…查看更多

情人節果晚同女友去咗康竜黃埔新店食晚餐唔算太多人,10分鐘就有位~入面地方唔算好大, 坐得比較逼, 冷氣唔夠大(啲射燈太熱)叫咗豬扒芝麻拉麵同燒汁豚肉芝麻拉麵 -1)兩碗都唔夠熱2)啲芝麻拉麵夠特別, 好香, 幾彈牙! 3)啲豬扒外皮唔夠鬆脆土佐豆腐 - 好滑, 幾好食三文魚壽司 - 肉質新鮮蟹柳壽司 - 散到不得了, 紫菜合唔埋口, 有啲又唔夠飯普普通通咁啦! 無再去既衝動~~新開張有85折, 埋單$160.…查看更多

本打算去食旁邊的云貴川米線，不料路過此店被吸引，征求朋友意見后便進去一試。感覺店里裝修頗用心，紅色為主色調，墻上亦貼有日本風情畫，雖名為“九州”卻再一次勾起了小滯滯對京都的念想，究竟幾時能夠一償夙愿呢。由于是剛開張的新店，除set外都有85折優惠，其實朋友就是被這點吸引進去的我們點了： 吉列魚柳拉麵這道是朋友點的，我未試；魚柳大概有三到四塊，分量適中；拉麵亦屬正常分量，我替朋友選了蔥麵，她試后評價都幾好，雖是“口味重”的九州拉麵，湯底都不會過咸。不過我們本身就喜好偏重的北方口味，所以此評價可靠性待定 咖喱豬扒飯這道當然是滯滯的心水菜式。與拉麵相比，這一道等得頗久才上，但是以套餐的形式上的：白飯和咖喱分開上，仲有一小碗味增湯。試后感想是，味增湯和咖喱都過咸，但味道也麻麻；豬扒炸得夠干身，亦夠松脆，但都不可期望太高；白飯則令滯滯剛看到時就感覺失望，試后感覺到都過得去，只是不過松軟，不可忘記這可是日本米的最大優點感覺服務都不錯，不知今后能否保持下去。以質素論，價錢亦不算平，大概與三和屋相仿，甚至三和屋的吉列豬扒咖喱飯仲要平過這里。如果不是打折，想不出有什么理由再來。…查看更多

眼見係黃埔出入嘅日子唔多~所以俾次機會呢間新開嘅拉麵店~於是星期六lunch嘅時候拉埋tama一齊去試下~我都知道去食呢間野個risk好大~不過有85折......還是去左~同時間亦都見證左之前幾位食客所講係對的!要俾三個!食左豚肉軟骨拉麵~炸墨魚頭軟骨~土屋豆腐~逐樣講~豚肉軟骨拉麵: 選擇左較少食嘅芝麻麵~呢個麵其實都係拉麵嘅一種~只不過係整麵嘅過程中加入d芝麻碎~口感同普通拉麵差唔多~anyway唔覺有咩芝麻味~拉麵嘅質數偏低~湯底係豬骨湯~不過tama一食就即刻話點解咁似佢食泡麵個d湯底~我同意佢嘅講法!豚肉軟骨~各一件~兩者味道差唔多~重點係兩樣都唔好味!小結:拉麵唔得之餘超細碗!湯底同配料都唔得! 佢賣$60~本人浪費左咁多字來形容呢碗唔好食嘅拉麵~無他~只希望大家前車可鑑~亦希望借此向tama道歉~(因近日來跟佢食左幾餐唔好食的)炸墨魚頭軟骨&土屋豆腐: 兩樣都未食過~不過兩樣都唔好食~墨魚頭軟骨唔夠味~就如無味嘅雞軟骨般~ 土屋豆腐第一次食~是炸日本豆腐配上木魚碎浸泡在味增湯內吃~味道同樣不佳!埋單$116.8~已經係85折之後~.......................無言..........................…查看更多

新開張, 叫了九州炸蝦天婦羅拉麵,可自選粗麪或幼麪選了粗麪,算彈牙，湯底有層油, 似正宗日本的湯底, 有粟米粒等配料,蔥花，可自行加蒜蓉, 但如加太多有苦味, 不要貪心！半隻溏心蛋唔錯, tempura 另碟上, 炸得ok, 加了日式沙律醬, 好野味。 另order 了豬扒蛋飯, 豬扒應不是即炸, 炸漿完全和件豬扒合一,"林"晒! 但原來星期六,日無套餐, 今日呢個menu 係散叫, 貴d. 仲要加10%, 因新開張再給予85折, 兩人吃了一百元都幾貴, 呢種質數不算抵食!…查看更多

27/12 見門口貼住左咁多係日本既分店...就即管去試...貓爸叫左個吉列雞扒拉麵, 選左幼拉麵...湯底係豬骨湯!!雞扒炸到乾晒, 咬唔開咁制!!最後成碟剩低晒~個湯...一飲...我覺得...似食緊蠟味...!!我叫左三文魚親子飯睇落好大碗...實際個碗睇落好大, 但好淺!!三文魚唔夠新鮮~我個人覺得太子既 '味' 好食d小食叫左炸墨魚骨(似乎係墨角咀) 墨魚骨好硬~d粉好硬~!!唔得天婦羅又係...無蝦味, d粉又厚又硬!!總括黎講...唔得!!唔會再去~…查看更多