康瑞甜品

营业中

休息中

康瑞甜品, 唔多就腳.OK既, 但真心唔係好好好出色.芋圓偏細粒, 細粒咗D, 唔係好好咬.芋圓依味嘢, 你知喇, 其實係下欄嘢, 大佬, 芋頭都夠cheap喇, 仲要加木薯粉, 真係cheap上加cheap.所以應該要大粒D, 先好食.叫咗個芋圓椰汁, 蛋花薑芋圓, 糖不甩.全部都幾好食, 但係唔係真係天上有地下無.依個係芋圓天生問題, 佢根本係下欄嘢. 唔係康瑞甜品既錯.芋圓整到咁, 算係幾好了.

咁岩經過深水埗，見到呢間人氣糖水店—康瑞甜品，忍唔住排隊入去食。好彩人流都去得好快，排隊左一陣隊就可以入得去啦﹗自己平時都鐘意返大陸去鮮芋仙食芋圓，而係香港食芋圓就數康瑞甜品算幾有質數﹗叫左招牌1 號特色仙草$25，入面配芋圓、地瓜圓、小丸子，再淋上淡奶。我地兩個好細食，兩個人食一碗其實都夠，好抵食﹗對面果個話呢度既仙草煮得算香港數一數二，似以前涼茶鋪咁口味。芋圓夠煙韌，咬口幾好，仲有少少芋香，真係幾好食﹗

睇到某傳媒網頁推介哩間的芋圓，剛好同朋友喺附近食完飯，就過一過嚟試吓佢嘅甜品！平日七點幾嚟到嘅時候，幸好人唔算多，唔洗等（食到最尾埋單嘅時候已經有好多人排隊）。叫左特色仙草百配（$25）同香滑腐竹蓮子配芋圓（$20）。哩個特色仙草百配，配料十足，除左仙草仲有芋圓、地瓜圓、小丸子、薏米、西米、珍珠同紅豆，性價比高！仙草夠嫩，芋圓、地瓜圓又夠彈牙，非常好食！除此之外，自己特別喜歡內面的薏米，煙韌有咬口！至於香滑腐竹蓮子配芋圓，腐竹又嫩又滑，入口即溶，配搭芋圓、地瓜圓，好食！美中不足之處係蓮子煮得唔算透，稍硬，做到入口即化的口感就perfect~

平時去開深水埗食野都會順便食埋呢間甜品鋪，因為佢又平味道又唔太差不過係有時候夜晚食飯後食甜品都等幾耐。佢開下就4點，我建議5，6點去食多數都無乜人. 今次叫左招牌1 號特色仙草百配$25，味道正常勝在多配料，芋圓又算多而且唔怕硬，擺盤出黎影相都幾靚，20幾蚊一個甜品已經合格！

要排好長龍 等左半個中先有位好似搬左舖 啲位置都係一樣甘迫佢啲糖水算賣得平 但係唔係可以坐好耐同朋友傾計佢有接近二十款糖水 平均$20-25 糖水黎講一啲都唔算貴特式仙草配: 芋圓，地瓜圓，小丸子 $25黎到唔係好熱 佢啲料係多嘅但普普通通 唔係話好食到要encore

經過幾次，每次都會見到人龍亦聽過朋友介紹抱著好大期望，可惜失望而回...等左十約15分鐘就可以入座糖水種類只有12款特式仙草百配有仙草，紅豆，薏米，珍珠，西米，芋圓，小丸子天氣涼涼地，打算叫個熱糖水食下，出到黎係勉強可以講係暖...好失望呀！！！！！！！！香滑腐竹蓮子配芋圓腐竹仲係一塊塊，無溶到，好似糖水浸腐竹片咁...芋圓係凍既糖水浸住，又硬又唔彈牙埋單唔算貴，只需$45但質素真係麻麻...好失望呀

同朋友食完飯就緊係要食埋糖水啦！朋友鐘意食芋圓，但未食過康瑞，一於帶佢地去試下先🥰 門口成日都咁多人，好彩早去，不過都等左半個鐘先入得🙈我地每人叫左一碗特式仙草百配，有熱有凍💫🥳入面有芋圓，地瓜圓，小丸子，仙草，紅豆，珍珠，薏米，西米😋再加埋花奶，好豐富好足料，望到就好想食！😋芋圓，地瓜圓同小丸子食落好煙韌，仙草唔會好甜，又滑又清新，正！😋😋😋👍🏻 $25一碗都唔貴！朋友都話冇介紹錯，仲買多左碗外賣俾屋企人☺️～特色仙草百配～

👀性價比高芋圓👀康瑞甜品 - 特色仙草百配($25)呢間嘢成日要大排長龍，所以我地都特登喺飯前時間嚟食。今次試咗佢既招牌「特色仙草百配」，入面好足料！！！😋有芋圓，珍珠，西米，仙草，薏米，紅豆，小丸子，再淋上淡奶。芋圓份量算多，唔係好大粒但係夠煙韌，而且地瓜同芋頭味都幾出🤤仙草清新得嚟又唔會好甜👍🏻整體來講$25真係超值！！！⭐: 8.5/10康瑞甜品 (深水埗)📍深水埗荔枝角道323號地舖

今晚同屋企人食完LUNCH之後，決定要我既另一半(朋友)食個生日糖水轉開車來架，係唔係好有誠意呢? 日頭過來好在沒有太多人排隊，直入去就有位坐了。哈哈裡面都係坐實曬人，等我試下佢有咩吸引力先，哈哈坐低叫左仙草百配兩碗﹐其中一碗有加椰汁！唔會太甜，仙草食落又香好滑，夠曬清涼呢! 呵呵有芋圓、地瓜園同小丸子都好足料，超煙靭，好有口感。平實既一碗糖水﹐已感受到簡單的美好呢而且價錢非常優惠$25就有大大碗。

【勁勁勁足料抵食芋圓🍧】➖➖➖➖➖相信好多人都聽過康瑞甜品 呢間係深水埗好出名嘅甜品鋪🤔啲人對呢間野嘅評價一直都係好壞參半💁🏻‍♀️ 呢間野主打自家製芋圓💁🏻‍♂️ 有人話佢嘅芋圓係香港數一數二好食😣 亦有人話佢只係勝在夠平夠大碗又咩都有齊🤔 咁今次我地就特登去試下佢地嘅招牌 ❗️睇吓佢嘅廬山真面目🤤➖➖➖➖➖特色鮮草百配(芋圓地瓜圓小丸子) ➡️ $25➖➖➖➖➖偏私主觀評價💁🏻‍♂💁🏻‍♀💁🏻‍♀️WI: 呢碗野真係好抵$25 好足料! 😳有芋圓 地瓜圓 仙草 小丸子紅豆等等等。。。我覺得呢到嘅配料係唔錯 尤其係地瓜圓同仙草 😛！地瓜圓夠煙韌 仲要有地瓜味 唔係就咁食一舊面團咁🤢 如果鐘意食仙草更加係一定要黎！呢到嘅仙草真係好滑！❤️ 但可惜嘅係佢嘅花奶底有啲失色 太過淡口 令到味道有啲寡 雖然好普通但係真係好抵 $25絕對係可以一試的😛😛 (其實我我覺得來來好食好多🤔)➖➖➖💁🏻‍♂️Wu: 係呀 又冇我份喇 🙁唔洗望喇🙁不過我都係覺得自己整嘅芋圓係最好🤤可以自已選擇囗感🤤(冇份食梗係咁講)(死都要加把嘴＼（Ｔ∇Ｔ）／)➖➖➖➖➖康瑞甜品 (深水埗)深水埗荔枝角道323號地舖

近年台灣芋圓甜品都開始多，但係講到平靚正，朋友大多數都會講起呢間康瑞甜品，咁梗係黎深水埗試下佢啦 😀😀😀甜品食物選揀唔算多，但係款款都係十幾廿蚊，抵食👍🏻👍🏻🔸酒釀桂花配芋圓 ($25)一黎到未食都聞到酒香味，表面仲有好多蛋花，芋圓都唔少，非常足料😍食落去淡淡桂花味，芋圓煙煙韌韌又真係幾似係台灣九份食既芋圓😋😋🔹特色仙草百配 ($25)特色仙草配的特色可能就係五顏六色😂😂一碗入面芋圓、地瓜圓、小丸子、紅豆、薏米及仙草樣樣都有非常豐富🤩仙草爽滑，芋圓、地瓜圓、小丸子都係煙煙韌韌，加煉奶甜甜地岩岩好，相當唔錯，好有台灣風味😋❗️P.S: 夜晚食完飯黎到大概9點幾，外面已經開始見到人龍，等左大概20分鐘就入得，不過夜d就會比較多人，想試可能要留意下時間啦😋味道 7.5/10 😍回頭指數 8/10

食完深水埗文記，2條友再食個朋友介紹的康瑞甜品。一去到，好Q多人，不過好在，D人食得快走得快，好快入到去。入到去，睇過餐牌，望過價錢，即刻覺得好抵，20-25$，仲平過我樓下沙角間天鵝湖。重點係味道，甘我試曬兩種 1）凍特式仙草2）凍腐竹蓮子 特式仙草的奶香的確真係幾好，配撘芋圓丶小丸子等都冇話味道好奇怪，係一個好好嘅選擇。至於凍腐竹個碗，腐竹香吾香滑，見人見至。我個人覺得同出面差不多，重點係蓮子味道幾耐，幾鐘意食，糖水的甜度適中。整體而言，仙草個個係性價比係高，腐竹個個一般般冇咩太特別，不過都好過只係食滿記嘅。同fd排隊食ok嘅，但未至於會話朝拜甘款。感覺就吾會好似話白咖哩豬你一定知道講緊沙嗲王甘囉。

早排黎試過特式仙草百配，今次就試下香滑腐竹蓮子配蛋（可以將蛋轉做芋圓、地瓜圓、小丸子）腐竹細細塊，好滑，配上芋圓、地瓜一齊食，非常有口感。糖水不會太甜，非常適合女士食，食完都覺得個人滋潤左

吃完晚飯後, 便到了這裏買糖水回家吃。我點了特色仙草百配芋圓、地瓜圓、小丸子。回到家時, 糖水還是暖笠笠的, 所以趁着還是暖暖的, 便打開來吃。裏面的鮮草質感爽滑, 甜甜的。很喜歡仙草配上芋圓, 煙煙韌韌的, 芋圓、地瓜圓和小丸子提升了整體的口感。仙草的份量很多, 底下配上很多配料, 很足料呢！吃的時候, 有時已經分不清自己是在吃芋圓、地瓜圓, 還是小丸子, 總之就是煙煙韌韌, 有咬口, 不會太過甜膩。不過, 吃完整碗糖水, 都幾飽肚的, 下次可能要和其他人一起分享。

夜晚食完飯，朋友推介呢一間甜品鋪食嘢，佢哋強烈推介我要試吓呢度嘅芋圓地瓜圓，所以我叫咗個綠豆沙配芋圓地瓜圓同小丸子。綠豆沙唔係好甜，綠豆煮得好腍之餘仍然保持到一粒一粒，食落個感覺好清新，配料方面，小丸子係好細粒嘅冇餡湯圓仔，芋圓就係灰色方形，食落好煙韌，由於我係食綠豆沙，味道比較淡，所以食得出有少少芋頭味，而地瓜圓就係黃色嘅，食落同樣咁煙韌，細細品嚐就會發現有少少番薯嘅甜味，對於本身好鍾意食煙韌野嘅我來講，呢度確實好啱我，飯後食亦唔會太甜太heavy，大家不妨你一試。