康瑞甜品

营业中

休息中

同屋企人喺深水埗食完晚飯，意猶未盡，發現原來我哋就喺康瑞附近，當然唔可以錯過。作為自家製芋圓專門店，甜品大部份以芋圓做主打，配合各種冷熱糖水，配搭雖然唔多，但基本嘅紅綠豆沙、西米露、薑汁、仙草同酒釀桂花都有齊，鍾意食中式糖水嘅話的確係一個好選擇。我揀咗椰汁紅豆沙配，加入芋圓、地瓜圓同小丸子，紅豆沙唔出色，起沙效果唔太明顯，似食緊穀物粥，另外芋圓同地瓜圓唔煙韌，煮得太稔冇乜口感😢有啲失望，真係非常一般⋯⋯特式仙草百配除咗有仙草、芋圓同地瓜圓，仲有珍珠、薏米、紅豆、西米同小丸子，配搭相當豐富，味道微甜，感覺好清潤，雖然芋圓同地瓜圓口感都係太稔，但有煙韌嘅珍珠同清爽嘅仙草搭救👌🏼糖水另外配有植脂奶，可以自己加入糖水同調較份量，不過個人認為唔加比較好味。作為一間標榜賣芋圓嘅糖水店，佢嘅芋圓同地瓜圓的確令人失望，但糖水底不過不失，下次或者試吓凍嘅糖水會好少少。

一個豐富既糖水只需要 $26 係幾抵食最抵係叫 1 號既仙草凍，好多配料。其實所有配料都係正常發揮水平，唯獨係芋圓比較出色少少，因為芋頭味好出，又唔會硬，但亦唔會令我一試難忘。不過仙草係勁難進食，成日都溜走，其他糖水店多數唔會咁難。可能因為佢係用膠匙羹，其他糖水店有時會用不鏽鋼，會比較容易用黎切開 d 仙草。而 d 珍珠就偏硬少少。整體來講，未必會再黎食第二次，因為無乜特別驚喜。基於性價比高，環境都舒服企理乾淨，芋圓 ok , 員工態度都 ok , 都值得畀個好評 ~~

喺附近食完大排檔都想食返個甜品 之後就上網查下有邊間芋圓好食 咁都見到有好多人推介呢間我就去咗試吓 開始睇門口好多人點知原來唔使等位因為好多人都係買外賣入到去坐低雖然有啲熱但衛生都可以 咁呢間甜品舖最出名就係芋圖 我哋叫咗兩個試吓 第一個就係特色仙草百配芋圓，地瓜圓同小丸子 有椰汁西米珍珠仙草椰奶同紅豆 非常足料 仲有凍同熱揀tim第二個就係椰汁西米露配芋圓，地瓜圓同小丸子同樣我都係叫左凍嘅 但呢個同我預期之中有落差因為得啲西米，椰汁同芋圓 相比第一個簡直係天同地比 所以我強烈推介大家一定要食1號特色仙草百配！！！呢度衛生OK員工服務態度都算OK 食物上菜速度非常快 值得再黎🥰🥰

今次黎呢間店係因為有fd推薦，話有又平又好食既芋圓店，餐牌全部都唔過30蚊就知真係好平！ 我第一個叫既係特式仙草百配芋圓、地瓜圓、小丸子，要既係凍既。黎到真係幾大碗，20幾蚊有咁多料，五顏六色就知有幾抵食第二碗叫既係椰汁西米露配芋圓、地瓜圓、小丸子，雖然本身想試下暖既，但店內有啲熱，所以都係叫咗碗凍既試下～呢碗同第一碗係完全唔同，白雪雪，但椰汁味好濃郁，西米露份量都好充足！po咗上story，fd都問我係邊買到咁平！即刻外賣多盒走！下次一定再光顧

今日好難得咁早左放工，突然好想食糖水，就專程去康瑞甜品，買飯前甜品番屋企食有選擇困難症既我諗左好耐，最後叫左特色仙草百配，入面有芋圓、地瓜圓、小丸子近排天氣涼涼左好多，我就叫左熱既，可能未到正常收工時間，無咁多人，等左一分鐘就有得拎啦終於可以試到大名鼎鼎既康瑞芋圓，果然無令人失望，芋圓煙韌，細細粒好易入口，而且有咬口份量好足，一下子就成碗食曬，食到好飽好滿足，搞到晚餐都食唔落下次應該早啲食飯，叫呢個做飯後甜品，做宵夜一流

好朋友極存推薦呢間位於深水埗嘅 店，其實唔係太近地鐵站，地址係深水埗警署都有少少，但係夜晚時段（我哋係大概8:00），已經需要等一陣先有位，非常之旺場。入到鋪頭又有一啲好有特色嘅瓷磚，係香港嘅感覺！菜單上面唔算太多甜品，大部份都係中式嘅糖水。我點左桂圓紅棗雪耳配三丸🍡$263丸分別係  、地瓜圓、 ，桂圓紅棗唔係太甜，好清新嘅感覺，但係同三丸有少少唔係太夾。但係佢嘅原地關員小丸子都非常好食！好煙銀有口感，彈牙得來唔太甜！另一碗係酒釀桂花配三丸🍡$26呢個真係要俾個讚佢！蛋花整得真係好靚，食落都好好味😋酒釀丸子唔會酸，加上三款唔同丸子，好推薦的一間。

Recommended by my friend, we start going to this shop a year ago. I like to order number 1, 特式仙草百配。 apart from 仙草， there are different ingredients like 芋圓，小丸子，珍珠，紅豆，薏米which satisfy my needs。 仙草十分軟滑，芋圓十分煙銀，再配合特色台灣奶精，把整個甜品發揮得淋漓盡致。如果鍾意食仙草芋圓既朋友一定不可錯過。最後，個人建議加入少量刨冰，另整碗甜品溫度下降，口感味道會更佳。強推。要讚一讚職員，當我係出面排隊時，他會主動給櫈我坐低等候。

名過其實—康瑞甜品出深水埗食飯，一於食埋糖水先走！由於有人話呢間嘅芋圓好好食，所以今日終於去到試！呢道環境有小小逼，但係都正常既，細細間糖水舖！今日我地就叫左兩款糖水！特式仙草百配(凍) $26百配有仙草，西米，紅豆，珍珠，薏米 , 芋圓，地瓜圓，小丸子，糖水小甜，芋圓(小許芋頭味) 與地瓜圓(小許蕃薯味) ！椰奶無咩味。份量都幾大碗幾足料！叫咗好快有得食！但我不覺得佢嘅芋圓特別好食，但係係好過一般糖水舖小小既！仙草反而幾好食！椰汁西米露配芋圓（ $26 ）都係好大碗啊，但無咩椰汁味！配上西米同芋圓，份量較小！總括來講，正常！質素Okay的！但不會特別推介！試過一次就夠！

食完飯口痕想食糖水，咁岩經過康瑞就入左去叫左特式仙草百配，因為有晒我最鐘意食既仙草芋圓紅豆同西米，仲要只係$26勁抵食！諗住平野唔方好食啦，點知勁好食，d 芋圓真係有芋頭味，而家亦好有咬口，仙草勁滑，唯一美中不足既係佢冇問過我地就幫我地落左奶，因為我覺得已經好夠味，唔需要落奶，所以下次要講左先😂

如果黎深水埗食甜品，一定唔可以唔識「康瑞甜品」！呢間甜品次次黎到都好多人，一定要等一陣位。今日好好彩，等左十分鐘到就有得入。呢到大部分甜品都有得揀凍/熱，而家入秋天氣涼涼地，我就揀左個「酒釀桂花配芋圓、地瓜圓、小丸子」。一碗甜品咁多料都只係$26蚊，性價比超高，唔係水多過料。食落去甜甜地有桂花味好fresh，朋友覺得甜得滯，但我覺得ok。芋圓真係有芋頭味，但地瓜圓就冇乜。小丸子唔硬而且好煙韌，高質！

#中意嘅請分享請點讚🍻----------😋特式仙草百配 $26呢款糖水有好多配料勁豐富，有芋圓、地瓜圓、小丸子、仙草、西米、珍珠、薏米、紅豆。糖水可以揀凍/暖，而且唔會太甜，芋圓/地瓜丸/小丸子都好煙韌，但又唔會太硬，係岩岩好🥰。仙草加埋咁多配料，食完係大滿足🥳。----------佢地宜家搬左舖位，但都好多人排隊好多人支持，水準都keep到💪🏻，重點係#黃店。----------🔎康瑞甜品🚩深水埗荔枝角道323號地舖

深水埗有好多糖水店，價錢全都十分相宜，離地鐵站有少許遠的康瑞甜品卻十分值得去。店內位置也確實多，不過坐位很狹窄。點了個特色仙草百配，有涼粉、西米、紅豆、薏米。另外還有芋圓，地瓜圓，圓類十分煙韌。整個甜品好多料，有不同的口感，軟硬兼施。20多元可以食到不同的食材，非常抵。椰奶濃度不夠，如果有多一點會更好。

每次黎到都要等位，但每次都係會照等😂😂真係好中意食佢地既芋圓🤤🤤最愛就係梛奶紅豆沙配芋圓🤤🤤正正正！如果fresh d 無咁甜既選擇就會係特式仙草百配芋圓🤤兩個都好推介！價錢仲要好平又好食，十級推介！甜品仲要黎得好快，叫完就好快食得，正🤤🤤🤤👍🏻

難得地去左深水埗同朋友聚會，食完晚飯梗係要食埋甜品！呢間舖頭芋圓係首選，唔硬唔粉夠Q彈，好好味～另外地瓜圓勁香，口感一流！雖然舖頭長期多人排隊，但好快有位！而且員工又有禮貌服務又好，嚟多幾次無妨。

夜晚散完步過來食宵夜，呢度嘅糖水好食價錢又親民。呢排食得最多嘅喺椰奶紅豆沙配芋圓，整碗料畀得好足，紅豆沙配椰奶，更加香甜，加上口感超正 好煙韌嘅芋圓，勁好食 啊！呢度喺真嘅好抵食！非常推介！！