影片
点个车仔面，叫极都无反应之后用劲差既态度嚟落单不知所谓，食物水准都无中等何必要受佢气而食啲普通货式？全马鞍山唔系得佢一间车仔面好似唔忧做咁，反正都系咁唔争在少个客人
继续阅读
一直都有帮衬开，虽然佢嘅碗仔翅真系不值一提，但我平时最钟意食佢嘅煎酿三宝。最后一次去，我又叫咗煎酿三宝，个阿姐问我要唔要豉油，我已经答咗’唔驶‘，个阿姐大大声再问我一次，态度好差！佢自己听唔到，但要个客受罪？！真系下不为例！
继续阅读
每当谂唔到食乜，最多就系新港城车仔面，价钱合理味道亦唔差，帮衬咁多年都好少失手。今日送完老婆搭车返工，一条友唔知食乜，又走咗去买车仔面。油面 韭菜 猪红 牛筋 咖喱鱿鱼，姐姐渌完面就定咗格，正好奇佢咩事，原来佢唔满意另外一个姐姐整外卖单阻住佢，一碗平时四分钟整好嘅车仔面，要一倍时间才能完成🤣🤣合则两利，但在咁狭少嘅空间一齐工作，磨擦好难避免，所以⋯明白嘅！亦可因为姐姐嬲嬲猪，今日咖喱鱿鱼比平时少🤣🤣🤣 ，而且唔记得落辣汁比我，都系𠮶句，明嘅！明嘅！是日消费：油面 韭菜 猪红 牛筋 咖喱鱿鱼(外卖)共$50
继续阅读
前几日嗌个煎酿三宝食，我明明就要12件，佢就黎6件俾我，但我想讲你应该唔系俾错挂（因为系户户送个选项到净系可以嗌 5 8 12 16件，而冇6件）过份到每样净系比一件我之后我就向户户送反映佢嘅问题，户户送都话会同佢讲嫁la到今日，唔知系咪前几日我投诉完佢，佢宜家玩报复la，我真系唔明点解嗌个车仔面可以冇汤都算，我嗌个3𩠌饭，豉汁蒸仓鱼，佢竟然黎个鱼头仲要系未熟。我真系未见过一间野可以做到咁cheap。black list！！下次我经过一定话下呢间野，真系cheap到冇人有。
继续阅读
今日本身谂住去街市食牛腩粉，可惜去到嘅时候餐厅已经收工，唯有转食其他嘢，所以就试咗呢档车仔面，呢档之前都有食开佢嘅煎酿三宝，车仔面就系第一次食，叫咗车仔面同油菜。油菜 ($12) : 好抵食 👍🏻 无谂过咁大碗，下次返屋企可以倒哂啲水，再加腐乳食就更滋味。车仔面比我想像中大碗，无论系米粉定𩠌，𩠌就叫咗两份猪大肠同一份萝卜，猪大肠洗得好干净完全无异味，而且又肥又够入味，萝卜亦几清甜，同埋好易咬得开。👍🏻
继续阅读
您可能会有兴趣的...