康年餐廳 (已結業)

去完男友既鋪頭探班之後去搵食見到之前番工成日食既康年依度都有其實我係想食個沙嗲牛包但晚餐又好似要食得豐富啲所以點左「西班牙雞脾扒配焗青蠔」 $62跟餐仲有湯同飲品佢個羅宋湯值得一讚夠多材料同濃味，煲到唔會好水汪汪咁，好飲至於個主菜雞脾扒都大塊，煮得入味因為唔多汁，所以無得餸飯咁食如果多番啲醬汁就較好不過食食下見到座位上有蟻，希望會改善下

去得康年，不預期有上賓的服務，但也不是要接受以粗言指罵客人，並大聲兇恶的对待。所指的是在金魚街舊舖。今早一行六人吃早餐，親眼目睹那位較資深短髮的女員工，喝令新人，更與客人對罵，門口收銀竟然加入戰團，大聲叫嚷，結果客人急急埋單走人。成間舖其他客人側目。我們有小朋人，在門口已跟麵包阿姐說了要切，落單時這位資深短髮女員工，竟然答，自己切！老友，菠蘿包不用麵包刀，把餐刀切咪碎晒！又吾係叫佢做……恶到無人有。熟客，個個都係街坊，係咪要做到熟客都怕怕？再講，餐茶三杯來了一杯，但旁边極熟客一坐底就奉上，結果人地都吾好意思佢遲梨先有……客係要養，街坊尤其，食物質素参差時好時壞都不苛求……但決定另覓早餐点

呢日同fd食飯，叫咗個牛肉炒公仔麵, $46質素普通，公仔麵都炒得幾爽口，牛肉雖然都入味，但就未夠軟腍，口感一般另外仲叫咗杯凍檸茶，點知就係呢杯凍檸茶中伏。埋單時佢話原來呢個唔係餐，野飲獨立另計。結果收咗我成$20杯凍檸茶好取巧咯，隔離列出嚟那版d碟頭飯都係話加$8有野飲。點解呢版會價錢差咁遠，同埋又會無得當餐加野飲，咁有趣?!

早餐吃得少，可是要挨到13:30才有時間午餐。這是午市尾段，下午茶又未到，時間真是很唔三唔四。無奈當時十分肚餓，唯有在這街道盡快找家餐廳用膳。看到這家很眼熟的餐廳，午餐價格ＯＫ，所以和朋友入內就坐了。下午茶在二點才開始，還要等一段時間。自己先點午餐A，朋友就等到二點才點下午茶餐。午餐來到了，牛扒飯　因為好肚餓，已經急不及待，先嚐白飯。竟然覺得白飯好好味，軟硬適中。　平時光顧的茶餐廳，白飯都是煮到又軟又爛，毫無輪廓可言。而這次，可能是午市尾段，大鍋內的白飯水份揮發了，反而提升了白飯外層的硬度，讓白飯更有口感。（質感似炒飯必備的隔夜飯）　　今天真係太肚餓了，慢慢咀嚼下，還感到白飯的香甜。　原來白飯都可以好好味！　何故平時没有這種感覺。　來到牛扒，果陣雪味真係很重，肉質纖維雪到爆曬，嚐不到纖維的質感。四十几蚊的午餐，不能要求太多了。   朋友點的下午茶餐，有雪菜肉絲公仔麵，迷你墨西哥包，炸雞全翼~炸得很乾。　　　　熱奶茶　雖不太香濃，不太醇，但起碼無苦澀味，不鞋口。　　　極餓之時，單吃白飯都會覺得好好味。

菠蘿油🍞+熱奶茶☕️先講講個菠蘿油📢我覺得都算可以，包身都幾鬆軟，而菠蘿皮帶香脆😈重點個包仲有少少微溫，所以牛油食落去會有熱溶到，唔會有有食冰塊的感覺😌奶茶濃滑，但欠一點茶香

星期二吃個提早的晚飯。康年的常餐是我眼中的「快餐」類粉麵飯，大眾認識的常餐在這裡叫「特餐」，選擇只有叉燒麵和番茄通配蛋多士，筆者於是選了叉燒麵來試試。凍咖啡先來，想不到味道竟有點像台式咖啡，夠滑夠味，出奇好味。缺少了火腿、午餐肉或腸仔的蒜茸多士加炒蛋，幸好炒蛋份量大而且味道不錯，吃一半後索性把蛋夾在蒜茸多士中間，蒜香、蛋香溶為一體，感覺滿足。另一驚喜是這碗表面普通的叉燒公仔麵，叉燒量適中，味香口。見到湯底泛著黃色油光，湯一入口，竟還有蘿蔔香味。即使是普通的公仔麵，但筆者吃到最後還是忍不住多喝了兩口湯，十分回味。

年廿九，行年宵，當然是小不得的節目。人頭湧湧的年宵市場，行了一圈，自然用了不少氣力，要在此節日找個地點小休，也不容易。行行重行行，發覺這店滿熱鬧，而且還有座位，二話不說就走進去。不算太餓，想吃點東西，於是選了油占多，蛋撻，奶茶。先是奶茶送上，茶香味濃，年宵後有點倦意，立時有醒神作用。蛋撻，雖不是剛出爐的，仍然香脆鬆化，蛋味十足，用料絶不馬虎。油占多厚切的，落單前可選薄的，依然香口美味，值得一試。吃著，休息著時，還不時有新鮮出爐的飽點或蛋撻，看來極受歡迎，否則也不會年宵時間還有出爐。休息過後也要離開，似乎走進一間不錯的小店。

這天午餐在旺角揾食記得往時跟老婆食過康年的蕃茄湯印象不錯便去重溫啦,特餐$43跟餐迷你叉燒包不夠熱烘味道一般,炒滑蛋樣子合格吃下也算滑溜~茄茸鮮牛肉通粉牛肉份量孤寒,蕃茄湯味道不夠香濃好麻麻,凍奶茶跟餐+$3說不上好飲餐廳退步很大應該不會令我再幫襯呢~

平時食開小店麵包鋪, 今日經過過西洋菜街果頭, 又見到康年. 就試下佢d新鮮出爐麵包啦!各拿魚包 $9, 有點貴, 但係份量較一般大件. 同埋可能成10點幾先買, D包唔係新鮮出爐, 唔夠熱辣辣!

今日到旺角行街，本来想去金x茶廳食野，經過康年又見門口有蛋挞同麵包，好自然又企係到冧冧，入不入去試，因上次檸茶事件留下陰影但人係要勇敢試試，再叫蛋挞味道不错星半，雞尾包幾好三星半，知後濃檸茶唔知會唔會好似上次咁真係上下不安，檸茶到來真係好濃喎，茶味都不錯四星，下次一定番食

今日陪小姐去花園街附近搵食，見Openrise好評餐廳當然要試一試，點知又一次對食評網的推介徹底失望。文西今次點了普通家常早餐：沙嗲牛丁＋西煎雙蛋牛油餐包＋凍啡 對港式茶餐廳一向鐘情，當然奶茶咖啡唔少得，先試一杯凍啡，自問咁大個仔未飲過一杯咁難飲。唔知係冰落太少定放得太耐（利申：冇叫少冰），上檯時冰已溶到得返幾粒珍珠末咁大。飲落更酸味濃郁，又水又酸，一試難忘。煎蛋最忌過熟，眼見一Pack 蛋黃與蛋白已分不開的煎蛋，誠意功力已可見一班 牛油餐包牛油尚有微溫，但牛油少得太可憐，食又食唔到，見都見唔到．．．終於到主打 沙嗲牛丁出場，餐廳勝在一丁唔使加錢，文西以為汁到寶，點知牛肉用料乃縮水老牛，連沙嗲牛肉亦"鞋口"　又冇味，雖然湯底味道ｏｋ，但分已見底。 本來小姐份餐文西都冇乜謂口試，但眼見一塊新鮮原塊粉絲面餅真係喜出望外。地址：旺角西洋菜南街103-105號地舖電話：3428 2283時段：早餐同行：一男一女費用：＄６８評語：不可一，不可再

行完花園街，正想食飯，見門面ok更入內，見到有2個晚餐，1中1西，但我都唔想食，見到有個海南雞餐唔錯，有湯又有飯，就要了，等了一陣就到了，個湯一般貨式，雞無味，好彩無雪味個飯太油啦，以這價錢差左d

今晚行開太子金魚街，又累又餓，於是同男友入去食晚飯。叫左芝士多士套餐，焗咖哩雞扒飯($45)，焗海鮮飯($55)，配熱奶茶。芝士多士單叫要$26,配熱飲要$33(即熱飲加$7)！焗飯配熱飲，熱飲要加$16(正價)。經店員建議後，叫左芝士多士套餐(配熱奶茶)，二個上述的焗飯，另加杯熱奶茶，埋單總共要成$159，熱飲偏貴。熱奶茶澀左D，奶唔夠滑。芝士多士賣相可以，多士外有一大塊牛油，炸得金黃，內有啖啖芝士，但偏油，食左塊冇咁油既一小部分，炸得夠軟，其餘油淋淋既部分比男友全包。油淋淋既部分男友話係糖漿，見到唔開胃，好似食油落肚咁。焗飯望落好足料。焗海鮮飯，白汁芝士夠creamy,海鮮預左係急凍，冇乜鮮味;炸魚塊有口感，但唔新鮮而且好腥;蛋飯偏硬，最唔新鮮既食材反而係洋蔥，變左味。焗咖哩雞扒飯，咖哩偏辣，雞扒煎得太乾身，冇雞味。

我覺得呢間其實無甚麼特別，啲飯都較硬又多又無咩汁，叉燒都係無咩味同硬，雞脾就比較肥但都算不錯。炒蛋都算幾滑而餐包係墨西哥包都幾特別，茄牛通就吾夠蕃茄味咁，所以吾會特別推介

比佢既麵包香吸引左入黎食叫左個 ' 常餐 1 ' 瑞士雞翼撈出前一丁 配熱飲一杯 $42√ 麵食落唔似出前一丁 食落麻油味香同一個 ' 特餐 A ' 茄茸鮮牛肉通粉 $38配炒滑蛋 , 迷你墨西哥包 , 熱飲一杯√ 炒滑蛋好滑√ 墨西哥包入面有奶皇 驚喜茄茸鮮牛肉通粉√ 實物不如圖 但茄味濃√ 熱奶茶不錯√ 蛋撻 出奇的幾好味 但我對個皮麻麻地