影片
食家推介
相关文章
旺角行街经常会到花园街附近行吓同家人一行三人行行吓觉得有点肚饿是时候吃下午茶☕️忽然经过康年餐厅门口，平常我多数都在门口买蛋挞同埋面包回家吃，因为今日天气实在太过炎热，家人都想坐在餐厅内凉吓冷气饮杯冻奶茶🥤我就叫咗$32红豆冰配菠萝油，菠萝油如果外卖嘅话其实只系需要$12，坐低食嘅话要$32即系变相红豆冰需要$20，感觉有啲唔系好化算，不过冇办法啦坐低食嘅话价钱系相对比较贵啲，菠萝包新鲜出炉新鲜热辣，加上香滑嘅牛油，好好吃，牛油系冰冻嘅，热同埋冻嘅口感令人觉得好好味，不过以下午茶来讲我觉得有啲干，饮啖红豆冰就啱啱好屋企人叫咗两碗牛腩鱼角，我都觉得食啲湿湿地有汤嘅嘢个人都舒服啲，牛腩份量唔算少都有三旧，鱼角就有两嚿，好好味，汤底亦都好唔错，又够热，面嘅质地亦都弹牙，我哋食完之后 意犹未尽所以嗌左三个蛋挞，新鲜出炉嘅蛋挞特别好食😋餐厅有好多客人出入所以门口成日又开又关，令到坐喺门口附近嘅我觉得好鬼热，不过职员已经尽量安排座位，餐厅设有2楼，不过屋企人因为行动不便所以我哋焗住坐一楼，间茶餐厅嘅座位都算多嘅，而且职员态度亲切有礼，出菜嘅速度亦都好快速相信我好快就会下一次再帮衬因为价钱好大众化！如果要挑剔嘅话就系个厕所地下太湿啦，而且系痞厕，对于老人家来讲非常危险⚠️
继续阅读
上星期好冻好想食/饮热野同朋友就去左食个港式早餐 叫左一个沙爹牛面加奶油猪 奶油猪系新鲜热辣辣同好脆 奶油酱都好足够 好香口沙爹味道浓，牛肉软度不错， 面既软硬度适中。另外叫左罗宋汤螺丝粉加餐包肠仔煎蛋罗宋汤味道略有少少淡味， 螺丝粉面软硬适中， 餐包肠仔煎蛋味道正常早餐都有包饮品， 叫左热咖啡同热菜蜜。 热咖啡一般， 热菜蜜正常由于天气太冻， 胃口特别好， 叫多左两个蛋挞同新鲜出炉菠萝包。 个菠萝包真系好脆 好好食 蛋挞虽然系暖既～ 但味道都几好 食完成个人暖番晒 ， 充满能量！
继续阅读
行街行到饿饿哋～就入咗康年食个下午茶～平时去茶餐厅hightea都钟意食西多士！见呢间嘅西多士系有加芝士～就试吓呢个【多芝味西多士】啦！等咗一阵，西多士上枱喇，望落煎得好金黄，好吸引！但佢系帮你落埋糖浆，加上西多士嘅温度唔热，暖暖偏凉，所以旧牛油唔融，要俾啲耐性去搽匀个面。到切西多士喇～惯咗切4x4，16旧细细粒咁食。第一刀切落去，除咗见到啲糖浆顺住切口涌晒落碟外，UM⋯⋯芝士在哪里？切晒4x4后，发觉喺中心嘅2x2系有一层芝士，似系平时卡夫片装芝士，认真讲，呢个【多芝味西多士】就唔多芝士味喇。虽然本身都唔多期望，但可能都系个西多士嘅温度影响，送到嚟已经室温，室温又唔融嘅片装芝士唔冻唔热咁，可以好食到去边？难食又未至于～不过热少少同加多少少芝士应该会几唔错的！
继续阅读
做完嘢返屋企先食又太晏，加上要同同事倾公事，决定响旺角解决,见到有常餐立刻走入去，赶时间嘛。响我9秒9拣左个常餐嘅同时，同事叫左个晚餐，牛尾？佢话呢度嘅牛尾好食，等左一轮，视觉上佢d 牛尾又唔算太 hea ,不过同事觉得味道未够浓郁，但牛尾算炆得几淋，分量黎讲都算多～我就欣赏佢几多蔬菜。至于我个常餐，只能用一个字：饱！黎形容。叫左番茄牛通嘅我见到个分量开始是后悔😂太多啦。不过蕃茄汤底都几甜，可惜通粉太粉，食多两啖会饱，牛肉都难咬左D.佢个多士唔空气，放一阵都系脆的，唔错唔错，但个炒蛋有点儿hea, 好似求其塞饱你咁。嘢饮我觉得唔算好饮，所以要讲嘅话有得选择当然唔选择，但夜妈妈唔想再揾地方就无办法 粗粗地食住先啦。
继续阅读
系旺角食早餐通常都会黎康年食既，食既系佢地既人情味，康年系旺角有两间店，两间都系由两𠮶舖位组成既，我就遍爱去哩间度食，因为新小小，前排黎食早餐，啲姐姐话做到今𠮶星期，哩间舖头就唔做啦，旺角得番一间架乍🤫🤫🤫好啦，我唯有哩𠮶星期日日都黎食早餐啦以后就要去旧𠮶间噜旺角租金不嬲都系贵租既，眼见唔少餐厅开完又执，不停loop😢😢不过我相信康年做得住既，话哂系旺角做左咁耐💪💪💪💪讲起康年不得不提奶茶同埋新鲜出𬬻既墨西哥包，每次下午茶黎到都一定会食，今日早餐就嗌番传统既火腿通，炒蛋三文治啦，唔系度度都有得转蛋治架
继续阅读