座銀

营业中

休息中

Zagin 定 Ginza話飛就飛都不夠及時，有乜嘢仲好得過開心食餐，係 Zagin 好 Ginza 也好，呢間號稱最佳拉麵店過江，再開店到太古城，中午飯時間排隊就故然之，不過又唔會失望，餐具、溫度、味道配搭都令人滿意，即使價錢同附近餐廳和心目中稍稍高，而且份量則稍稍少，佢嘅質素就相當有保證，用炸牛蒡拌麵都幾特別，用餐流轉快所以食完都唔會坐太耐，要識得「讓座」其他客人，有機會一定要親自去東京銀座總店體驗一次。

突然其來嘅感覺好想食日本拉麵，雖然見到評論好似唔係太好，但係我見係新開嘅不如去試一試。自問唔係日本拉麵專家，不過嗰一刻好想食日本拉麵，又係太古城附近，所以去咗呢度試吓度試。地方好新好舒適，入去叫我坐好大張枱。我最終唔好意思都係坐返張二人枱就算啦。我覺得服務態度幾好。咖啡本身係要外賣，都唔介意我買完之後坐返喺度飲。嘢食方面，我覺得食材好新鮮，拉麵我直程覺得好好食，炸雞有肉汁，食材救新鮮已經勝於一切。我自己就會再去食多次

因為昨天晚上光顧時，受到令人極度不安的對待，我覺得有必要在這裡分享一下今天晚上到太古城新分店光顧時，排隊時已有一列三人母子在店外狂咳，本來是沒有什麼關係的，因為真係唔關我事。然後我被安排bar 台那邊坐，食物點了上了炸雞，茶又不上（無記錯此店跑馬地鋪是會上茶前先問客人要凍還是熱茶，唔問都算仲要客人在上菜之後先有茶此舉好奇怪）之後那位職員禮貌要求我轉個位讓比三位客人坐，（就是在外面狂咳的三母子）不過人是會病的，我唔好彩要對住佢地食麪而又好多手位我都明但會唔會轉左我位之後唔轉我張單，佢地將碗麵上左比個母子（一分鐘有得食），個小朋友狂咳之後，該店員仲會想將客人掂過同咳過既拉麪上比其他人？已經忍受住佢地無口罩會傳染比我既風險，見到我坐到側哂又比人搶走左碗麪，當下都無即時比返一碗我仲要我從新等多15分鐘+去收返隔離位點個碗麪，我已經好無奈，搞到好似我做錯左事一樣雖然係一位可能未必比個三位狂咳母子客人總消費額咁多但都食左200幾蚊既野而唔係無比錢我就因為消費唔夠三位多要忍受以下1）轉了我位又唔轉返張單2）差點比碗比陌生人咳過既麪我食3）你地出錯時間就要我去受返該店員既錯4）個女士仲要對住個冷氣狂咳

總體菜品偏鹹，炸雞真的挺油炸的，也略鹹。服務禮貌而周到，waiter還在training中。新開店中午排隊有些長，晚上還可以，週一晚上突然想去吃，7點多以後到，在門口排隊大概十分鐘。

聽聞太古城店新開張，網上食評也很高，所以一試。7:20pm(六)今晚要排隊(睇相)，大約20人，終於等了約1小時。食後語: 雞白湯拉麵 x 2+糖芯疍 - 白色的湯底，湯面打起泡，樣貌吸引，所以忍不住喝了2口，但食落後，發覺湯太濃，而且食後感覺很口渴，喝下整杯熱茶也解不了(直至半小時回家後喝了一杯清水才感覺好一點)。雖然落單時已經叫煮淋，而且送餐時，待應也確認)，但仍然發覺麵太韌 ，而且整碗麵也沒有回味的感覺，另外洋蔥太生(頗不配合這湯麵的味道~個人感覺)。最後，糖芯疍太凍(似剛從雪櫃取出)，不配熱湯麵。最後最後，坐位太窄，2個人坐在近牆邊4座位枱，離開時要隔鄰客人借過，而且沒有空間放手袋/什物 ，要放在椅後-背坐直。終結 ~ 不會回頭(純屬個人喜好)！

其實小弟就唔係第一次食座銀，本身已經去開跑馬地店同中環店。為咗唔想令大家對新開店的幻想破滅，今次我姑且寫得輕力少少。今次試咗佢嘅海鮮雞湯麪但其實我叫左海老雞湯……因為已經見佢就嚟打烊所以唔想勞煩佢地都係自己算食咗佢算但原來係我自己太好人……講返碗麪，以座銀嘅水準嚟講，我唔收貨。你當我係嘴刁又好麻煩又好個牛蒡炸過龍，脆係脆但有燶同澀味。湯底畀魚介嘅味道遮蓋咗雞湯嘅味道。麪質唔錯比較煙韌，可惜間間座銀都一樣係咁好。兩塊肉係正常發揮。個煙燻蛋我額外追加但我唔期望佢係放落個湯度，因為其他店都係分開上……佢咁樣放一放咗落個湯度佢煙燻味有少少畀啲湯沖散咗…而家新店都冇辦法做返第一間座銀係香港開張時的驚豔感，業務擴張，都係好事嘅…畀更加多人認識…但已經個人覺得不復當年。麪嘅相就真係冇乜好影，反正呢間都唔係第一間。不過其實裏面嘅裝潢都唔錯。繁忙時間搭枱我覺得好合理，可能趕收舖都算繁忙時間啦。咁我一個人食就無乜say㗎啦。我坐嗰張枱係明明係二人枱，但側邊攝多咗個位變咗我坐咗喺對情侶側邊，咁就有啲尷尬…………另外，唔建議店長店員傾計時大大聲講起其他店。不過整體嚟講其實店員嘅服務態度都好好。食完飯找埋數，本

近期太古城多咗不同種類的日式餐廳，而暫時最新除了剛剛裝潢完重開的千両外，就係位於千両對面的雞白湯拉麵專門店《座銀》❣️呢間店鋪好唯美，以花做裝飾品，感受到滿滿的日本情懷❤️，製麵人為日本師傅，每當落完單，店員會用日文向日本師傅落單🤭；樓上的洗手間分男女廁，女廁是在香港拉麵店好難得見到嘅免治馬桶😳😳，完美呈現番日本的細節和精緻🥹令小妹好感動❣️整理好自己坐低後，先選擇熱茶定凍茶，再望餐牌。《座銀》只有3款主食+4款小食供選擇：雞白湯拉麵、雞白湯沾麵、海鮮雞白湯拉麵；座銀炸雞、牛蒡雞肉飯、燻製玉子&炸牛蒡。因小妹仲未病好🥹揀左要雞白湯拉麵+糖芯蛋：Oh My God！雞白湯好味到令人嘆為觀止😍😍繼2022年在大阪食過出色的《ぼっこ志》後，香港終於有可媲美的了🫶🏻（雖然係大阪過江龍😏）！湯底濃厚香甜，「雞湯利用泡沫咖啡打泡法，打出一尾層泡沫，豐意口感又添綿滑。」拉麵質感剛好，軟硬適中；雞肉肉質鮮嫩、叉燒豬肉片似煙燻過咁，有種特別的香味；第一次食的炸牛蒡有咬口，似為拉麵增加層次👍🏻👍🏻糖芯蛋蛋黃確實好完美，但燻製味唔太出🤔，唔通飄咗過去叉燒果邊😳香港食拉麵係偏貴就大家都知，呢碗雞白湯+燻蛋合共要$1