度小月 (海運大廈) (已結業)

台灣食過度小月，好好食，味道永遠都有種好清新嘅感覺。之前疫情前有次想食，四人枱一坐低，就乜都冇問，安排另一pair 撘枱，又唔比餐牌，服務好一般般，嬲得滯走咗。今次星期日，hi tea 又冇位。好啦！試多次，人都多，服務不過不失啦⋯點咗一個擔仔米粉，一個擔仔粿粉。28@份量係少，不過台灣嘢係咁，可以食多啲嘢 鳯梨蝦球，好清新，鳯梨都好清甜，蝦球好新鮮，好爽脆。唔覺意又點咗櫻花蝦椰菜，味道剛好，沒有太鹹，椰菜鮮甜。總括，食材食物係有質素。見𥚃面有窗邊位，好似好chill ，下次可以再試 。

一向都好鍾意食台灣嘅美食，知道度小月嚟咗香港，即刻走去試吓啦！好想尋找返台南嘅古早味呀！今次嚟到呢間海港城嘅總店，佢嘅環境一流呀，裝潢亦好有台南嘅古早風，有海景😃食嘢都開心啲，而我哋就叫咗三杯雞、滷肉飯、同埋度小月擔仔麵，仲有炸大腸，分量唔算多，但係就足夠兩個人食到好飽飽啦！😋😋三杯雞熱辣辣上枱香味濃郁，裏面起碼都有半隻雞呀🙊而佢嘅著名嘅度小月擔仔麵更加係同台南一樣風味，喺香港都可以食到真係好感動呀😭😭

海港城之食肆都有少少平民化價錢之台菜，行去LCX方向，有不同食肆；竟然台灣過江龍-度小月都位居於此。睇吓個menu, 有午市套餐$78可以試試。三杯雞$78⋯⋯雞肉嫩滑，三色椒唔算多，味道配白飯都好夾😗蔥油雞飯（冷）$78望落去以為辣，其實唔辣，雞肉有啲「嚡」祖傳肉燥飯$28⋯⋯抵！不過肉燥好小，價錢平就係咁😶鹽酥雞（細份$38），跟餐都可以試試芙蓉豆腐，豆腐外脆內軟+墨魚丸夠彈牙海景露台view, 可遇不可求，睇彩數🤗店內有不同風格之座位，最正梗係海景露台位置，不過無得預訂；必須按入座時間，侍應安排. 海景露台位置都唔小，不過入座時間高峰時期，比較難有。我又覺得中間之大排檔feel都唔錯，不過坐得無咁舒服😐卡座位雖然舒適，不過有好多殘留物在隙縫😨😨😨😨平平無奇之台灣菜，午飯價錢是抵食，一試無妨😃

今晚到LCX，剛巧見到裝修精緻的台式餐廳「度小月」價錢亦算合宜，於是同友人取票等位。等候時間大約10分鐘，算快，可能因為未到7點。我們叫了6樣美食+1杯胚芽奶茶，兩人吃，份量剛好擔仔麵$28好平，因為份量很少，可作淺嚐材料有蝦、肉操及蒜蓉醬，夾埋味道清新不油膩，值得一試綜合丸湯平平實實，湯底咸味十足。最驚喜是這碗招牌鮮蚵湯本來我很怕吃蚵仔，因為怕腥味，但友人吃一口就大讚鮮甜，於是我也嚐一嚐原來因為有薑絲及蚵仔新鮮，所以腥味消失，連湯食有很濃烈的鮮味，超喜歡不過要趁熱吃，凍了就會有些腥另外，清炒時菜一點不輸人！有陣陣酒香味道的時菜令人吃完又吃，很開胃。雖然價錢略貴，不過大碟很啱講求均衡飲食的朋友們櫻花蝦炒飯很大碟，兩個人都夠食！不過炒得較乾身，材料較少，容易口寡需要其他小食幫手，才能吃完。炸大腸在其他餐廳比較小見，所以點了一碟吃表皮不會太多油，味道偏淡，加些椒鹽粉味道剛好。整個晚餐最愛鮮蚵湯，值得再來吃

最近買野買得太多, 平平地求其食一餐, 為求醫飽個肚就算.呢次都係第一次黎食, 其實味道唔差, 佢平既原因我估係每度菜既份量都好小. 但咁樣細細份, 岩哂我地呢D細胃人仕, 又可以叫多幾樣野食, 我覺得咁樣都幾好.擔仔雙併:  雙併左米粉同裸粉. 其實2個粉放入同一碗麵度都唔夾. 唔好貪心叫雙併祖傳肉燥飯 : 肉燥可以濃味小小同多返小小會好D烤紹興腸 : 配左D蒜片比你一齊食, 又唔錯啵. 中和左D咸味三杯雞: 同肉燥一樣, 可以濃味小小. 呢煲仔要$98, 性價比差滷大腸: 滷得都夠入味既 鹽酥雞: 幾香口, 唔錯.總括黎講, 一分錢一分貨, 不過不失啦

唔知點解「度小月」每間質素都好參差～係得海港城呢間會比較好食😂當我諗起蚵仔酥我就會黎食～係得佢呢間分店個「蚵仔酥」炸起做到外脆內軟～蚵仔都大粒又juice, 唔會乾爭爭~另外，今次叫左「香根皮蛋」同「擔仔雙拼」～對「香根皮蛋」稍為失望～醬汁味道唔錯，但重點嘅皮蛋居然唔係用溏心皮蛋～皮蛋味一d都唔香，而且仲好實好乾～完全覺得佢浪費左個好醬汁～至於「擔仔雙拼」，就係肉燥米粉加油麵～老實我未食過正宗台灣個間，所以冇得比較～但同本地一般連鎖式台式店比較下，我覺得佢嘅肉燥係唔錯，半肥瘦肉燥唔會太鹹，夠曬林滑～湯底都唔會好濃，細細碗我反而覺得啱啱好～我可以再叫下其他小食

台灣嘅度小月真係好食得多每次黎海港城，遇到好多人而又無book位，去度小月通常都有位🤭呢度只能話係不過不失，可以填飽個肚。不過真係唔會話超好食囉🤔肉燥飯，擔仔麵，三杯雞呢啲熱門菜式，其實都無乜特別好味。不過呢，有一樣食物真係奉勸大家唔好食！就係鹹豬肉炒飯！因為係超級超級多油架！你望落唔覺咁多油，但食落真係好勁嘅油味。我都係因為太肚餓，想食飽啲啫，但佢嘅油膩程度，係我不能接受嘅😖😖都有一樣係我滿意的，就係櫻花蝦九層塔煎蛋。足料，煎得脆脆地👍🏻服務方面，真係麻麻，啲人黑口黑面嘅😖真係要改善一下。

喜歡台灣菜，一直想搵機會黎試試，今晚終於黎左。大約8點去到，等3張枱，坐左係近門口既等候區等，望入去環境都幾寛敞，唔錯。 等候區後面係一大片落地玻璃，可以見到整擔仔麵既小廚房。見職員煮好大約8碗麵，飯或湯，之後就按唔同菜式加配料（其實都係大同小異）。 職員整緊其中一碗擔仔麵，拎蝦時，唔小心整跌左另一隻落櫃旁或地下，佢執番起後望一望我同朋友，之後企起身，本來以為佢會掉左佢?結果佢拎去水喉度沖一沖就放番落裝蝦個個碗裡面，之後整下一碗麵時，盛完湯再放隻蝦上最面，就上枱。 呢一刻我覺得好突兀，整落地玻璃唔係比客人可以望到入面既美食咩？但客人睇住隻蝦跌落櫃甚至地，就咁拎去沖沖水就放上碗麵，連再焯一焯都冇，真係接受唔到。 之後入得去，坐低後，職員拎住餐牌過黎，有啲惡講左一句，原來話9點last order,如果態度溫和少少會好啲，不過呢個都唔係好大問題。 打開餐牌，都算多款式，不過感覺有少少貴，叫左4款食物。肉都幾淋，好大胡椒味，唔錯麵叫左兩款，一個雙拼，一個純擔仔麵（油麵），米粉吸收到湯汁，過得去，但油麵吸收唔到，極普通（可能因為啲湯就咁淋上麵上枱 ，吸收唔到）台南小炒有紅黃椒，蒜

當日排隊排了一陣先入到去，因為見到咁多人排隊，期望十分高，但結果沒有想像中咁好食。滷肉飯呢D台灣傳統食物表現一般。反而個湯有驚喜！當日叫了雜錦丸湯，十分香濃，最好飲係個湯！但下次未必會再食了。

海港城做promote ,買完手袋👜，換了一疊優惠卷，有美食，有購物⋯顿時覺得海港城是我的飯堂。突然之間想食滷肉飯，👀👀 優惠卷，見到有度小月，去台灣就食過，但香港這間就未試過。今次就試吓，但真的有點失望⋯食物質素麻麻，最好可能只是那𥚃的無敵海景😵。我們叫了擔仔麵，肉燥飯，蚵仔酥，花生豬腳和黃金蝦捲。🍜擔仔麵- 麵條的質感尚可，味道也不錯，略嫌太細碗，食幾口已沒有了。🍲蚵仔酥- 蚵仔偏大粒，肥美飽滿，咬下去啖啖肉，外層酥香乾身，不過就無蠔仔味🐽花生豬腳- 滷水豬腳，味道不過不失，花生最好味，上台時的賣相不太靚。🦐黃金蝦捲- 見到好多食評也話好好味，所以叫了，炸得係好脆，但味道不覺得好特別😵。總括而言，食物的質素一般，價格偏貴，每份食物也是細細碟，要叫好多碟先至夠飽😂！

在海港城想吃台菜， 於是找了這間店。 如果不熟海港城，餐廳位置並不易找，我也兜了很久。慶幸的是午餐時間居然不多人，不用訂位都可以在peak hour 直接入坐。 我點了烏蠅頭撈麵， 配墨魚丸，飲品可配可樂， 我也加配了香腸。 撈麵口感一般， 下次不會再吃。 墨魚丸份量略少， 味道不過不失。 我一向喜歡台灣腸， 味道不錯， 不過以加嘅錢，如此細條， 下次也不會再點。 總的來說，這間餐廳都會不過不失， 價錢不貴， 但食物質素也普通。 坐的環境ok

最近海港城夜晚都冷清清，所以約朋友過嚟食飯，貪呢度夠靜可以傾偈😌度小月喺台灣食過，難得香港唔使排隊就試吓/睇佢所有份量都好細份，所以我哋叫咗好多嘢😂。擔仔雙拼: 油面加米粉，米粉相對較入味，好食好多。滷肉時菜: 有啲乾，不過不失。烤台灣腸: 幾Juicy，正常水準貢丸湯有淡淡的藥材味，上枱夠熱蚵仔酥：我誤以為係蚵仔煎，結果上枱見到咁大碟嚇親😂如果胡椒鹽已經撈好會比較好食，因為炸粉偏厚，蚵仔味偏淡，失望😞蝦棒有蝦味，可惜唔夠彈牙，但炸得夠脆卜卜，可以一試/整體不過不失，如果要排隊就免了喔

今日假期，經過度小月，都唔係咁多人排隊，我好想食台灣小食，所有食物細細碟，可以一次過食好多種類最啱我！招牌菜安平鮮蚵湯係最出色嘅！我最鍾意用薑絲煮嘅味道，女仕們通常都會鍾意，蚵仔好鮮甜！有4粒肥肥蚵仔跟住係烤紹興香腸好好食，但擔仔麵就一般，唔夠熱！和風秋葵略嫌太淡味！蚵仔酥都係一般，鬆脆但炸咗之後冇乜甜味！食唔飽，跟住再加多個滷紹興香腸同埋台南蒸芋糕，兩樣都好有風味！烤香腸好味D！個皮脆脆地！台灣風味當自己去咗台灣一轉！

在香港，要找好吃專業的台灣菜不易，我朋友推介度小月。擔仔棵條以前係台灣嘅窮人食，有一隻蝦喺上面，味道清新，根本不像窮人恩物。台式炒花枝將花枝幼切伴以露荀及红罗白，口感爽口。最後上的是台式三杯雞，用窩上，甜甜地，配上甜椒，幾醒胃。

擔仔麵 $28鮮蝦頭湯底非常濃郁但唔會覺得油膩👌🏻配上半肥瘦肉燥、鮮蝦、豆芽、芫荽同蒜泥。麵質​亦彈牙。不過份量實在太少，我哋一人一啖已經食完🥴祖傳肉燥飯 $28同擔仔麵嘅肉燥一樣唔會太肥，甘香得黎唔會油膩👌🏻但比起台灣食嘅肉燥飯相對淡口。另外份量同樣太少，每人兩啖食完，而且肉汁比例上少，食到尾得白飯😭蚵仔酥 $68蚵仔算新鮮有咬口唔會太細粒，粉漿​亦算薄，但唔夠酥脆。 味道較淡，需要靠旁邊嘅白胡椒粉吊味。鹽酥雞 $68外皮都酥脆，但粉漿略嫌厚。雞肉夠滑但有啲乾，未能做到外脆內軟🤨味道就比蚵仔酥濃。櫻花蝦九層塔煎蛋 $68 配料幾足，食得出香濃嘅櫻花蝦同九層塔🦐🦐外皮​亦夠脆口。 不過可能配料太重，搶咗蛋嘅味道。綜合丸湯 $28 呢個湯有3款丸，墨丸、魚丸同牛丸，全部都大大粒夠新鮮彈牙，唔似一般冰鮮貨👍🏻湯底係清清甜甜，飲得出冇味精😋