幸運星

营业中

休息中

晨早流流，又趕時間，見到有間門面靚靚地嘅就沖左入去食個早餐！🤗🤗叫左個牛肉米+蛋撻+熱鴛鴦因為起初見佢招牌係蛋撻呀，鷄尾包呀，菠蘿油甘⋯⋯後兩者我冇揀因為怕飽得滯！（見到隔離枱叫左，都幾大個）所以我選擇蛋撻！但好一般law~皮少少硬🙄🙄🙄中間蛋味都👌🏻嘅！而個牛肉米，睇落以為吾錯啦！但實情牛肉少硬，比較難咬開！味道好一般茶餐廳😞😞😞😞😞最後杯茶叫做好d~吾錯！結論：下次吾會幫襯🤨

今早一坐低我唔想食太飽丶所以叫了個餐蛋治加熱奶茶丶但個侍應一直不停同我講丶話食早餐B啦丶早餐B抵丶我話我唔想食咁飽丶而且我真係想食餐蛋治丶來來回回幾次丶系都要我叫B歺丶好啦丶甘我話要A 歺丶跟住又叫我叫B歺丶仍然同我講話扺丶她是不是有病丶點解我食乜又她決定丶我有錢點解吾可以叫餐蛋治丶我差D就想同她鬧交丶所以決定走丶以後永不幫襯。

今日 lunch 同個同事2個人黎食個 lunch，佢之前今個話幾好食，所以就佢帶我黎食。我地2個又唔係好肚餓，所以2個人叫左一個餐同加左個蛋撻 share ，另外叫多杯凍奶茶。個雞肉石鍋飯黎到熱辣辣好食。個蛋撻皮就實左dd ，但入面個d蛋就好好食咼。每人都係$55，唔算平，但算坐得幾舒服。

幸運星我又黎喇🤣😅🤣😂😅🤣，因為前幾日黎食完🙊🙊🙊，餐廳送左一張 $6 coupon ，所以我今日放假特登再黎食😬😬。不過原來呢度要問店員先有水飲，如果唔係就冇得飲😬😑今日我地2個人黎食，叫左一個午餐豬軟骨稻庭烏冬配羅宋湯😋😋😋，再加一個蛋撻，另外散叫左一份雞蛋三文治加熱朱古力。雞蛋熱辣辣，麵包很軟熟。蛋撻的牛油皮好香好厚身，仲好香蛋味。豬軟骨稻庭烏冬正常😬😬😬。今次食完又有2張 $6 coupon 送，又要睇下次食d咩😝😝😝

放工後自己一個來食晚飯，這裏都坐得很舒服的餐廳，款式都不算太多，但夠簡單。我就揀咗個石鍋飯餐，一邊有頭盤、主食、特飲，我就叫咗個2號，汁燒黑松露豚肉石鍋飯，再配胡麻沙律同埋雜果賓治。雜果賓治飲落有少少藥水味😝😝😝，沙律就正常，因為個胡麻汁好好食😬😬。之後重頭戲就嚟啦😍😍登。登。登。登。。。。就係汁燒黑松露豚肉石鍋飯，粒粒都係珍珠米而且黑松露配埋洋蔥、菇同埋豚肉非常配合，食到我舔舔脷😋😋😋，食呢個餐有三樣嘢都係$85 ，晚餐來講超值👍🏿👍🏿，下次會再嚟試吓其他餐😁😬。食完出門口俾錢時候，佢仲送多左張$6優惠卷，等我下次再去食，哈哈😄

外觀亮麗，以黃白的設計令一間茶餐室包裝得年輕化又有活力。點都是在銅鑼灣區，價格比一般住宅區的為高些是無可避免的。今次埋單時給優惠券等下次光顧，每$20可用一張減$6，如在附近工作，再光顧便抵些。菠蘿油，包軟綿，菠蘿皮脆卜卜，最罪惡的當然是厚片牛油，但一起吃超正。汁燒黑松露䐁肉石頭鍋飯，份量多，肉也多，石頭鍋好處是由頭吃到尾啲飯都是熱騰騰。蕃茄羅宋湯雞扒稻庭烏冬，蕃茄羅宋湯很稀，味道很淡，烏冬好味。熱薑檸蜜，微甜，薑味十足，很暖胃。

我平時都有來幸運星，尼度裝修滿有特色，好欣賞呢道嘅包同撻，真係試過就返唔到轉頭。蛋撻望落色澤金黃，賣相光滑，芳香四溢，入口香甜軟糯，撻心滑溜，撻皮可以吃到淡淡牛油香味，吃多幾個都唔會覺得太腻。平時只食菠蘿包，今次試下豬扒菠蘿包，以為又甜又鹹會好奇怪，點知又好好食。豬扒菠蘿包賣相不錯，份量唔算太細，菠蘿包皮吃落脆甜，豬扒醃料味道不太濃但卻十分滋味，肉質不太死實乾澀。凍檸茶顏色比較深，茶味算是香濃，無澀味怪味。檸檬有3片，檸檬需要自己篤，要幾酸自己控制。甜度唔算高，能帶起檸檬酸味及茶香。總括而言，大家來銅鑼灣一定要來幸運星吃嘢，希望每人都有一顆幸運星。

每當去到銅鑼灣唔知食咩嘅時候就會諗起幸運星。幸運星主打港式茶餐廳菜，我最鍾意嘅係菠蘿包、蛋撻同冰鎮港式奶茶👍🏻比起其他茶餐廳佢裝修別緻時尚得多，環境乾淨，有許多卡位座，可以等你舒服地望到行人同街景，好relaxing!前幾次試過去嘅港式炒粉麵，好有鑊氣👍🏻反而fusion菜好似石鍋飯咁就普普通通。今次我就試左個晚餐套餐：主菜再加一杯野飲，可以揀炭燒咖啡、雜果冰等等。我揀咗熱薑檸檬蜜糖，並非用現成薑蜜開，而係用薑片煮成嘅，感覺比較健康主菜我揀咗欖菜肉碎四季豆飯。比較重口味，味道偏鹹，送飯就啱啱好。我嘅朋友唔係太肚餓所以就點左個清清地嘅雪菜肉絲米。總括來講，幸運星嘅茶餐廳食物比起小菜或者fusion菜好食。我推薦你一定要試蛋撻同菠蘿油，記住早啲嚟，因為晚上通常都賣晒！主菜記得嗌炒粉麵飯！

話說前幾日經過白沙道去食太平館，見到啲一間裝修幾新穎嘅冰室, 就係出邊個麵包部買咗菠蘿包，蛋撻同雞批，你做第二日嘅早餐同下午茶！雖然隔咗一日先食，但我說之前用焗爐焗返熱佢，都非常好食！性價比好高！真心對啲一間冰室有一個好好嘅印象，所以琴日決定入去食個午餐，點知⋯伏左🧟‍♂️叫咗一個沙嗲牛肉菠蘿包，外貌非常失望，從外面睇，菠蘿包切得非常求其，完全見唔到任何嘅沙嗲牛肉，同佢餐牌張相係兩個極端！試吓食下佢，沙嗲牛肉冇沙嗲味，牛肉冇牛肉味，份量少到阿媽都唔認得！另外朋友叫一個沙嗲牛肉公仔麵, 都一樣係冇沙嗲牛肉味！個湯完全係清湯！仲有叫咗個菠蘿油，一嚟到，舊牛油得晒出嚟，好似好多咁，仲滿心歡喜，諗住呢個菠蘿實點啦！點知一打開個菠蘿包，係空心嘅！即係話，得出嚟嗰舊牛油就係全部🤷🏻‍♀️

幸運星的菠蘿油吃過不止一遍，今日帶埋至愛一齊去午餐。銅鑼灣白沙道地鋪，2時多已高朋滿座，勝在餐桌多，等位時間大大降低。午市套餐套餐$60-$70 。隨心點下豬軟骨稻庭烏冬，冷奶茶；照燒雞石鍋飯，熱炭燒咖啡。至於招牌菠蘿油，當然是一人一個。豬軟骨稻庭烏冬，份量偏小，豬軟骨入味不過不失。奶茶香濃滑口，奶味重，偏甜。至於雞肉石鍋飯，燒汁香味已吸引。雞肉數量下得慷慨，嫩口多汁，更鋪滿菇菌，口感一流。份量充足，微焦飯粒好味。點選了的炭燒咖啡，則言過其實，味道與一般咖啡無異。招牌菠蘿油，一個手掌咁大。面層脆脆，包身軟綿，夾著一磚牛油，就是邪惡都要吃，好味！

收工和朋友在銅鑼灣行了陣街，有點肚餓。咁啱之前都已留意到間新開既裝潢好靚好特別既茶餐廳 ，今次同朋友決定一於嘗試呢間幸運星。有選擇困難症又想食得稍為健康的我 在店員熱心推薦之下點了他們的新菜式，西蘭花炒豬頸肉，70元一個套餐包飲品。在高地段的銅鑼灣來說，這價錢太合理不過了，份量也很足，配的白飯剩了不少幸好有坐對面的朋友幫我解決。西蘭花和豬頸肉都很爽口入味，不會很油膩。平常在街吃飯很少會吃西蘭花，因為怕不乾淨有沙，這次的完全沒這些擔憂，值得一讚。總而言之，餐廳坐得很舒服，店員又很有禮貌不會催人下單催人走，最重要的是服務那麼好他們竟然沒有收加一！平時試過太多沒服務，服務差到死的都收加一，太不憤了。所以下次還會想帶朋友再來吃😋😋😋

之前都有幾次堂食, 對食物、服務也滿意。上星期都有堂食，所以今日相約其他同事一齊去，但今日因等位已一段時間，唔可以再等落去，所以決定外賣返公司食。之前都外賣過，但今日太令人失望，等外賣時間超過15分鐘，都明白lunch時間需要等耐D，冇所謂，但份量唔係少到咁呀... 每盒都只得小半盒，得1/3盒份量，3盒平均分成2盒份就差唔多。同事話食嘅卡邦尼完全冇味，每一份大約要$70，俾呢個份量真係太少。如果再去食呢間只會堂食，絕唔會再外賣。

經過銅鑼灣，見到呢間以黃色為主調作裝潢既餐廳，毫不猶豫就入去一試(反正都肚餓),點知有意想不到既驚喜👍🏻👍🏻 我叫左一份鰻魚炒飯，賣相同外面既差不多，但食起上來與眾不同。 飯粒分明亦炒得均勻 值得一讚。 朋友叫既石鍋溫泉蛋牛肉飯亦相當出色，熱辣辣 牛肉不韌，呢個配搭的確值得一試。 價錢係銅鑼灣而言算合理，絕對係銅鑼灣新食點！👍🏻👍🏻

this place is super convenient/easy to get to (right at the corner of pak sha road and lee garden road in causeway bay)the food is quite good and there are many options to choose from. mostly comfort local/asian choices including udon and rice bowls. the quality is nice and it's not too cramped which is a plus. I went for lunch but they seem to have tea time sets. there's a bakery as well ...good for breakfast/ takeaway fresh bread

今日經過銅鑼灣諗住是但食啲野 就入左幸福星點知比到驚喜我 叫左碗羅宋湯雞扒烏冬 烏冬採用左較幼身既烏冬 食落比普通粗身既烏冬更加有咬口 而雞扒經過煎煮再放入湯底中 羅宋湯的材料豐富味道濃郁令到雞扒都吾會因為額外煎煮而乏味 非常滿意!