影片
星期六，老友开车话去古洞行下食个tea。去到街市熟食，睇左阵揾个有阳光的位坐。 我叫下午茶都是叫d经典野，五香肉丁，沙爹牛肉，烟肉面，面有多种多样，米粉，粗面，幼面，福面等，福面公仔面食得多，我决定要幼面，面身弹牙，肉丁多，牛肉味浓，份量够又好味。连餐有两块多士，刚刚脆口又不会太㶶。连餐既饮品就正常，我叫左杯冻华田几好。但呢度最大的卖点是人情味同远离市区的慢活感，坐系度，同老友倾下计，食下野，享受好过声色犬马。
继续阅读
工作中午餐，已经无乜祈望！只要唔难食，唔太污糟就得，不过耐唔时揾到间新餐厅，仲要好味道，𠮶种惊喜真系好似中奖咁！话说我唔知呢区有个街市，有熟食市场，仲要唔远，而且楼下可以放心泊车，咁啱同事讲起，坐言起行，即刻去试食，地方在一楼，有干货店加食店，同事上次食过其中一间，大家一齐坐低食，而家天气清爽，唔会好热，夏天店内有冷气！讲真地方简陋，折枱胶櫈，幸好都干净，食嘅系茶餐厅食物，大家叫埋一齐食！咸鱼鸡粒炒饭（$43）：咸鱼大大粒，唔会死咸，咸香惹味，饭粒炒得松，唔会一旧旧！中间简单配葱花、鸡蛋、菜粒已经好好味！虾酱炒饭（$39）：好香虾酱味，中间夹杂叉烧好大块！淋身好味！饭粒干身炒得松！椒盐猪扒饭（$39）呢个真系好正，一大碗猪扒条，应该有三块猪扒，微辣，炒得干身，汁酱好咸香惹味！好好味！上海回锅肉（$39），回锅肉肥美，最好味嘅系啲索晒汁嘅蔬菜，爽口咸香，好味！食物即炒够镬气，好惹味，味道真系无得顶！而且饮品好相宜！冻饮只加$1，大樽装汽水（只有可乐）都系当普通冻饮，冰底唔使加钱！十分抵饮！店员勤快，尤其一个阿姐，好好笑容，好热情介绍菜色，份量仲要唔细，男仔都食唔晒（可能呢度对象多数系从事货车物流嘅人）厕所难得干净（可能呢度嘅客路系男性为主，所以女厕干净）炒粉面饭好正！
继续阅读
上班了, 又开始我的古洞/新田探记. 呢一回, 回到古洞街市. 中茶饮过哂啦. 而家来, 就来饮西茶. 茶记, 一数应该有4间. 其中一间叫翠湖, 台上摆好哂中式饮茶既餐具, 门口又有纸仔贴住翠湖茶楼. 换话说, 此翠湖就是彼翠湖. 入到去, 咪即系饮茶食点心啰. 于是, 古洞的早餐西茶, 就由幸运茶餐厅开始.不知为何, 一但我叫面食早餐. 永远都要搭五香肉丁. 是日朝的早餐, 就是一碗五香肉丁, 叉烧. 红肠. 粗面. 下下都食公仔面. 转成我同样喜欢的粗面. 感觉更好. 由于是生面的原固, 所以食落, 带有少少枧水味. 混合了枧水同五香肉丁辣汁的汤底显得有少少奇怪. 不过也无碍美味既. 肉丁粒粒够大, 辣味香浓, 而叉烧是半肥瘦的类别, 食落还不错. 再说是奶茶, 够滑而香浓. 在乡郊的早晨, 喝下一杯浓靓奶茶, 若是环境好一点, 系几享受的.不差的一个早餐, $22, 除了是三拚面之外, 有奶茶.....仲有一片牛酒方包. 抵食, 已经可以搭够一切.
继续阅读