幸運茶餐廳

营业中

休息中

星期六，老友開車話去古洞行下食個tea。去到街市熟食，睇左陣揾個有陽光的位坐。 我叫下午茶都是叫d經典野，五香肉丁，沙爹牛肉，煙肉麵，麵有多種多樣，米粉，粗麵，幼麵，福麵等，福麵公仔麵食得多，我決定要幼麵，麵身彈牙，肉丁多，牛肉味濃，份量夠又好味。連餐有兩塊多士，剛剛脆口又不會太燶。連餐既飲品就正常，我叫左杯凍華田幾好。但呢度最大的賣點是人情味同遠離市區的慢活感，坐係度，同老友傾下計，食下野，享受好過聲色犬馬。

工作中午餐，已經無乜祈望！只要唔難食，唔太污糟就得，不過耐唔時搵到間新餐廳，仲要好味道，嗰種驚喜真係好似中獎咁！話說我唔知呢區有個街市，有熟食市場，仲要唔遠，而且樓下可以放心泊車，咁啱同事講起，坐言起行，即刻去試食，地方在一樓，有乾貨店加食店，同事上次食過其中一間，大家一齊坐低食，而家天氣清爽，唔會好熱，夏天店內有冷氣！講真地方簡陋，摺枱膠櫈，幸好都乾淨，食嘅係茶餐廳食物，大家叫埋一齊食！咸魚雞粒炒飯（$43）：咸魚大大粒，唔會死咸，咸香惹味，飯粒炒得鬆，唔會一舊舊！中間簡單配蔥花、雞蛋、菜粒已經好好味！蝦醬炒飯（$39）：好香蝦醬味，中間夾雜叉燒好大塊！淋身好味！飯粒乾身炒得鬆！椒鹽豬扒飯（$39）呢個真係好正，一大碗豬扒條，應該有三塊豬扒，微辣，炒得乾身，汁醬好咸香惹味！好好味！上海回鍋肉（$39），回鍋肉肥美，最好味嘅係啲索晒汁嘅蔬菜，爽口咸香，好味！食物即炒夠鑊氣，好惹味，味道真係無得頂！而且飲品好相宜！凍飲只加$1，大樽裝汽水（只有可樂）都係當普通凍飲，冰底唔使加錢！十分抵飲！店員勤快，尤其一個阿姐，好好笑容，好熱情介紹菜色，份量仲要唔細，男仔都食唔晒（可能呢度對象多數係從事

上班了, 又開始我的古洞/新田探記. 呢一回, 回到古洞街市. 中茶飲過哂啦. 而家來, 就來飲西茶. 茶記, 一數應該有4間. 其中一間叫翠湖, 檯上擺好哂中式飲茶既餐具, 門口又有紙仔貼住翠湖茶樓. 換話說, 此翠湖就是彼翠湖. 入到去, 咪即係飲茶食點心囉. 於是, 古洞的早餐西茶, 就由幸運茶餐廳開始.不知為何, 一但我叫麵食早餐. 永遠都要搭五香肉丁. 是日朝的早餐, 就是一碗五香肉丁, 叉燒. 紅腸. 粗麵. 下下都食公仔麵. 轉成我同樣喜歡的粗麵. 感覺更好. 由於是生麵的原固, 所以食落, 帶有少少梘水味. 混合了梘水同五香肉丁辣汁的湯底顯得有少少奇怪. 不過也無礙美味既. 肉丁粒粒夠大, 辣味香濃, 而叉燒是半肥瘦的類別, 食落還不錯. 再說是奶茶, 夠滑而香濃. 在鄉郊的早晨, 喝下一杯濃靚奶茶, 若是環境好一點, 係幾享受的.不差的一個早餐, $22, 除了是三拚麵之外, 有奶茶.....仲有一片牛酒方包. 抵食, 已經可以搭夠一切.