幸福班戟 (已結業)

吃過了n家鬆餅⋯還是覺得幸福鬆餅是比較好吃的那一家帶有空氣綿密的口感☁️☁️已經贏過很多家也是日式鬆餅的店了雖然沒有到日本那種幸福感但也是幸福的😋可能在日本吃什麼都好吃畢竟心境上已經不同🤣🤣每次和🐷🐷都是如此的搭配～原味ㄧ份！！巧克力香蕉一份！！因為我可以吃她的焦糖和帶有鹹味的奶油☺️🐷🐷也喜歡我這份的鮮奶油👍吃ㄧ下放鬆心情甜的開心❤️然後我的香蕉受傷了⋯⋯建議下次別出賣相會好點🤣

今日去銅鑼灣行街街，突然間好想食甜品，咁就決定去利園呢間幸福pancake.Menu都算幾多嘢揀，有甜pancake,又有咸pancake.但食甜品梗係揀甜啦！我哋兩個人叫咗兩份甜pancake: 奶茶pancake配自家製穀麥$138, 個味道好得意，有淡淡奶茶味，配埋啲穀麥好有口感！另外一個就係時令鮮果pancake $142, 呢個就清甜啲，感覺fresh d, 可以解甜膩感，不過略嫌貴咗少少下次要是買朱古力味

拖住女朋友，吃完飯，行完街，最後來個充滿幸福的地方，延續幸福的感覺。幸福pancake 剛剛放上枱面形狀飽滿肥嘟嘟，心裏面不期然已經湧現幸福滿滿的感覺。咬落去的空氣感和淡淡的蛋香，便愛上了soufflé pancake ，返唔到轉頭。🤤🤤🤤

食完午餐又到下午茶時間，去左幸福班戟見到條人龍嚇死人，不過原來坐露天座位唔洗等即有位，於是我哋就坐露天座位啦，其實都有把大大太陽傘。我第一次試幸福班戟係喺K11分店，原來呢間分店唔同，有加一，餐牌都有少少唔同，有啲野K11有而呢度冇嘅。幸福班戟係日本人氣即叫即製班戟，基本餐牌有甜有鹹班戟，甜味有6款而鹹既有4款，款式上其實唔算多。飲品方面選擇都少，主要係普通咖啡同茶。三文魚牛油果芝士慕絲班戟 $138 另加一叫左一份鹹班戟試吓。全麥班戟一客三件，係暖嘅，好香蛋味，因為係全麥，所以食落有少少咬口，夠特別。煙三文魚五塊，上面有少少蒜蓉汁。牛油果小半個，切左片，都新鮮。檸檬芝士慕絲似普通芝士慕絲，冇乜檸檬味，不過配班戟好食，因為夠滑。沙律係正常沙律加少少好似蒜蓉沙律醬，仲有一大粒車厘茄。整體黎講，全麥班戟好特別又好食。日本国產白桃x玫瑰果班戟 $158 另加一日本国產白桃x玫瑰果班戟係期間限定，必試。班戟一客三大件，好香蛋味，班戟果然係軟綿綿，好似比K11分店嘅大件啲喎（定係錯覺？），最欣賞係呢度啲班戟係熱辣辣嘅，而且用正式碟上枱，同K11分店差好遠。白桃份量唔少，超香甜又多汁，正。好多透明

呢間野係日本好出名 成日都排晒隊嚟到香港都唔例外佢叫幸福pancake係因為食完會有幸福嘅感覺但真心 俾左兩次機會都唔覺得佢既soufflé pancake值得推介🙄最近呢次大約五點嚟食排咗一陣啦 唔算耐嘅我兩次都係叫原味 作為一個soufflé pancake 絕對唔soft 又唔空氣感 如果只係一件普通pancake 都算但佢作為一件soufflé pancake, 鬆軟感完全唔掂 🙄 一d都唔fluffy至於味道 都唔夠香一件成功既soufflé pancake 係你叉落去之前蛋香味係強到溶化你個心可惜呢個唔會架而且 佢配果個蜜糖 唔知大家覺唔覺係有苦澀味🌚 我第二次試都係咁 雖然話疫情去唔到日本不過香港都仲有比呢間好食既soufflé pancake🙄 唔好咁傻黎呢到排長龍食實的的既pancake 浪費卡路里quota

我去食過兩次 第一次係佢開左無耐 第二次係今日第一次食既時候食到佢啲粉有一粒粒既情況諗住岩岩開有啲甩碌野係好正常 所以就去第二次再試一試 點知都係伏！今次都係有啲粉未搞得好 明顯見到有白色一點點十分失望 下次唔會再食

呢間幸福班戟，同日本正店真係差天共地，我係日本食過好多間分店質素都非常好，香港所有幸福分店全部都唔得，真係應該去總公司度投訴，唔明點解會比香港分店做啲咁難食嘅班戟，啲班戟一啲都唔軟，又冇蛋香，同K11另一間班戟專門店真係差好遠，呢間幸福班戟仲要貴過人哋，雖然佢有三件，K11另一間得兩件，但係人哋真係做得非常之有蛋香味，真係唔明點解銅鑼灣嗰間幸福班戟可以咁多人排隊，我今次真係又中伏，好耐冇食，諗住俾個機會睇吓有冇進步，結果仲衰過以前，真係難食到🤮🤮🤮

放假冇得去日本，唯有去銅鑼灣食幸福pancake頂住癮先。因為啱啱兩點，冇乜人，唔使排隊就可以入座。等咗15分鐘pancake終於放到枱上，急不及待放入口，食多兩啖發覺有啲苦味，於是禮貌地問店員糖漿係咪有問題。佢神回答：「洗唔洗俾多啲你？」，我話：「已經落咗覺得苦，你仲俾多啲我做乜？」店員就冇再回應然後就走開，我哋以為佢去問經理或者廚房啲糖漿係咪有問題，咁就停咗手唔食諗住佢會返嚟同我講再整一份或者解釋一下糖漿係咪有問題，點知佢只係走開咗去做第二樣嘢😓可能有另外嘅店員見到我哋好迷惘個樣，就翹住手就過嚟話「係咪糖漿有苦味？我哋啲糖漿係咁㗎喇，之前我哋已經問過師傅係咁嘅」好有霸氣咁講完就走開咗喇。幸福pancake我喺日本食過好多次，從來都唔覺得糖漿有苦味。或者香港嘅係特別調教我唔識啦。不過店員嘅態度就真係唔係好得喇。

閒日五點零鐘黎到唔洗等位，可以即時入座今次係第二次黎食幸福班戟，上一次黎食食左原味嘅，今次就試提拉米蘇味賣相好靚，pancake好充滿空氣咁樣，不過食落時個口感明顯同上一次黎食個陣有分別今次食落比較鞋口，無左入口即化嘅感覺，可以話佢口感係比較似戚風蛋糕同海綿蛋糕之間，比較有質感的，但就無左厚pancake嘅特點醬料同忌廉都做得唔錯，有好香咖啡味同朱古力味，忌廉都夠滑身順口餐廳方面需要保持食物質素穩定呀，因為pancake口感唔太穩定至於服務方面非常非常需要改善，今次我食左一段時間先寫呢篇食評，我都唔知當事人仲有無係呢間餐廳返工啦，不過今次經歷令我好難忘埋單時我雙手遞張信用卡比個女職員，佢未收時已經黑曬面咁，係戴住口罩都見到佢啲眼神好唔友善，佢收完之後仲要勁大力咁掉張信用卡係枱面比返我，真係大大聲＂啪＂一聲，自此之後我就無再黎食野啦

周末放假最好約埋三五知己一齊食過Tea , 呢間班戟店一直都係我嘅口袋名單，平時呢間好多人排隊，今次去到好好彩唔使排隊就有得入座入到去叫咗個期間限定，日本🇯🇵國產白桃x玫瑰果班戟 $158Peach & Rose hip Pancake日本產水盈甜蜜白桃，配合清新薰衣草啫喱，及自家製玫瑰果醬，再加上格雷伯爵茶粉增添香氣，放在軟綿綿的幸福班戟，為季節的最佳享受好好味呀，食完真係有幸福嘅感覺。食完個班戟，配埋杯咖啡就very good，完美嘅下午茶。走嘅時候門口排長龍，所以我哋好好彩

這次沒有提前Book位，週末人少少多了一些，還好去的不算很晚，中午12:30左右到達，餐廳已滿座了，等待了大概10分鐘左右就有位了。這次陪小朋友一起午餐。點了兩個餐，兩杯飲品，味道都很不錯，樣品也很好👍甜而不膩，合胃口，很愉快的一次用餐。

幸福班戟📍銅鑼灣仲記得之前好出名，好多人排，今日去返已經不復當年嘅光景(￣∇￣) 其實仲好因為唔使排(´▽｀)幸福班戟 $112食過咁多次都係覺得原味嘅pancake最好食(⁎⁍̴̛ᴗ⁍̴̛⁎)pancake軟綿綿，上面嘅cream有陣淡淡的份雲呢拿香味，嗰種味唔係死甜而係甘味，同pancake一齊食好襯。蜂蜜糖漿都帶一陣甘甜味，就算加晒都唔會過甜，係大人都會覺好好食嘅甜品٩(˃̶͈̀௰˂̶͈́)و！

香港人每日營營役役，可以放一日假已經係好幸福嘅事。放下忙碌，享受一份班戟，一杯咖啡更加係雙重幸福這天經過呢間pancake專門店，可能時間尚早，門口還未有人排隊，坐低望望餐牌有個期間限定，一於試試去日本國產白桃 X 玫瑰果班戟日本產水盈甜蜜白桃，配合清新薰衣草啫喱，及自家製玫瑰果醬，再加上格雷伯爵茶粉增添氣氛，班戟好鬆軟，甜度恰好，配搭嘅水果亦見新鮮雲呢拿牛奶咖啡 (凍)咖啡味都足夠，反而唔太覺有雲呢拿味整體而言，食物質素ok, 期間限定配搭好好，但價錢略嫌貴咗少少

今日食完嘢好想搵啲甜嘢食吓，係銅鑼灣就當然諗去利園搵幸福😆撞啱有銅鑼灣店限定 - 日本產水盈甜蜜白桃, 配合清新薰衣草啫喱，及自家製玫瑰果醬👍🏻白桃份量都好多，應該有半個，好甜好香，熟晒但唔會淋到死，但又搶走班戟嘅蛋香，簡直perfect match 👍🏻

疫情期間無得出門去日本食soufflé pancake 😭😭😭，朋友話帶我嚟銅鑼灣食soufflé pancake, 原來就係依間幸福pancake。餐廳內有甜soufflé pancake 🥞 和 鹹soufflé pancake 🥞 女生喜歡吃甜是常識吧。我和朋友決定叫兩款甜soufflé pancake。1.幸福班戟 Happy Pancake🥞 ($112)我哋叫咗款招牌原味soufflé pancake ，擺入口好似食緊雲層☁️☁️咁，口感好軟綿綿啊，真係空氣咁十足。配上麥蘆卡蜂蜜牛油、焦糖漿🍯和既有香濃牛奶味🥛🥛又滑溜忌廉，真係冇得彈啊👍🏼👍🏼2.奶茶班戟配自家製穀物 Pancake with milk tea sauce & homemade granola🥞 ($138)我哋仲叫咗一款出邊比較少有嘅奶茶 soufflé pancake 。Pancake 上冧上香濃奶茶sauce ，再加上炒得香脆穀物作配料。一啖軟綿綿pancake加上香脆穀物，食落去口感層次豐富。不過奶茶sauce有少少甜, 配埋咖啡或者熱茶一齊食會好好多☕️☕️