幸福班戟 (已結業)

Wanted to try this pancake shop for quite some time. The queue was always so long so I asked my friend who is off duty earlier to go and queue first.Despite arriving quite early(630pm) on Monday, my friend was still queuing. So word of advice, go really early.The souflee pancakes were lovely. The souflee pancakes were light and airy so the two of us can stomach the 6 souflee pancakes.  The milk tea one was really unique. The cheese on the berry one was a bit too heavy though but the berry sauce

一直想試好耐的了，因為有朋友在日本食過覺得好好食，過了剛開張排隊高峰期，今日下午5:30就特登嚟排食，都預了要排一個鐘所以早啲嚟排，排了70分鐘食，我們的評語都係：“唔需要再特登排隊食了，都係留返去日本再食好了。” 雖然啲班戟係好軟熟，但班戟的蛋味過重，搞到似煎蛋味多啲，因此會容易有滯的感覺，然後，“全麥班戟配芝士蘑菇奄列”個奄列的蛋味反正比班戟淡，一粒菇已蓋哂啲蛋味，不過“熱朱古力班戟配自家製穀物”的朱古力醬幾濃幾好味的，要求唔高的人還是可以來試的。茶，我地叫了一壼“有機伯爵茶”和“甜蜜香橙茶”，該死的反而茶是最好味的，香橙茶勁香，飲落好fresh但唔會好淡味，我自己超喜歡!!

—之前行街經過 為免多人排隊?! 店方已經截龍 隊都冇得排lol再度挑戰平日夜晚7點鬆d 竟然冇咩人但係要人齊先入得 奶茶班戟配自家製榖麥($133)班戟/奶茶醬/鮮忌廉/蘋果肉桂榖麥呢間重蛋味 冇咁似食空氣以為食緊好濃甜甜哋嘅伯爵茶味!! 有驚喜蘋果乾對我嚟講太chewy 穀麥脆脆增加口感?!芝士慕絲雜莓醬班戟($128)班戟/雜莓醬/鮮忌廉/芝士慕絲唔知係咪食完甜嘢 覺得pat醬好酸但友人話唔酸 仲好鍾意隻味 各有所好喇——————————————————————每人最少嗌一份食物/嘢飲幸福班戟 A Happy Pancake銅鑼灣新寧道1號利園三期2樓203-205號舖

幸福班戟都唔識？！其實我連係邊都唔知。不過因為早食完晚飯又想食甜品，隨口講不如去食班戟。友人便帶我到利園去。上到去，嘩！好多人排隊wor,岩岩過左八半無耐咋wor,然後職員就截龍了。好彩又好，緣份又好。 總之我就食到！ 一等就等左差不多60 分鐘。唔該！一個幸福班戟。（其實我覺得件事都勁ge,講完幸福班戟好似個人都幸福左咁，唔知食完會唔會仲幸福呢？）第一口係重蛋味佢的cream 係有少少似牛油咁 唔太甜加上佢特別有點果味的糖漿，整體的味道好吸引。好輕鬆就食晒喇！ 最後一口都係幸福！

今日小編去左排隊送死，話說朋友仔想試好耐其實小編都心思思，不過下個月又去名古屋，唸住去名古屋食好過，不過今日得閒冇嘢做就5:40去排下，睇食評話起碼排一個鐘、朋友仔6:30銅鑼灣放工、過黎就剛剛好啦，點知、唔知電解今日條隊快到呢～唔知係人少or d食客食得快or d職員整🉐️快呢？大約35分鐘已入🉐️，基於朋友仔未到、小編唯有繼續等啦、好啦朋友仔一到我地就即刻有位啦叫左一個原味一個奶茶，等大約15分鐘原味到達、勁香蛋味又滑、真係幸福返曬黎，值得等既。反而隨後既奶茶勁失望！奶味over茶味，小編同朋友仔都極度憎奶騷味重既嘢、好難食呀！抹開曬d奶茶至入得口極度推薦原味！絕對一試難忘呀！

首先餐廳同環境係唔錯，亦都坐得好舒服，員工嘅服務態度亦都好好。第二，等待嘅時間大約都要一個鐘， 以香港人熱愛排隊黎講， 一個鐘唔算話好耐。等食物嘅時間係耐左小小，但佢係寫明即叫即做，所以都唔會係依一點作出批評。第三，終於入正題， 我係叫左幸福pancake 同奶茶pancake , 奶茶pancake 隻色似咖哩同其他野之餘，食落去嘅口感真係成pat 野咁（可應我唔鐘意食梳乎厘口感啦）， 味道又唔係話突出，本人覺得除左cream 之外成碟野真係唔掂， 同bills 差得好遠（唔好同我講依度係香港），如果以同樣價錢，我會用黎食四份熱香餅我會仲幸福。

🍽✨日本人氣過江龍 幸福pancake🥞✨日本都長期排隊 係香港更加唔洗講😂排到由飽變餓 足足一個鐘排咁耐仲邊到幸福😂😂排到崩潰 去到食個下先feel到幸福😍-🥞幸福Pancake 原味 ($108)食原味先試到佢既質素😌唔建議叫朱古力 會蓋哂d味Open kitchen睇住即整既過程😍有三大件 上枱仲熱辣辣 蛋香味好濃 好重空氣感 食落口感好鬆軟🤤加蜂蜜牛油忌廉 同焦糖醬🍯係貼近日本既味道完全可以自己一個人食哂☺️

以前去日本旅行，上網 search 到幸福 pancake,迫左男朋友一齊食，佢一向都唔鍾意呢 d ,佢成日覺得間間都整得唔好食，一係太濕一係太有咬口，但係食過之後，愛上左，返到香港食唔到，成日都掛住佢，但幸福 pancake 眷顧港人，竟黎香港開分店，真係堅開心。第一次黎想食，點知撞左門釘，太晏，已經售罄啦。到下次黎，提早左終於食到。排完一輪隊，入座，環境簡約舒服，店員有禮，仲有日本店員。叫左兩份原味，一份有三件的。一切落去，軟硬度就知同日本一樣了！一睇，亦唔會好濕，放入口，嘩！真係幸福感滿曬分，好正。果種奶香，蛋香，含住唔吞，再呼吸。人生一大享受，佢上面果球蜂蜜牛油 cream 好夾個 pancake , 好 smooth 好香。唔洗加一，同出面價格差唔多，但佢會係我唯一會回頭既一間梳乎理 pancake 店。最初喜歡的味道，始終如一的味道。幸福 pancake 帶出一種幸福感覺

<與女朋友吃飯系列•十二>今天是幸福日，因為吃過了幸福PANCAKE! 女朋友約了12點，但我11點半就到達了店鋪，皆因我知道此店很有名，吸引不少人幕名而來。結果，等了60多分鐘，終於入得場了😎一進去，就覺得此店既有日本特色，也很照顧客人。餐廳留了平台的位置給一家大細吃！打開餐廳，選擇不多，但共同點也是不便宜。我和女朋友決定點了一客原味pancake和新出的奶茶味pancake。在等待的時間，就發覺此店有過江龍(日本人)來打理，感覺上水準應會比其他名店好。等了三十分鐘後，就覺得此言非虛✨跟希慎廣場F字頭一樣，份量也是三塊。但不同的是，放上枱子的一剎那，，pancake的蛋香味很吸引！濃濃的蛋香味紛紛進入我的鼻。而且吃下去也很實，很有飽肚的感覺。先評論奶茶味的那一道，濃濃的奶茶醬沾上了pancake, 感覺很特別，加上店主親自調制的小吃，效果顯然地夾✨至於那一道原味pancake, 味道也是一樣好吃，吃下去，感覺下了很多蛋。但價錢卻相差了30大元。至於值唔值得多付30元來吃奶茶醬，就留給讀者思考了🙇🏻總結而言，此店位於銅鑼灣商業區，價錢偏高，實屬正常。至於等候時間是否太長

這幾年的今天都很悠閒咁放假、例牌都要去食好西、九点幾就來到銅鑼湾找尋幸福、之前來過兩次都被長長的人籠嚇走了、要幸福當然就要晨早嚟排隊啦！透窗的㕑房可看見店員在一路新鮮製作班戟, 店内的座位也極寬鬆…… 我点了杯焦糖牛奶咖啡及一份朱古力香蕉班戟、拉了心型花的咖啡賣相很哄人、入口味美……等了這麼久的班㦸終於來了、一碟三大件班戟看似很多、其實班戟都是空氣、很鬆軟、味不甜、但很香口、確實不錯！如果能每天早餐都能吃到而又不用排成個鐘的話、那的確相當幸福！😂😂😂

見佢開左咁耐就排咁耐，好想試，睇下係咪真係有幸福既感覺於是就約左一個都好想試既朋友一齊去，諗住未開門就嚟到實有位啦，點知一山還有一山高，10點半開門，10點20分到，都要等到11點先入到去叫左杯Latte，開頭有d失望，因為杯咖啡冇拉花，但我飲落都ok，咖啡味唔太濃，但鍾意咖啡既朋友未必會好鍾意另外叫左原味pancake同朱古力pancake，發現兩碟pancake原來會唔同味，原味嗰碟實d，有口感d，亦有蛋香，朱古力嗰碟軟身d(我同我朋友都唔太鍾意)，冇乜蛋香味，可能我本身唔太鍾意朱古力，覺得唔要醬好d，但客觀d講佢個朱古力醬都唔會太漏既結論：其實唔係話十分特別，唔會話好想再嚟食，而亦都唔明點解其他人會話食完會有幸福既感覺，反而上個星期喺一間蒲國餐廳食既一個甜品就真係有幸福既感覺

A Happy Pancake 最近新推了一款聖誕期間限定口味「クラシカルフランボワーズ / Classical Françoise / 古典魅惑班戟」(HK$138），如此；又有再訪的理由了。開幕至今人潮依然，等了差不多大半個小時才可入內。吃這件班戟得時間寛裕才好，除輪候需時外；每份也是即叫即製，約廿分鐘後這「震騰騰」的美食才到手(口)。綿潤鬆軟的原味班戟，甜在心的白巧克力慕斯，以清酸的紅桑子醬汁作平衡；完美的結合！期間限定：由2018 年 12 月 13 日(週四)至 2019 年 1 月 31 日(週四)。

我仲記得開張既第二日諗住去試下,但去到見到龍尾排到去洗手間位置,個日唔係幾想等,所以留返下一次先試下到左今日平日,大約中午12:30到達,條隊唔算太長,唔洗排到去洗手間,點知排下排下都要用50分鐘排隊期間諗好食咩,坐低就即刻落單,因為我地見到落單後要等20分鐘以上先會上食物果然等待20分鐘先上第一樣咸pancake - 厚切煙肉炒蛋pancake $128pancake同平時既顏色唔同,原來係因為用上全麥,咬落口感比較實,但都係鬆軟隔多數分鐘,第二樣甜pancake終於上台 - 期間限定既古典魅惑pancake $138賣相好靚,但因為好肚餓既關係,影左張相已經大啖大啖放落口pancake加上紅桑子醬,酸酸甜甜好夾,再加上有少量果仁碎,食落令口感更加豐富但食完兩塊之後開始覺得有少少滯,本身仲以為一人一份都唔夠飽,想叫多份因為食過一次其他店舖既pancake,都好似食空氣咁,食完好似無食但呢度唔會,一人一份係岩岩好

自從開業以後，這裡每天都有長長的人龍，大家都來尋找幸福的味道。臨近聖誕，這幸福的味道更見強烈。這次選擇到室外坐，原來一邊望著餐廳聖誕的燈飾，一邊吃班戟，有著不錯的感覺。古典魅惑班戟 $138選擇了聖誕節的限定班戟。將原有的班戟加入紅桑子醬，再以紅桑子果粒和開心果粒作點綴，配上白朱古力慕絲，製作出聖誕色調的特別版。紅桑子醬和白朱古力慕絲味道對比突出，至於紅桑子果粒和開心果粒令到入口口感豐富起來。白朱古力慕絲雖然並非主角，一樣來得澎湃，是忌廉的細滑口感。主角 - 班戟依舊出色，軟綿而又充滿空氣感。幸福的味道，不論聖誕與否，始終如一。在我而言，聖誕的幸福專屬，即使要排隊，也是值得的。

星期日下午三時開始等待，等了一個小時後入座。三個人試了三款pancake和一款茶。第一款是奶茶班戟。味道偏甜，但奶茶味頗濃，很有港式的味道。第二款是熱朱古力班戟。朱古力味濃厚，帶點苦味。第三款是芝士慕絲雜莓醬班戟。雜莓醬偏酸，與忌廉很相配。這家店的班戟厚實，有別於吃空氣感的班戟。蛋味也很濃。單說班戟的話很不錯。但加上醬料的話，會是同一區位於另一間商場的班戟店比較好吃。到了離開的時間，外面已再多了一條人龍。