幸福冰室

营业中

休息中

今朝收工同同事一齊食早餐去到竟然要排隊實在好少見因為佢附近都有幾間茶記淨係得佢一間要等位心理好奇驅使下最後都等位入座睇到佢早餐菜單都有好多選擇竟然有手撕雞 豬軟骨黑椒豬手都有真係好難得基本上沙嗲牛肉 五香肉丁都一應俱全另外配菜最特別竟然有蘿蔔糕唔止午餐肉 火腿 腸仔基本嘢另外仲可以加錢叫埋薯餅所以選擇真係好豐富另外包類都好多選擇唔止剩係得餐包 多士竟然仲有奶油豬 菠蘿油今次我揀咗好少食嘅蒜蓉包賣相唔錯 而且味道好炒蛋炒到滑溜溜蘿蔔糕就同其他快餐店一樣水準豬軟骨出前一丁豬軟骨味道夠 而且唔會散修修有舊軟骨可以俾你慢慢咬最細心係搭多兩條菜整體上比較健康凍奶茶茶味夠所以我終於明白點解晨早流流都會有人等位食早餐會繼續去幫襯

香蔥肉餅煎蛋飯，味道唔錯，無好多豬油粒係肉餅入面，煎得幾香，不過比較鹹，唔係個個接受到。不過見到隔籬個午餐雞髀飯超大份，下次可以試吓幸福冰室 (粉嶺)粉嶺聯興街19號地舖

聯和墟有很多茶記，競爭甚為激烈。最近又有新開茶記，名叫“幸福冰室”。今天就試下早餐。西式早餐36蚊 ，都幾多嘢可以揀。目測超過20名顧客。沙爹牛肉米湯汁正常，牛肉味道不錯，米粉軟硬度煮得剛好，合格。包類有幾款可以揀，多士，牛角包，奶油豬，雞尾包等等。我揀了牛角包。外層頗脆，內層亦夠鬆軟。火腿煎蛋亦有剛煮起的溫度。熱奶茶中規中矩。整體而言，食材質素不錯，出餐的速度算快，對得住36蚊的價錢，可以回頭再試其他的早餐和午餐。

昨天去了幸福冰室食午餐, 見有中餐,試下,樓面姐姐介紹珍珠班餐, 話超值,等了十幾二十分鐘, 一路飲中湯, 栗米紅籮蔔湯, 都好滋潤, 一路等, 湯都飲晒, 終於有得食,望落去不錯, 剛剛蒸熟, 魚肉嫩滑, 魚刺少, 雖然是淡水班, 但有鮮味,冇腥及泥味, 豉油份量都剛剛好, 原汁原味, 不錯.又含豐富蛋白質, 少脂肪, 又有Omega-3, 對我這些有點年紀的人來講是不錯選擇, 因晚餐巳經只食少少蔬菜水果就盜,算, 加上有一杯熱令水,  HK$ 65蚊, 冇介紹鍇, 而且態度好好, 超值, 但叫蒸野就要有些耐性等下, 下次會再來試下其他炒野看看不 

間店開業果日叫左份安格斯漢堡🍔。 好有驚喜！！ 大大份既漢堡，芝士浸滿成個盤面。 外觀已經充滿食慾。 而且個麵包好鬆軟， 配上芝士， 口感一流。唔講得笑認真的要推一推。 估唔到響粉嶺都出左間咁有水準嘅茶記， 仲要係凍飲唔使加錢！！ 仲有湯送。 食完成個人飽晒， 成肚芝士， 罪惡感與幸福感都滿滿😌😌😌走時見到前面枱點左份雞髀餐都好似好吸引， 又係大大份， 仲以為係豬腳。 下次黎開要再試下， 不過我諗都會再encore一次份安格斯先， 一試難忘。

聽講聯和墟新開左一間冰室，所以早上同阿女過來一試，因為附近都有間冰室，所以有競爭，的熱飲凍飲跟餐都唔使錢，我地叫左凍奶茶少甜試左，奶味足同埋絲滑，沙爹牛意粉，牛肉滑同埋沙爹味濃厚，真係唔錯，牛油多士雖然係送，但都唔馬虎，香脆，阿女叫左炸雞亦烏冬，雞亦竟然有三隻，超出我地想像，烏冬都爽口，唔錯 煎蛋同午餐肉就普通，因為我地叫熟蛋，但上來的蛋都係流心，午餐肉煎得唔夠時間，所以唔夠香，總體都唔錯，會再來。