幸圓 (已結業)

最近見到好多人食「牛角包窩夫」，上網search一下，就決定去「幸圓」嗌返一份先👍🏻👍🏻.午餐時間，先黎份飽肚嘅：。日式照燒雞扒讚岐烏冬：雞扒皮脆內軟，好香口。仲有一塊日式腐皮，甜甜地，我鍾意👍🏻.。士多啤梨芭菲：一杯大人細路都鍾意嘅芭菲，有士多啤梨、雜莓、雪糕、脆脆米、焦糖、cream等等，口感豐富，好好味👏🏻.。士多啤梨芝士奶蓋牛角包窩夫：暖笠笠嘅牛角包窩夫，配埋芝士奶蓋，好rich好好味！加埋酸酸地嘅士多啤梨雪糕，一冷一熱，好好味👍🏻👍🏻👍🏻👍🏻👍🏻

超日系x西式fusion菜餐廳😗呢度環境超舒適，仲有好靚嘅日系風卡位喺呢度嘆個下午茶，同朋友傾吓計真係一流👍🏻香蔥吞拿魚魚腩丼呢個吞拿魚腩份量超多🤩🤩最鍾意係佢啲香蔥同紫菜碎，食落好夾仲增添左層次！日式汁燒牛肉片意粉🍝炒得好有鑊氣！估唔到咁有火喉食落有啲日式醬油嘅味道，好入味🤓跟餐配凍檸茶/+$15轉咖啡☕️我兩樣都試咗！檸檬茶好清新咖啡我就揀咗凍奶啡，飲落唔苦仲好滑！店員服務態度都好好！仲推介左個甜品比我添！

上次喺鰂魚涌影完相，經過呢個商業大廈嘅樓下見到佢哋嘅餐牌，覺得好似幾吸引，不過上次趕住返屋企就冇試，今日終於有時間過嚟試吓啦❤️呢一間餐叫「幸園」，有西式同埋日式嘅食物，我嗰日下午茶去仲有tea set 添 ❤️tea set 本身會跟普通凍飲，可以加$25轉特飲💓🥟日式餃子餃子兩邊煎到金黃色咁非常之香脆，咬落口仲好多肉汁👍🏻🍜日式叉燒讚岐烏冬份量好多，好足料，叉燒微微煎香，好吸引🤤烏冬軟硬度適中，食到雪雪聲🤤🍱汁燒肥牛飯勁多肥牛，幾乎每一啖飯都食到肥牛，燒汁撈飯真係食到停唔到口😌🍹Strawberry Slush質地杰身，士多啤梨好香，奶好滑，上面仲有層cream 🍓 好靚，好打卡able 🍹Mango Paradise質地係冰沙咁，酸酸甜甜，好開胃👍🏻同樣都係整得好靚好打卡able🧇士多啤梨芝士奶蓋牛角包窩夫芝士奶蓋芝士味香濃突出，士多啤梨好甜，配埋雪糕真係好滿足

放假又冇得飛，最好就係輕輕鬆鬆食個長lunch今日揀咗鰂魚涌一間叫幸圓嘅西日式餐廳，聽講佢嘅甜品好正，咁就食lunch加甜品餐廳位於一間新嘅商業大廈一樓，其實距離太古站會近少少。裝修偏向以木系為主，有大幅玻璃面向英皇道，彩光一流由於放假食得比較晏，所以就揀咗Tea Set：分別有滑蛋吉列豬扒飯，日式咖喱海鮮炒烏冬及最期待嘅士多啤梨芝士奶蓋牛角包窩夫。由於咁樣叫等於叫咗三個Tea Set，所以分別有三杯飲品，叫凍檸茶都唔使額外加錢。店員亦很細心，等我哋食完正餐先至幫我哋上甜品👍最先上嘅係咖喱海鮮炒烏冬，上枱時已經聞到濃濃嘅咖喱味，本來以為日式一定係好甜嘅咖喱，但又唔算，配料都好多，有薯仔紅蘿蔔蜆肉魷魚蝦仁等等，口感豐富又惹味跟住嘅滑蛋吉列豬扒飯，豬扒同飯係分開上嘅，豬扒新鮮炸起，配埋甜甜嘅滑蛋洋蔥汁，非常好下飯之後就到最期待嘅甜品啦，單睇賣相已經攞滿分。個窩夫係用牛角包嘅千層酥方法整成，好鬆軟，口感有層次，上枱仲係微暖，加埋打爛咗嘅士多啤梨肉果醬同埋雪糕，邪惡得令人又愛又恨🤣😋飲吓食吓就過咗一個悠閒嘅而下午，咁樣先叫放假㗎嘛🤣👍

有次經過鰂魚涌做野，係呢個商業大樓1樓見到呢間餐廳，當時覺得環境好清新舒服，已經好想來食下野。❤️❤️今日就同女女來食下午茶，tea set有好多款，價錢比較優惠。 環境走年輕日系路線， 系文青feel cafe🍀☘️Tea set menu 附送一杯檸檬水/茶，特飲 +$25 。🥤我飲熱檸茶，囡囡就中意tropical bliss，裡面有🍓雜莓及橙汁，賣相好精美，見到就開心😘❤️🐟 蒲燒鰻魚飯 $88鰻魚非常肥美，醬汁甜甜地，配大碗日本米飯，作為下午茶，非常滿足。🥐 玉桂蘋果牛角包窩夫 $58甜品擺盤有心思，牛角包窩夫上面有蘋果片同蘋果蓉，配一球雲呢拿雪糕，香甜滋味💯👍

我最鍾意就係食日本魚生，但係最近疫情持續都冇得去日本旅行，朋友介紹北角附近有間食日本菜嘅餐廳。中午就朋友去試咗佢嘅幸圓極上魚生丼，魚生丼上面鋪滿了飛魚子、北寄貝、油甘魚、 甜蝦同八爪魚。 魚生嘅質素好好，北寄貝、八爪魚都好有口感，好彈牙。我就食海膽三文魚親子丼，親子丼裏面裝咗雪白的米飯 ，上邊鋪滿肥美嘅三文魚、三文魚魚籽 ，海膽 ，紫菜，生薑。 海膽好甜美，三文魚好新鮮，魚籽一粒粒食落脆卜卜， 配合埋帶海水味嘅海膽，同魚生飯一起吃，感覺一流。沒甜品點算完美嘅一餐？ 最後我哋要咗一個士多啤梨芝士奶蓋牛角包窩夫作為飯後甜品 。窩夫賣相精美 ，黑色嘅平碟上邊裝咗一個脆卜卜嘅窩夫 ，窩夫上邊淋咗 cream，cream上邊係一片片嘅士多啤梨，同埋一朵紫色嘅花用嚟裝飾 。另外配埋一個粉紅色嘅士多啤梨味雪葩，裝在小碗裏非常別緻。食完呢個魚生飯同埋甜品之後，感到好滿足，就當去咗日本旅行啦。

Tai Koo 和 Quarry Bay 中間的 柏架山道叮叮站 枱頭一望會看到這一間自然日系餐廳轉彎corner位有電梯上一層便到這間餐廳 坐得好闊落開揚 面對着英皇道電車路用上了淺色木系 不同的圓 也有小小盆栽虎尾蘭 充滿自然柔和感Tea set 時間2:30-5:30pm 選擇有好多 我點咗呢啲 最喜歡這裡的drink單叫一杯$58 現在跟餐只是+25 物超所值先介紹一下♥︎Mango Paradise +$25Mango + pineapple juice + honey citrus 飲得到不同生果味 酸酸甜甜 好正♥︎Strawberry Slush +25以Strawberry mix with milk 新鮮的香甜士多啤梨味 淡淡的以牛奶混合配以一朵美麗的鮮花 Set 餐點了 ♥︎雜錦角切魚生丼 Chirashi Donburi $102三文魚生 吞拿魚魚生 青瓜 雞蛋 等等材料豐富 用上優質日本米 每一粒飯都好好味♥︎士多啤梨芭菲 Strawberry Parfait $58

今日去鰂魚涌食西日fusion菜，幸圓。見到2點半有下午茶，睇menu有好多選擇，就去試吓先。電梯上一樓，裝修企理，卡位寬躺。香蔥吞拿魚腩丼👍🏻，一啲都唔吝嗇，吞拿魚腩蓉份量都算多，蔥同埋紫菜配搭起上嚟好好味，簡單一個刺身飯，就食到餐廳用料唔錯，咁嘅價錢係合理嘅。日式汁燒牛肉片意粉👍🏻，好有鑊氣，牛肉亦都煮得啱啱好，如果唔想食生冷野，呢個係一個唔錯嘅選擇。Caramel latte👍🏻，拉花係海馬加心心，唔飲得都睇得，最重要係味道都好好，睇得又飲得。Belgian chocolate👍🏻，係一杯好濃，好滑嘅朱古力，值得推介。******************************👍🏻好食 | 👌🏻可以 | 😔 難食評分 : 6.5/10簡評 : 環境同食物，中上嘅餐廳

係網上👀呢間位於鰂魚涌嘅「幸圓」，覺得環境舒適兼食物頗有特色 (尤其係甜品)，於是與 honey 一齊嚟嘆下悠閒下午茶！😉【日式照燒雞扒巑崎烏冬】$68 ～ 雞扒煎得香脆，配合醬汁一齊食夠野味；另外碗湯烏冬配料頗豐富，有鳴門卷、腐皮、粟米、紫菜、蔥花，加上煙韌彈牙嘅巑崎烏冬，食得飽飽滿足！👍🏻😋【雜錦角切魚生丼】$102 ～ 雜錦魚生顏色耀眼，粒粒新鮮好味、款式多多…三文魚、吞拿魚、油甘魚、八爪魚、日式蛋、魚籽、黃蘿蔔，配合 wasabi 及酸薑，味道好豐富！【朱古力芭菲】$58 ～ 賣相非常吸引，朱古力雪糕好 creamy，加上朱古力豆及米通、卜卜脆，口感好得意！【餐飲凍🍋茶】～ 味道調教適中，加上🍋酸酸甜甜，好解渴！😉值得一提，就係服務員態度殷勤有禮，令客人心情愉快！ 😘

Lunch想食日本野，但係鰂魚涌呢頭唔算好多選擇，見Koen望落都幾靚OpenRice評價又唔錯就試下，望落都幾好坐，可惜趕時間冇得坐低只可以外賣……揀左個海膽三文魚飯，lunch set有沙律有湯，加多$15飲matcha latte，加埋$168。好鍾意食海膽嘅我見到得咁少海膽係有少少失望嘅，三文魚好多，不過唔係特別肥美，鮮味亦唔突出。杯野飲唔錯嘅只能稱得上不過不失吧，冇特別想回頭，或者堂食可能好味啲

呢間係一間新開嘅日式餐廳 見到佢哋有得食刨冰 賣相幾吸引 唔知好唔好食呢😚👅𝐶ℎ𝑜𝑐𝑜𝑙𝑎𝑡𝑒 𝑃𝑎𝑟𝑓𝑎𝑖𝑡 $58呢個芭菲唔錯 有唔同層次 有朱古力雪糕 忌廉 朱古力脆脆 朱古力醬 啱晒朱古力控🍫整體唔會好甜 都幾好味😋👅𝐾𝑜𝑒𝑛 𝑆𝑡𝑟𝑎𝑤𝑏𝑒𝑟𝑟𝑦 𝐾𝑎𝑖𝑘𝑖𝑔𝑜𝑟𝑖 $98呢個刨冰份量幾多 食落就一般🧐冰嘅味道有啲淡 同埋綿啲會更好 士多啤梨味亦都可以更濃 不過冰中間有一層士多啤梨乾 幾特別🤓總括嚟講 呢間嘅刨冰就一般般 不過環境坐得幾舒服 等我哋下次試埋呢度嘅主食先🙈😋 好味：7.00/10🤑 價錢：7.02/10🤗 服務：7.79/10😝 環境：7.99/10😚 衞生：7.65/10🤩 整體：7.01/10

前排接埋朋友收工去左幸圓食埋野先走，第一次幫襯睇下味道質素如何？環境方面，餐廳設計幾岩打卡的。而且座位坐得相當舒服，嘆個tea傾下計亦吾錯啊！三文魚親子丼：三文魚雖然厚度吾算太厚，但勝在片數幾多，上面灑上少許芝麻。另外，三文魚籽份量幾多，咸咸地而有口感。朱古力芭菲：芭菲外觀好精緻，最上層有大大球朱古力雪糕，味道幾濃朱古力味。中間相隔左吾少忌廉，食落好滑口。底層更有朱古力粒粒，食落卜卜脆。兩款食品均配有飲品。

我以111元買了廣島蠔意太利飯套餐，發現只有3隻蠔！有D surprise。同時落單時取貨為1230pm，但最後1207pm 已準備好，所以拿的時候只有餘溫。 有落差！

成日比fd串我，成日食好野，食完咪又係屙返出黎…咩呀？對自己好d唔得呀？開頭我都嚇一跳，然後得啖笑，但後來發覺笑而不語並唔係最好既解決方法，於是我就開始培養對食好野果種執著，結果到今日我都keep住呢團火，結果呢？今日就輪到呢間日式cafe「幸圓」打返個靚卡啦。👇📌Tea · Set - ▪️ Minced Fatty Tuna · Donburi - $112▪️ Teriyaki Chicken · Sanuki Udon - $68▫️ 先試左個「香蔥·吞拿魚腩丼」，份量就咁睇非常豐富，赤醋飯拌入左大量蔥花、日本子薑、洋蔥碎、wasabi，加上每啖吞拿魚腩蓉入口軟綿腍滑，配搭豉油撈埋一齊食，飽肚又開胃；「日式照燒雞扒·讚岐烏冬」雞扒燒到表面焦香，肉質食落嫩滑唔乾身，烏冬亦有咬口，整體唔錯。▪️ Cinnamon · Apple Croffle - $58▪️ Chocolate · Parfait - $58▫️ 甜品方面亦有睇頭，前者「肉桂蘋果·牛角包窩夫」croffle做到好脆身，面頭蓋滿哂大量蘋果粒，食到濃郁肉桂香味，配搭楓糖漿同埋旁邊既雲呢拿雪糕，甜而不膩；後者「朱古力·芭菲」絕對係

今日去太古那邊開會，散會後己是三點左右，順便食埋下午茶才回公司吧！呢間日式餐廳正正在客戶公司樓下，裝潢好有日本風格，卡座又大又舒服。下午茶餐選擇不少，價錢亦平民化。洋蔥蜜糖汁豬扒包嗰包好鬆脆，食落颯颯聲。餡料真豐富，有菜，洋蔥，蕃茄，豬扒。豬扒比想像中軟熟，蜜糖汁又不覺甜膩。還有配菜薯角和沙律菜。綠茶芭菲好吸引啊！豆腐雪糕，抺茶雪糕，小丸子，紅豆茸，脆脆米….全部都係我至愛。茶餐包一杯飲品，共數十元，抵食。