平民扒房@友蠔食 (已搬遷) 新店位置

今日去咗好景商場買game自閉再自閉再加長落去會癲🥵順便响附近搵吓有咩食🤤行到去女人街尾見到平民扒房個名好特別🤭睇個名都知應該係價錢大眾化嘅扒房啦，啱哂撐經濟又低消費😁依家出街食大家都已經好小心謹慎！呢度都係一入門口就幫你量體溫，幫你噴埋酒精搓手！枱與枱隔開，另一枱食客唔會隔離而距離亦有1.5米！嚟得扒房點都要据扒啦！紐西蘭肉眼$78/200g真心平🤩用熱石上菜👍🏽店員好細心咁同我講如果怕太熟就先將一半切出來放上碟🍽慢慢燒到啱自己口味🥩南瓜忌廉湯：係新鮮南瓜磨溶煲㗎！唔係罐頭嘢👍🏽南瓜香味的確好濃郁🤤🍝海膽炒意粉：蒜香洋蔥炒點會唔香！海膽份量仲可以加，豐儉由人😆🍹雜莓乳酸特飲同埋菠蘿特飲都好好味！臨走見到其他客入嚟原來都係据扒😂呢間值得幫襯做飯堂🤪🤪

OT完跟同事吃飯，想豪些但又到月尾，同事提議這裡吃。酸辣蕃茄汁青口意粉很開胃，青口亦多。自家秘制紐西蘭肉眼扒400g與200g只相差五十蚊，二話不說當然選400g牛扒上枱時是一成熟，將牛肉放在熱石板上燒至自己心水的生熟度，再沾上蒜蓉汁。美味。 牛扒上有一堆蒜蓉，令每口牛扒更惹味。肉味濃而且肉質很嫩滑，就算去超市買一塊差不多質素的牛扒都不便宜，在這裡吃乾手淨腳。個人覺得可以將薯菜放於石板上，透過餘溫及牛排的油炒更香口。粟米、甘筍、薯蓉及蕃茄仔，平衡一下都幾健康。磨菇湯都很香而且入口味道都濃郁。一杯雜莓乳酸特飲，另青蘋果特飲。兩杯都入口清新，去油膩最佳。意猶未盡，再加一碟鮮蠔忌廉炒蛋配多士，炒蛋滑再配上鮮蠔很香很鮮味。

是日去左食呢間通菜街轉入嘅平民扒房。入面裝修都幾靚，唔講都唔覺係平民餐廳！本身有餐湯。係比較甜嘅蕃茄湯。澳洲和牛（$148）食落冇乜筋，果然係好嘢。呢度嘅熱石有一熱一凍，係一邊燒完之後就要搬去另一邊攤番凍。味道好出色，加上上面嘅蒜蓉非常夾。另外跟左洋蔥汁，令味道更提升！燴龍蝦忌廉意粉（$108）呢個有原條龍蝦尾，仲有鉗，仲有三文魚籽，幾足料！意粉蒜香味重，忌廉唔算好多所以唔會好膩。柚子蘇打（+$12）味道比較甜，不過夠自然。蘇打夠曬多氣飽飽肚。

平時鋸扒平平地都要百幾二百今次黎到呢度，扒跟餐湯$100有找！😋🍴所有套餐價錢已經包括任食前菜、餐湯同白飯👍🏻舖頭好貼心提供一人兩塊熱石 得一塊有熱力 咁就唔怕放得耐會熟曬牛扒上枱時只有一成熟 可以自己切唔同厚薄同控制幾成熟 可以慢慢撐住枱腳食飯🥰.🥗前菜係雜菜 有薯蓉做底 薯蓉好軟滑 👧🏻表示滿意餐湯係蘑菇湯 幾足料 飲落一粒粒好有口感🍵.(建議唔好煎太熟以免會韌)1️⃣巴西牛柳 200g $88 (👧🏻) 牛柳本身比較腍身 易咬 份量絕對夠女仔食到飽唯一不足係👧🏻覺得牛味唔夠 食到最後仲有少少韌🥺2️⃣美國牛板腱 200g $98 (👦🏻)類似牛肩骨肉質嫩 比較多筋 比牛柳更有彈性.八卦望到餐牌 生蠔🦪$198/12隻 可惜👦🏻唔好食生蠔 所以無叫到但鐘意食生蠔既你地唔好錯過！.好味指數：🌕🌕🌕🌗🌑窮遊指數：🌕🌕🌕🌕🌑性價比：🌕🌕🌕🌕🌑回頭指數：🌕🌕🌕🌑🌑

估唔到可以喺通菜街搵到一間咁高質嘅餐廳，又有牛扒又有生蠔食，食物質素同埋環境都媲美其他西餐廳。嚟到旺角又多咗一個選擇！✨ 忌廉蘑菇餐湯呢一份蘑菇餐湯係石板牛扒餐包埋嘅，用咗唔少嘅蘑菇製成嘅餐湯，飲嘅時候食到一粒粒蘑菇碎，感覺好creamy，有一種好邪惡嘅感覺！✨Fine de claire 法國生蠔 半打 ($168)既然間餐廳個名叫做友蠔食，咁當然係有生蠔食啦！我同朋友就點左半打法國生蠔，法國生蠔同一般其他生蠔嘅唔同之處係礦物質比較重，蠔味比較淡，幾容易入口嘅一款生蠔✨芝士脆脆薯蓉($38)呢個芝士脆脆薯蓉係一道非常驚喜嘅配菜，軟綿綿嘅薯蓉上邊配上脆卜卜嘅脆片再加上可以拉芝嘅芝士😋多重嘅口感令到食到不亦樂乎，我好推薦！✨澳洲和牛 200g （$148)估唔到呢度可以食到澳洲和牛，我就選擇左黑椒汁加蒜蓉呢一個配搭。澳洲和牛嘅脂肪分布非常平均，一煎嘅時候已經感受到香嘅油脂味道，搞到我流晒口水。✨美國牛腱扒 200g ($98)我哋都係用咗黑椒汁加蒜蓉調味，始終都係覺得黑椒汁係最能配搭牛扒！ 美國牛腱扒相對和牛冇咁厚身，比較橫同大塊一啲，牛味十足，✨石榴特飲($18)用番石榴汁製造嘅特飲

夜晚晚經過 忽然好想食肉 見到呢間價錢唔錯 又唔算太多人 就入左去坐低一見到去就有人招待 服務態度好好 之後用餐時間都有求必應 無得頂啊我就叫左400G既招牌牛扒 而女朋友就叫左200G牛板腱份量足 石板都好夠熱 食到最後都唔會唔夠熱牛板腱肉質冧D 食落幾有油脂香味 值得推介最平既招牌牛扒就比較一般 筋比較多 套餐包埋餐湯同配菜白飯 水準尚可 不過不失

真平民好食扒房牛扒達人情侶，旺角呢間扒房，每次經過都多人排，見前排經過小人排，我哋就坐低食。石燒牛扒上碟時只有一成熟，想食生d有生d，想食熟啲又可以自己煎耐啲。同男朋友各叫一款牛，紐西蘭肉眼扒，澳洲和牛同4隻美國生蠔。先黎餐湯，蘑菇湯蘑菇湯好飲，有好多粒粒磨菇，應自家搖碎，唔係罐頭湯，湯同白飯都可以任食。美國生蠔生蠔新鮮，海水味淡，小小清甜又不會太重金屬味，夠晒開。澳洲和牛200g我點既澳洲和牛，黑椒醬汁，有鮮蒜蓉。澳洲和牛貴小小，質素當然都優質d，多脂肪，肉質又吾會勁淋，好正。紐西蘭肉眼扒400g男朋友食自家秘製紐西蘭肉眼扒，唔貴，只是128蚊。 扒有2塊，控制在六，七成熟岩岩好，口感最好，食落啖啖肉。飲品我地叫咗雜莓乳酸特飲同芒果特飲，2杯都果味夠，配牛扒都ok。

就嚟新年，當然要食返餐好啦但又唔想洗咁多錢行過女人街發現呢間聲稱平民扒房嘅餐廳呢間扒房主打生蠔同石燒牛好似幾吸引價錢都好平民，當普通嘢食都近一舊水時食生蠔同鋸扒都只係一二百蚊石燒牛200g已經好夠食入面將牛扒只係煎到1成熟然後自己按喜好放上熱石板燒到適當生熟度醬汁有蔥油/蒜蓉/洋蔥揀我覺我蒜蓉燒汁最惹味同香口仲有一碗白飯送牛扒，所以好夠飽呀南瓜湯有少少creamy要讚係幾乎無南瓜絲，因為我好唔鍾意飲湯飲到渣甜甜哋，食嘢之前可以暖一暖胃生蠔呢好彩可以逐隻叫，唔使一口氣叫成打咁多不過我叫完唔記咗邊隻打邊隻生蠔隻隻都好肥美唔需要加檸檬汁已經好正美國牛板健肉質勁軟腍，無咩筋位真係啖啖肉呢，食肉獸必揀牛味無咁重，油脂唔算多鍾意食肉就好啱食呢隻唔會食完有肉絲黐牙澳洲和牛牛味好重，油脂亦勁香肉質無咁軟腍，不過就好香口比較多筋位，需要嘴嚼，食完可能會有肉絲黐牙鍾意牛味重同有油花嘅人就會好啱食牛扒隔離有少少薯菜菜就一般啦不過下面啲薯蓉就好幼滑好好味加錢仲有菠蘿特飲食完塊扒，飲返呢杯嘢好爽唔算好甜，但好清爽feel

餐廳：平民扒房@友蠔食 (旺角)地址：旺角通菜街1A-1L號威達商業大廈地下D號舖平時好少去食蠔，今日行過旺角通菜街見到有間平價嘅扒房🍽，有得食扒又有蠔食，加上價錢都唔算貴👍🏼，所以決定一試係餐廳點任何熱石板套餐就包埋任添任食嘅蘑菇湯、前菜(雜菜薯蓉)同白飯🍚，包你食到飽為止😍，再大食啲都唔洗怕美國Pacific Rock生蠔 $198/半打餐廳提供多國生蠔，法國🇫🇷、澳洲🦘、南非🇿🇦、美國🇺🇸都有，價錢由$168-198不等，既然價錢唔係差好多，叫左半打美國Pacific Rock生蠔，即叫即開，非常新鮮，淡淡海水鹹香加上檸檬汁🍋，滑溜清新脹卜卜嘅pacific rock超級好食澳洲和牛200g $148澳洲和牛做緊特價🐮，200g都幾大舊夠兩個人share，石板一熱一凍，方便食客自己按住鍾意嘅生熟程度由凍石板放過去熱石板到燒🥩，牛肉軟腍又多汁😋，我就鍾意熟少少，每邊燒大概30秒就差唔多酸辣蕃茄汁青口意粉 $78另外見到個只係需要$78嘅青口意粉咁抵緊係唔放過😎，黃綠燈籠椒嘅香味加上酸辣蕃茄汁令意粉色香味俱全🤤，酸酸辣辣又幾開胃🍅，唔會過辣🌶，青口仲有成8隻咁多，抵食抵食最後叫左杯石

等好朋友收工一齊約好去旺角買嘢，之後落女人街附近搵食，見到個名好得意，最後入咗去平民扒房。先來一個南瓜湯暖一暖胃。美國牛板腱 200g ($98) ，呢個餐好得意，個扒放咗喺熱石板上變着咁拎出嚟，之後可以根據個人喜愛牛扒嘅熟度，自我烹調，朋友喜歡八成熟會煮來少少，Mojo喜歡四成就快上碟，share得黎大家都可以食到自己喜歡的熟度，牛肉味濃👍🏻唔錯。酸辣番茄汁青口意粉($78) 個意粉其實幾開胃，不過Mojo一向都唔食辣,，對我來講真係辣左少少🤏雜莓乳酸特飲（$22）和菠蘿特飲（$22）食完個辣意粉好彩有杯凍特飲！有集妹家與酸味確實幾清新。兩個女仔食夠晒飽，如果男士可能個牛要order 大份。

今日難得跟朋友一聚，去行陣旺角，係通菜街附近其實都有不少平靚正餐廳近排都好興食石燒牛扒，見到又覺得好吸引就入去食個晚餐。店員見我們兩個女仔就叫我們不如一份扒餐，一份粉麵都夠食。今日餐湯是南瓜湯，淡淡的南瓜味，我喜歡這種的質感，很舒服。我們終於有扒食，200g 美國牛板腱，牛扒只係一成熟，之後按自己的喜好在石板上煎，我食七成，朋友食六成，所以我煎到甘上下就俾佢食先，牛肉很有牛味，肉汁多，入口都很滑，薯蓉好食，很香，配有白飯都唔錯仲叫了酸辣青口意粉，意粉，青口都吸收了辣汁，很醒神，很刺激，嗜辣的朋友真係要叫，唔錯叫了兩杯乳酸特飲，微甜，很解渴，呢餐都抵食

我妹妹去旺角行街，佢話想鋸扒，見到呢一間餐廳又有生蠔食，咁就可以滿足晒我哋兩個的口味。坐低冇耐侍應就上咗兩個餐湯俾我哋係南瓜忌廉湯，南瓜香味濃郁，個湯好creamy.先來半打生蠔，生蠔好新鮮，有海水味，而且10分爽口，配上檸檬汁，佢嘅size都唔細㗎。澳洲和牛佢係用熱石上菜，另一塊係有微溫，你喺嗰塊好熱嘅石上邊燒到想食既熟度，之後就放喺微溫嘅另一塊。配菜嘅薯蓉亦都10分出色，好香好creamy。酸辣番茄汁青口意粉佢個意粉呢好有口感，唔會話煮過火，個醬汁酸酸辣辣好開胃，配合青口，好滿足。餐廳屬於小店，職員唔算多但係服務好熱心，上菜速度快，價錢經濟實惠但係質素一啲都唔差，果然性價比高，真係平民扒房。

今日早收工就約左友人去旺角行街，比我地發現左呢間餐廳，非常之有特色，平日都好多人黎。服務員好有禮貌，好快就坐底左。首先我地叫左兩杯雜菌特飲果汁，好厚既雜果味，夠曬清爽。大大杯，份量岩岩好。之後就叫左兩個餐湯，今日既湯係雜菌湯，味道好香濃，酸甜酸甜咁飲完已經好開胃。同出面既唔同，呢道既更加濃郁更加香甜。主菜方面我就選左澳洲和牛，呢道既食法好有特色，上菜時係3成熟，之後會比個石鍋你整到幾成熟都得，自己話事，和牛肥瘦適中，一啲都唔會油膩，口感一流。出面好鎖水，入面既肉汁保存得好完美，非常鮮嫩。好耐都無食過咁好既和牛啦，上面放小小蒜蓉食落更加香。友人就選左酸辣蕃茄汁青口意粉，個汁既味道調教得非常好味，酸酸甜甜咁好野味，而且意粉好彈牙，食落好有口感。青口又好多，真係值得一試。

好友生日，梗係要慶祝一番啦，佢鍾意鋸扒，所以就揀咗一間喺旺角附近嘅扒房食飯。餐廳工業風裝修，牆上掛住啲用鐵做嘅裝飾品。呢度地方唔算大唔細，但坐得都舒服。壽星女生日當然由壽星女發辦啦，佢就隨便點左一款牛扒，一款意粉，幾隻生蠔同埋兩杯嘢飲。是日餐湯係蘑菇湯，入口啖啖蘑菇粒，有少少洋蔥味道，甜甜地，唔太稀唔太傑，幾好。好友鍾意食生蠔，佢就隨便叫左幾隻生蠔，隻隻都好大隻。生蠔入口感覺肥美，有淡淡嘅海水味道，好友都好like。意粉係酸辣蕃茄汁青口意粉，呢度出手都幾闊佬，青口都有好多隻，有八隻咁多。青口鮮味，意粉煮得都幾爽口，整體食落係酸酸辣辣，辣味係Tabasco果種辣味，加上蕃茄嘅酸味，食得好開胃。主菜出場喇，就係200g嘅澳洲和牛。側邊有一塊熱石板，你想煎到幾成熟都可以。牛扒有1寸厚，咬落去有肉汁，牛扒味道比較濃，口感厚實，再點一啲燒汁一齊食，我覺得更加好食。跟住仲有細細碗沙律菜，原來沙律菜下面係薯蓉，個薯蓉鹹鹹地，幾好食喎。食牛扒緊係要兩個靚仔(白飯)陪吓佢啦，白飯軟綿綿，配牛扒食就飽晒。飲品係石榴汁，石榴果汁味都幾香，入口甜甜地，都幾好飲。

今日行過呢間石燒店，走左入去試下。服務好好，店員好熱情問你食咩要咩。石燒聽講呢幾年都好興，我自己就比較少食。叫左200g的美國牛板腱，黎到的時候大大舊，醬料無限refill，仲有粟米蘿蔔等配菜，仲送湯同白飯，都係$98，唔算貴，的確幾平民價鋸排。塊熱的石板有兩邊，一熱一凍，你可以放切好的牛粒去凍個邊。塊牛排好厚，真才實料，而且口感唔錯。