平昌 Premium (已結業)

一行七人嚟到這食我的慶生飯， 朋友很客氣，點了最豐富的國王食譜， 餐廳先來一個牛肉拼盤，靚到無朋友，之後來醬油蝦，醬油鮑魚，我們又點了：炆牛肋骨，豬手，芝士炸蝦沙律，炸雞，雞腎串，拉麵，所有食物都非常鮮味。 唯一美中不足的是抽風系統和冷氣都不行，時有時無，一路食一路滴汗，大減食慾，而且限時兩小時，太趕了，餐廳要求我們like了他們的facebook,才送雪條一支，實在太小氣了。埋單每人416個大洋，實在有點貴

當日同朋友食慶生飯, 入到去已覺煙霧瀰漫, 入座後該處沒有空調, 又熱又大油煙味, 置身在廚房一樣, 食過咁多韓燒抽風方面最差的一間, 食物方面和相片介紹的天淵之別, 種類不多, 沒有SERVICE可言, 只此一次, 沒有下次.

平時食韓燒逐碟計錢，每次都計住計住咁食，往往食得不夠盡興。今晚到平昌Premium，由於是放題式韓燒，終於可以吃個夠本！除了基本的豬牛雞外，而且更有海鮮、韓式主菜任食，開餐啦喂。韓燒放題都有分不同的餐牌，我選了Standard，當中有生蠔、帆立貝任點！餐牌在此：食韓燒，當然少不了爐邊蛋，而平昌比較特別的是，更有番薯粒。番薯粒非常甜，十分好吃。而且份量細細粒，吃多幾粒也不怕濟呢～另外，當然少不了一系列的轉式前菜，更有飲料任飲。餐廳還非常貼心，為食客提供圍裙，減低韓燒時弄髒衣服的機會。我身為海鮮愛好者，當然先點海膽、帆立貝、海蝦，非常新鮮！海蝦雖然唔算好大隻，不過勝在肉質非常彈牙，而且夠新鮮。而燒海膽及帆立貝要留意時間，否則會中間會大縮水。另外，還點了調味牛肉片，點了一份，份量非常多。牛肉非常薄身，燒一燒就食得。塊扒份量有成隻有手掌咁大。吃得太多肉類，難免會有少許滯。不過加上生菜則可中和肉類的油膩感，而且生菜更可無限量供應。除了海鮮、肉類外，我個人十分喜愛燒菇，貪其吃落非常Juicy，而且還沒有肉類般這油膩。而且燒茄子也不錯。燒到金黃色，帶有微焦的菇及咖子，相常吸引。最後，當然少不了甜品。

今晚朋友約左我出去食晚飯，佢話帶我去食好野😋。我地約左係佐敦站等，跟住行5分鐘就到壯士倫敦廣場，原來今次係去平昌食韓燒！今日揀左食正宗Korea bbq任食buffet，打開餐牌有好多野食，包括牛、豬（牛豬都有不同的部位可以order)、雞、海鮮（蝦、帆立貝、魷魚等)、仲有湯、飯、年糕，我個人就覺得牛最入味最好食，配上生菜口感一流。另外值得一提係張order紙過左膠好環保，可以重複用。除左任食，仲任飲添！😋

朋友仔呢排同 #腦細 有啲拗撬，今晚話想出嚟飲返杯呻吓、平衡一吓🍻 記得朋友講過「平昌Premium」有 #傻豬 （燒酒）任飲👀 咁唔飲得嘅 #小秘書 咪可以食住燒肉睇佢表演囉💯 臨收工見啲雨無咁大，拿拿臨搭車出去，準時開飯🥢 一開lift門就見到位韓藉服務員為大家安排座位👍🏻 當大家都未開始點菜👀 精靈嘅 #小秘書 已經比枱上果條性感圍裙迷住... 話哂人哋都六舊腹肌，點都掛佢上身陪我一晚啦🤣🤣 #平昌 嘅食物、飲品都係限時任食嘅😋 「韓牛」同「海鮮豆腐辣湯」就至啱 #小秘書 口胃👍🏻👍🏻 而牛肋骨肉嘅肉質就最鮮嫩，不過我無諗過 #平昌 嘅「烤調味豬肉」原來先係至出色🉐 餐後仲有雪條做甜品🉐🉐... 同朋友仔成晚掛住食🐷🐮🐽🦐🐙 佢嘅怒火似乎已經比啲美食撲滅咗🤣🤣今晚又可以大覺瞓lu!!

幾位愛吃肉的好友約晚飯，說是想吃韓燒，佐敦一帶有頗為著名的韓燒店子，於是大家也讚同去試一下。來到店前，店員先會問及選擇什麼級別的套餐，所以大家也看看有什麼選擇，我們來吃韓牛，所以選擇了最高級別的國王御膳。店員安排座位後，大家非常期待這晚的韓牛套餐。當店員送上這份國王御膳之際，大家都嘩然起來，想不到有著多種肉類，擺放得非常精美，更顯高級，更顯豐富無比。由左邊開始的是，烤調味牛排骨、烤雪花牛肉、韓生後上腿肉、韓牛後腿外側邊肉、濟州五花腩、濟州梅頭肉、中央是烤鮑魚及六吋大蝦，先送上的全份主食，真的是國主級享受。從店員口中得知，我們選擇的國王御膳，原來是包括送贈一支韓式燒酒，對於我們來說已不錯，因是晚的幾位好友都並不太好酒，大家也可以淺嚐韓式燒酒的風味。同時，大家也找來各自喜愛的飲品。這時店員又為大家送上醬油蝦及醬油鮑魚，大家見到也嘩然一陣，立即試試。醬油鮑魚入口醬油味香及濃，並不太難咀嚼，雖是醬油卻不很鹹，味道剛好，由鹹味帶出鮮味，醬油蝦也同樣味道剛好，鮮味十足。品嚐過醬油蝦及醬油鮑魚，也開始烤各式各樣的肉類，各式牛肉都是肉質鮮嫩，肉汁豐富，有如入口即熔，若不烤過久，也不會出現大差的情況。最

去九龍公園泳池游完水後特別肚餓，於是去附近莊士倫敦廣場5樓平昌韓燒放題，係朋友之前極力推薦，好彩係晚上六點，剛剛開始,若再遲啲就要等位。叫咗個大君御膳，當中包括多款海鮮、肉類、各種品牌飲品、米酒同青酒，仲有名牌雪條，任叫任飲都只係$188元。 地方好闊落，座位又舒適服務員好殷勤招呼。先嚟三款小食,當中唔少得有韓國泡菜同韓國壽司。梅頭肉好淋滑，肉嫩脂香，L A牛排骨同烤牛肋骨肉醃到好入味，有啲骨諗住仲更香口。燒生蠔、帶子同蝦好鮮甜。米酒都有三款味，有香蕉、橙同菠蘿米酒，唔會好甜，感覺好清醇。飽到捧住個肚走，仲見到門口人山人海等入座，真係好誇張。

夏日熱辣辣，今日帶住三個美少女唱K，之後問佢哋想食中菜，西菜，泰國菜，日本野定韓燒，最後佢哋揀咗食韓國燒烤之後落咗佐敦去平昌韓國燒烤，有任飲任食啱晒啲少女們有coca cola plus陪着食韓燒，食幾多都唔怕啦牛仔骨，韓式牛肉，雞翼，最愛牛仔骨串燒日式雞肉，牛筋條，雞肉牛舌，辣味牛肉五花腩，油香四溢大蝦，燒鰻魚，第一次食韓燒有燒鰻魚，估唔到都幾好味又點少得了少女們最喜愛嘅芝士腸和午餐肉呢韓式炒牛肉，香噴噴，入口鬆化汽水啤酒任飲其實仲有好多熟食，韓式拌飯仲食咗韓式煎餅，韓式炒年糕，但係唔記得咗影相囉

呢個廣場應該叫美食廣場, 每層都有食店, 好多國家嘅菜式都有, 今晚坐升降機黎5樓食韓燒2小時任飲任食, 三款餐牌選擇, 價錢由百幾至三百幾選擇左中價餐 : 世子御膳 - 包括逾50款食品選擇, 特別如牛肉眼, T骨扒, 牛前胸腹都有得食先黎一系列前菜同紫菜飯卷睇下個T骨扒, 肉色靚仔, 唔算太厚令燒烤時間縮短, 燒完都仲大過隻碟, 用鉸剪剪開方便進食, 無咩脂肪, 食得健康!食到興起, 出去拎番罐凍飲先友人係肉食類, 呢度咁多肉選擇, 佢當然唔放過啦係咁易叫下D牛舌, 牛肋肉, LA牛排骨, 豬梅頭, 豬皮咁啦...........哈...............牛舌有一定厚薄, 食落脆口得黎有D嚼感; 牛肋肉條食落爆汁, 有肉味豬梅頭肉質嫩滑, 輕輕嚼幾下已可吞下鷄腎串成一串容易燒同食, 食落爽脆仲有補充骨膠源之選嘅豬皮, 口感煙韌, 唔會太肥膩!醬油蝦 - 醬油鮮甜, 蝦肉食落有D煙韌, 幾入味, 估唔到放題都有得食, 驚喜之作!元貝, 蜆, 蝦呢D海鮮類都可以叫, 蝦肉質燒完都幾彈牙唔好漏左佢有韓式料理, 叫左個泡菜煎餅, 份量唔太多, 邊位煎得香脆, 食到陣陣泡菜味!睇韓劇成

無肉不歡的我，早前就同朋友一齊去左佐敦食韓式燒肉。三個唔同價錢的任燒套餐，我地就揀左中等價錢的"世子御膳"套餐。 超多款的牛肉，而且牛肉質素仲唔差添。顏色夠紅潤新鮮，而且size同數量都少。  牛T骨扒+牛肉眼+牛前胸腹 超級大块的巨型牛T骨扒, 足足有爐面咁大块, 超誇張!! T⻣扒比較有咬口，而牛肉眼扒肉質就比較軟腍多肉汁。  牛肉淹漬叉肉 +烤LA牛排骨+ 烤牛肋骨肉+烤雞肉 除左肉數之外，仲有唔少海鮮。  帆立貝+生蠔+蜆+大蝦+魷魚+烤鰻魚 雖然係任叫，但啲海鮮質素都唔錯，夠哂新鮮又大隻。帆立貝大粒彈牙又鮮甜，大蝦同生蠔都唔差。 大蜆+烤干貝  蜆肉大粒又新鮮, 乾淨冇沙入口鮮味; 干貝亦都係大大粒, 仲非常鮮甜又彈牙.  醬油蝦忍唔住叫左好多轉嘅醬油蝦, 大大隻啖啖肉, 肉質爽口又彈牙. 而醬油味道甜甜地又唔會咸, 令蝦的味道更加鮮甜, 卻又唔會有腥味.  烤豬腸+烤牛腸+烤豬皮 烤牛腸 & 烤豬皮出面真係比較少有得食, 可以上試下. 烤熟後的牛腸原來係會比較彈牙中帶有爽口, 又完全唔會有肥膩的感覺或者重羶味, 真係估佢唔到又幾好味喎. 而烤豬皮就口感煙煙韌

今次到食韓國野啦！同朋友食韓燒都幾好，呢度有得燒又有熟食我諗重點就係有爐邊蛋！好少見有任食韓燒係會有爐邊蛋仲可以加啲kimchi去食，感覺仲地道啲！我就食最平果個餐嘅，所以都唔算多牛嘅種類普通牛肉眼都有嘅，肉類都夠食嘅！想講講都有海鮮食架！魷魚都有不過一份都好多下，烤完就唔會硬，味道就淡啲，因為冇加調味帆立貝同蠔都可以一試雖然唔係大隻，但味道都足夠，新鮮注意烤嘅時間，等等耐咗就真係縮到好細粒煎海鮮蔥餅都係一個韓國幾代表嘅菜式雖然冇係韓國食嘅咁豐富同大塊但辣同蔥味都好足夠海鮮就少咗啲，不過重點都係翻韓燒到嘅！水冷麵好怕食到冇味嘅呢個個份量有啲大，2個人食都有啲多味道都還可以，建議可以剪一剪先食！最後仲有蕉味冰棒作結尾！

約埋三五知己聚餐，柴娃娃嘈嘈閉，一係就去打邊爐，一係就去食韓燒。為咗方便大家夜麻麻返屋企今日揀咗去佐敦平昌韓式燒烤，任飲任食唔使諗，冇煩惱😂六點到，座位任揀！因為大家都唔太肚餓所以揀咗個最基本嘅任飲任食套餐，除咗有韓式烤肉可以燒烤之外，仲有好多熟食，例如韓式煎餅，辣炒年糕，炒粉絲，香辣拉麵，韓式拌飯等等，款式多樣化，簡直花多眼亂！燒烤中有我最愛嘅牛仔骨和牛肉，夠晒入味！朋友就最喜歡燒雞肉，大蝦亦十分新鮮！其實佢有燒蠔，但係我哋今次無試到！仲有第一次食韓燒有燒鰻魚，認真不錯，燒完更加美味👍爐邊的雞蛋又香又滑，再加埋任飲，大滿足！

表姐外地返港， 佢係韓國fans， 晚飯當然要投其所好， 找一間有水準嘅韓式餐廳啦！做過 search, 平昌口碑唔錯，訂位試下。飲呢隻傻豬要加多50蚊， 名字別緻， 令人好想試環境乾淨， 每張枱都有獨立排氣抽風，比以前舊式抽氣扇好得多， 減少了油煙味選了 Luxury buffet, 款式可以更多，有熟食雞肉凱撒沙律，一人份量好大，炸雞鬆脆， 蔬菜新鮮， 開咗個胃，然後就大開食界海帶湯韓劇見得多， 難得有機會當然要試， 味偏甜糊口，海帶潺滑，和中式煮法，各有千秋其實仲有好多熟食， 例如炒粉絲、 炒年糕 、石鍋面 、冷麵 、拉麵……等，但表姐 like 燒烤，如果仲有 quota 才再叫烤雞肉、烤豬腸、 薄切五花肉 、T骨牛扒、 串燒雞腎…… 種類繁多T骨牛扒勁大, 食完都飽了半肚雞肉醃得好入味， 雞腎爽口香蕉傻豬似忌廉乳酪+醋+香蕉味道，口感酸滑，唔錯 帆立貝、海蝦 、生蠔味鮮甜， encore 左幾次最後甜品有雪條揀了紫米和芒果， 有粒粒紫米咬口，我鐘意，反而芒果味較平凡。這餐表姐滿足，滿意 🤩🤩

食油煙多過食嘢全部海鮮都唔新鮮 肉唔好食無乜選擇樣樣野都限住哂 又要like 又share 先拎你一枝雪條 行去個雪櫃睇下有咩味雪條好似當你賊咁未食過環境咁差嘅韓燒唔推薦

今晚又有一大籍口外出用餐 - 同同事慶祝生日呢間韓燒好似都係7080旗下既餐廳，不過係任食型式。佢有三個set比你揀，我地就揀左最平嗰個試，因為覺得都夠多種類。其他兩個既種類就再多啲，不過相對都會貴啲。食物質素都算高，餐牌唔止生野，仲有啲熟食，都係韓式傳統食物。我最鐘意炒粉絲，當然一定會叫啦不過炒粉絲一定要加辣椒醬先好食。另外最鐘意薄切五花肉，最快熟，差唔多熟時，放啲泡菜上去燒，之後再用肉卷住泡菜，好食過用生菜包。呢度既泡菜可以無限添，蛋漿都可以，不過蕃薯仔就要5蚊6粒，鐘意食都可以添下，因為真係唔錯。至於環境就...好煙霧瀰漫😂 可能抽風系統唔係咁好，食完後，你自己都會嫌棄自己身上陣味。直得一讚既就係佢地換塊燒版換得好密