平昌

营业中

休息中

突然間想食韓燒，搵到非常就腳嘅兆萬有平昌呢間任食嘅韓燒，就同朋友試下😍一坐低就可以自己填想食嘅嘢食，我地揀左大君御膳，食物種類有好多！唔只淨係有韓燒嘅肉類，仲有好多熟食可以選擇。例如有韓式湯飯、拌飯、麵之類。平時韓國餐廳淨係叫個湯飯都百幾蚊啦。依家任食韓燒再加熟食都只係$218加一。真係超級抵。我同朋友覺得肉類最好食嘅係：辣味烤牛肉、豬頸肉同五花腩。辣味烤牛肉可以配生菜，包住食，牛肉惹味得黎配番生菜，好fresh!豬頸肉同五花腩燒完好香，好好味！泡菜同埋芽菜都好好味！芽菜嘅調味好重麻油味，泡菜好食到要refill左兩次😂食到中段，我地叫左水冷麵同埋海帶湯，清清地可以消一消油膩感。飲品方面，有韓國牌子嘅飲品，韓式檸檬茶唔會太甜。蘆薈汁好清爽好解渴。任食韓燒黎講真係覺得好推介好高質！

今日黎咗好熱門嘅平昌食韓燒，真係好興奮呀，我要食好多好多肉！今次被安排到房仔入面坐，呢度有三張枱，如果多人黎包晒成個房，一定好好feel。呢度仲有個好處就係比較少油煙，坐得耐都唔會好辛苦一坐低，侍應就已經快快手上晒前菜同埋醬料，泡菜同埋芽菜都係幾好味，唔會好水汪汪，感覺都係新鮮嘅呢度嘅熟食選擇都唔少，安東燉雞非常之出色，雞肉煮到好淋，但亦保持倒佢肉嘅彈性，味道就當然係非常入味。今次我仲係食世子御膳，多好多選擇，而且有更多肉類同海鮮嘅選擇。非常推介世子御膳嘅牛肉，因為佢地唔會有太多腌料，更容易食得出牛肉本身嘅香味。世子御膳仲有一個非常好嘅item,就係五花肉！我曾經都去過韓國食燒五花肉，個感覺係比燒牛更加好食，而呢度嘅五花肉都係超乎常人咁好味，用生菜包住食，唔單止唔覺油膩，而且仲突出咗肉本身嘅香味！最後都叫咗唔少嘅熟食同埋冷盤，呢度嘅沙律同埋炒粉絲都係幾有水準嘅，作為呢餐一個好好嘅結局~

大君御膳 $218 一位 120分鐘呢度冇分黃金時間同優惠時段，由1500到2300都係同一個價錢，星期五至星期日、假期及假期前夕每位都係加多$20。我今次食嘅係平啲嘅套餐，但食物種類都非常多元化，燒肉嘅部份有齊牛肉、豬肉、雞肉、蔬菜同海鮮，另外仲有涼拌嘅前菜、炸物、湯、飯同麵，當然唔少得飲品任飲啦！我覺得呢度嘅肉都醃得好入味，個人比較推介嘅係辣調味豬梅頭肉片、雞肉串、豬頸肉同照燒薄切五花腩片，包埋生菜真係好好食！海鮮亦都新鮮，至少我個玻璃肚食完都冇肚痛。除咗食物質素對得住價錢，服務都好好，短短的兩個鐘，店員主動幫我哋換咗六次爐片。

啲人成日都話兆萬係劣食之塔講得呢句野嘅人一定係未嚟食過呢間 平昌韓式燒烤！一出lift 就好似一腳踏咗入韓國咁好多好有特式嘅壁畫，好有韓國氣氛🇰🇷好搞笑😆空間都算幾大，枱多但都算幾闊落場內音樂偏細，每枱也都小小的，啱哂邊食邊飲酒傾計，唔使講句野都要大大聲👍🏻我個人最中意個麵豉醬，少少辣啱啱好👍🏻👍🏻👍🏻一坐低，就有歐巴過嚟上小碟前菜同埋倒蛋🤣上菜速度係異常地快，呢頭落完單，果頭就有歐巴上菜，態度好好，抵讚👍🏻👍🏻👍🏻佢個份量會跟返你人數，唔使怕浪費食物👍🏻👍🏻👍🏻燒肉+泡菜再包生菜真係好正👍🏻👍🏻👍🏻👍🏻食幾多都得😋😋😋最後叫埋個冷麵埋尾，好滿足，好味道😋

首先，當初到埋位嘅時候，已經見到有曱甴喺張枱度行嚟行去，雖然係細嘅，但係真係好嘔心。食飯嘅時候更加仲有一隻喺隔籬枱爬過嚟，冇晒胃口食飯。再者，半個鐘先來小息係咩意思，一落單已經嗌海鮮煎餅、吉列炸蝦、炒年糕、炒粉絲，結果10分鐘後嚟咗個海鮮煎餅， 30分鐘後再吹，吹大概三次佢先來剩低嘅小食，我吹佢嘅時候，佢粒聲唔出唔知咩意思，勁臭串。叫侍應嚟幫我哋加啲小菜，或者係加啲蛋，全部黑口黑面，勁冇禮貌，笑容都冇。此外，落親單永遠都嚟唔切，份量都少咗勁多，嗌5份牛肉，佢淨係比兩份。真心可以改善下員工嘅服務態度同餐廳衛生整潔程度。

韓燒雖然好味, 但動輒就要花上幾百蚊~今日同家姐兩個係旺角搵到一間平價韓燒放題試下平昌係兆萬中心13樓, 一去到見到全場都爆滿~~好彩仲有兩張台唔洗等 平昌有三種等級既燒肉選擇, 第二級既大君御膳 ($218)已經有牛﹑豬﹑雞、菜、仲有唔少韓國小食同埋主食類既料理可以簡~~不得不讚平昌既侍應姐姐哥哥都非常主動熱情, 一埋位就立即放左泡菜﹑芽菜同fill左爐邊蛋~亦主動拎左紙巾過黎~係燒既途中都不斷走過黎觀察個爐需唔需要換餐牌上可以話係應有盡有, 第一round我地就試哂牛肉先，我地一致認為調味烤牛肉係最好食!!!雖然有人可能鐘意唔醃, 但係喱到既牛肉醃得好好食鮮嫩得黎又好入味。另外, 調味牛舌同LA牛排都值得試下, 味道唔錯豬方面就比較喜歡五花肉,  睇落雖然肥膩, 但係其實燒完配上生菜﹑豆瓣醬﹑泡菜一齊食中和哂所有肥膩感~超級好食, 喱樣我地連續叫左3碟雖然放題價錢唔貴, 但係平昌亦有提供蝦﹑扇貝﹑蠔等等, 每樣我地都有試, 個人比較推薦蝦!烤左既蝦非常香口, 蝦肉彈牙, 認證新鮮!!其他小食方面, 比較特別既係鵪鶉蛋, 推介大家一定要試, 有滿滿既麻油香味唔飽既話仲有水冷面﹑辛辣面

好耐冇食過韓燒喇，喺旺角行街就搵下附近有咩餐廳，見呢間喺兆萬咁方便就試吓。一上到樓就見到有個韓國oppa 喺reception，幾有風味咁🤭🤭餐廳算幾大，食完都唔算好大油煙味，如果播歌聲量細返啲就更好😂。放題set有2個，分別係大君同埋世子，我哋叫左價錢平啲嘅大君，都幾多選擇。爐邊蛋係免費嘅，如果要加芝士就要另加錢。肉類都算唔錯，我哋比較推介豬頸肉、LA牛排、調味烤牛肉、辣調味五花腩、辣味雞腿肉、鰻魚、魷魚。燒完用嚟包生菜食幾好😋😋另外，熟食方面就鐘意海鮮蔥餅、炒粉絲、醬油鵪鶉蛋、辣海鮮泡菜湯。嘢飲可以喺出面凍櫃自己拎，有烏龍茶、啤酒、忌廉梳打、可樂汽水等等，有唔少選擇。

有120分鐘任食韓燒料理有二款價錢選擇一款叫大君御膳$218另一款叫世子御膳$298包埋任飲𠻹埋位已經有泡菜同前菜韓燒點少得個爐邊加蛋漿😋最後同朋友一致選擇世子御膳有大食大吖嗎🤣落單後真係超快就送到真係同網上講嘅一樣值得一贊👍🏻👍🏻打開menu 更係食d 貴價食物先啦🤣海鮮類👉🏻生蠔🦪海蝦🦐扇貝+尤魚🦑仲有👉🏻油蛤，帶子，半殼青口等肉類👉🏻T 骨牛扒+牛前胸復肉+牛舌+烤牛腸+香草五花腩+豬梅肉+雞軟骨串等仲有肉眼扒😱最有特色係烤牛腸係內臟(朋友話好好食)😋有d食物用辣調味有d 用特上汁醃製未食得烤肉前就叫熟食👉🏻燉藍青口+炸忌廉蟹肉薯餅+脆炸一口芝士+炸紫菜粉絲卷+無骨原味炸雞等我見仲有醬油蝦

朋友話好想食韓式燒肉，就去咗旺角兆萬中心13樓「平昌」，食兩小時（120分鐘）韓燒放題，呢度有兩款任食選擇，世子／大君御膳。 ［大君御膳］，價錢較平，牛／豬選擇各有9款，另有雞肉、海鮮、蔬菜、韓式料理等選擇。 如果想食好啲，可以升級選擇［世子御膳］，除可選擇大君餐牌內食物外，另有一個［世子御膳］餐牌，可選擇級數較高的肉類、海鮮、料理等。 ［世子御膳］ 呢度嘅牛、豬、海鮮都好好食 尤其推介，完全冇加調味……牛前胸腹肉，肉眼、，原汁原味，燒香至金黃焦香，入口有牛味，肉質軟滑多汁，又有少許咬口。 香草五花肉、特汁豬梅肉，肉質軟彈，唔油膩。 雞軟骨、雞腎串燒，入口焦香脆口，。 青口、帶子、虎蝦、蠔、扇貝等，簡單燒熟，已經鮮味十足。 呢度仲有韓國特色醬油蝦，甜香醬油，加上彈口鮮蝦，真是好好食 生牛肉石鍋飯、海鮮豆腐湯、牛肉海帶湯，都非常推介。

呢間真係可以😌講我覺得最抵食既韓燒放題☺️中午過黎食可以食多啲！都好多嘢可以揀，可以一直落order，不過每次落order都唔會出好多，小量小量咁出，都可以控制下食既份量😆😆除左肉，仲有好多其他熟食可以揀🤩

就快開學啦！我同另一半決定抓緊暑假的尾巴，趁平日兩個人出去食好西。由於唔想去得太遠，就揀咗去旺角食韓燒。上到OpenRice一search就決定揀平昌，因為好多哈哈笑，想睇吓係唔係真係咁正。一嚟到係門口招呼我哋嘅哥哥仔就已經係一個OPPA, 真係正宗韓國人主理。一係唔食，一係就食好啲。所以我同老公就揀咗世子set，咩都有得揀。基本上我哋只係揀喜歡食嘅事已經飽晒，冇能力每樣嘢都試，因為真係太多款式。但我哋揀親嘅都好正，海鮮就好新鮮，肉類亦好鮮味，最難得係熟食都好好味，首推一定要試醬油蝦，味道剛剛好。飲品款式亦多，怕肥嘅仲有青檸梳打，零卡路里。最後，值得一讚是服務非常好。我哋都好唔好意思，基本上我爐一燶，好快就有人幫我哋換過個新嘅，碟亦好快有人收。另外，記住一定要book位，我哋走嗰陣時八點幾已經全場滿晒。

煲韓劇煲得多，今次嚟食吓韓燒。呢間裝修佈置，音樂連店員都充滿韓風。主要係食放題，有兩款選擇，一個係大君，另一個係世子放題。我哋要咗世子放題，諗住盡興啲，肉類同海鮮選擇更加多。放題包埋飲品任飲，可以自行去雪櫃自取，飲品款式都唔少。由於係放題關係，兩個人可以每款食物都試少少，唔怕食唔曬，啱食又可以再點多次。我哋點咗T骨牛扒、牛胸腹、牛肉眼、牛舌、虎蝦、蠔、青口、帶子、雞軟骨、雞腎、芝士腸、午餐肉等等。熟食都有唔少野揀，我哋要咗炸雞、番茄、辛辣麵等。食物種類勁多，尤其係肉類同海鮮味道不錯，加埋個辛辣麵，好完滿嘅一餐。上菜速度快，店員殷勤有禮，算得上係食韓燒放題嘅好選擇。

韓燒黎講算平 200蚊鬆啲燒肉放題😬但係勁多昆蟲曱甴 隔幾分鐘見到一隻💩👀 not joking啲侍應見到曱甴都好似習以為常司空見慣 有幾次叫佢哋過嚟幫手捉曱甴佢地有少少唔耐煩😬

之前試過walk-in平昌無位，所以今次我提早book定枱陪閨密慶祝。今晚大概七點到，全場full house，果然係超人氣韓燒！入座要先揀套餐，我哋今次就揀咗$298 set B世子御膳，可以點曬set A大君御膳加set B所有菜式，點餐方式用marker 寫菜式number同數量喺白板仔，然後交俾店員就可以，幾方便。係等肉熟嘅時候可以食超香滑嘅爐邊蛋，如果想encore就可以揾店員幫你refill。前菜除咗有泡菜、沙律、炸物等等，赤貝沙律唔錯，赤貝都幾厚肉，沙律菜新鮮開胃。原本期待嘅一口芝士唔夠熱無得拉絲。肉類選擇超多，調味嘅肉類會較為濃味，其中嘅牛舌、護心肉、豬五花腩都唔錯，牛舌爽口，護心肉外脆內軟又唔太油膩，口感特別。豬五花腩肥瘦相間，好適合加埋辣醬包生菜，增加口感。海鮮個人推介扇貝同魷魚，扇貝唔算太大但幾鮮甜，魷魚就好爽脆。主食有多款韓式熱湯、石鍋拌飯、炒年糕、辛辣麵，個人認為水冷麵必點，清涼湯底加埋梨、蛋同青瓜絲，口味清新，麵條煙韌，辣拌麵就係乾身版本，同燒肉簡直係絕配！飲品方面除咗有忌廉溝鮮奶、烏龍茶等等嘅罐裝飲品，仲有hite 啤酒同枝裝水，燒肉有無限凍枝裝水真係好正

今日心血來潮想食韓國菜，好耐無食想食多幾款菜式，上網搵到兆萬13樓有韓燒放題，岩哂今日既口味，立即上去睇下有冇位。上到去經已接近滿座，有一位韓國店員安排我地入座，非常友善。有兩個套餐揀，我地揀左世子御膳，可以叫埋大君御膳入面既野食。一開始店員會加蛋漿係鐵板邊，有蛋香，滑溜。-沙律食燒肉放題咁多肉食，一開始未飽肚，緊係要健康啲，叫個八爪魚刺身沙律同北寄貝刺身沙律，兩款沙律用唔同沙律汁醬，好新鮮，好開胃。-牛肉牛前胸腹肉胸 : 油脂分布平均，肉味濃，有牛既油脂香，質素唔錯，加生菜包住食一流。T骨牛扒 : 大大件T字骨牛扒，好巨型，好處係可以一次過食到肉眼同西冷兩個部位。 牛扒都算有牛味，但係不宜燒得太乾。調味牛舌 : encore得最多嘅就係呢一款調味牛舌。牛舌夠薄切，經調味後會有啲蒜香味，牛舌唔韌，有咬口，出色。-護心肉護心肉（Saorae）是韓國近年大受歡迎的食材，它位於豬的橫隔膜和肝之間，每隻豬只有二百至三百克，極為矜貴。護心肉燒香後油份不多，爽滑彈牙。-帶子世子御膳可以叫帶子，帶子幾厚身，已經去殼，燒完沾少少油鹽，更加可以帶出帶子既鮮味。-醬油蝦世子御膳另外一大特點就係包括醬油蝦，