平昌

营业中

休息中

呢間韓燒放題好多韓國待應, 仲有牆上面嘅漫畫都係香港漫畫家林祥焜和甘小文畫，覺得好地道同韓風，好岩一大班朋友仔圍爐任食暢飲。好彩訂左房1930黎到已經全場坐滿，食大君御膳已經有海鮮任食任飲，好抵食之餘，泡菜小食、熟食有韓式年糕、辛辣麵都唔馬虎！算喺旺角出色放題😋

久違既韓燒，係朋友介紹話哩間韓燒唔錯，過黎試下，提前打電話book位，如果唔係去到要等位，一出lift就係鋪頭，第一感覺都幾韓國feel，我霖應該都係韓國人開，接待我地既員工都係韓國人，我地就選佐大君set，價錢上都幾抵，任食放題$218，假期星期六日都係$238，貴20蚊，都好抵食，大君set其實都好多選擇，單係牛🐮豬🐷都10幾20款式，每一款試埋已經好飽🤣 我同朋友都覺得，牛同豬燒落真係唔錯，幾入味，而且款式比較多，另外仲我有海鮮任食，蠔、魷魚、帶子、虎蝦、鰻魚，真係任君選擇，

成日見人話韓式燒烤要試下平昌 今次終於黎到啦！呢度嘅店員好似係韓國人唔識講中文 但係英文溝通都唔太順暢😂😂 坐低之後 我地8個人 只係俾左一份menu 第一次order完之後收左我地order嘅卡仔 無俾番我地for下次order. 反映完之後佢地都唔係好理 結果等左一段時間 先有得再叫嘢食 印象麻麻地。上菜速度比較慢，完全唔覺得自己食緊放題，非常唔暢快🥲🥲 食物質素方面 我個人覺得呢度有醃過嘅肉類比較出色 牛仔骨同豬頸肉值得推薦。相反無醃過嘅肉質素非常普通 豬五花 肥牛 全部都係結冰咁上碟俾你 都真係幾hea下 … 呢度仲有其他熱食可以任叫。韓式冷麵可以一試，食完熱辣辣嘅燒烤食一口冷麵 可以降溫又解膩！另外仲食左韓式泡菜鍋 炒年糕 炸雞，質素就普普通通啦，比唔上出面嘅韓國餐廳，不過任食過下嘴癮都OK嘅 嘢飲方面就真係好少選擇 得一個櫃 大概有5-6 款嘢飲 到後尾俾人拎完得翻2-3種 都無refill🥲🥲 整體黎講 呢間韓燒環境非常有韓國feel 但係比較逼 坐得唔係幾舒服。店員服務態度都麻麻地。食物質素非常普通，市面上有更多韓燒選擇。唔會再食第二次😂

雖然很多人都說兆萬是「劣食之塔」，但我很愛光顧兆萬的平昌，絕對是一家CP值非常高的韓式燒肉！除了有各式肉類海鮮，亦有大量韓式熟食可以選擇，而且質素都不俗呢！😁今次一行四人選擇了價錢較低的大君御膳，星期三光顧，限時120分鐘，每位成人是$218加一。每桌都會有韓式小菜，包括泡菜及大豆芽，另外亦附有爐邊蛋，我們喜歡將部份泡菜剪碎放進其中一邊的爐邊蛋，自製不同口味😋韓食方面，我們最喜歡平昌的湯品，牛肉海帶湯內的牛肉非常軟淋，而且大量海帶讓人有點清熱的錯覺😂辣辣的海鮮豆腐湯亦非常開胃，裡面有少量蜆肉等海鮮，亦有滑豆腐，雖說燒肉才是主菜，但熟食亦一點也不馬虎。另外還點了水冷麵﹑海鮮煎餅﹑辛拉麵等，海鮮煎餅的份量細細一塊，是十分適合於放題中出現的份量😆辛拉麵我們encore了兩次！配上燒肉簡直是絕配～而海鮮方面雖說是價錢低一級的套餐，但仍有半殼石蠔﹑半殼扇貝等，海鮮的質素正常，除了虎蝦有點不太新鮮外，其他海鮮都可以一試～肉類方面有不少選擇，我最喜歡牛肋骨肉，沒有骨而且沒有預先調味，又不像肥牛般薄薄一片，有點厚度能有點咬口，有吃肉的滿足感。另外飲品也是住飲的，整體領錢非常實惠🥹會不停encore😆

今日同朋友去旺角行街，夜晚打算食完飯先返屋企，咁啱收到張傳單，見到燒肉放題突然間就想食，於是嚟咗呢間兆萬嘅燒肉店。呢間燒肉店屬於韓式燒肉，風格都好似韓國傳統嘅燒肉店，風格好地道。我哋揀咗世子放題$298/1，有兩個Menu可以揀，食物選擇都算多，肉類都應有盡有，仲有幾歡海鮮！一坐低店員就將蛋漿倒落爐邊，呢個就係傳說中嘅爐邊蛋😍生菜泡菜同埋芽菜都係任添，鍾意食泡菜嘅我終於有機會瘋狂地刷😂另外值得一讚係佢有得揀有醃咗嘅肉同埋冇醃嘅肉，方便比較懶嘅人士，唔需要自己調味。包生菜同泡菜食真係好正。除咗燒烤嘅食物之外，仲有大量嘅熱食同埋小食，例如石鍋湯、韓式石鍋拌飯、不過我哋嘅胃太細就冇嗌到，反而叫咗紫菜飯卷、韓式炸雞同埋一口芝士，估唔到都幾好食，個人最鍾意紫菜飯卷，外脆而且好香，食咗2round！呢度嘅飲品都係任飲，啤酒就要加錢，總括嚟講性價比都幾高，食到好飽都係$300左右一位。

兆萬有好多餐廳 今日就同朋友揀左呢間韓燒試下～佢有兩個價錢嘅任食套餐～ 貴少少嘅主要係多左啲熟食！用餐時間有120分鐘 啱哂一班朋友慢慢傾計餐廳飲品係自己攞嘅 都係任飲🥰夏天加埋食燒肉 飲品任飲好重要！！連啤酒都任飲！超正！其他嘅生肉同熟食 都係自己食落張卡再寫數量落單～牛肉同豬肉嘅選擇都好多 就算唔食牛肉都唔怕～～無論係牛肉定豬腩肉肉質都幾新鮮😆😆即使係醃肉都唔會太濃味覺得最有驚喜嘅係鰻魚！好少有得燒鰻魚🙈 熱辣辣食超正～叫左幾樣熟食 覺得大部份都唔錯🤪🤪🤍辛辣麵一上枱好大煙熱辣辣！麵質煙韌又夠辣～🤍冷蕎麥面朋友最愛！有蛋絲青瓜 口感清新！🤍醬油鵪鶉蛋好驚喜😍😍 質地有少少似鐵蛋但味道口感好夾 好想一粒接一粒咁食🤣🤍泡菜煎餅主要都係麵粉 口感一般 如果可以多啲菜就更好😆整體評分：🤍🤍🤍扺食韓燒！選擇又多～～座位又多～ 啱哂一大班人黎😍😍

今天和朋友來到旺角這間人氣店食韓式燒烤放題， 店舖的裝修和格局，和韓劇中的店舖簡直是一模一樣，好像真的去了韓國一樣。店舖的抽風系統做得非常好，雖然每枱都在燒烤，但沒有濃濃的油煙味。兩小時韓燒放題，有「大君御膳」和「世子御膳」兩款選擇，「世子御膳」的選擇較多。燒烤爐的鐵碟很快會燒焦，店員很殷勤地幫忙替換，值得一讚。帶子又大隻又新鮮，青口、虎蝦、蠔、扇貝等海鮮，鮮味十足，簡單燒熟已經非常好吃。雞軟骨和雞腎串燒，燒熟後非常脆口，還有淡淡的焦香味。香草五花肉、豬梅肉、牛肉已熟的食物也有很多： 鰻魚、泡菜、冷麵、都是我的至愛。

咁耐無得去旅行，就同朋友去左一間由韓國人主理嘅韓燒餐廳，一解想去旅行之情，入到去真係見到唔少韓國人～哩到嘅menu就分兩種，世子同大君御善，我地就決定食豪啲，揀左世子！食物種類會比較多，豬、牛、雞和海鮮，仲有各種韓式小食、主食。而每一張枱嘅爐都有爐邊蛋，原本以為齋蛋會好dry, 但食落會有脆邊！！加埋啲蒸蛋，有雙重口感^^另外推介大家試下佢地嘅牛扒，醬汁好特別！！好好味，同牛扒好夾！而五花腩嗰啲都唔輸蝕，十分有口感。小食方面，炸紫菜粉絲卷都好特別，未係其他餐廳試過。最後，好欣賞餐廳會因應客人人數去預每一枱嘅食物數量，唔會浪費食物！更值一提嘅係，食得韓燒大家都知道塊鐵盤會好快燒焦、變燶，職員會好主動換鐵盤，提供左一個好好嘅食飯體驗比我地 ：D

#ftf_旺角性價比高 抵食燒肉放題大君御膳 $240/1 連加一⭐️⭐️⭐️⭐️今晚同阿妹去咗旺角兆萬食平昌燒肉放題，一至四平日晚市大君御膳，連加一兩個人先$480，食物種類繁多，真係超抵食！首先，一嚟就附上正宗韓式前菜，泡菜同芽菜味道啱啱好，唔會太鹹，超開胃！用嚟夾住啲肉食，仲可以減低膩感！食燒肉之前，店員仲會送上爐邊蛋，蛋控恩物！值得一提嘅係，舖頭嘅熟食都十分出色同美味，而且味道好正宗，選擇都好多！今次就試咗涼拌海青菜、炒年糕、海鮮蔥餅同炒粉絲，涼拌海青菜極推薦，就咁食同包住啲肉食都好味！海鮮蔥餅脆薄香口，必試！另外兩款都好味，不過唔太大驚喜，可以食完燒肉，最後先食！燒肉方面，試晒咁多款都已經好飽，哈哈！所有醃肉都好入味，但又唔會太鹹，食材都好新鮮，個人比較推薦牛肋骨肉，肉味香濃，而且口感軟腍！辣調味豬梅頭片都好惹味香口，雞腿肉嫩滑juicy，五花腩都正！最後like 社交平台，仲有韓國雪條任食，真係大滿足！回頭率🤡🤡🤡🤡性價比🤰🏻🤰🏻🤰🏻🤰🏻🤰🏻#feedtiffood #吃吧孩子 #吃到懷孕

朋友話好耐都未食過燒肉放題，佢在旺角工作，知道呢度有間食韓燒放題幾好，所以就帶左我黎呢度。餐廳係全層，地方夠大。韓式壁畫，每枱都有支管抽風，都算企理。夜晚放題有兩個餐，分別係大君同世子。世子比大君種類多，同埋D嘢食都靚D，我哋食豪D，揀左世子。揀左世子，大君同樣都可以叫。呢個餐真係好多嘢食，連熟食都唔少。叫嘢食就用柯打卡寫號碼同數量，飲品就自助，鐘意飲咩自己攞。前菜：有kimchi同芽菜，朋友話kimchi甜甜地爽口，幾好食。另外芽菜入味，爽口。生菜洗得乾淨，等陣包住D燒肉食無咁熱氣。北寄貝沙律(右)： 沙律菜新鮮乾淨，簡簡單單配麻醬已經好食。水冷麵(左)：鋪滿青瓜絲，裡面仲有蘿蔔絲，炸醬做醬汁，攪埋一齊食，甜甜辣辣，青瓜絲味道夠青新，真係ok喎。炸物：有脆炸一口芝士同炸忌廉蟹肉薯餅，兩款都剛炸起，熱辣辣，夠香。醬油蝦：新鮮入味，蝦肉結實，第一次食，又幾好食喎。牛肉海帶湯：湯唔太鹹，清清地，都可以。肉類：呢度份量都幾好，一份兩件，大大件，個樣都夠靚仔。牛舌一d都唔韌，薄薄地，易熟，好食。T骨一塊已經霸晒個爐，燒到油慢慢滲出，入口當然ok。餐肉切得超厚，慢慢燒香佢，食落好有口感。我哋樣樣

今次要介紹呢間旺角嘅韓燒放題店，一入到去就見到好多後生仔食呢間野，相信吸引到咁多後生仔食應該野食都唔錯，餐廳環境廣闊，而且佢每個爐上面都有一個獨立既抽油煙機，唔會成間舖頭一頭煙，野食方面，佢有兩個套餐，包括大君同世子御饍，大君就相對世子價錢較為平少少，但我望過個餐牌，一般嘅豬牛雞重有海鮮蔬菜同韓式料理都唔小，但我哋想再食好小小所以再升級埋食埋世子御饍，首先講下主角肉類先，我最鍾意食佢個辣味烤牛肉同埋雞肉，兩款肉類都醃得非常入味，而且辣辣地燒起上黎非常嘢惹味，牛護心肉肉質較厚，用嚟包菜式一流，佢嘅雞翼都非常出色，肉質鮮嫩，岩哂鍾意食雞翼嘅我，海鮮方面，選擇既種類都好多，好似有蠔、魷魚、扇貝、虎蝦、鰻魚同鯖魚柳等，蠔同扇貝大大隻，燒起黎鮮味十足，另外，韓式料理方面，我意想不到竟然有醬油蝦食，呢樣係我非常鍾意嘅食物，估唔到放題都會有醬油蝦食，佢嘅石頭飯都非常不錯，我叫咗個生牛肉石頭鍋飯，以為放題會唔足料，點知其實係非常之足料，而且真係入邊有飯焦，食到最後，我哋燒埋塊T骨牛扒，做結尾，牛扒大大塊，而且食起上嚟，肉汁豐富，應該用料都唔太差，講完野食，佢嘅飲品都係任飲，雖然種類唔多，但有啤酒、烏龍

朋友話好耐冇食過韓燒，食放題就方便啲。因為我上次食過呢間，覺得抵食。今次再推介另一班朋友去食。OpenRice 已經可以book位。諗住星期二會少啲人啦，睇吓有冇機會可以執雞早啲食，點知都係要等到夠鐘先有得入去食。叫咗大君，已經好夠食。基本豬牛雞都有，仲有海鮮添。鍋類嘅食品都好食。蛋同前菜可以叫職員refill。蝦就一般。蠔同扇貝都👌。牛肋條最好食，冇醃過。朋友就反而鐘意食醃過嘅牛肉同雞翼。埋單位位240。咁既價錢真係抵。

好耐冇食韓燒就同朋友黎兆萬搵食，我哋叫左個世子御膳$298，豬牛雞都有好多款式揀，識食一定要食護心肉，之前食過就一試難忘，真心大推佢質感較彈身同嫩滑，可能因為有筋膜包住，唔係乾箏箏一舊肉，蘸埋個鹽麻油醬料非常juicy，牛前空腹肉必定要叫，肥瘦分布非常平均，中意食辣既朋友可以叫辣汁肥牛片，食燒肉大推夾埋生菜一齊食中和返油膩感，醬油蝦呢個真係好特別，第一次食，刺身蝦非常鮮甜彈牙，生牛肉石鍋拌飯麻油味濃郁，最愛食紫菜拌飯，生牛肉非常滑嫩，忌廉蟹肉薯餅即叫即炸，餡料加埋酸瓜沙律醬就更好味😋

2年前平昌岩岩開業已經黎食過一次，今日同朋友黎到旺角想食有D水準又唔太貴既韓燒所以再次揀左佢。7:30上到黎已經超過一大半人食緊，環境裝修都走番韓風燒肉店路線，地方亦好大，成層既兆萬中心13/F，通風抽氣都唔錯，每台都有一支獨立抽氣通。有2個任飲任食120分鐘既 set 揀，分別係大君 $238/ 位同世子 $318/ 位，由於大家都好餓而價錢只係差$80 但食物種類多好多選擇既關係，我地都係揀左 $318/ 位既世子set，因為$318係可以叫晒大君同埋世子既menu入面既所有野。好值得一讚既係呢到既員工好足夠同埋好勤力，雖然大家都忙到做到目無表情，但其實都手腳好快好主動成日行埋黎人你換個煎pan換得好密，出餐又快又冇溜過單，對客人既要求拎呢樣果樣都好幫手。野飲就係用自助形式，場內有2個飲品既凍櫃，除左燒酒要加錢之外，其餘野飲可以自己任拎，不過就相對比較少選擇。第一轉已經差唔多叫晒唔同既肉類，豬肉方面個人覺得個豬五花腩係最好食，同埋個午餐肉勁厚，可以煎到外層脆晒皮焦焦地好香口但中間仲keep住濕潤，牛肉既話就會揀烤牛肉，一片片薄薄地肥瘦勻混又重牛脂味道唔洗剪唔會韌口，除左燒肉，呢到仲

大耐冇食過韓燒，所以今日搵左間位於旺角兆萬13樓嘅平昌，食燒肉放題。餐廳夠大，枱與枱間有足夠空位，抽風系統都做得唔錯，唔會好堂。餐廳晚市有2個放題set揀，「大君御膳」及「世子御膳」，前者較平抵食，後者就會貴d，但相對會有更多肉類同熟食可揀，2者都係任食任飲2小時。今次揀左「大君御膳」因為一至四食，所以$218 加10%！套餐入面肉類及海鮮有27款、加工類及蔬菜類有9款，而熟食類有14樣，加加埋埋有50款野食可以揀，真係抵到爛！落左單唔駛5分鍾就已經有食物送食，無論肉類定海鮮，質素都好好，所以今餐直頭係生酮餐，可以瘋狂食肉唔叫殿粉食物🤩值得一讚，佢個牛肉大醬湯，非常好味！而佢地嘅前菜泡菜同芽菜都非常之好食，忍唔住食左好多碟😋整體黎講，餐廳食物質素高，性價比高，值頭再次黎食