平成二十二日本料理 (已結業)

4人行搵食兵團又出動，原本想去旺角食放題，點知想食個幾間一係就都食過，一係就要排好耐隊，所以打心一橫決定去搭多兩個站去山林道，記得有次去食野見到有間放題，都已經心思思想食，就不如今次難得4個人都齊腳就去啦！呢間平成二十二就一向都幾出名，門口見到有好多報紙雜誌訪問，如果唔係平日黎最好就打電話Book定先，咁就唔怕等得太耐。呢期優惠係送海膽，正到咁都無拒絕的理由，就食呢間啦~環境比較暗，有一邊係Bar檯，另一邊就係卡位，因為我地有4個人，所以就揀左卡位，方便傾計。呢度仲有清酒任飲呀，酒鬼朋友表示開心到傻左，真係無咩地方會咁大方，連清酒都可以隨便飲！野食都幾多架，除左一般的刺身、壽司，仲有唔同的燒物、炸物、一品料理……總之一定揀到自己啱食的款式。一大盤刺身，連贈送的海膽都放埋係度，睇落非常豐富。刺身真心好好好味，全部都好新鮮，特別係個板海膽，鮮甜之餘完全無腥味。帶子、三文魚、北寄貝、魷魚……都係好新鮮，紅蝦簡直係好味到令人瘋狂，入口甘甜軟糯，而且口感細嫩柔軟，就連蝦頭的膏都好好味，全晚每人最少食左10隻。整體黎講都係好好味，刺身部份真係會無限ENCORE左好多次，食極都覺得仲好想再食，因為2

終於完sem，同朋友黎呢間放題聚一聚！平成二十二好早就聽過了，但一直都無機會比藉口自己黎食。咁難得約到幫舊同學，緊係黎試吓啦！真係嚇親我地，無啦啦送一板海膽！勁鮮甜，佢仲附送紫菜比我地包，好得意啊個配搭！其實我勁驚d海膽腥，但呢度的海膽真係好新鮮！我第二鍾意的野係帶子啊～其實呢度d刺身大部份都好高質，全部都好新鮮！但我真係未見過咁大隻帶子架！仲要超級甜同肥美～依家睇返相都想食啊！呢度熟食都唔錯，我就推介呢個雞翼！大隻得黎相當香口！個皮仲脆bok bok，入面的肉質極滑同鮮嫩！抵讚啊！呢度的燒蝦都唔錯，蝦本身夠大隻，仲要爽口！我本人覺得呢度的刺身做得出色過熟食，可能因為d刺身實在太太太鮮甜了！不過其實熟食都仲好值得食！我地幾個都極度滿意呢餐飯！

喺尖沙咀黎講任食放顯呢間真係幾正：刺身，壽司，手卷，串燒，揚物，天婦羅，小食，甜品雪條及各式飲品應有盡有，最重要味道唔錯又大份，仲有2人同行就送一板海膽刺身，勁新鮮真係正到暈，以前任飲清酒要每人加$60，而家$288包埋，計埋加一2個人$600有找，去酒店buffet 都無咁抵。。。推薦食物：刺身有蝦、帶子同希靈魚 炸榴槤，燒菠蘿，鹽燒雞翼，芝麻雞翼 等等。。。book枱分2個時段6：30同8：30，大家要留意。（適用於晚上）

當吃膩了旺角的放題，便想去發掘一下其他區的，和朋友找來位於尖沙咀山林道的平成二十二日本料理。位置易找，我們訂了8:30，早到了也沒有位置，等了一會便可內進，我們被安排了最入的位置，比較安靜舒適。坐下了便一張一張落單紙慢慢填。清酒任飲！《刺身》特大甘海老、日本油甘魚、北海道帶子、八爪魚、吞拿魚、活像拔蚌、醋鯖花魚、烏賊、海花螺、北寄貝。//原來二人光顧還會贈送海膽一板，好值喔。海膽粒粒金黃色鮮甜沒有腥味。//活像拔蚌是該店一大特色吧，比較少餐廳能用活像拔蚌做放題，而且質素一點不差，吃上好幾輪呢。日本油甘魚，厚切甘香肥美。特大甘海老是原隻上，每隻都有大概手掌般長，肉身好舊厚，甜度很高。帶子都非常出色，鮮甜肉厚。《鮨壽司》：火炙三文魚、鰻魚、霜降牛肉。 放題有霜降牛肉壽司也不錯，牛肉味濃，能吃生牛肉的推介。火炙三文魚、鰻魚壽司也有水準。《燒物》：鹽燒雞翼、鹽燒牛舌、鹽燒海蝦、日本冬菇、燒一口蕃薯、燒菠蘿。串燒方面鹽燒雞翼和牛舌個人比較喜歡，燒菠蘿十分鮮甜多汁。《和食》：清酒煮石蠔、海鮮味噌湯蠔夠鮮嫩肥美，海鮮味噌湯中的魚肉嫩滑，湯清甜。《飯/麵》：海蝦濃湯烏冬、風味蟹粥風味蟹粥友人要了两碗，

尖沙咀山林道一直是美食的集中地。 聽講有間放題有巨型厚切鵝肝食？ 我有無聽錯？！ 鵝肝都有任食？放題？ 快快約齊腳同家人飯聚啦～ 來到平成二十二日本料理。 店舖的光線較暗，玩情調嘛~~ 坐Bar 台好有日式居酒屋的感覺。 昏暗的燈光， 增加客人的隱隱度，增加情調。 由於Bar 台“爆棚”， 我們就坐4人枱啦～ 餐單的種類比坊間普通的放題更多。 飯麵、壽司、刺身和海鮮蒸氣鍋等... 肚餓了，等蒸汽鍋時先點了必食鵝肝。 大大件的鵝肝，還要是厚切的！？ 實在太慷慨！ 棉軟香滑的口感，入口即溶！ 滿口脂香四溢，令我忍不住食了三大件～ 先來個蒸氣鍋。 店員端上一大盤海鮮。 簍子裡的是新鮮龍躉塊。 有數隻新鮮鮑魚、元貝和大蠔。 水滾未...流得我遍地口水了。 哇...剛熟了，千萬別打翻元貝的殼， 它滲出的水可是鮮甜到不行的！ 蒸汽鍋裡傳來陣陣海鮮香味。 龍躉肉質嫩滑。 鮑魚的肉質爽甜。 蠔遇熱縮小了點，不過鮮味依然。 再來一客自選刺身拼盤。三文魚、帶子、螺等，款款都好食。 只是我個人不愛食北寄貝，頗韌。 赤蝦是焦點！ 牠不但肉質鮮味爽甜， 尺寸還尺型得驚訝。 有整瓶汽水那麼長

朋友間一伙兒聚會有時去決定吃什麼都是一個難題這次舊同學聚會，有位同學就提議到這𥚃吃放題平常吃放題都是在旺角吃的多要不是同學提議，我都不知道在山林道原來有放題吃因為預先訂了檯，所以我們一伙兒去到就有位了我們首先就是點刺身原來每兩位就送一板海膽刺身海膽每片都很分明旁邊還有紫菜可以用來夾海膽一起吃另外這裡的特大甘海老非常之大隻仲要是任點，感覺很超值漲卜卜的蝦頭亦是我最愛喜愛吃榴槤的我當然會點榴槤炸彈一咬開就流心的榴槤炸彈非常好吃如果不是怕熱氣，都會再點除此之外還點了蟹腳天婦羅、酥炸多春魚、自家制南瓜餅南瓜餅亦比想像中大件，外層炸得很香脆，好好吃燒物就點了鹽燒牛舌、鹽燒鯖魚、鹽燒海蝦、燒一口蕃薯其中海蝦朋友都說很好吃，說要encore 整體這裡的蝦都是很好吃，必點菜色

轉眼間又到爸爸的生日，身為女兒的我當然要為爸爸慶祝，於是就帶喜歡吃放題的他去了山林道這間放題店慶祝，因為放題可以吃到蟹粥及大蝦不是到處都有因為要配合收工時間，所以我們選擇了八點半那個時段食物方面，第一時間當然要叫這個風味蟹粥，一玩一人份量剛剛好，十分足料，所以粥的味道很鮮味刺身我地點左特大甘海老、北海道帶子、三文魚、八爪魚、活象拔蚌、北寄貝特大甘海老不愧沒有改錯名，真的是特大有手掌那麼大，非常之大隻平常放題很少有這樣的大蝦任食非常滿足炸物入面既日式炸豆腐，鍾意食清淡既爸爸亦都十分喜歡，外層輕輕炸過，配以日式醬汁一齊食，一點也不覺得熱氣另外再點了苦瓜炒蛋食，這個苦瓜炒蛋用了沖繩苦瓜煮，所以苦瓜一點都不苦且帶點甘，好好味最後再食甜品作為一個完滿的終結

戀上吃海膽，新鮮刺身放題，是完整的標題，平成二十二從以前沒有放題開始，已經是友人蠻喜歡的日式料理店，當然因爲食物好味、食材新鮮，和友善店員，雖然環境沒有很光鮮，但座位卻是蠻寬敞，餐單選擇沒有很多，但該有的都有。燒物、揚物、麵飯粥品、刺生、壽司、手卷，放題收費$268+10%，2小時用餐時間，飲料是自取的，啤酒汽水烏龍茶任飲，有清酒及生啤，岩曬酒鬼朋友～食物方面～每枱送一板新鮮海膽，附上紫菜，鮮味十足，勁鮮甜～刺生～絕對厚切，油脂肥美，強烈推薦活象拔蚌，一定要食～好鮮好甜，又彈牙！帶子大大隻，鮮味十足～甜蝦要自己剝殼，比較特別，但非常鮮味～熟食方面，特別推薦清酒煮石蠔，蠔身肥美鮮甜～好味！日式小甜薯亦係我近年最愛～甜品也是自取，最令我喜歡的有焦糖布甸，不會太甜，布甸亦很滑，好好味！Tiramisu亦係另一推薦，不會太甜和苦，適合不吃苦的我～雪條種類有幾種，都是雀巢牛奶公司品牌。食到勁飽勁滿足～

個日去開佐敦，想食個間餐廳竟然無開，百無聊賴就同朋友求其入左去間食放題既日本餐廳食個lunch 啦，反正見佢又唔收加一，價錢30幾蚊就有個餐。朋友話屋企人食過呢間既放題，話質素都算ok 架。睇價錢做人，我當然係揀平價$30幾蚊既炸雞烏冬啦。佢d 炸雞，係幾有誠意架，價錢平還平，但佢係新鮮熱辣辣炸起，份量都唔算細，加埋個烏冬仲包埋飲品，又唔收加一，lunch 真係食得過。朋友就點左個貴d 既帶子拼鰻魚飯。呢個就無咁抵食啦，份量明顯比較細，價錢都比較貴，而食刺身就食得出佢唔係屬於靚刺身。所以平平地求其食個lunch, 都係揀普通熱食安全d 好，性格比高d嘛

由紅磡站行去山林道都唔算遠，大約20分鐘就到，今天帶著女兒去科學館玩完，就去左同太太一齊食放題，女兒1歲免費，抵食。我地揀左最早的時段，$268再加一，六點開始，人不多人，食物也來得快，上次來都不見有清酒，今天沒有揸車，就試下清酒。清酒有熱有凍，我就凍熱都有試，我比較喜歡熱，熱的入口沒有那麼嗆喉，較易入口，味道比啤酒重，人家韓國啤酒配炸雞，我覺得清酒配炸雞也不錯！刺身必點吧？太太最喜歡北海道帶子，當然有叫，帶子小小的，但好滑沒有雪味，三文魚厚切，厚實又肥美，仲食到三文魚腩，Fatty又充滿魚油味！特大甘海老都好出色，拉長隻蝦還比我的手板長，蝦肉鮮甜好味，比一般的甜蝦更鮮甜，我覺得不用點豉油和Wasabi，否則會蓋過鮮味。（原諒我只顧吃，相片拍得不好）壽司我們都點了很多，先有三文魚，火灸三文魚，霜降牛肉，花之戀等。火灸三文魚因為燒過，加上有少量芝士，所以入口即融，花之戀的三文魚比普通三文魚的出色，厚厚肥美的三文魚把醋飯包得實實的，壽司飯醋味香，點埋Wasabi味道更好！霜降牛肉帶有一點un，我還是喜歡熟牛肉呢！刺身沙律雖然只有三文魚，但沙律菜都很新鮮，菜上的醬也是不錯，有一點辣味，但是很

2017年是平成幾多年？原來是平成二十九年，記得上年已經來過一次，一年一次之約，今年又來了！價錢沒有什麼改變，但係二人同行送一板海膽喎！海膽配上紫菜，加左紫菜係好食d架，紫菜帶有少少咸味，包住有d嗆鼻既海膽，可以中和左個味道，海膽每粒都細細粒，方便入口，仲帶有嗆鼻既馬冀腥味，刺激到味蕾喎！刺身不是叫了很多，三文魚、油甘魚、特大甘海老、希靈魚。油甘魚甜中帶d腥，仲有d甘口，入口幾得意。特大甘海老無花無假架，頭同身一拆就分離了，甘海老鮮甜，肉多又厚肉，叫兩隻真係唔夠！壽司方面特別一提霜降牛肉壽司，初時睇佢個樣生咁，放入口都唔知有無菌，入口後初時感覺怪怪，覺得好靱，咬來咬到都好似咬唔爛咁，但再慢慢細嚼就會咬得開，之後既感覺無入口即融，仲有d牛味飄出來tim！牛蒡豬軟骨：煮得幾林，骨都幾碎，仲帶有好多汁，夠晒Juicy！唔知係咪我lucky，碗內仲有兩條牛蒡，牛蒡有d似菇味，味道有點甘香。雞軟骨一份既份量唔係好多，兩人份量岩岩好，油份唔係好多，軟骨中都帶點爽脆。日式炸豆腐：一向都覺得炸豆腐既難度好高，呢個不錯，不鬆散！燒物方面，我叫左燒菠蘿，燒雞翼同牛舌，先講牛舌，薄切牛舌，吸收了滿滿的鹽味，

放左工之後約埋同事一齊食飯，同事個個都好食得，所以揀左食放題！因為有個同事可以早d到，所以佢一早就拿拿聲叫定成枱野食等我地到，我地一到就即刻5客氣開餐喇！果日餐廳咁岩做緊promote, 如果一枱有兩個人就送一板海膽，4個人就送兩板，如此類推！呢間野有得自由酙啤酒！d刺身好正，同埋佢個三文魚勁厚切，一食落去就feel到勁滿足！其實佢最正ge係個象拔蚌，可惜我5記得左影相😭壽司方面，有我最中意ge花之戀😍😍😍😍個炙燒三文魚都5錯，但個牛肉壽司就略為失色，d味5係好夠。食到最尾，梗係要食返條雪條啦（因為食5落甜品，但好出奇地雪條可以食到兩條。

前排試左一間放題，啲蝦都大得幾誇張，所以有咁荀嘅野，當然係要益下大家！登登，就係位於尖沙咀嘅平成二十二日式料理放題喇！咁好彩當日做緊七周年酬賓大優惠，二人同行送一板海膽，今次發達了～～話明食放題，當然每樣野都叫下啦。呢樣點啲，個樣點啲。等食嘅期間，周圍睇下先。啱啱隔離就擺咗個飲品雪櫃，呢度嘅飲品係任你飲咖，飲完自己拎，非常自助！再望吓隔離個雪條櫃，眼利嘅朋友無睇錯，係朱古力樂啊！已經幾多個世紀無食過呢，今日走前一定要回味下。除咗汽水雪條，行一啲仲擺咗個甜品櫃。參觀完畢之後，一啲小菜到喇，留意番想啤啤嘅朋友仔，只要加錢清酒都可以任飲咖！食物陸續上菜，每樣都試啲係我地推薦嘅攻略，因為重頭戲終於黎喇，刺生盆！一啲都無花假，擺得相當心思，份量都非常多！望下隻蝦，同我手掌嘅尺寸若干，去咗殼後都仲係超大隻，啖啖肉啊！再拎塊紫菜包海膽食，呢個價錢又送海膽，覺得乜都抵番哂，除咗蝦同海膽，其實帶子同象拔蚌都好好食。不妨再安哥幾次啊！除咗刺生都仲有幾款小食同壽司，話兩個鐘任食，其實都真係相當飽！重點刺身，其次蔬菜小食，少少熱食會推介你叫碗粥，暖暖個胃再繼續。大概都食咗兩三輪真係極限，最後食番個甜品就作結今

今日是友人生日,佢上網見到呢間放題二人有送一板海膽,決定試食。我同友人都好鍾意食三文魚,所以好興奮!一入到餐廳,我就聞到一陣怪味,最後發現陣味係由餐廳養既d 龜同魚既食糧味.之後食放題第一round 緊係食刺身,但佢第一碟黎既係燒魷魚，好食！終於黎到刺身，第一口三文魚,被切成長方體形狀,一咬落去,無油甘白,有d 失望.再試佢既海膽,都ok,但食到最後好腥. 帆立貝中規中矩。象拔x 係有d 海水味,感覺麻麻地。最驚喜係隻手掌咁大既蝦,好juicy,好鮮甜，我估呢樣係最正,最回本。第二round 蝦真係完全比下去，首先d 蝦膠好假,d 膠好似漿住係喉嚨，mock 蝦時，我隻手染左d 紅色。燒物方面，燒羊鞍好大陣羶味,d 肉好散😐。其次鹽燒雞亦是最正常😊，燒牛舌又凍又硬。炸物方面只吃了炸天婦羅，一黎到賣相已經好差,軟林林既感覺,唯一覺得幸運既係，個炸物係熱既。炸雞軟骨粒同炒牛柳粒無味😂😂😂最後最值得推介 and 唯一覺得好既係 生啤任飲。🍻 最後感覺$288 一位再加一 係一d 都唔抵，食得一d 都唔開心🙍🏻

今日與幾位友人試盡店鋪各種食物當中甜蝦 象拔蛑極力推介甜蝦每隻既長度與手掌差不多大 而象拔蛑則非常鮮味 至於炸物特別推介榴槤炸物(即使唔喜歡榴槤既人都值得嘗試一下) 炸蟹殼非常香口不過唯一需要改善既地方係甜品味道一般特別係木糠布町大部分係cream 比較失望