干鍋居

本身黎係食雞煲, 不過最後都係叫左個重慶酸菜魚黎試下.煲內好多酸菜, 但好奇怪D酸菜係無乜味蘿蔔片差左D, 無乜蘿蔔味, 我真係好憎無乜蘿蔔味既蘿蔔....大頭魚, 都幾滑幾好味.特級桂花蚌, 點特級就唔知, 但唔夠鲜甜....脆燒多春魚, 好鹹, 春唔夠多...鮮甜螺片, 呢個幾好, 口感OK, 味道鲜甜.燒鱔, 普通, 鱔肉唔係好靚, 但燒得好.野食普普通通, 大部份都太鹹, 不過勝在好多野食.…查看更多

見咁多好評，咪同班同事去試下囉，個舖本身唔太大，但個度興擺埋街邊，所以都好闊落！我地揀左個大雞煲，要少麻少辣，上檯時其實我聞唔到香味，食落更覺一般，因為d雞鞋之餘又唔入味，同埋叫左成隻雞，估唔到都咁少肉！ 呢個雞煲不可取！佢d配料都係一般！個牛係lum但無咩肉味，個蝦膠炸鬼超好咸，食完飲成杯水，個蜆我覺得係成晚最差既野！同事打開隻蜆，真係可稱為＂史上最多沙都敢拎上檯＂既蜆，隻蜆全部係黑色既沙，肉都見唔到！收人咁多錢，連洗蜆吐沙都懶？攪錯！但因服務員既態度同服務好好，唉，就費時出聲！全晚至好食係個嚮鈴，勁好食，浸湯又得，蘸甜酸醬都得！其餘既丸類,薯粉都係普通料！我地埋單個陣，佢送左個木瓜奶凍俾我地試，唔係好好食，但好特別！…查看更多

老早約定好之聚餐，來的朋友總是很少，即日來約反而異常地來得更多，不知各位有沒有這樣的情況發生過呢？（笑）即日約正巧是復活節最後一天，多麼的悲傷，友人們大部分沒有假期，對比起我的失落沒什麼反應，算了，題多話不多說，這次帶他們吃雞煲x火鍋 ，再番看食評就找尋到這家干鍋居。店內分上下兩層，因樓下左右兩旁全是熱熱鬧鬧的打冷小菜，吵鬧再加上不知那處傳來陣陣香煙味，令我急步沖上二樓，還好又有位置給予我們，行運。再讚一個應該是老闆的物體，服務態度好，慢慢推薦給我們，加分！有什麼須要改善？加分！題外話：邊吃邊推薦如何食法最好，我絕對喜歡這種，再facebook簽到送飲品 一位打咭全部人都受惠，又有講有笑，絕對可以再來一次。…查看更多

來這家店不是故意要來的, 一直都很喜歡荃灣的一品, 但每次去都很多人不愛等位的我很多時候都早早去到, 不然就買回家吃雞煲直到某個晚上, 兩位朋友約了我, 大家都住在葵青區的, 一個則住天水圍, 下班時間, 想說去荃灣會方便大家, 又不想等位, 搜openrice查到這家, 風評好像不錯. 然後吃完第一次, 我跟朋友前後也再來光顧如果上網check in會送你汽水, 大家都打一下卡就有免費飲料喝. 選擇很多, 除了雞煲, 還有不少的乾鍋, 水煮系列. 麻度辣度也有細分, 想吃麻而不辣的這裡也可以做給你我們點了一個雞煲, 小麻小辣, 因為朋友不太能吃辣. 辣度都做到他們可接受的程度味道也非常不錯, 帶點甜而不會過甜, 也沒有太重的藥材味, 雞件非常多這裡也有紫洋蔥, 煮過後很好吃, 非常足料的雞煲, 絕對不會輸旁邊的一品這裡的美國牛肉, 手切牛肉, 羊肉都很不錯, 尤其是手切肥牛, 特別新鮮美味, 而且價錢都要比外面的便宜一點汽水喝完點了涼茶, 這邊飲料也不算特別貴, 正常價錢$8-$10一罐飲料愛吃辣的我覺得加完湯後沒有了辣味, 所以請店員給我一碟辣椒醬. 還蠻不錯的, 麻辣味道突出, 買這個也可以在家製作雞煲吧加湯後就開始火鍋了, 不過我覺得湯加得有點太多, 有點沖淡了味道配了選擇也是很多, 麻辣鍋應有的他們都有下次如果等旁邊店的等太久, 不妨考慮這邊吧…查看更多

店員推介食"蝦多士""蝦多士"真係外脆內軟 , 又唔會油淋淋 , 食到一口油都幾有口感 (XDDD 係啊口感啊)燒番薯都好好食個燒番薯外乾脆,入面又唔會乾喎 , 同個番薯幾甜 呢個雞煲都幾好食,個雞都幾滑同入味配料夠多同香 , 個湯汁夠濃郁之後用黎打邊爐都唔會淡味燒菠蘿, 上面塗左蕉糖燒,所以特別甜…查看更多

1-12-2013 (Sun)同男友離開美孚返荃灣,時間尚早佢又要又少少o野,買完又行吓,差唔多時間喇,我o地等爸爸,搵到佢後就一齊入去喇.呢次我同樣用Openrice o既table map訂枱服務,重特別指示要唔辣田雞鍋,我o地就爸爸點o野食,點好後,女店員即上$168.00o既唔辣田雞鍋,佢話熟晒同唔使開火住.同樣上facebook打咭,一部手機送一罐$10.00o既飲品,我o地先o黎三罐.唔辣田雞鍋到o黎,一放低我已經嗅到香味,田雞件都幾多,食落,又同樣一定先係好鹹,因為加湯後會變淡,而呢個除o左鹹香外重有麻o既感覺.田雞肉口感o岩o岩好唔過腍.而我o地未食晒田雞就叫店員加湯,因為爸爸頂唔住,唔食田雞住,就算有汽水都係咁話.我o地呢餐點o左:2. $58.00o既新鮮魚卜有大有細,呢個熟o左後食落唔鯹,OK.3. $22.00o既蘿蔔片要一開始放落去,就算薄切都好,都要等到最後至夠腍,蘿蔔味道已經冇乜,只有湯汁o既味道.4. $22.00o既娃娃菜份量好似少過上次.呢個依然夠甜,唔錯.5. $68.00o既鮮甜螺片o衣o家對比返上次,明顯少好多好多喎 ,係三次中最少,呢啲料冇size分,點解可以次次唔同?睇人數?唔係o掛?好睇彩彩次次唔賴有影相,否則真係講都冇人信.呢個味道同上兩次一樣啦.6. $28.00o既厚燒牛舌心呢個一樣係一串三件,味道同口感同第一次食o既都一樣.7. $28.00五條o既脆燒多春魚燒得好乾身,同樣好鹹,至於口感,正常不過吧.8. $38.00o既特色燒原條茄子面上鋪滿金蒜,睇o黎唔辣,但原來都有啲辣,呢個我同爸爸食o左少少就唔食,由男友食埋.9. $38.00兩條o既鹽燒秋刀魚正常水準,冇乜特別.爸爸o係食到中間時,都要叫多一罐汽水,最後補充o既係,田雞肉都幾多.價錢:如娃娃菜同螺片o個段講,次次份量都有分別o既話,我覺得呢間o野唔多老實囉.但呢餐收我$530.00,唔通只收我o地一罐汽水錢?雖然係咁,但我o地仍覺得好貴.味道分係3.78分…查看更多

原本想食西餐既..不過見天氣凍凍地~最終都係揀食火鍋暖d囉店分兩層~我地坐樓上座..地方整齊乾淨~而且2人仲安排坐4人檯夠寬敞舒適~服務都好好..有禮貌+熱誠推介食店既食物原本我想食辣雞煲~不過另一半仲未完全好返晒..奄奄下病所以由佢話事..點個"重慶酸菜魚(半份)"勁多酸菜~味道淡淡..唔酸唔鹹~反而湯底夠晒鹹魚類有生魚/大頭魚/沙巴龍躉選擇~當然龍躉會收另一個價錢我地揀要半份"大頭魚"~份量唔太多..魚肉滑但較多細骨火鍋料再點個"特級桂花蚌"食材新鮮..有鮮味肉質好爽口"鮮甜螺片"肉質軟腍有咬口~口感味道都好唔錯食店除左火鍋..仲有燒物~點左個"燒鱔"鱔肉爽口彈牙..肉質鮮嫩有魚味~皮層脆脆的整體食店環境+食物OK~但食完真係勁口渴近年發現三坊坡新進既食店~都好著重PR手法同客人溝通同埋..室內有客人食煙都無主動阻止~整排食店中已經試過幾間都係同一情況…查看更多

幾日前,男友o既男同事CH提議前晚(26-10-2013 Sat)食飯,地點由男友話事,我就揀呢o度,因為一o黎佢o地其實之前都有o黎食,覺得唔錯;二o黎我收到呢間負責人o既邀請,確認會送一個$188.00o既大牛雜鍋畀我,咁要人多至得o架?所以有咁o既決定.最後男友係約到男同事L同女同事M,我就先book好位,共5個人o黎食.我o地去到,坐張六人枱,我亦同女店員講,佢老闆答應送個大牛雜鍋畀我,佢確認o左冇問題,而我同M都唔食得辣,L又咁o岩呢排超熱氣,所以要o左小小辣,而呢o度同樣上facebook打咭,一部手機送一罐$10.00o既飲品,最後送o左四罐畀我o地.人齊後,order o野食,男友仍極力推介我o地兩星期前o黎食o既炸墨魚餅同招牌蝦多士,由於我記得$95.00o既雙拚係每樣四件,做唔到每人每樣一件,於是決定order呢兩樣o野各一碟,點知女店員都係叫我o地要雙拚,咁是但啦,最多我同男友share.好快,牛雜鍋到o黎,影好相即食喇,牛雜中以牛肺最多,其次係腸同金錢肚,腸同金錢肚都爽口,牛肺口感正常,味道係比我可以接受o既辣啲,不過有咁多配料,都幾惹味同複雜,但開頭覺得鹹o左少少.o係食o緊o既時候,老闆過o黎同我打個招呼,並問我覺得個鍋點,我o地答都幾好味;而我就話牛雜少o左啲(因為我食得好少呢. )佢答呢個係細o既,有20件牛雜.啊,原來係咁.點解會畀個細我呢?唔係講好o左畀大o既咩?或者,佢見得5個人,所以送個$128.00細吧,算啦,冇問題啦.食完後,女店員就幫我o地加湯喇,而我o地叫o左o既其他o野食有:2. $26.00o既海帶我特登點呢個解燥熱,呢個口感係爽口.3. $26.00o既雞髀菇同樣係爽口,冇問題.4. $78.00o既手打芝心蝦丸唔知係咪灼得太耐,腍晒.而入面o既芝士只有一丁點,唔太多.5. $34.00o既蟹子丸內裡有好多蟹子,食時真係要小心燙口.6. $22.00o既娃娃菜好甜,超好味,個個都讚.7. $22.00o既油麥菜同樣係甜,但都係娃娃菜甜啲.8. $95.00o既炸墨魚餅同招牌蝦多士雙拼今次冇俾酸甜醬,淨係俾好多沙律醬.呢次同上次食o既一樣呢.9. $14.00o既焦糖烤菠蘿兩串菠蘿仍有汁,唔乾又熱,本身都甜,幾好味.10. $12.00o既芝鬼兩串今次冇咁燶,芝士好似冇咁多,但原來我唔記得影相.11. 海蝦(時價)好少,亦唔大隻,正常冇問題,但原來要$68.00,好貴.12. $58.00o既魚卜俾o左$38o既魚肚,不過冇問題啦,佢都冇收貴到.呢個索晒汁後軟綿綿,幾好食.13. $48.00o既汕頭牛筋丸亦同上次一樣.14. $68.00o既鮮甜螺片依然咁好食.原本想叫$68.00o既新鮮田雞,但因為大家都夠皮,所以冇叫.最後加一支$25.00o既藍妹清清熱.今次佢o地都覺得好食,會有下次咁話.呢餐Total $673.00.…查看更多

第一次寫食評，覺得好野要給多D人知道，所以我決定寫出黎分享。不過我就唔識得將D美食形容到好似D食評家咁，就咁睇文字都好似食左落肚咁。正因為咁嘅關係，讀者去親身試下味感受下啦。我同我先生都係雞煲超級FANS，由專情上國內食至到返落黎香港食。因為家住葵涌區，所以會經常到荃灣食飯。荃灣大大話話有六七間雞煲店，我地大部份都試過晒，食過咁多間最鍾意食都係干鍋居，其實雞煲店唔係太咸，就過份辣而無麻辣味，或有D就雞肉超“鞋”，還有就係配料好小。。。我地鍾意食干鍋居因為佢地食材好新鮮，雞肉一D都唔會“鞋”，每一件咬落口都係滑嘅，比起其他只用一般普通冰鮮雞嘅雞煲店黎講，佢地D雞肉真係好滑口。 老闆話我知佢地用嘅雞嘅來源係優質一D，所以來貨價都有D分別。唔係淨係一味給客人食一D無味，死實實嘅雞肉。 配料好足，食雞之餘可以食埋佢D配料。 我地極鍾意食洋䓤，每次都會叫老闆添小小。  叫個鮮魚標放埋落去雞煲度，超級正，又爽口。 手切肥牛同樣出色，肉味好濃，唔好涮太耐，要快快脆食。 其實除左雞煲佢地有好多款色野食，其中一樣招排香辣牛雜干鍋都好多人食，我自己仲未試，我有朋友食過話好得，可以食到唔同部位嘅牛雜，我下次會試下。 除左雞煲，干鍋類，佢地仲有串燒，燒菠蘿，燒牛舌心，芝鬼，燒海鰻，燒茄子，燒雞亦，仲有好多，有好多我都未試食。 食過雞煲後，就可以放湯落去打邊爐，可以中和返個口嘅辣。黎到干鍋居，除左首先係食物吸引到我地之外，佢地嘅老闆對戶客嘅細心招待，都係我地鍾意黎食嘅其中一個原因。 我地每一次黎都見到老闆滿場飛，枱枱都去問問佢地意見，同客人傾下聽下意見，如有不當就立即跟進，又經常介紹新菜。間唔中仲會同客人飲兩杯啤酒，高興下。 我地覺得老闆對做好飲食業好有熱誠，唔單止想做好自己舖咁簡單。 每次黎到食野都好有親切咁，食野嘅環境又唔差，唔同其他間，因為要做多幾枱關係，每枱之間坐後好埋，好唔舒服。 因為我地本身食得好辣，所以會特別要求老闆辣D麻D，佢次次都幫我地跟足，每次都好惹味。  呢間野值得推介一試，我已經仲紹左一堆朋友食，個個都食上癮。我唔慣食飯影晒，所以今次無相放，下次再食就影D啦。…查看更多

估唔到牛雜都做得火鍋,味道仲要唔錯BOR,真新奇看完MENU發現除了湯底價錢比較高一點,其他配料幾平我地3條友簡左細牛雜火鍋$128加一大堆野大約每人200蚊燒海鰻很肥,魚油味重,推介,28蚊都幾平牛雜鍋的味道就是濃烈香料,比一般雞煲乾身,但味道更RICH,這個火鍋也不太咸是值得欣賞,最近食到的太重口味哈哈份量也不少雖然叫了細鍋燒茄子也是推介,肉甜美,面頭是炸蒜,很香口,比一般生蒜STYLE不同其他配料都合格,墨魚咀是比較罕見,煮既時候要很有技巧,過熟會很UN,剛剛好就會很爽叫得太多,飽死了打卡送汽水…查看更多

上月收到店方邀請,自費品嚐呢間特色美食電郵後,咁o岩有個星期六,男友話同班同事食晚飯,我就話佢知呢間,佢就同班同事去食辣辣雞煲,食完後話好食.到尋日(12-10-2013 Sat),男友話放工後一齊出街食飯,咁去邊o度食?佢話呢間.好啦.我o地冇book位,o黎到時就o黎7點,我o地話兩位,樓上已經冇位,地下得返一張門口o既二人摺枱,亞組話呢張,男友問可唔可以坐入去?我見最細o既都係四人枱,都係唔好喇,唔好阻住人o地做生意,就坐o個張啦.坐低後,我o地諗要咩o野鍋,原本想要花甲肉蟹雞煲,但原來呢個係辣,重要係走唔到辣,就唯有放棄,要$168.00番茄薯仔魚頭花甲煲,然後要$48.00o既汕頭牛筋丸,$33.00響鈴卷,$28.00皇帝菜,老闆介紹$12.00o既芝鬼同$28.00o既厚燒牛舌心,要$10.00可口可樂,$12.00鹹柑桔水.個煲好快到o黎,之後汕頭牛筋丸同響鈴卷都到o黎,水滾喇,我o地先食吓魚頭,魚頭滑,而花甲呢?沉晒o係底,撈上o黎食,雖然細細隻,但好鮮味,好食!而個湯o既,食得到有薑味,冇法,因為有海鮮,冇可能唔落薑癖鯹.然後落料烚喇,響鈴卷呢啲來貨正常冇問題啦.而汕頭牛筋丸呢?男友話食到牛肉味,內裡亦真係有牛筋,都幾彈牙.皇帝菜都幾多,呢個都冇問題.芝鬼同厚燒牛舌心都到o黎,芝鬼好似烘得太燶,食落, 唔油喎.油炸鬼好乾身,夾埋鹹鹹o地同軟軟o地o既芝士食,的確特別同唔差.而厚燒牛舌心呢,燒得幾靚,上面洒o左啲鹽,鹹鹹香香又有咬口,好味.而我又想食手打炸墨魚餅,男友又話想試招牌蝦多士,我o地就o係同樣$88.00一碟o既兩者之間取捨,老闆見我o地咁難決擇,就話不如雙拼,但要$95.00,不過驚我o地食唔晒,但我o地都照要 .呢個o黎到,賣相幾好,墨魚餅size有啲唔均勻,有大有細.食落,都幾彈牙,新鮮.而招牌蝦多士呢?油就一定油,但件多士出奇地鬆化,強!之後男友又加$68.00o既鮮甜螺片同$33.00o既爽口墨魚咀.點解螺片咁深色,墨魚咀咁大粒o既?灼熟食得,螺片味道真係鮮甜又濃郁,唔錯.而墨魚咀呢?口感一定係彈牙,但男友話呢樣要用辣煲食至好食,冇問題吖,我留低蘸墨魚餅o既酸辣醬食咪得囉. 而一路食,原來煲內o既花甲係唔少,食極都食唔完,番茄湯o既味道亦豐富o左.服務:亞姐,老闆都親切有禮;老闆幫我拉埋啲佢o既櫃位,等我o地坐得舒服啲;o係點o野食時,老闆都會畀提議.環境:雖然呢張係加枱,但就算冷氣開得唔太大,都唔覺得好熱同焗,通風系統做得幾好.價錢:如果o係facebook打咭或upload佢o既宣傳牌張相,就送一罐飲品,所以呢餐減o左罐可槳後,係畀$577.00.味道分係3.875分.…查看更多

十月五日, 慶祝朋友生日, 終於有機會試想試好耐ga雞煲。干鍋居位於荃灣三陂坊, 成條小巷都係食肆, 有廟街風味, 比廟街乾淨。小食係朋友 order ga, 唔記得食左D mud, 味道ok la...重點係個雞煲!  要左小小辣 + 小麻, 辣度o岩o岩好雞煲非常足料!  四個人食一個煲都夠o西,  而且雞肉非常入味, 又軟滑煲內的洋蔥都 lum o西, 好好食食完雞煲, 朋友提議加湯同order 左薯粉, 果然係好得!埋單四個人 $300 有找, 真係好抵食下次黎會試埋老闆推介個蟹煲…查看更多

新假期推介的荃湾特色食店，主打干锅、鸡煲、串烧，好彩醒目一早book咗臺，如果唔系就要等位喇。入去D伙計好好招呼，我地四個叫了一個細香辣牛雜干鍋，半只雞煲，串燒叫了燒菠蘿、燒賴尿蝦乾、雞泡魚乾、芝鬼（即芝士油炸鬼），老闆仲介紹了一款當日限定嘅靚牛肉等我地食完雞煲打邊爐，好似叫池板，牛前腿肉，事實證明肉質入口即溶都系第一次吃到。干鍋配菜豐富，數下有5，6種不同部位的牛雜，索飽汁水超軟唸有嚼頭，雞煲都好惹味香口，鮮得來又不咸。串燒也有驚喜，我鍾意D蝦乾魚乾，朋友就鍾意菠蘿同埋出面未試過嘅芝鬼，推介吖！除左伙計好熱情周到，老闆仲會走過來同D客傾葛，按照客人口味介紹野卑我地食，仲會有D新野叫我地試下，不用看菜單都得，宜家周圍都是大連鎖，這樣有人情味嘅食肆買少見少吖。老闆仲話不時會有新搞作，咁系唔可以錯過啦，下次同班friend再黎過！…查看更多

上次試過MK任食雞煲食到條脷麻痹但今次干鍋居令我改觀一行5人去慶祝朋友生日食完老闆同我地吹水知道佢開餐廳既理念係好偉大以顧客行先 唔會處處諗住利益corporate social responsibility!佢當顧客係朋友會同佢地傾計了解佢地既需要好BUY佢呢種同客人相處模式會再黎幫襯!!試串燒炸鮮奶魚生蛋糕牛脷!同埋啲夥計好NICE!如果有個非吸煙區會更好…查看更多

今次已是第三次嚟干鍋居食晚餐了, 每次嚟呢度食嘢總會有驚喜的......第一次 (今年六月) 的驚喜是 :1) 麻辣雞煲...好正, 雞又滑又夠味 ! 2) 鮮魚標...新鮮!3) 炸魚皮...未曾食過咁鬆化又唔太咸!第二次 (今年七月) 的驚喜是 :1) 手切肥牛...好新鮮, 不過可能係湯底太濃味搞到牛肉味被蓋過少許!2) 牛胸脂肪...白雪雪的, 睇唔出煮熟了的牛胸脂肪一d都無肥膩嘅感覺 (重一口氣食咗三塊添!)3) 串燒.....師傅燒嘢好好手勢, 其中我最鐘意食燒波蘿, 燒多春魚, 燒牛舌!第三次(今年九月) 的驚喜是 :1) 避風塘魚肚....外脆內煙un, 超正!2) 串燒....串燒大蝦, 燒鮑魚, 重有食咗好多燒物都好好食!3) 芝士鬼.....成粒芝士响香脆嘅油炸鬼裡面, 感覺好得意!重有就係嗰度有個靚仔又細心嘅老闆, 成晚好熱情地招呼客人......佢有時過嚟6嘢比我哋食, 重做埋介紹食材添, 非常體貼窩心呀 ^_^ ......集干鍋, 火鍋同串燒三位一體, 啱哂鐘意多選擇嘅朋友們!!  …查看更多