常滿雞煲火鍋專門店 (已結業)

My families and I went to a Chinese restaurant called "Full House"(常滿雞煲火鍋專門店) located in G/F, 25 Yi Pei Square, Tsuen Wan荃灣二陂坊25號地下.The restaurant has two stories.You could experience typical Hong Kong Chinese restaurants great atmospheres on the ground floor.For those who value privacy and prefer a quieter environment，second floor is a good choose!The second floor uses grey as the theme colour and pairing with white blades.Several classic famous paintings with modern twists decorate the walls."

素聞荃灣有好多好食既打邊爐，今晚就同朋友去試下呢一間”常滿”。朋友不太想食雞煲，剛巧見到有新出既鴛鴦湯底 – 麻辣+酸菜白肉鍋，店員姐姐在旁介紹話酸菜係由師傅自家製，而且無加醋精，麻辣鍋方面可自行選擇麻度同辣度，咁就即管試下呢個湯底，另外我地仲叫左細手切本地肥牛+黃金墨魚丸+頭竹心太軟+烏冬。首先黎既係頭竹心太軟，店員姐姐都解釋得好詳細同響鈴既分別 (不過我唔太記得了)，只係知道配以胡麻醬，不論是即食還是落湯都好好味，外脆內軟的。再來就是手打黃金墨魚丸了，未食之前店員都有話我地知食既時候要小心D，因為墨魚丸內釀有咸蛋黃，怕我地會燙口，雖然平時打邊爐既時候食有芝心丸很常見，但這個丸確實令我覺得很有驚喜，因為一咬落去就FEEL到有滿滿既咸蛋黃湧出黎了，真係一不小心就會辣親。 最後本地肥牛配以烏冬一齊食去畫上完美既句號。P.S:​不得不讚的是店員姐姐，服務真的很好，每次她上菜的時候都會跟我們詳細說明每一款配料需注意的地方。

今日早左食晚飯，見到一間火鍋店7點半前有85折，仲唔快快去食個痛快。店長推薦酸菜白肉湯低，就叫來試試。味道都唔錯，酸甜味適中，配上白肉來食效果都唔錯。麻辣火鍋內仲加左台灣鴨血，呢度既豆腐是硬身果隻。都幾好食。最想推介就是個梅菜豬肉丸，好特別，肉丸加上梅菜粒，口感豐富。與平時食慨梅菜蒸豬肉是兩種食法的。不防來試試。鮮炸響玲卷，長長的，容易入口。竹笙大大碟$38，放在酸菜鍋內，味道都唔錯。另外美國安格斯牛肉，件件都咁大片，滾一滾就入口，入口溶化。最後食番個稻庭鳥冬。幼細軟綿，微彈煙靭。

荃灣有間火鍋店出左一款火鍋湯低都幾好。就係呢款酸菜白肉鍋加麻辣火鍋。酸菜是經師傅特別釀製，所以滾出來湯低酸酸甜甜好醒胃。白肉夠簿身，入口溶化。在炎熱夏日裏食些酸甜食物，會領人胃口大開。呢個湯低就啱晒。滾出來的食物都會帶出酸甜味道。另外個麻辣火鍋配有台灣鴨血，都好好吃。我已經選BB辣,但越食越覺麻辣。海鮮孖寶$168，有4隻大帶子加8隻生蝦。帶子飽滿豐盈 ，鮮蝦爽彈鮮美。自家製手打雙拼丸$78，有鮮蝦丸+梅菜豬肉丸。梅菜肉丸食落有口感，粒粒甜梅菜加上鮮豬肉，真是別樹一格。最後加入粉絲、烏冬，食番過麻辣粉絲，烏冬真係完美食法。

仲話自己由細到大係荃灣大，點知朋友今晚話去二波坊打邊爐，我完全唔知有間雞煲火鍋食，走去探探虛實。進到餐廳火鍋香氣已熱烈在歡迎我，本想點麻辣雞煲，但被朋友見到有其他特別的火鍋湯底那就跟麻辣鍋來個雙併酸菜白肉鍋/麻辣 $188湯底到來時會附帶有白肉(豬肉片), 先試一試湯底，沒想象中的酸菜魚那般酸，反而來得清淡很不錯。而麻辣湯香濃味道濃郁，十分刺激五色牛肉拼盤 $368看到其他客人點了這款，見多大大盤且有很多不同部位，所以我地也點了一份來到十分吸睛，而且店員還介紹牛肉上面的"牛油"是廚師特別調制，可放進湯内令湯更香更濃郁；而牛不同的部位亦有卡片介紹以及如何烹調為最佳。牛胸尖很特別的口感煙un，跟牛小排一起配搭進食一軟一硬，充滿牛香在口腔滾動，十分滿足。鮮炸響鈴卷$39新鮮炸的響鈴，簿簿的脆脆的，只入湯三秒就吸收了湯的精華手打鮮滑墨魚滑併手打鮮蝦滑$78不得錯過的手打滑，無論是墨魚滑或是蝦滑也十分彈牙，且味道足料，值得品嚐油麥菜 $25那麼多肉類又怎少得蔬菜類，火鍋最愛就是油麥菜，很新鮮沒話說了。到最後的酸菜白肉鍋的湯變得很味濃如配上麵類定十分美味

慶祝父親節，老媽子話要去荃灣常滿雞煲火鍋！無錯，慶祝父親節都唔係父親話事！問老媽子點解㨂常滿雞煲，佢話佢D飲茶腳食過話唔錯，於是乎佢又想試吓。入到去感覺鋪位唔太大，原來別有洞天，樓上有個更大更寬闊嘅鋪位！最緊要樓上個鋪位冷氣更涼快，咁就緊係坐樓上啦！唔通熱死我呀媽咩！先㨂湯底，㨂咗皮蛋芫茜清湯同咸菜葫椒豬肚，原本妹妹想點個正宗台灣麻辣湯底，我話唔好啦，阿爸同我唔食辣，唔通辣死我呀爸咩！慶祝父親節，辣鬼死父親？先黎個鮮炸響鈴卷，依？外相同平時食開唔同樣架喎！八卦問一問待應邊到買，原來自家制。外脆內軟，唔錯！小食點咗椒鹽雞軟骨同金磚豆腐，一向鍾情椒鹽雞軟骨，外脆，內有𡁻口，金磚豆腐比我想像中大粒，連炸蒜頭食夠香口。牛肉㨂咗美國安格斯牛肉，牛肉擺得好靚，好吸引，牛肉脂肪比例均勻，未食已經知道好味，只係灼咗十秒約7成熟，入口即溶，牛肉夠 juicy 夠冧，一流！飲品餐牌上有一款叫 "自制木敦茶"，未聽過喎，點咗一樽，飲落唔太甜，有一股泰國甜品嘅味道，唔錯，夠特式。其實睇細節，都知道常滿好有心思，例如哩款木敦茶係自家制，打邊爐湯底嘅咸菜又係自己整，湯底配料唔用豬紅轉用更好味嘅台式鴨血，足証常滿對

星期日做左成日，收工要同女朋友揾d好野食，喺荃灣睇完波鞋就去左二坡坊度揾食，點解嚟呢度？因為呢度有好多唔同既北方風味小店，有雞煲，有烤魚等等！今次我哋就俾常滿既門口擺設吸引左！門外呢個擺設真係幾吸精，見價錢都幾大眾化，入面又多人食，重點係濃郁既雞煲味由鋪頭飄散出來，相信都係唔錯既小店，就入去揾位開餐！店内空間不大，但沒有因為咁就放到密密麻麻，檯同檯之間都有充足空間，絕對唔會太逼！而且樓底幾高，冷氣又夠凍，坐落都舒服！坐底無耐，待應已經端上調味架俾我哋整醬汁，大致上都係同一般雞煲店一樣，有蒜蓉，辣椒等，特別在有一隻係佢哋自家製既泰式辣汁，辣味十足，而且帶點酸味，食得辣先好落多d! 不過其實食到最後，我哋都無太多機會點醬汁！ 因為由雞煲到火鍋配料都係非常夠味！ 唔點醬汁仲好食！配料選擇都幾多，而且有唔少都係餐廳自製既配料，例如我今晚都有叫既梅酒千層肉，就未見過其他餐廳會有。而且待應都好熱心介紹佢哋餐廳既獨家配料，我發覺有好多都係有泰式成份在內，細說之下老闆原來對泰國香料，菜式等情有獨鍾，所以有好多自家配料都有好多泰式成份！我哋落完單之後，就叫左個待應推介既飲品，自製木敦茶，材料係嚟自泰國，

適逢好友會面，一於吃個痛快！聽說多時的 “常滿雞煲火鍋專門店” 今天我們齊齊去品嚐一下先😘。鴛鴦湯底- 酸菜白肉鍋+麻辣店員詳細介紹酸菜白肉鍋是餐廳最近精心炮製的湯底，酸菜部份完全由廚師自己烹調沒有加任何醋精👍🏻！火鍋醬料靚湯底加上火鍋醬料，可提升食物豐富口感。椒鹽雞軟骨、啤酒🍻我們一致認為吃火鍋必須要有 “火鍋伴侶” (啤酒+雞軟骨)，吃火鍋時喝上冰凍啤酒，簡直一生一大樂事 😄。而且餐廳正在推廣吃火鍋餐，指定啤酒只需$10支！醇滑嘉士伯🍺個人推介 頭竹心太軟 口感新鮮 外脆內鬆軟好吃，一粒粒串在一起，好像魚蛋，一下子全都搶空了！麻煩店員再來一碟😘。我們點了多款火鍋配料：(五色牛肉拼盤、雜菇、雜菜、鮮炸響鈴卷、雙拼餃-櫻花蝦餃-丁香魚餃、豬粉腸、午餐肉、醉心墨魚丸、手打黃金墨魚丸、灌湯麻辣牛丸)。鮮炸響鈴卷保持鮮竹香味、外皮軟綿綿、深層有爽脆口感黃金墨魚丸之前朋友介紹，來餐廳必試之一道菜自家制墨魚丸、咸蛋黃溫馨提示小心燙咀 牛胸尖牛胸尖=牛白肉香爽好味，店員說這個很受食客歡迎，要快點落單！各款牛件，富有牛味，而且牛柳粒更為喜歡，通過麻辣湯底泡後，入味又軟熟！豐富美食、談笑風生、非常

剛從外國旅遊回來，實在非常懷念香港的美食，尤其是我至愛的火鍋。所以這晚相約朋友聚舊兼食餐飽。荃灣友所以荃灣區最就腳，在Openrice找到這間雞煲火鍋店，一於試試，果然有驚喜！火鍋店地舖地方不大，不過原來樓上別有洞天，地方寬敞，更有多張大枱，闊落舒適。首先點了配搭新鮮的鴛鴦湯底: 酸菜白肉鍋+麻辣鍋 ~ 自家醃製的酸菜酸中帶甜，配上豆腐湯底清新淡雅，酸甜清膩。麻辣湯底可隨個人口味選擇多麻少辣或少麻多辣，湯料有豬紅蘿蔔，非常入味！牛肉控必食的是“五色牛肉拼盤”$368 ~ 經店員細心介紹後，由牛柳粒開始品嚐，每款牛肉肉質鮮味，牛味濃郁，香稔軟嫩！ 尤甚喜愛牛胸尖，爽口兼鮮味獨特。而牛小排則入口即溶，越食越滋味！另一心頭愛是頭竹心太軟$58 ~ 外層枝竹炸得甘香鬆脆，內層則香軟鬆綿，即食或放湯都一樣咁美味！櫻花蝦餃拼丁香魚餃 $43 ~ 口味新鮮， 風味獨特，皮薄餡靚, 隻隻飽滿豐盈！手打黃金墨魚丸拼罐湯麻辣牛丸 $108 ~ 粒粒圓潤均勻，新鮮彈牙其他配料如豬粉腸 $35 , 午餐肉 $32，什菇拼盤 $35，碟碟都滋味滿分！估不到一返香港便能吃到如此美味的牛肉火鍋，滿咀鮮，辣，酸和甘味

同朋友二人去，之前佢地好似轉左半任食，因為本身細食所以都無試過半任食，最近轉返散叫即刻要嚟，我去得比較夜所以唔需要等位，雞煲好似同以前有d唔同，應該改良左但好食左，今次有驚喜。我自己揀左少辣，比起出面落重味噌雞煲好食，另外叫左碟牛肉唔肥好食，響鈴即炸但唔多油，叫左個自家制手打墨魚丸👍🏻好滑，加湯打埋個邊爐飽晒，9:30後8折，抵食！掛住食無影相，keep 住去因為比起附近都坐得舒服

服務態度好好見我攪拌雞煲嘅時候 d蒸氣撲到隻眼服務員即刻幫我攪 又幫我調細d火見我跌左張紙巾 就即係比張新紙巾但其實另一個服務員已經比左一疊紙巾我佢地好貼心性價比高4隻大扇貝 同8隻大蝦刀係128蚊刀幾抵下次會再幫襯

本人係好鍾意食雞煲打邊爐既人，以前從未聽過有呢一間火鍋店，可能因為比較偏辟，朋友介紹話荃灣有一間水準不錯既火鍋店，於是特登由香港個邊過黎一試，發覺真係幾好食，雞煲味道帶少少甜味，十分特別，食完唔會覺得口渴，而海鮮亦都十分新鮮，試左佢地個海鮮孖寶，份量足夠而且又便宜，牛肉亦十分好食，試左佢地既手切本地肥牛，牛味重而且夠淋，無韌既感覺，聽樓面姐姐講牛肉同海鮮都係每日係街市新鮮攞貨，兩個人黎食都只不過係$500埋單有找，而且走既時候都見到佢地有個優惠係7:30前埋單離座就有85折同埋9:30後入座有8折，最衰今次我地7點左右黎到，無優惠可以用到😭，下次試下9:30後先黎，用埋佢地個8折優惠仲更加抵食，值得一讚

我記得我幾年前去食過，食完都覺得ok的，那時還不是任食的。今次有朋友叫，我記得印象不差，所以就去食了，去到見到係任食，都無所謂啦！諗住一心試下，橫掂之前都唔差。上樓上坐，環境比較黑，首先上了碟東菇鮑魚，之後再上咗個翅，但個成個都係軒嚟我係咁二係咗2條翅仔就無食，但侍應見到我地無食，個樣好奇怪咁。再上咗個刺身，個刺身正常。終於上雞煲，我地一行4人，其實平時4人基本都食一隻雞，佢個煲細唔緊要，連個量都細，每人幾舊無晒，我地問點解咁細，可唔可以俾多啲，侍應姐姐話你地仲要食其他嘢架嘛，就掉頭走了！但其實我想講，我一心係嚟食雞煲架，而且打邊爐係自己點，我地食幾多寫幾多，無關係。打邊爐材料無咩特別，不過任食嚟講，菜嘅種類算少，道地檸檬茶變咗碧泉檸檬茶，脆肉鯇唔脆⋯⋯而最令我唔滿意嘅地方，就係嗰度嘅侍應，叫佢幫我地幾個影張相，佢答我佢唔得閑幫我地影相，但見佢之後係企埋一邊吹水，同埋成個場得4台客，忙得咁緊要都可以講句轉頭先，成晚最好禮貌係個啤酒小姐，佢只係幫忙侍應工作，我們係沒有叫啤酒咁嘅服務態度，咁嘅質素，咁嘅價錢，唔會有下次

4個人黎食，但個雞煲小到好似得半隻雞，一人2 3舊就搞掂，用雞煲黎做主打但份量實在太小！野食好普通，選擇小又冇咩特別，價錢都吾係平，只係加左個18蚊湯底試下，總結，野食非常普通，份量細選擇小，價錢偏貴，未食過既朋友吾建議特登黎試。如果你好肚餓 其他地方冇野食 你可以考慮黎食🤦🏼‍♀️🤦🏻‍♂️

入到餐廳後，醬油同埋各種調味料都馬上提供，叫左半隻滋味雞，一打開個雞煲雞嘅份量都十足(味道方面可能會偏淡，雞肉唔夠入味，食唔出隻雞之前有炒過)配菜方面就叫咗魚片(份量都好足夠), 枝竹(份量就比較失望大約10條左右), 娃娃菜之後再加一个細花枝(相對就比較失望因為唔夠爽口，口感上唔係太新鮮)店裏面嘅職員服務都好快手，不過就聽到兩个職員講粗口... 感覺上呢啲唔係樓面職員應該做嘅嘢，去大排檔嘅地方聽到職員講粗口係正常，不過我無expect 過係尼到會聽到🙄😂Overall 一間水平 好普通嘅雞煲，價錢大約200一位老實講冇特別原因令我返去再食，荃灣有好多選擇，水平上可以搵其他更好既餐廳