常溫

营业中

休息中

說實話，我是慕名而來的。經友人推薦介紹，有心機餅店，務必一試。 我並不常到新莆岡，如有如此者，建議地鐵站鑽石山出口，走路十分鐘左右，也不算耐。早前有次wall in撞入，可能太火爆關係，沒有預訂的話就買不到了，合理，始終留給有心人也是正確的。我學乖了，先預訂，按日子取就好。有散裝有原件售賣，原件的話被店員告知需視乎當天情況wall in 購買，件庄的話25元一件，預訂四件起。我就訂了四件，準時取餅。拿破崙不少地方都有出，亦可謂已變化萬千。這款做法頗有舊底味道。酥皮脆而不硬，鬆而不散，不會食到一身碎屑。內餡由法式奶油以及混合合核桃的蛋白餅組合而成，甜而不膩，味道上也有心思。整體輕身舒服，茶點一件半件正好。整體而言，貴是稍貴，但用料沒欺客。假如不住附近，也不妨一試，請先至電查詢。

特登黎想買拿破崙，點知原來已經預訂到26號先有，甘唯有下次啦~可以買既蛋糕就得翻忌廉蛋卷同慕斯蛋糕，買左一條梨味蛋卷，返到屋企打開發現d皮少左一塊但係蛋卷味道係唔錯，忌廉好味，蛋糕有點蜂蜜的味道，梨也很新鮮，希望下次可以試到拿破崙

新蒲崗工業邨果邊雖然好唔就腳 好少會到 但其實有好多好野食架🤤可以搵日去將佢地一網打盡💦-古法拿破崙 $188呢個拿破崙同出邊街麵包鋪買到果啲又霉又淋既拿破崙唔同 佢足足有9層咁多 一切落去就知好鬆脆 啲碎飛到周圍到係😂食落都幾重牛油味 幾香 仲有啲nuts咬下🤤🤤伯爵茶戚風蛋糕 - $13呢個都幾出色😍一開始我以爲單食戚風蛋糕會好dry 點知食落又好濕潤 而且好重伯爵茶味！高質！另外仲買左芝麻捲蛋 食落都幾鬆軟同埋唔甜 不過我就覺得芝麻味唔夠重😂

其實都唔可以叫食評，因為今日walk in想食拿破崙，但係現場係無得買黎食既，要預訂，最快18/11先有，所以如果遠赴而黎既，最好打個電話問問先。不過現場都有d cookies同戚風蛋糕可以買既!

一定要睇到最後😩😩記得掃到底睇曬啲相故事嘅教訓係呢度只適宜買佢嘅拿破崙..圖三係我攞嗰個蛋糕圖四係佢嘅官方圖店方尋日msg我話個蘋果裝飾冇咗所以話補返兩件蛋糕畀我..咁我可以點啫 唯有話好啦反正都想試佢哋嘅招牌拿破崙就叫佢不如畀兩件我算啦..但我真係冇諗過會係咁樣衰堅係我見過最樣衰嘅蛋糕大家睇完又同唔同意先隻青苔綠真係細路見到都唔敢食公道講 味道OK 又唔係難食不過個外觀就真係樣衰到一個點..我對小店向來仁慈因為話曬都係小店但我奉勸店方一句啦若果唔擅長做嗰樣就唔好賣嗰樣尤其是你唔係爭少少 係爭九條街何必令到人失望而回 反醒下啦..#伏#中伏#可唔可以唔好咁#現實與理想

常溫 (English name: So Warm) is a small little bakery in San Po Kong. They seem to specialize in cakes, cookies and jm.  The various items for sale were neatly labelled in English and Chinese. All were individually packaged and it is take away only. I decided to buy a couple of cakes for breakfast the next day.Sesame Chiffon Cake ($13) was soft and fluffy. Not too sweet but also not a lot sesame taste as well. There were chunks of crunchy sesame paste found.Earl Gray Pound Cake ($12) was a bit bet

經常喺新蒲崗出沒，成日都經過常溫。最鍾意食常溫嘅拿破崙同焦糖咖啡卷。我本身係唔鍾意食拿破崙嘅，但呢間最出名就係拿破崙就諗住試下。酥皮好香，cream都好好食，連夾層嘅蛋糕都有果仁香。但最正嘅都係個焦糖咖啡卷，個焦糖cream真係好滑又香，蛋糕都好鬆軟。真係百試不厭！！另外，士多啤梨卷都好食，只係個cream無焦糖咖啡味咁豐富。朋友試過泡芙話都幾好食，不過前排出嘅西瓜蛋糕就不及澳洲black star咁好食了。

我個人幾鍾意食拿破崙😍之前朋友食過呢間話好好味，難得今日黎呢邊，緊係要買返件黎試試😌😌舖頭買既野唔算多，果醬呀曲奇呀戚風蛋糕呀，不過我既目標好明確😆😆所以買完就走，忍唔住邊行邊食，拿破崙好香好香，脆口唔甜唔膩，我覺得好好味呀😂之但係廿幾蚊就真係貴左啲，未必會成日買黎食🙈

早前，在一次尖沙咀飯局中，食友好姊妹 A送上她工作地區的新蒲崗，購自 <常溫>的威風蛋糕給大家！多謝她的心意呢！我在上環區返工，不太覺眼連鎖麵包店及其他麵包店供應威風蛋糕！所以，今次我覺得好開心及有口福！和風柚子威風蛋糕以透明包裝紙包裹住，並用上綠色紙袋盛載，既可保鮮又可保質，呈三角柱體形，芳香鬆軟的蛋糕質感，濕潤鬆軟，甜度恰到好處！最特別之處是加入柚子粒，令整體清新度大大提升！朱古力威風蛋糕朱古力味比較霸道，不算好甜！如果，我有機會到新蒲崗的話，一定要幫襯一吓這間麵包店先得！

屋企人鍾意食拿破崙，上網見到就去左買，地點有少少唔就腳(利申非常依賴地鐵的人)。上網睇話收七點，而且每日限售，但我六點十先去到，所以我都預先打左電話問仲有冇)，好彩仲有好多，有單件，半條，全條可選，諗諗下單件到喉唔到肺，都係食半條啦另外仲買左幾件蛋糕拿破崙有好多層，酥皮好正，中間個夾層有合桃好足料，而且有少少似似鳥結糖個種texture有少少痴牙(唔係好識形容)，甜甜地好好食！！三件蛋糕好似係焙茶，香蕉，無花果。焙茶味道不錯但食到成手都係油🤣

近來得悉在新蒲崗工廈一帶開了一所頗受街坊歡迎的餅店。聽聞她的拿破崙及戚風都做得很好，今天小弟就過來探一下虛實是否乃一如傳聞般好....是次來，不是為了傳說上述的兩款店自慢，而是為了這個....許多人都知我最喜歡吃roll cake。城中所謂的卷蛋名店，基本上我是全試勻了。本人認為其中的表表者，一定是"堂島卷"，不過由於其身價一向不菲，再加上又聽說好像水準有點下滑了，所以要找好的卷蛋，又要再花些時候去找了....至於這裡的卷蛋呢，不錯質地是還軟綿；夾在中間的忌亷口感也很輕盈亦不太甜；生果粒所佔的比例不多，所以吃出不了甚麼效果來....但可惜的是，吃後不久喉頭還是有一種不太順滑不舒服之感，這亦是許多時在外吃卷蛋有的共通問題....所以呢，現在我已非常少在外面吃roll cake了....要吃的話，就吃太太在家弄的，絕對100%無添加的homemade制成品好了.....

有一日喺fb見到介紹咁咁下晝又去開新蒲崗所以就去咗一試買咗一件$24嘅拿破崙一係好好味 而且好有口感好鬆化9層嘅配搭真係同平時食嘅拿破崙冇得比cream唔多，但味道相當足夠之後屋企人生日我又去咗買買咗一條裝(佢另外都有半條賣)咁就要返屋企自己切店員叫用鋸齒刀切會易啲切屋企人食咗都相當滿意爸爸話同佢細個食嘅拿破崙係一模一樣應該切到10至12份 所以都平左幾多今次已經係第五次再嚟呢度買本身嚟新蒲崗對我來講唔係相當方便鑽石山站行過嚟應該都要5-10分鐘但係第二度真係完全搵唔到呢一個味道另外今次買咗蝴蝶酥都相當鬆脆唔會太甜但係相對地性價比就冇咁高 $5x一盒

常温其實唔係一間麵包店，主要係賣拿破崙、戚風蛋糕、卷蛋既小店，仲有果jam 同蛋糕賣。佢既價格唔平，果jam 九十幾一瓶，卷蛋/蛋糕三十幾一件，不過睇得出係一間用心既小店，值得支持。今日就買左佢最出名既拿破崙。暫時有兩種: 可以放係常温既古法拿破崙($24)同放係雪櫃既芒果拿破崙($42) 。古法拿破崙既內餡係buttercream同合桃蛋白餅。呀~ 啲街坊餅店成日啲cream整到咸咸地，食完都打冷顫😂 呢間就當然唔會啦，合桃蛋白好鬆脆，好味~芒果拿破崙竟然未有人推介，但真係好好好味呀！我覺得好食過天后間 mimosa (又係出名芒果拿破崙) 。表層微甜，千層極薄極脆，配埋芒果custard(?)真係好正。🤤我自己都有做下烘焙既，其實最傳統既千層係用人造牛油做既，更容易保持啲千層既乾脆，成本又低，但就好多反式脂肪，影響身體健康。上網睇到佢係用酥油做，但個質素又keep到，真係好impressed。用料好自然反映落價格到。用料實在既小店，support!!🥰🥰🥰

之前睇過網上介紹嘅片已經好想試，但係因為新新蒲崗實在太唔就脚關係仲未有機會去。不過今日有同事竟然買左外賣返公司食。一向唔係拿破侖fans，但係常溫嘅拿破侖真係好有驚喜。拿破侖都係「常溫」唔洗返入雪櫃。成舊買返黎自己切，開頭我仲驚一切會散開晒，神奇地竟然無切到散開。拿破侖好脆，一向唔食太甜嘅我覺得味道啱啱好，食一舊真係唔夠喉😝如果下次機會去，想試埋佢既黑芝麻同焙茶戚風蛋糕。

新蒲崗成為愛包之人既新蒲點 仲要間間都咁有睇頭有個朋友係果頭番工有口福了 依間戚風蛋糕同埋拿破侖就最出名 今次試左 柚子戚風蛋糕： 真係 好！鬆！軟！香港食過最鬆軟， 柚子味清新不會過甜一個人是可以KO 一個的一個1 歳的bb 都食唔停口呀 本身仲諗住食完飯 4 個女仔食到幾多 點知10分鐘後已食哂 古法拿破侖 ： 我估 古法意思係加左麥牙糖所以食起黎 係煙煙un un 的 但因為我第二日先食 ，酥皮唔脆啦 建議當日食啦 買左就 「常溫」 keep 1-2 日, 「常溫」食就ok 啦