常溫

营业中

休息中

🇭🇰 < < 常温 > > 輕盈Roll Cake💰 [ ~$50 ］📍 [ 新蒲崗大有街33A號佳力工業大廈地舖 ] ______________________________ 1️⃣ [ 開心果卷蛋 🍰] ʜᴋᴅ38新蒲崗有好多出色小店 🤓今次就試左常温幾出名嘅卷蛋最上面係少少開心果碎 蛋卷整體都偏綠色幾特別☘️蛋糕幾鬆軟同濕潤 唔會太dry中間嘅cream食到有dd開心果味整體幾清新 唔會太甜膩口🥰但如果開心果味再重啲會更正😋好味指數：7.5/10🏃回頭指數：7.5/10🔎🏷️ #letus九龍 #我要吃掉全世界 #letus下午茶系列 🔍

由於想搞搞新意思 所以訂左拿破崙蛋糕同朋友慶祝生日-之前食過呢間甜品質素唔錯😌但係訂蛋糕都係第一次 基本上個蛋糕無令我失望～蛋糕好有份量！！拎一陣都覺得重有啲吃力🤣呢個拿破崙完全做到層次分明 好酥脆 每一啖都食到芒果好滿足🤩🤩 整體嚟唔會太甜 就本身好怕食甜品都覺得好好食☺️☺️-有興趣訂嘅可以留意佢地instagram 嘅蛋糕款再whatsapp訂 最好預2個工作日比師夫做準備😁 可以保證食物質素絕對對得住價錢😌

朋友間互相推介呢間餅舖。。講到好神😆。。當然我都唔執輸要走來試吓啦。。其實我嚟過兩次。。第一次差唔多6:00可能真係夜左啲佢嘅拿破崙餅已經賣晒啦🤦🏻‍♀️🤦🏻‍♀️🤦🏻‍♀️。。之後又隔咗幾日下晝四點幾今次就終於買到啦😋😋其實佢嘅門口都有啲隱蔽。。而且唔夠顯眼。。。我哋入到去第一時間梗係買幾片拿破崙餅啦。。然後仲試咗佢嘅金磚開心果。。返到去第一時間梗係開咗個拿破崙餅食先啦。。又真係好鬆脆😋而且還有點麥芽糖味。。最重要係佢合桃份量都多。。。所以成個拿破崙嘅口感層次都好豐富但係另一個開心果仁金磚杏仁。。呢個就好普通囉。。只係普通一件牛油蛋糕上邊有多啲果仁。。🙈其實唔試都冇損失😅😅😅其實佢哋仲有好多唔同嘅蛋糕或者餅食。。價位偏貴💰💰。。我諗最值得我欣賞都係拿破崙👍坦白講。。雖然我覺得$26一件仔拿破崙都係貴。。但我欣賞佢嘅手工仍可接受嘅。。希望佢真係能夠保持呢個質素啦

上網叫到好多人推介常温既蛋糕同拿破崙好好食，咁啱屋企人生日，就黎買個蛋糕試下。今次就買咗個朱古力榛子脆脆蛋糕，首先賣相好靚，食落去唔會好甜，好重榛子味，朱古力脆脆都無淋，平時食果啲都唔脆，但呢個唔會，真係好好食

今日全日都係新蒲崗到搵野食。。搵到傳說中的古法9層拿破崙。。入到去, 唔係好覺好香餅店的味道, 心諗, 係咪實係好食架。。佢有唔同size 既拿破崙, 因為怕肥, 只係買左件散裝。 26 蚊一件, 入好曬係透明袋仔到, 細細件。。。拎返返屋企試。。一打開個袋, 好香牛油味, 第一口食落去, 好好食, 真係好好食, 除左好香牛油味, 重好鬆脆。。 鬆到。。 食完成舊都唔覺得有野係肚到, 1舊唔多夠落肚😅😂...但真係幾good..可以再食

因本人都很喜歡食拿破崙餅，所以滿有期望去嘗試一下這間口碑好好的拿破崙餅，所以購買咗一條20cm的拿破崙餅！點知食落，發個餅底好硬，面頭酥皮不夠鬆脆，與售價接近$200不乎，絕對冇下次，不吃也不是損失！

之前見雜誌都有介紹過好吸引但由於店舖地點係新蒲崗,真係極少會去到呢個地方所以「常溫」一直係Wish List入面🤣今次係機緣巧合之下終於可以試到喇! 其實店舖仲有好多唔同款蛋糕, 蛋捲同曲奇餅賣架, 不過今次目標都係最出名嘅古法九層拿破崙✨一小件$24，12cm條裝$110同20cm條裝$188揀左12cm條裝試吓先,其實都唔係好大件,價錢有點貴返到屋企一切....「咔擦」。「咔擦」意料之外咁脆！一共切左5件呢個九層古法拿破崙果然同出邊食開嘅好唔同,個質感好實在好厚實同埋好足料!!食落勁香口仲咬到好多合桃碎, 中間個層質地好特別,唔係用海棉蛋糕, 似係鬆化版麥芽酥餅與餅之間嘅Buttecream勝在只係薄薄一層整體感覺唔會好甜又食到好多層次所有嘅配搭加埋味道都非常適中✨啱啱好✨雖然唔會漏但原來都幾飽肚！放咗入雪櫃第二日再食,依然「咔擦」。「咔擦」貴就貴咗啲, 但真係好令人回味！你話值唔值, 見仁見智啦～

昨天我見到常温店看看咩味戚風蛋糕件，柚子味/黑芝麻味/伯爵茶味，我考慮買不買，結果我沒買，我新發現原味燒布甸＄20，很便宜，我要買一個，我回家放雪櫃，等晚飯後吃原味燒布甸，原味芝士蛋糕有蜂蜜味，很好吃，燒布甸太好味，見好像伯爵茶味布甸，不似原味布甸~我想再吃~sp：看上年不同，上年焦糖杏仁咖啡蛋卷，現在不見，現在有賣朱古力咖啡蛋卷，我有點失望~下次我再去幫襯店舖，很多食評不滿女收銀員態度差，現在她不在，男收銀員服務好，有禮貌，有解釋食咩～

講過要試晒新蒲崗嘅高質麵包店, 今日星期六試下呢間，舖唔大，其實無麵包，主要係蛋糕🎂，凍櫃有幾款cake ,除此之外就係拿破崙，戚風蛋糕，曲奇🍪……。揀咗earl grey 嘅戚風蛋糕，另外係咖啡杏仁曲奇，全部都預先pack好，好衛生，不過就無咗平時入麵包店嗰種麵包香🧐。曲奇無註明食用期，店員話未開一個月，開咗一星期，55蚊嘅曲奇一共有11塊，用透明盒入好，再貼上自己brand 嘅label, 囗感唔係鬆化嗰種，係偏粗諧🤨，咖啡味濃，濃得有啲over ,所以唔太食倒杏仁味🙄。戚風蛋糕細細件，15蚊，一打開聞倒陣陣嘅earl grey 味，好香👍，咬落鬆軟🥰，值得一試。

今日去完新蒲崗試完小籠包， 緊係要外賣甜品先離開。 之前都好想去試常溫既拿破崙， 報道話係古法拿破崙。1件26蚊， 我地難得黎到， 老公話說買2件就2件啦。件拿破崙唔算大件， 大概係1件西餅厚到， 有2層， 食落去唔算鬆化， 中間既唔係蛋糕， 我亦講唔出係咩野黎， 有d 痴牙， 有合核碎係中間， 幾香口。d cream夠薄身， 唔膩。我覺得普普通通， 係特別味道， 但唔算好好食， 帝苑酒店拿破崙就真係比較好食。如果要特登黎幫襯， 我應該唔會再黎。提1提， 見之前留言話態度差，我1開始唔敢自己拎餅， 怕被人鬧。但又唔係喎，我地埋單都好客氣。

其實沒什麼特別，最特別係店員態度非常惡劣，好似唔憂做咁，貼錢買氣受，就算好食到會飛都好，都唔使咁吋。如果唔係幫人買，我一定走，不會買。啲價錢已經唔係平，買條拿破倫，想話叫佢切埋，要收$20, 想用盒裝，又要加$20。

之前屋企人買過拿破侖，試完都覺得幾酥脆，所以今日路經新蒲崗就自己去買。入到舖頭，只見一位女士坐在櫃檯傾電話，見拿破侖分條裝或件裝，放在櫃檯旁的蛋糕凍櫃上，正打算拿起三件件裝，店員冷冷的說-要幾多，我同你攞（態度、語氣毫不友善）如果你擔心客人自己攞會整碎件拿破侖，你大可寫個字條。見你傾緊電話，唔知你得唔得閒理我。唔理你是老闆還是店員，如果要受不禮貌對待先買到你店的拿破侖，就算你有幾好食，我都唔會再想買！！！

20 cm $196.1條，其實人人都買得起呢個價錢，客人有任何要求詢問應該態度保持良好，唔係唔優做嘅心態詢問產品成份、存放日子及方法問多幾句都嫌煩嘅話，望下自己個價錢牌定價先好咁寸。

西餅.蛋糕都一樣好食但係D服務態度真係接受唔到!以禮相待好小事.告訴你找多咗錢.仲要咩我.更好食都要諗諗! 其實大家香港人明白小本經營生意目標係為什麽? 訂蛋糕就想起常溫但去到說話態度自己反省!無生意関門好快的事

一向很喜歡吃傳統的法式拿破侖餅，但這經典西餅，已經愈來愈少餐廳有得吃，而且水準也參差不齊，總是難以找到一個地方有好吃的拿破侖餅。幸好在早前的某次機會裡，一位友人建議我試試這間名為「常溫」的西餅小店，說這間小店的拿破侖餅甚有質素，讓我記在心裡，就在日前趁著要到新蒲崗吃飯的機會，提早一點先行來到這間小店，購買兩件拿破侖餅（$26/件）回家與太太一人一件，試試這友人推薦的西餅。友人果然沒有介紹錯，這拿破侖餅確是好吃，應柔韌的柔韌，該酥脆的酥脆，奶油份量恰當，不會吃得滿口都是奶油；合桃份量足夠，為這西餅帶來更豐富的口感。整件西餅味道適中，不會太甜而仍然好味，價錢雖然不算便宜，但水準實在好，是否值得就見仁見智了。其實這小店還有不少其他出品，蛋糕、蛋卷、曲奇餅、果醬等都有，下次再來，希望我可以吃到其他跟拿破侖餅同樣高質的蛋糕西餅吧！