師妹甜品

营业中

休息中

國慶去邊到度去長洲吧...坐上普通船, 好懷念中學時代一班同學在船上玩...今回是作出十月中去長洲收集資料.難得去一回當然要先去有名的心太軟.也許時間還早, 也許長洲就渡假區, 在店子裡很休閒的感覺先點一杯紅茶.跟著喝了大半杯茶的時間,就送上心太軟. 為什麼我會問心太軟的真面目呢..因為我看見那個朱古力漿都蛋糕面成了一個湖. 但我之前想像那個朱古力漿在沒切開那個蛋糕, 看不到漿呢.我是第一次吃呢..它的味道真的好味不太甜, 糕面也是有點點脆.

係勁熱天氣下﹐入來呢度嘆D凍雪糕解熱。知道呢度火燄雪山AND心太軟係眾人推介﹐所以就同老婆試一試。等食時﹐因為之前沒有讀過以下食評既評語﹐所以在毫不知情下﹐傳店D燈突然熄左﹐心想以為停電﹐跟住見店員拉閘﹐老婆以為佢地見店以坐滿客﹐所以拉閘。當時見到期他食客都係好好奇。上火燄雪山時點火﹐整個被藍火包圍。味道幾好﹐唔會太甜﹐加埋D RUM 酒好好味﹐但係size比較小。多一些就好LU。心太軟本人就覺得太甜同埋朱古力味比較小。

噚日同老婆囡囡入長洲玩,好耐無入,呢度真係好多食,同囡囡東灣游完水,特大炸魚旦.桂花芒果卷,舊式茶樓飲茶,舅仔女朋友係長洲人,舅仔亦專登入一同食晚飯,由佢女朋友帶路,4大1小7個菜有魚蝦蟹賴尿蝦,炒蜆,半隻雞炒通菜3枝大啤4罐汽水3碗飯310蚊飽到上心口兼好味,舅仔女朋友大力推薦呢間甜品屋,橫豎到此一遊試無妨.叫了Creme Brulee,火燄雪山,心太軟同香蕉船,Creme Brulee份量不少但只賣13蚊,兼且好味不嗜甜的我亦覺得好味,火燄雪山跟其他食評所說會關燈淋上Rum酒,囡囡睇得好開心,香蕉船差不多由囡囡全幹掉,最後心太軟出場,跟雲呢拿雪糕,囡囡發揮小宇宙一路食一路話未試清楚個感覺!!食完真係頂到上喉嚨,但真係好好味,一人小店食得出係用心去做下次入一定會再幫襯,臨上船見到碼頭旁邊有即做布拉腸粉,要計劃搵次去長洲小住三兩天

本身諗住游完水返屋先,點知踩單車行錯路就比我搵到甜品]la~yeah!入到去試大家推介的好正丫!!第一次食~幾好味!我地決定下次再去長洲先try到時再黎話比大家知好唔好味,正唔正la~

試左心太軟(~$22),雖然等左好耐,不過真係好好味呀,,同埋個雪糕一齊食,一d都唔會"漏",好想快d再入長洲食多次呀~!!!!另外order左一杯芒果特飲(~$13),,都好ok

師妹甜品水準真係算唔錯..我地叫左火焰雪山同埋心太軟..前者驚喜搭夠..後者以質素取勝..佢地會為左你ge火焰雪山熄燈落閘..睇住藍色ge火o係d cream上面燒下燒下..的確係覺得幾得意..火焰雪山底層係朱古力雪糕..同面層ge cream一齊食係味蕾雙重享受...而心太軟係濃郁ge朱古力味..甜而不膩..而店員服務誠懇..態度親切...有求必應..師妹甜品個閘係寫左好多中文字..有九龍皇帝feel..九龍皇帝寫過ge字的確係令人懷愐....總括黎講師妹甜品係入長洲必去ge地方...

食野永遠都要食埋間鋪既service.師妹甜品既service,我俾100分!睇過食評,同女朋友決定食心太軟同埋火燄雪山!正如下面食評所講.心太軟//比得起酒店既水準!外皮鬆化,入面朱古力好正,怕肥都照食呀!火燄雪山//好正!!熄燈,拉閘.味道都非常之好啦.唔識形容=p真係好好好鍾意呢到!下次一定再黎=]ps.老闆用屏風遮住個廁所門,就算坐o係廁所隔離張枱都唔覺!正呀

今天係我朋友仔既生日*我係星期天已經訂左個cake*但係$$都未比佢都比我訂*昨天...長洲人生路不熟*老闆娘就話羅個cake出黎碼頭比我*但係我又好想知佢係邊*結果都比我自己搵到個cake 既賣相好吸引*仲超級好味道好想搵日過去試佢其他既甜品^^

老闆娘katie真係非常之用心來經營這間小店,(真係非常小)火焰雪山/梳乎里/心太軟/凍咖啡/芒果特飲/一杯落錯單既(西班牙朱古力)合共$88蚊大陣象啦?火焰雪山出場,拉閘門/熄晒所有燈先點火,有心從事飲食的朋友大可到此一遊,學吓個份心!

看飄色曝曬兩小時,人有點暈了。身仍不斷流汗,還是要找個冷氣地方降溫。見新興街的甜品舖多人,便到這裡。孤身一人,比人多較易找個位坐下。原本想食糖水,但見蛋糕也不算貴,想點藍莓芝士餅卻售罄,於是點了薄荷朱古力蛋糕。薄荷味與朱古力味其實是分開,朱古力蛋糕上是薄荷cream,加上綠色面(內含些朱古力)。食味方面個人認為朱古力味較重,甜度適中,朱古力味頗香,蛋糕鬆軟,至於薄荷味則不太重,個飲嫌有點不足夠。鑼鼓聲繼近,醒獅來採青。又是全場觀看採青過程,店員、人客拍下採青相片。採青完畢,見到人客叫店員替他們拍照,店員也很樂意。服務不錯,店員好禮貌。食畢,乘船回中環的龍尾延至包山附近。

好正，激正，喪正~去長洲必試o既甜品屋!!必食推介: (1) 火焰雪山(2) 心太軟都係睇左openrice 的推介,諗住食完飯去試下.間舖太難揾,碼頭右轉沿住海皮行, 過左街市就留意左邊o既橫巷, 個名叫"Katie Dessert"老闆好細心, 上火焰雪山o個陣會熄晒所有燈先點火...

上次試過"心太軟"同"火焰雪山""心太軟"$2x熱熱地,正..d朱古力漿會流出來..勁正!!之前從來未試過食..今次實在太正...到"火焰雪山"$2x..katie老闆勁細心..熄左d燈之後先拎個火焰雪山出來..wow..好正呀!!好好味..下次一定再來..p.s.星期二放假架原來..仲諗住去食tim~~

睇完櫻花，下午三點幾，便沿山頂道、學校路下來此店歇歇。叫了聞名的《心太軟》，等了約十分鐘，新鮮出爐的《心太軟》就被放在面前。蛋糕軟硬適中，至於個朱古力軟心，個人就覺得甜了一點點，但還可以。由於沒有叫其他飲品，等待《心太軟》"出爐"的時侯，老闆娘Katie奉上清水一杯，很細心啊! 另一個前往此店的簡單方法，便是出碼頭後沿著海旁往右走十分鐘左右，過了一列海鮮大排擋，再過一大排單車，跟著留意左面的小街，很快便找到了！

正如其他網友所講, 老闆娘katie真係非常nice, 我同男友唔識路, 打左電話去幾次問路都依然好好既態度.... 非常好人呀~我地叫左兩個心太軟, 都幾好食, 又抵wor! 下次有機會都會再去,試下其他甜品~

兩個人食左4個甜品梳乎厘- 我覺得一般火焰雪山- 好有heart 呀~~~心太軟- 必食！！！又平又正tiramisu- 真係有酒店級水準佢平時3pm先開，假日開2pm不過長洲d街名好難搵，要問下路人"師妹"係邊度~好似好多本地人都識