師妹甜品

营业中

休息中

見openrice有咁多個笑,加上朋友的推介去長洲等佢開門~~~開頭都坐爆人!!!~~由於佢話每人最少惠顧一樣野,so我們3個人咪叫3樣野lo叫左火焰雪山,心太軟&薑汁疏乎厘火焰雪山----->好正...因為我鍾意佢上面整得岩岩好,而下面的朱古力雪糕夠濃而不甜!!!心太軟------>一般...因為個心唔夠熱,而且d朱古力漿唔夠濃lo,市區會好食好多!!!薑汁疏乎厘----->還好...因為佢個味同我係酒店食都差不多!!!薑汁個味唔係太重,我唔太喜歡薑都食哂!!!

聽說長洲的甜品最出名,,今天特意到長洲走走,,順道試這兒很出名的火焰雪山和心太軟,,本來想試這兒的芒果千層,,可惜的是佢竟然賣哂...(名名是剛開鋪....)於是轉左食木糠布甸,,等左唔係好耐就有...第一個上場係木糠布甸,,唔知係咪因為小女少食甜野,,反而覺得個咁樣清清地幾好食,,不過就份量細左D...唔係好夠..不過$18係咁上下.之後就睇到傳聞的火焰雪山出場畫面,,真係一人叫一次就會熄燈起火一次,,很有心思!!不過唔知個姐姐仔一日要關幾次燈?不過食落去就mama地姐...D Cream同雪糕味唔好襯,,加上上面有上面個層Cream暖,,下面有下面個層雪糕冷,,確係有點失望....好似得個玩字咁.....最後就係個心太軟,,一開頭都覺得個樣OK的,,但可能自己唔係朱古力fans,,唔好苦....覺得個心太軟唔好係好夠甜...如果甜D會好D...加上的係我發現個個心太軟流出的份量都唔同,,我叫的就偏少...搞到成碟野乾乾地咁...我相信咁多樣最唔好就係心太軟個雪糕,,真係最無味係佢,,其他都還可以..下次黎都係試芒果千層!!

咁啱經過呢間甜品屋，鮮茄蛋就同我講話呢間喺Open Rice係排第一，於是我哋就諗住試試喇！喺門口等咗一陣就有位，我哋被安排坐個死角位，咁啱後面有部機播住啲悠揚音樂，以為感覺唔錯。由於喺門口等位時已經見到有啲報章雜誌介紹佢嘅檸雜，所以我決定一試。而鮮茄蛋就揀咗要杯薄荷菠蘿特飲。另外我哋仲叫咗件木糠布甸，因為香港好多地方都整得唔係幾好食，所以特意試吓呢個會唔會有啲驚喜。鮮茄蛋杯薄荷菠蘿特飲嚟先，叫得特飲以為真係好特別，但係飲落其實無乜特別，淨係啲薄荷入到口之後令到你個口好冰涼。除此之外，談不上好飲，亦唔會令你留下深刻印象。至於我杯檸什反而唔錯，因為飲落唔會好酸，而且好有生津止渴嘅感覺，所以喺啲咁熱嘅天氣吓，絕對一流。而件木糠布甸食落一般，木糠好碎，不過如果可以多啲木糠，可能會令效果好啲。雖然唔係食過最好食嘅木糠布甸，但係都算唔錯，唯驚喜欠奉。食到咁上吓時，因為開始無咁多人，仲有吉枱，原本諗住同鮮茄蛋慢慢坐吓，點知鋪頭個姐姐開始有啲唔耐煩，隔咗一陣就同我哋講話有人訂咗枱，意思即係叫我哋飲完就走，其實好唔順氣，因為明明有吉枱，唔需要趕我哋走，好失望。同埋有時嚟得食甜品，都係想好悠閒咁過，點知

幾個朋友入長洲玩返日聽聞過呢間師妹甜品好食, 大家又無試過就專登黎試我地食左 火焰雪山, 疏乎里, 心太軟, 焦糖燉蛋火焰雪山最好食!!! 必叫!!! 而且店方仲會係拎出黎既時候熄哂燈, 好過癮好好feel心太軟又係好正!朱古力味唔會太甜又唔會太濃! 味道平衡得十分好!焦糖燉蛋同疏乎里亦都做得好有水準!而且樣樣甜品都唔貴, 平均都係$25 一款絕對物超所值!

裝修比較簡陋，算是簡單清潔，播著輕快的英文歌，很有離島小店的感覺。原味梳乎里18元，蛋白被打得很有質感，有很香的蛋味，雖不太脆口，軟軟滑滑，梳乎里要整得好要有很多的功夫，這裏造得都算唔錯。心太軟28元，加上了一件很普通的雪糕，但是心太軟真的是鎮店之寶，軟軟熱熱，內裏是流質的朱古力，一切開朱古力蛋糕，內裏的流質的朱古力就流了出來，很香的朱古力味，非常的特別，絕對值得一試的甜品，師妹的甜品技術真的是好，下次去長洲可以一試。http://icuteee.mysinablog.com/index.php?op=ViewArticle&articleId=1865163

第3次黎食啦 因為好食既關係 每次都會推介比朋友仔~今次7人 食一個大既火焰雪山 同3個心太軟火焰雪山(4人份量)$68 -食果陣會熄哂燈起火 超靚~~呢個會有D酒味 入而係雪糕~心太軟$28-係我食過最好食的~不太甜..剛剛好!!跟雪糕一齊食 超美味!!!襯熱食更好味啊~不過多人既時候 食完野就要即刻走了!如果想傾計坐耐D就要去第2度啦~~呢度有每人最低消費一樣食物的限定呢~

去長洲玩,特登去食呢間野，以為好好食，三個人去，叫左三杯野飲(mocha, 荔枝盧會冰飲x2)，一個火炎雪山，我自已飲荔枝盧會冰飲,覺得麻麻地, 味道怪怪地,但粒盧會大大粒幾好火炎雪山就也係好麻麻, 賣相幾靚,但食就真係唔係幾好味原本唸住再一人一個cake既 我地8:13分入去,但飲左杯野之後無耐,就叫我轉台比人地再坐左無幾耐, 8:33就有waitresss過黎同我地講Waitress: 你地介唔介意埋左單先,我地出面好多客...fd: 我仲有成杯咖啡未飲喎..杯野咁苦..Waitreess: 我比d糖水你丫,,,好差!無唸過會咁樣講野!未遇d服務態度咁差既鋪頭佢間野係食甜品,唔係食快餐喎4個字就叫人走, 癡線! 下次一定唔會再去!由頭到尾, 我地一句唔好意思都無聽到!唔好食!態度差!又唔抵!可以摺埋喇呢間野!

去長洲玩X)) 第一站去左師妹甜品*v*叫左杯雪糕好立克特飲($14),,普通一人一個心太軟*v* $27超值!!!!夠流心!!! 又好有朱古力味又唔會太甜=9999仲有叫焗火焰雪山($28),,而家轉左唔係落閘,,係拉埋個布簾,,但佢貼心想食客影得靚啲既心真係超讚!!!!火焰雪山既酒味剛好,,令到個甜品好味好多;DDD雪山其實係2隻雪糕上加左焗蛋白同有士多啤梨裝飾 ; )人開始多,,我地快快食完就走嚕 ; )

平時咁懶既我只會上黎openrice睇食評..絕對什少留食評...都唔會上黎留食評..不過今次我同一班老友..真係十分勞氣,絕對是不吐不快。昨天與老朋友到長洲一日遊,一行5人一大清食盡長洲所有有名又名符其實的美食,包括肥牛米通,炸魚蛋,薯片,牛什,芒果糯米滋,紅豆餅,海鮮大餐等等, 吃過晚飯後,即到我們最後一站..就是這間這麼多好評的甜品店..一入到店內..全店只有一枱客人..waitness安排我們坐最入的4人檯..但行到埋去..出面果2個位..椅子同枱是迫到行唔入去..我地當然有出聲話入唔到喎..坐第二張檯得唔得..但個waitness無理我地....最後..後面那枱客人聽到後就將他們自己的椅子和枱拉後.我們才坐得下。因為剛吃完飽飯,大家都好飽,想試多一點口味..個waitness介紹我地食火焰雪糕,不過要25蚊位仲要最少4位用.即係就算想1位食..都係要比100蚊1個...咁就無叫囉..所以先叫了3款甜品..朱古力cake, 心太軟,梳乎梨..諗住先睇下幾大件飽唔飽,好食先再叫最初我們沒留意到店內有寫住..每位最少惠顧一款食品..知道後我們又加了樵糖布甸...即係5人叫左4個甜品

去長洲去CAMP.上網一查一心想試下呢間野有點失望點了一個心太軟我覺得唔值27蚊以佢咁既質素首先講下個雪糕雪糕入面,好明顯食得出有冰再講下~食心太軟,佢比隻匙巾我~唔係好有用...點解唔比隻叉我呢???然後,個心太軟,好明顯焗得未夠就散咁樣~表面出現好多裂痕灑糖霜又求求其其~賣相唔得~味道方面~個人認為,心太軟都是這種味道,很難變但因為焗唔夠耐,質感好一般都係果句~好散!可能下次去叫心太軟要同佢講7成熟丫!唔該!

當日與好友特地到長洲一天美食遊在此行前2次到長洲未有找到師妹，是次誓必要品嚐得到2人點了招牌甜品火焰雪山：火焰為上層燒焦的cream，雪山為下層的2味雪糕。我不太好cream，只覺得下層雪糕雲呢拿味不出(比較淡)，只有特濃朱古力味比較出位。值得加分為每台火焰雪山都會為客人拉簾感受黑暗氣氛中的火焰，環境不錯！店員亦會主動提醒調較相機的什麼功能拍攝得較好。心太軟：心太軟味道不夠Pappagallo，但以個人喜好，我就比較喜歡它薄薄的外層加上較多熔狀的流心質感，相對Pappagallo大部分都如蛋糕的口感來得好。在我們研究伴碟的味道時，店員主動告之為拖肥汁師妹為誠意滿分，惜味道未及。

見咁多人話好..就去trytry.....男友佢之前都食過...佢話ok ga..我地叫左梳乎里同心太軟...前者...我唔太中意...因為太重蛋白味...唔太似一個甜品...算啦~~~可能係我唔中意咁ge味= =後者...都可以....朱古力味幾濃呀~~唔係有一枱客人講...一定要每人一客甜品或野飲...我地都唔知@@...哈~

我跟老公去, order左三個甜品, 心太軟,疏乎里,再加一個玉桂apple 什麼的(忘記名了). 不是很好食. ice-cream更不是什麼好野. 為什麼不用好一點的ice-cream啦. 心太軟係鹹既...疏乎里好普通,玉桂apple 比較特別, 不過唔一 定有得食, 因為要預定架! 我無預定, 佢地話剛好有, 我覺得個ice-cream真係大減分!!!為什麼有咁多人話好食???最多可以講係平lor. $80三個甜品. 我唔會再去lor

試過帶點驚喜的印尼菜後，心思思想來點甜吃，長洲師妹當然是首選，星期日的晚上人客不多，二話不說要了一客心太軟及一杯特飲檸雜解渴。對檸雜這名字有點好奇，可惜店員沒有作詳細介紹，不知用上甚麼材料，淺嚐一口味道清新怡人，檸酸味不會太搶，內裡更有些粒粒爽，是為夏天而設的特飲。自從認識了另一半後，心太軟便成為了甜品局中不可或缺的一部份，有點可惜的是薄薄的蛋糕甫上檯已告裂開，朱古力漿壯觀地流出，幸好眼快手更快，即時大影特影一番，味道還好，唯一建議是蛋糕可以做得厚身一點，入口便不會軟淋淋，亦更易令人感到滿足呢。值得一提是，甜甜的心太軟，配上微酸的檸雜，交織出的味道相當特別，大家不妨一試！我倆沒有點名物『火焰雪山』，但亦有幸欣賞其熄燈點火場面，的確有點像兒時的出奇蛋，有得睇、有得食、仲有得玩 (影相)，一次過滿足三個願望，哈！

見到咁多好評在加埋咁多靚相~ 更係想試啦~可惜試完好失望... 首先講下焗火焰雪山 ... 出場同外形都好好~可惜燒完之後表面有D苦... 更可惜係做唔到外熱內凍的感覺...入面的雪糕更加普通到好似係超市買返黎的雪糕...成個甜品味道~ 好普通疏乎里感覺好普通... 普通到唔知點形容... 不過唔知點解新鮮焗出黎都唔係太熱...只係得個杯熱...