帝苑餅店

营业中

休息中

為咗慶祝聖誕節，決定豪啲咁訂左個帝苑芒果拿破崙同friends食。究竟一個拿破崙餅點樣先為之好食呢，最緊要係，就算雪完，佢嘅一層層酥皮依然係鬆脆唔會變淋。芒果新鮮夠甜，而佢中間嘅忌廉，厚身但唔膩，雖然望落guilty，食落又唔heavy 喎！城中應該只係得帝苑餅店先做到咁出色。一個一磅嘅蛋糕，足夠8個人做飯後甜品～溫馨提示，臨近佳節，要提早預訂，仲有，平時的smartone 用戶85折優惠，聖誕節係用唔到㗎。

/ 又再次Encore⋯(自Tea roll、蝴蝶酥之後，又到拿破崙蛋糕啦😍)帝苑餅店既糕點真係從來都唔會令人失望！今次到爸爸👨🏻生日，而佢又勁鐘意食芒果，所以就訂左個一磅既芒果拿破崙蛋糕俾佢🥳📍芒果拿破崙蛋糕 (一磅) $420💬帝苑餅店最signature既蛋糕，差唔多成個櫥窗都見到係呢一款蛋糕，千層酥皮夾雜著芒果同埋吉士忌廉，真係好正🥰，原本我地仲驚一磅會唔會食唔哂，結果我地六個人食，岩岩好，個個都食得好滋味😋！

心血來潮想食拿破崙，經過尖東就去帝苑碰碰運氣竟然walk in可以買到🍀作為餅店嘅皇牌，水準繼續一如既往👍🏻好少令人失望千層酥皮充滿牛油香🧈香脆鬆化夾喺酥皮間嘅吉士都好滑，加埋新鮮芒果肉🥭口感層次豐富，每一啖都好滿足😋唯一美中不足係而家唔係芒果當造季節，芒果肉比較酸唯有安慰自己，酸味中和咗酥皮嘅油膩感☺️

牛油蛋卷 (288 克)Crunchy Egg Rolls (288 克)HK $178帝苑餅店一向岀名蝴蝶酥同拿破崙蛋糕。今次小編試咗佢哋嘅牛油蛋卷。一盒有288g，大約16件左右。平均大約要$11一條嘅蛋卷究竟值唔值得一試呢？一打開就聞到微香嘅味道。蛋卷食落脆而偏硬，不夠鬆化，口感太實。而且食落欠缺牛油香同埋蛋香味👎🏻總括而言，帝苑餅店嘅牛油蛋卷不值一試😖下次都係買返佢哋嘅蝴蝶酥同蛋糕好啲帝苑餅店 Fine Foods Shop- 地點 : 香港九龍尖沙咀東部麽地道69號帝苑酒店大堂(港鐵尖沙咀/尖東站 P2 出口)電話 : 2733 2045營業時間 :星期一至日 上午11:00－晚上8:00（全年無休)- IFC Pop-up Store (Until 28 Feb 2022)地點 : 國際金融中心商場 Level 1．LA1營業時間 :星期一至日 上午11:30－晚上8:00

早就聽聞朋友介紹帝苑餅店的餅好吃，所以今次特意走來買幾件餅和另一位朋友一齊試試！進到店內，見到雪櫃裡最多人訂的原個蛋糕就是芒果拿破崙，似乎這是不可或缺的選擇！另外選的三款分別是栗子伯爵茶蛋糕﹑70%朱古力脆脆蛋糕及青蘋果芝士蛋糕。70%朱古力脆脆蛋糕，雖然賣相是滿滿朱古力醬，但用上70%朱古力，味道香濃而不會過甜。內裡的蛋糕鬆軟，慕絲的朱古力味濃又幼滑。內外層的朱古力味層次分明，很好吃～～～青蘋果芝士蛋糕，賣相是最有趣的一款！原個青蘋果外型，敲碎後，內裡盛載著cream cheese，面層有脆餅，底層有些蘋果肉，味道酸酸甜甜得來，口感幾豐富。而那個青蘋果外殼是用白朱古力製成的，味道太甜膩，所以沒有吃完那外殼啊！栗子伯爵茶蛋糕，蛋糕質感軟滑，伯爵茶味清香，配上香而不太甜膩的栗子蓉，簡單得來又好吃的配搭。蛋糕頂層還用上原粒栗子作點綴。至於招牌的芒果拿破崙，酥皮酥香鬆化，充滿牛油香之餘還帶有焦糖的香甜。吉士醬的質感稠密得來帶點軟身，帶蛋香及淡淡呍呢嗱香，仿如吃布甸一樣！加上芒果味道香甜，整件餅的味道令人感到滿足！是4款餅中，最好吃的一款，最為令人回味，果然是招牌貨！！

💕開心果定雜莓撻？💕推介指數 ❤️❤️❤️❤️🤍情人節需要儀式感？沒有花、沒有禮物又如何？在家撐枱腳，倆口子在一起就好了～繼續一起成長，互相傷害都幾好吖🤪🤪禁晚市堂食，#hea在家 一齊飲杯咖啡、食個cake，hea是最好的東西🤪🟢Pistachio & Cherry Mousses Cake HKD56✨面層以士多啤梨及紅莓點綴，濃厚開心果朱古力外層加上果仁碎增加口感，內層果醬同mouse 軟滑，唔錯🍓Fruit Tart HKD52✨雜莓控必食，鮮甜士多啤梨、藍莓及紅莓，內層吉士唔太甜，撻皮鬆化～...🔖帝苑餅店🪑尖沙咀麼地道69號帝苑酒店大堂

雜錦蝴蝶酥 $198.小編向來都係一個窮L, a long long time ago, 早已聽聞帝苑酒店嘅蝴蝶酥好出名，一直好想/極想試，小編節衣縮食咗幾個月趁有少少閒錢，先發現原來係一罐極難求！🥲 勢估唔到，有朋友某日成罐送咗比我，bucket list 又剔咗一樣喇！😭♥️.佢哋嘅雜錦蝴蝶酥總共有4款口味（原味/朱古力/抹茶/芝麻），未食就已經聞到貴嘢係唔同啲，牛油味好香！食落好酥脆，牛油香都幾濃⋯😍 4隻味都各有各好食，小編雖然作為一個抹茶控，但最愛係朱古力味！🤤 朱古力味唔甜，極濃，牛油香又唔會搶走，邪惡之最！🍫 抹茶味有少少失色，雖則食得出抹茶獨有嘅甘苦，但相對比較薄弱咗啲啲～ （朱古力味真係太濃喇！🤣）芝麻味又估唔到幾好食，芝麻夠多， 比起原味又出色啲啲！原味唔係唔好食，只係冇比較冇傷害！其實佢都好好食呢～～☺️.18塊嘅蝴蝶酥接近$200一盒，齋聽係少貴嘅，但佢嘅quality係絕對值得呢個價！ 如果佢容易買的話，我都好唔介意餓返幾個月然後買盒獎勵吓自己！😗 可惜啦，佢好難買⋯🥺

上個月尾係儍媽的生日 ~~又大一歲啦 ~~我嘅願望好簡單，就是身體健康 ~~有強健嘅體魄才可以去做想做嘅事 ~~多謝儍爸揀嘅生日蛋糕 ...係帝苑酒店 帝苑餅店 嘅 → 伯爵茶朱古力蛋糕香濃的伯爵茶朱古力慕斯 + 鬆軟的朱古力海綿蛋糕再加上外層的朱古力漿和金寶脆粒香甜的朱古力滲出醇厚的伯爵茶香味入口不太甜、啱哂朱古力控** 以上分享是以我的口味、體質和情況作出分享及感受，一試 / 合用與否請自行決定

除夕夜，朋友來我家開party。朋友買了一個士多啤梨拿破崙蛋糕來慶祝除夕倒數。Food Finds的蛋糕包裝十分精美，給人很高的格調。打開蛋糕盒一看，外型美極了！那麼美的蛋糕不捨得吃。包裝美之外還包括一把蛋糕刀，另有一支蠟燭，銀色的，十分高貴！ 切蛋糕的時候，由於拿破崙十分新鮮，所以即刻聽到脆卜卜的聲音。一口拿破崙新入口中，十分香脆，全個餅十分美味，當中的吉士也不是十分甜，甜度恰當。士多啤梨也數量很多，吃了之後感覺十分良好。所以帝苑的出品是值得信賴的，從來未吃過那麼美味的拿破崙蛋糕👍👍

我一直都好鍾意食呢一間嘅原味蝴蝶酥，但係就從來未試過買雜錦口味，今次就買咗一盒試吓。雜錦口味包括芝麻、宇治抹茶、朱古力同埋原味。基本上芝麻同原味係同一個口味，都係香、甜，脆！芝麻就會加多一份芝麻嘅香味。而宇治抹茶口味我就覺得差啲，佢有淡淡的抹茶味，真係淡，淡到唔係好覺，不過佢仍然係脆。至於朱古力口味就同其他個三款口味好唔同，朱古力口味冇其他個三款口味咁脆，佢嘅脆好似有少少濕濕地嘅脆，我知依據形容好似有啲九唔搭八，其實好似有時有啲食物加咗啲嘢令到個食物冰涼嘅感覺咁，我都唔知點形容，不過朱古力口味都係好食。

間唔中會幫襯，妹妹最鍾意食呢度既蛋糕，綠茶芒果蛋糕佢最鍾意，但依家無出。另外，蝴蝶酥好鬆化，好香唔太甜，大大塊，好味。今次訂左呢個榛子朱古力脆脆蛋糕，鍾意佢夠精緻高貴，食落去好驚喜，夾心有好多粒榛子，蛋糕似拿破崙蛋糕入面個蛋糕，上面塊朱古力好脆，似脆皮，個朱古力沒入面係空心，好好味😋

帝苑餅店 地址: 香港九龍尖沙咀東部麽地道69號雜錦蝴蝶酥 🥨 $198蝴蝶酥一直都係我鐘意嘅小食，帝苑酒店 @royalgardenhotel 蝴蝶酥更是我長期支持對象。金黃色嘅蝴蝶酥，層次分明，糖粉灑得都好均勻，甜而不膩，食落鬆脆可口，甜甜地，而且牛油香味都好足。其實隻隻味都好好食🥰，但我個人就比較鐘意原味，口感超級輕盈，好食到我一口接一口，仲之一食就好味到上晒癮，停唔到口。#nicefoodie尖沙咀 

踏入2022🎉意味住 Olaf 又大一歲啦☃️一直都好想試帝苑餅店嘅拿破崙蛋糕🎂但次次 walk in 都話賣晒🙈今次幫小雪人慶祝生日❄️終於記得要提前訂購啦🤣🔸芒果拿破崙（$420/磅）蛋糕賣相相當吸引🍰未食已聞到酥皮嘅焦香👏🏻蛋糕烤焗時間恰到好處⏰每層酥皮都薄脆鬆化😽入口一咬即碎💋層次感相當豐富🤩酥皮表面更塗上焦糖🍯令味道進一步昇華🙆🏻‍♀️而千層酥皮之間嘅香滑吉士😃令蛋糕挺身得嚟又不會過份濃稠👍🏻同時亦增添一份順滑細膩嘅口感💃🏼配上新鮮芒果肉🥭解膩之餘🎊又唔會遮蓋酥皮本身嘅奶油味😋絕對係大滿足🈵💗

Happy Christmas Eve❄️☃️平安夜快樂今日天氣唔算凍，又可以過個和暖聖誕🎅🏻🎄平安夜緊係要食返個聖誕蛋糕😝今次買左帝苑餅店既拿破崙同聖誕樹造型既綠茶cake2點蛋糕新鮮出爐，去到餅店都要排半個鍾先買到拿破崙做得幾出色，皮夠酥脆😍綠茶蛋糕都唔錯，綠茶味出而且cream夠滑😋帝苑餅店有保證👍/📌帝苑餅店尖沙咀麼地道69號帝苑酒店大堂

帝苑蝴蝶酥 (雜錦口味)上司每半年都會買一次帝苑餅店的蝴蝶酥同我哋分享～雜錦裝共有四種口味～同時亦可單買某一款味道。原味蝴蝶酥最好食！ 單買亦都係價錢最平！ 口感最鬆脆！ 面層的砂糖粒、焦糖化，雖然比起2-3年前略為遜色了，淡味過以前，但現時仍然係J妹心中最好食的蝴蝶酥！朱古力蝴蝶酥鬆脆，幾濃的朱古力味！ 朱古力粒粒唔會過甜，唔會影響整塊朱古力蝴蝶酥的評分！宇治抹茶蝴蝶酥鬆脆，食得出有淡淡抹茶味芝麻蝴蝶酥鬆脆，粒粒芝麻令整塊蝴蝶酥好香～___________________帝苑餅店 (尖沙咀)尖沙咀麼地道69號帝苑酒店大堂___________________