帝苑餅店

营业中

休息中

網紅拿破崙和蝴蝶酥，讀書時候應該是五六年前，專門去買過這家蝴蝶酥，一袋一百多，味道就普通，不覺得好吃，最近被網上kol的拿破崙照片吸引，去買了一小塊，還好還好只買了一塊，很普通，沒覺得那麼吸引！

蛋糕店很多，但能夠吸引那麽多人長期支持，這間一定少不了，我每次去都是滿店客人，8-10個服務員也不停手。這裡的蛋糕設計高雅，很多款式，看得眼花，有選擇困難的我，通常都會横掃所有款式，每款一件，每次帶回家或朋友聚會，一打開疍糕盒，也會引來嘩嘩聲。不只我一個，家人朋友食過的也讚不绝口，不會太甜。所以有paryy, 我只會想起他。我個人特别喜歡他的marble 蛋糕，灰色雲色設計，高雅吧！怎會想到用雲石😂，但就是與别不同。我是意外找到這店，去酒店找疍糕也未必會想起帝苑，帝苑酒店在尖東，酒店中不太出眾，舊酒店，但就因為他的這間疍糕店，令人不會忘记帝苑。

帝苑餅店出品，必屬佳品！近年坊間都有好多精緻西餅蛋糕店，間間嘅餅都賣成$60-$80一件不等，但我覺得性價比最高都係帝苑餅店。今日經過買左雜莓拿破崙同埋果仁撻。果仁撻上面嘅果仁多到可以獨立成為一包果仁賣$30，有開心果、合桃、杏仁、細粒夏威夷果仁，每一粒果仁都好平均地被一層薄薄嘅糖膠包住，香甜得黎又不會令果仁變硬而影響口感，仍然食到果仁嘅鬆脆同埋新鮮，好香果仁味，一啲油益味都無，好新鮮。撻底一貫帝苑出品咁出色，好脆口但唔會一切即散，質感豐厚而不死實。拿破崙好多人都品評過，就不再多講，都係滿分之作😋

週年紀念買咗呢個蛋糕好鍾意食意大利芝士餅一直研究邊間好食帝苑不嬲好出名蛋糕西餅芝士餅底都好軟好甜入口好香滑似食雪糕其實唔差嘅不過冇想像中咁咁咁好味或可以買返去招牌㗎破崙應該會好食啲

📍帝苑餅店 Fine Foods🗺 香港九龍尖沙咀東部麽地道69號帝苑酒店大堂 帝苑餅店嘅招牌必食梗係拿破崙啦！真係好正！蝴蝶酥都係必買👍🏻 自己食或者送禮都一流🤩⚡️Strawberry Napoleon $58有士多啤梨🍓同芒果🥭揀，不過當日去到剩返士多啤梨🍓 酥皮真係好香脆😋 強推！！⚡️Chestnut Earl Grey Mousse Cake $56呢個栗子伯爵茶慕斯蛋糕都唔錯，一開頭唔係好食得出伯爵茶嘅味道，栗子味道較出，之後伯爵茶嘅清香味就淡淡滲出🥰 底層綠色部分係伯爵茶蛋糕，增加左口感同茶香～⚡️American Cheesecake 呢款係美式芝士蛋糕所以質感較實，芝士味都濃，但係同以上蛋糕比較嘅話較遜色⚡️Butterfly Cookies 蝴蝶酥好酥脆，必買！有盒裝同袋裝，盒裝有雜錦款，分別有原味、芝麻、抹茶同朱古力～餅店仲有好多唔同款式嘅蛋糕，但係都係最推薦佢地嘅拿破崙同蝴蝶酥😚

特別推薦大家✅Napoleon《Napoleon》拿破崙做得非常出色‼️有雜果/芒果/士多啤梨揀，雜果就唔使諗乜都有，大家可以留意下嗰期時令生果係咩🤫每一層個酥皮都做得好鬆脆，最高嗰層嘅酥皮仲有少少焦糖嘅香味，好濃郁好正😋配合埋d生果同埋custard🎂，個比例做得好完美，Custard 唔會太甜太漏，加上有生果做中和，食晒成件蛋糕都唔會濟膩嘅感覺✌🏻隔咗一晚食仲好好食😎，酥皮唔會淋晒💰$440/whole 💰$58/pc*中環IFC有Pop Up Store (係近Citysuper嗰邊)，不過單件拿破崙係貴d要💰$68，成個蛋糕就一樣價錢🤑**✨優惠✨，逢Mon-Thu，💳用匯豐/恒生/中銀/星展買滿💰$200 有9️⃣折***📱如果想單件預訂的話，每款at least買六件🤙🏻

好多朋友都同我推介呢度嘅蝴蝶酥 原來佢係香港嘅必買手信之一！見咁勁 當然要買嚟try try👀一打開已經聞到勁香牛油味 賣相好靚 焗到金黃色 酥皮層次分明 食落仲超酥脆❤️原味已經好正 有機會要試埋佢其他味😎

帝苑酒店餅店出品嘅拿破崙出晒名好食😋嗰日就訂咗個芒果拿破崙同屋企人一齊試吓！個樣望落已經勁吸引 三層嘅酥皮夾住大量芒果肉同吉士忌廉🥭食落勁濃牛油香 而且口感超酥脆 吉士夠蛋香又唔會好甜 加埋啲清甜多汁嘅芒果肉真係好正！

唔知大家有無plan過點樣好好利用消費券呢？作為foodie嘅小妹當然拿嚟買甜品啦 平時見到啲蛋糕咁貴都會唔捨得買☹️今次終於可以豪買啦！！！聽聞呢間酒店啲甜品都好高質～🍋 檸檬慕斯蛋糕 $48檸檬酸中帶甜，幾清新！特別之處在於呢款有macaroon～雖然偏甜但夾埋蛋糕食就啱啱好啦🍫 黑朱古力牛奶慕斯 $48外層係黑朱古力，唔算太甜裡面有滿滿嘅朱古力醬！味道好濃郁好幸福呀～🍏 青蘋果芝士蛋糕 $52呢款蛋糕賣相就已經有100分！外層係白朱古力，味道偏甜而入面就有滿滿嘅cream cheese面層有脆餅，加埋底層嘅蘋果肉酸酸甜甜gum，口感好豐富～🫐 藍莓芝士蛋糕 $48蛋糕質感偏軟，藍莓酸酸甜甜而芝士味唔算好濃郁芝士控表示唔夠滿足！🥞 無花果百香果慕斯 $48人生第一次試呢個味道，好特別！可以話係完美嘅組合～食起上嚟超級fresh，完全唔膩🧈 栗子香草慕斯 $52 滿滿嘅栗子蓉香而唔甜配埋香草味簡單得嚟又好食！⭐️ CP值：🐘🐘🐘⭐️ 打卡able：🐘🐘🐘🐘.5⭐️ 舒適度：N/A⭐️ 再食指數：🐘🐘.5（5 星為滿分）

帝苑酒店名物蝴蝶酥一向出名，但係自己就未食過，今次經過帝苑酒店一於見識吓點解咁出名。第一次就買少少試下先～🦋$168紙裝（200g)蝴蝶酥口感特別香脆鬆化，味道帶蜜甜，帶點焦糖甜香，而且唔會死甜，甜而不膩，牛油香味滿滿，真係食完一塊忍唔住又接住食多塊，停唔到口！下次要試吓雜錦蝴蝶酥，有四款口味，應該都唔錯😋真係可能是世界上最好嘅蝴蝶酥😆

帝苑餅店（尖沙咀）呢間餅店出品嘅蛋糕真係冇得輸味道拿捏得好好酸甜味都好平衡食落感覺好清新唔會太膩而且層次好分明內層除左有海棉蛋糕之外仲有士多啤梨果凍同乳酪層等食落口感唔錯

呢個拿破崙蛋糕聽講係香港數一數二🫡果然好好食😋好食到屋企人生日個陣訂咗全個返屋企😆拎到返屋企好快就食晒啦✨酥皮好香牛油味✨而且好香脆✨一層層嘅酥皮好有層次感✨吉士醬甜而不漏✨食多幾啖都唔覺得好邪惡🤩入邊嘅生果都好甜好新鮮✨係我食過最好食嘅香港酒店蛋糕🍰餅房除咗拿破崙蛋糕之外～仲有好多蛋糕選擇😚下次要試下其他蛋糕😎睇下會唔會好似呢個拿破崙咁高質先😉帝苑餅店 (尖沙咀)尖沙咀麼地道69號帝苑酒店大堂

呢度蝴蝶酥一向出名，當然要試下。今次擔心啲揀左雜錦，就可以試晒四隻味雜錦蝴蝶酥一盒有齊四種口味，包括原味、芝麻、宇治抹茶、法國朱古力。原味蝴蝶酥口感香脆鬆化，味道帶蜜甜，滿滿牛油香，簡單好味。芝麻面層鋪滿黑白芝麻，令口感更豐富，比原味多一份芝麻香。宇治抹茶抹茶味清香，有啲抹茶粉作點綴，味道帶微微甘香，蝴蝶酥香甜，口感鬆脆。法國朱古力 朱古力味濃郁，唔會太甜帶微甘，中間有少少朱古力粒粒，口感豐富，蝴蝶酥一樣鬆脆，但牛油味就冇咁突出。四款味道都唔錯，難怪咁受歡迎！

適逢親友生日，總少不免有人係拿破崙愛好者，受網上熱潮影響，都買過唔少款式既拿破崙，最後都係敵不過帝苑出品👍🏻始終覺得佢係香港拿破崙no.1❤️🔥🔥今次媽咪生日，都係買佢，一家人都食得好滿意。帝苑既拿破崙份量十足，6人食都可以食到大家捧住肚皮。蛋糕外表整潔，從來都唔會甩皮甩骨，或者跌到周圍都係皮屑，「卡滋卡滋」聲切開之後，可以清晰見到超級多層酥皮交纏！！！每層厚薄一致，重點係完全無軟身變淋到。外間總係會有啲位潮左/濕左/軟身等等，帝苑完全唔會有呢個問題👍🏻佢食落牛油味道香濃如一，配搭滑溜香嫩吉士醬同新鮮水果，滿足得來絕唔會令人覺得好膩，真係忍唔住好想再encore😍💯

五星級酒店嘅蝴蝶酥，自從n年前食過一次之後，念念不忘，久唔久就會想買嚟食😆😋原味蝴蝶酥 $198最鍾意呢間蝴蝶酥夠晒鬆脆，而且唔會死甜，甜而不膩，真係一塊接一塊，停唔到口！🤤🤤🤤😋雜錦蝴蝶酥 $198除咗原味蝴蝶酥之外，仲有芝麻、朱古力同埋抹茶味，除咗一如以往嘅鬆脆之外，芝麻味真係好香，強烈推薦！！！朱古力味有少少朱古力粒粒喺上面，令到個朱古力味更濃，而抹茶蝴蝶酥有淡淡的抹茶味，個人覺得好味。