帝樂 - 德國餐廳 (已結業)

前兩日book了枱都唔知進餐當日係曼聯對利物浦, 所以去到氣氛唔錯有live band演奏( 麻麻哋好聽, 阻住睇波)德國豬肉腸: 不算太特別農夫包: 太硬, 配牛肝醬同芝士醬覺得芝士醬好味啲咸豬手: 外皮夠脆, 肉質嫩滑, 但咸了少少。不過配杯啤酒還可以的!上菜太快, 令食物好快凍哂.加上可能有少少病的關係無咩胃口, 覺得味度無預期好!

6點幾7點黎到, 原本諗住平日唔會多人先唔訂枱點知差d冇位坐, 所以奉勸各位記得訂左枱先去因為我地得2個女仔食量唔大, 一開始order左個沙津、咸豬手、農夫包.. 諗住再order多個意粉既時候個waiter好細心咁提我地不如食住先唔夠再叫 到最後... 我地都係冇再加單因為d份量都唔細 好彩個waiter提我地*煙三文魚牛油果沙拉: 一個字「正」!*農夫包: 稍為硬左d, 但兩個醬(芝士醬+牛肝醬)都好好味!*德國咸豬手: 個外皮真係好香好脆、調味啱啱好、唔會太咸, 不過最後我地食唔晒要打包拎走 *啤酒: waiter推介了Maisel's Weisse, 很滑很易入口加上呢度環境好舒服, 價錢亦比相像中平值得再黎! 不過下次會叫多d人一齊黎!

第一次去食德國菜,但係真係OKAY。要左網友推薦嘅農夫包: 一人份量,好似A1嘅硬豬仔包。配牛肝醬同芝士醬。本人覺得芝士醬較出色同好味。咸豬手:勁脆、唔咸。不過唔係好多肉。茄汁雲吞: 茄汁唔多,不過夠熱、好味。德國腸: 讚。好味。甜品: 要左一個蘋果批同黑森林。蘋果批嘅蘋果味唔突出。黑森林蛋糕好似擺左成日咁。白汁露筍薯餅: 好味,露筍好新鮮、薯餅炸得啱啱好,唔燶。不過食嘅時候唔好淋汁上去,會「淋」左。忌廉汁就比較熹啲。燒雞: 一般,不過不失‧侍應收枱勁快。叫左杯 HAPPY HOUR 特飲。呢間餐廳可以再 ENCORE

聽講話燒豬手一流, 專登嚟試, 之前已經去過赤柱食過一次, 但無叫燒豬手, 訂了八點，早咗少少到, 七點半就開始, 農夫麵硬實實, 外脆但內不太軟, 與德國本土的一模一樣, 我其實唔覺得好好食, 不過同事就話好正喎, 其實佢鐘意肝醬就真, 我就話日本麵包好食好多,燒豬手真係幾正, 皮脆肉嫰，加埋炒薯仔, 好味, 另外, 各人一大杯weisse啤, 嘩, 一飲而下, 升上天堂的感覺, 德國啤飲多都唔使去廁所, 有些神奇, 同事話我發神經, 豬手與啤, 一大樂事最後發現, 原來有英國式的全天候早餐, 下次一定叫!

世界美食project拉開帷幕！首戰漏漏挑了King Ludwig，一來突然掛記旅行時在德國和奧地利吃到的超美味的Apple strudel，二來也想讓滯滯試下被肉魔媽媽盛讚的德國豬手，所以~在昏昏沉沉的聽過怪大叔的課后，我們意氣風發、精神抖擻的開餐啦餐包：本來想單點農夫麵包，可餐包已經有四塊，怕吃不完就沒有叫。總體感覺是不夠德國，硬度不夠，洋蔥那一款很香口，香草味就不太明顯。Lunch set中的蕃茄火箭菜沙律：蕃茄普通，火箭菜是難得的新鮮，沒有丁點苦味。所配沙律汁也和普通的黑醋汁不同，有燒烤醬的肉香。Winning bockwurst：牛肉與豬肉混合制成的腸，想想也覺得挺“肉”的，不過這里的出品其實也真是“港化”了，肉味適度，配上酸甜口的薯茸，反而能起到少少開胃的作用呢。另外，店家提供了兩種醬，其一是大家熟悉的黃芥辣，很適合配腸吃；但另一款就完全接受不到，肥膩感很強還是甜的…重頭戲脆豬手隆重登場，還未切開的豬手看著并不大，我當時還覺得ok啦，應該不會食凈了，結果…切完以后，我先發現原來這么多“實打實”的豬肉呀，樣子紅紅的好像未熟透，有點慎人…滯滯滿懷期待的聞了一聞，結果就被“雷”到

Tea buffet 兩點開始, 有salad, 自選意粉, 德國鹹豬手, 腸, 雞翼,午餐肉, 南瓜湯, 甜品...德國鹹豬手~ 豬皮焗到好脆, 鹹鹹地脆卜卜, 好味, 不過豬手一出就大排長龍..自選意粉~ 唔好食, 好馬虎甜品唔多選擇!呢度主要係出名食"德國鹹豬手"同"德國腸", 其他食物就一般!

早一天BOOK了位, 個位可以比較靜D, 唔使在個場中間, 所以氣氛很好。因為不是食 BUFFET 的關係, 坐遠點也沒有所謂, 更好~食物方面:農夫包: 醬汁真的頗特別, 個包 D 皮 好趣, 熱熱地, 好新鮮的感覺。豬手: 頗咸, 所以建議叫埋個農夫包一齊食, 好味, (所以隻手好忙.... 要切飽, 又要加醬, 夾埋D豬手, 好正!) 薯餅: 好英國早餐FEEL, 又HAM, 又蛋咁, 差在冇 BEANS... XD 都OK特別, 不過就唔建議2個人食, 比較飽的一道菜。另加2杯DRINKS: SUMMER AND SUNRISE(?) 總之係MENU 的第一杯 DRINK. 兩杯特飲味道相差不大, D 色差不多。麻麻地。

當日２月１４日打咗電話訂枱，但係佢話唔駛喎，因為咁夜實有位．今次係第二次嚟呢度，大概十一點晚上．當晚叫咗一個農夫麵包，牛肝醬同芝士都好好味，如果俾多小小份量就好，真係太好味．個豬手等咗２０mins, ok 啦，好脆，但係我 話咸咗啲．我地再叫個番茄牛尾湯，都好飲．我order one litre德國啤酒，至愛．Honey order 咗 house 紅酒，過酸，大半杯無飲．餐廳的環境加啲romantic 歌都好好feel, nice.

本以為咁多好評, 一定唔錯 ... 點知, 都係令人失望 ...農夫包 ... 的確係唔錯, 結果叫多一客再食!!!腸 ... 腸本身冇問題, 都係咁上下 ... 不過跟上的薯仔, 冇薯仔味!!!豬手 ... 冇錯, 係脆, 不過味道唔新鮮, 而且唔夠味 芥醬 - 黃色o個隻都一般啦!!!Honey Mastard - 得個甜字, 冇蜜糖味!!!啤酒 ... 同餐廳同名o個隻, 直頭係難飲 ... 其他, 一般般啦!!!不過, waiter/waitress 服務都算係咁 ...整體o黎講, 我會覺得食物唔好食, 失晒德國菜本身的風味!!!

跟老友飯局，友人係smokers，咁呢度就係一個好好的選擇。又因為太開心，所以唔記得左影相﹗（不過大家開飯友可以睇其他食家相）我地一行5人點了以下：2個農夫麵包豬手茄汁雲吞白汁露筍薯餅雜腸燒雞農夫麵包本身其實冇乜特別，只係佢個鵝肝醬真係好好味﹗但我地今次又點吓白汁，原來仲好味﹗豬手，唔使講啦，尤其豬皮，又脆又香，d肉又爽又林，永冇痴牙﹗茄汁雲吞，一般，其實我覺得似中國的鯪魚肉多d﹗白汁露筍薯餅，個汁一流，露筍又正，可以encore雜腸，ok啦燒雞，要趁熱食，凍左就差少少﹗總括來說，去親食都冇失望，只可惜因我星期六要返工，冇機會試佢的tea，聽講話又係一流，又抵食，又好味﹗

最近,就同爸爸媽咪去試Tea Buffet,價錢唔太貴,D嘢食仲好好味.每枱都有兩種醬,有芥末同蜜糖籽＋芥末,兩款味都差唔多,蜜糖籽＋芥末比較甜,好味D.咁嘢飲就每人一杯,記得就有汽水,啤酒,蘋果汁,橙汁......揀,我就揀咗蘋果汁,應該落咗好多蜜糖,蜜糖味好濃,不似一般嗰D,媽媽就揀橙汁,無味,唔好飲,因以為啤酒係麥啤,所以叫爸爸揀〝 麥啤〝試吓.首先介紹我最鐘意嘅甜品先!唔算太多甜品,但樣樣味道都唔錯,1.蘋果酥餅,蘋果爽脆香甜,有好多層酥皮,超鬆化,very good!2.麵包布甸,布甸軟滑,麵包非常脆,有咬口,好好味.3.焦糖芝士蛋糕,睇樣有D似虎皮芝士蛋糕,味道中上.4.士多啤梨果醬芝士蛋糕,果醬酸甜開胃,芝士味濃,唔錯.5.藍莓×奶凍×啫喱杯,依道係幾款甜品混合而成嘅創意之作,賣相色彩繽紛,還很好吃,最底嘅係青檸啫喱,酸甜,仲有好多水果,中間嘅奶凍奶味香濃,最上嘅藍莓果占酸酸甜甜,而且好有口感.6.朱古力慕絲,有好香濃嘅朱古力味.7.芒果布甸,芒果唔酸,好味.8.焦糖布甸,係綠茶味,雖然食不到綠茶味,不過焦糖烤得卜卜脆,好好味.9.糖餅,超硬.10.香蕉合桃cup cak

鍾意德國菜，因為我鍾意飲啤酒 (好唔淑女呢)~ 今次特登帶左屋企人黎試試巨型豬手~ 揀左一杯大麥啤(Maisel's Weisse)同冇咁麥既King Ludwig~ 媽咪同細佬都鍾意麥重D既…爸爸就覺得少麥正常D^^~ 其實我兩種都鍾意，不過略嫌KL唔夠濃~ 之後再加左Veltins~農夫包 - 媽咪嫌牛肝醬太漏，芝士醬淡淡地好香~ 我鍾意德國包比較硬身，好濃既麥味~德國香腸platter - 大約有四五款香腸，其中numberg最普通，唔夠香草味~ 好得意，加埋百多元的香腸，都不及德國街邊十蚊既熱狗香腸滋味~薯餅拼忌廉汁魚柳 - 實際名我太記得，但係記得薯餅同一碗忌廉魚柳分開上~ 薯餅煎得香脆，加埋忌廉汁就變得普通，同魚又唔多夾…上次試過薯餅拼雙蛋反而更好味，因為脆脆既薯餅沾上蛋黃汁好夾…不過男朋友都話過好似食緊早餐咁~麵包咖哩雞拼白飯 - 賣相精緻，不過咖哩唔出色…都難怪既，始終唔係餐廳既主打菜色~ 不過屋企人食得好開心，大讚雞肉做得又嫩又入味~ 不過食埋呢樣就真係飽左九成…仲有隻豬手…Zu Viel Nahrung~德國脆皮豬手 - 侍應幫我地起埋肉，今次四個人分所以冇咁吃力

好多人訂位，張訂位List填滿曬可能因為早去(8點)，去到既時候唔係好多人... 即刻有得入侍應的態度都好好，值得一讚，不過上菜既速度稍為快左D。 農夫包($25) - 配芝士醬及牛肝醬，兩款醬都好好食。不過個包咬落去有少少硬，有少少辛苦，但係味道是一流的。 雞清湯配德國雲吞($6x) - 湯的味道比一般雞湯濃，但係睇落去比一般雞湯浠。個德國雲吞食落去怪怪的，唔係唔好味，但又唔係叫好味,口感好奇怪，比起佢，我都係鍾意中國雲吞多D。 德國脆皮咸豬手($145) - 食落去唔係太分得出呢度同出面有咩分別，不過是幾好食的，特別唔算太瘦又唔算太肥，而個皮脆到好似食緊乳豬咁，算係唔錯。 德國腸配咖哩汁($108) - 配埋薯條同凱撒沙律。腸很好吃，但是有點燶了,但是肉汁仍然很不錯，加上咖哩的少少辣味，感覺很新鮮。而薯條則比較咸，但是仍然比麥當勞的好吃多了。沙律就沒有試了，因為本身唔鍾意食。最後，隨便的選了一款啤酒來試，選了Maisel's Weisse，入口覺得頗甜，還不錯。還有Live Band 跟球賽看，Live Band有小小嘈，不過氣氛都算幾好。我仲聽到佢地唱老鼠愛大米 埋單四百幾，OK

上次同朋友在goldcoast飲野,相約一星期後再玩過.今次我地去左比較多draught beer的King Ludwig Beerhall.一坐低,先來左一round wheat beer,兩個人分別叫左Maisel's Weisse同Erdinger Weissbier.Maisel比Erdinger麥味重,但放左半個鐘之後,反而覺得Erdinger無咁苦,易入口,"大"小姐之前話愛Maisel多d,但今日又轉軚,的確好難捉摸...當然兩人還要了野食,德國豬手,農夫包配牛肝醬同芝士醬.個豬手水準好穩定,皮脆,皮內帶點肥balance d廋肉.雖是廋肉,但不韌呢.如果想味道豐富一點,可以加蜜糖同芥末醬.農夫包無特別,牛肝醬比鵝肝醬口味清淡,所以像我愛重味的,應該會喜歡芝士醬多一點.坐到咁相下,再來一round less wheat beer,今次係King Ludwig同Lowenbrau.兩者都可口,而Ludwig酒味會重少少.唔知係唔係因為draught beer,所以飲完唔覺得好飽.一人飲咗一litre都覺得唔係好多,其實重可以carry倒,不過都夜啦,開心要留番下次...

明明知道無機會見面,竟然又可以約到他一齊睇煙花,實在太開心了!更開心係兩人搵到對正躉船的位置睇煙花!很難得呢!睇完煙花,他培過我Shopping,我地去左他最喜歡的King Ludwig飲野.雖然係年初二,但唔係好多人,靜靜地聽下Live Band,正!除了一人要左一杯Draught Beer,還要了德國豬手.Veltins跟Maisel同樣是麥味重又唔苦的啤酒,Maisel麥味比Veltins更重,兩者比起之前飲的Tetley(少苦的)更可口,雖然飲左成Litre都唔覺好飽,飲著啤酒,吃著德國豬手,大家訴說著自己的近況...Close your eyes, give me your hand, darling,Do you feel my heart beating?Do you understand?Do you feel the same?在台上歌手唱著我喜歡的Eternal Flame... Am I only dreaming? 這當然不是,但亦不是實在的... 這天的Band Sound好似特別閱耳,而且唱極都重有,可惜係時候我要離開,離開我那個無謂的夢...