市川日本料理 (已結業)

Citibank 有優惠, 散叫有八八折, 也有special promotion set.套餐唔啱食, 惟有散叫.魚生飯–有三文魚, 甜蛋, 甜蝦, 海膽, 墨魚, 八爪魚, 魚生幾新鮮, 飯也算多.大蝦天婦羅–ok, 唔太油, 蝦算爽和大.生燒紐西蘭牛肋骨–牛肋骨起肉切成薄片, 燒得中間仍是粉紅, 配上芝麻燒汁食也很滋味, 但價錢偏貴和分量小.

中秋佳節係市川食左個秋季套餐成個餐有八款野食份量適中柚子雜菜沙律(水準一般)酥炸鰻魚卷(味道尚可)四色魚生刺身(龍蝦,三文魚,油甘魚,重有隻好似紅鰽每款兩件)鐵板牛柳拼炒雜菜(一定要點芝麻醫先好食)焗生蠔(好香味道不錯)鐵板燒銀雪魚(都ok)梅子冷麵(幾酸味道怪怪唔啱食)綠茶雪榚加紅豆(加紅豆賣相及口感更好)今次食日式鐵板坐離爐邊遠離油煙舒服好多更加要讚係服務員好細心每次上菜都好詳細講解一番又頻頻添茶就算隔離枱個客發爛渣都保持笑容真離得

見到柑多笑臉, 橫樹太古城食來食去都係pizza express & 翡翠小龍包, 於是特地來試下.8 點幾, 唔算多人, 很快有位.叫了魚生拼盤$155, 安格斯牛肉粒粉$98, 炸珍珠蠔$70.魚生拼盤很普通, 蝦2隻, 三文魚, 油甘魚, 帆立貝.牛肉粒飯, 個汁很好味, 牛肉粒亦頗多, 賣相吸引, 點知一食牛肉粒, um 的, '趙'極都唔瀾....跟住炸珍珠蠔, 簡直below standard. 一客5 隻, 張吸油紙索極都仲有油, 咬落去唔係汁, 係油. 嘩, 同'吉' 的吉列生蠔差90幾班.我情願收貴d, 唔該質素好d呀!埋單$370, 唉....應有其他更好選擇.唯一好的, 就是服務.

今日同另外一個好朋友去食, 叫左一個明太子海鮮炒飯, 一個什錦烏冬同埋一個吉列炸生蠔, 全部都非常好味.雖然食物價錢比較貴, 但就好足料, 你完全唔會有俾人厄既感覺. 個人推介係碟炸蠔, 真係好好味.有機會一定會再去, 但記住帶citibank 信用卡, 因為二人餐會有半價

我同老公每次去太古城行街,都係去呢度食飯,今晚都一樣啦,而人物就多左媽咪同囡囡BEE BEE!我地今次叫左:1)魚生飯$138 (好新鮮必食!!)2)SET DINNER $138照燒雞扒七味蓮藕(好好味,有小小辣,好醒胃)南瓜百福湯(好滑~正!BEE BEE都鐘意~)熱喬麥麵3)SET DINNER $138銀雪魚(煎得岩岩好~好滑!我唔太食魚都讚!!)凍茄子南瓜百福湯跟飯大致上都幾好,魚生新鮮,座位係SOFA,坐得舒服又唔嘈,值得一去再去.

呢間野食左幾年啦，主要係去襯太古城唔食搵野食，是是但但見到個menu還可以就入去食。佢\份量較少，但食物質素幾好，不過價錢就比較貴。昨晚去食左魚生飯、安格斯牛肉炒烏冬、海膽手卷及鐵板龍蝦（全散叫，不是套餐\），魚生飯賣相靚、新鮮、味道不錯，安格斯牛肉炒烏冬，味道都好，但牛肉分量超少及烏冬似煮不是炒，真係有小小失望，如果乾身應該會比較好食，鐵板龍蝦係用牛油同埋香草炒的，味道十分好，但分量較少，我諗都係叫餐\抵D。兩個人埋單五百幾，我覺得價錢較貴，如果平一點就會多點幫襯既。

清明節假期同家人去市川日本料理食晚飯，一家人食量少，只叫了一個二人套餐($428)，鰻魚飯，和一碟柱子壽司。二人套餐:明太子沙律(兩細小碟)–美味，清新，但份量太小什錦刺身拼盤–有油甘魚，三文魚，八爪魚，帶子同甜蝦，只覺味道普通鐵板燒牛柳(炒牙菜伴碟)–家人說牛柳有羶味，和配汁一起吃就好好多燒銀雪魚–值得一讚，味道非常好，銀雪魚很鮮甜，很香。好味!!雜菜烏冬冷/熱麵–本人很好冷麵，專程來吃冷烏冬。還以為烏冬和汁分開上，原來是冷烏冬湯麵。冷烏冬很有口感，配上甜甜的小冬菇和清甜的湯，味道不錯! 而熱烏冬麵只是一般，當然沒有冷烏冬彈牙。份量仍然是小小的。甜品紅豆糕/雲呢拿雪糕–紅豆糕不是太甜，剛剛好。鰻魚飯(配有面豉湯)–只是普通，一片薄薄的鰻魚，配上少許的燒汁，沒有驚喜。柱子壽司–只有兩件壽司。一上菜我便立即把它放進口，雖然紫菜並不脆，但是味道很好。整體來說，員工有禮，食物上檯快(收拾也很快)，而味道只屬一般，價錢比其他新進的日本餐廳貴。雖然環境不錯，可惜只怪本人極度不喜歡油煙味，受不了鐵板燒那重重的油煙味，相信不會再來了。

二人飯局，點了3樣食物:1. 炸軟殼蟹牛油果壽司: 好香，軟殼蟹好脆，飯夠醋味，唔錯~2. 明太子海鮮炒飯: 飯炒得好香，唔會過鹹。海鮮料足，有三文魚、鮮魷、蝦等，還有明太子~ 正!3. 菠菜卷: 略淡，不過感覺清新、健康。portion較細。整體不錯，環境唔會逼，waiter服務都幾好~ ^_^

18 March 2006 (Sat) - 晚飯原來呢間店係有得食鐵板燒，入到去聞到之後都即刻想食，所以同好好友細看menu後決定叫兩個set dinner share，一個係自選晚餐，一個係鐵板燒餐！自選晚餐($135)：- 吞拿魚什錦刺身(11件)：普通刺身，無乜特別，略為細件- 煎餃子(2隻)：唔係我喜愛既類型- 蜆肉麵豉湯：其實只係麵豉湯內加三隻細蜆肉- 蕎麥冷麵：唔錯喎，份量就細啲肉眼鐵板燒餐($190)：- 明太子沙律：其實唔肯定係咪明太子，好似係，好細既前菜．．- 肉眼扒碎切加炒什菜：好味，好香口，雖然靭咗少許，炒什菜好得- 鵝肝：唔～～好味- 麵豉湯- 炒飯每個餐都有甜品跟，雪糕或紅荳糕，我哋叫咗每樣一款，個紅荳糕幾好味，唔太甜！呢度既食物整體都唔錯，但係就樣樣都好細碟！環境都算唔錯，啲枱櫈都幾舒服，最好都係有陣鐵板燒香灕漫成間嘢！service都ok既，不過啲嘢上得好快，好似想趕人扯咁，而且開頭冇咁忙時係好啲，反應好快，之後可能忙啲，想要杯水都比較慢．．．

去過三數次，都是老闆請、或者客戶請，所以對於是否好吃或抵吃，我都不太留意。直至幾天前（現在才寫食評，嘻嘻！），約了中學同學請她吃，才真的細細品嚐。我記得叫了日式豬扒抄飯、sushi拼盤、雞翼和甜品。日式豬扒煎得很香口，完全不油膩。sushi拼盤，算是抵吃，但比起我最愛吃的大江戶和tokio joe，似乎還差一點點。雞翼嘛，本人極愛吃，真的不能作準。最後的甜品，是類似夾餅，中間有雪糕，很一般，下次不會叫。縱觀太古城，如果要找一間方便而質素有保證的，這間值得推介。

本人今天去市川日本料理食壽司，本來都覺得餐廳平平無奇，但當坐在壽司吧的時侯，師傅就將當日最新鮮的魚生介紹給我，種類繁多例如有新鮮的北寄貝，帶子，深海池魚等等．．．．之後叫咗一客壽司，一食之下好好好味呀！如是者食咗７，８客壽司．因為太飽再吃不下，但又好想再食於是決定下次約埋一大班朋友再去食過．但唯一缺點是不近市區．

想避開人潮,所以在太古城搵食 和男友二人點了一個精選二人前($550),食物包括:~ 雜菜沙律-- 千島醬很足,ok!!~ 什錦刺身拚盤-- 有三文魚,八爪魚,甜蝦,帶子,全部都很鮮味~ 燒銀雪魚-- 非常好吃!!! 魚味很濃配上雪魚的魚油,太好味la...~ 燒龍蝦一隻-- 開邊燒,很香,肉質爽,good!!~ 燒安格斯牛-- (每人有4件)伴以特製醬汁,超好味,還有炒銀芽&什菜,無得頂...~ 麵豉湯~ 甜品-- 紅豆糕,甜味剛剛好,有口感 食物很有水準,環境也不俗,見到有少數位可以望著師傅即場燒食物連加一埋單每人$300,平安夜不俗之選 p.s. 多謝M.M.請客

我男友到此間日本餐廳食晚飯, 真係食完返到屋企仲掛住佢地d食物, 好好味!我男友叫左個"安格斯牛肉火煱套餐" hk$135-安格斯牛肉火煱 - 湯好清, 又甜, 又無油, 牛肉雖只得三大塊, 其他都係菜同埋菇, 但好好味.南瓜百福湯- 糊狀, 口感似飲緊芝麻糊, 好重南瓜味, 好甜, 又似忌廉湯, 但飲多幾啖就覺得(漏).炸餃子- 普普通通, 餃子一隻, 但好脆口.蕎麥冷面- 最失色, 千祈唔好試, 淡而無味.日式紅豆糕- 唔太甜, 幾好.我就叫左個"蟹籽三文魚壽司飯" hk$98蟹籽三文魚壽司飯- 賣相好靚, 中間三文魚似朵花, 三文魚又厚身, 唔腥, 最吸引係飯面舖左成層紫菜絲, 真係好正, 少食飯既我, 都食晒成個飯.面豉湯- 好清, 好好味, 又飲晒. ** 食完呢餐飯真係好滿足, 咩壓力都無晒, 而且所有客人都好斯文, 一d都唔嘈, 餐廳環境都唔錯, 好舒服.

跟朋友二人散叫，(1) 頭盤「大蝦牛油果沙津」，大蝦都幾大隻，牛油果好味，可能我地都鐘意食牛油果啦^^""(2) 「牛油果軟殼蟹卷」，又係牛油果啦……heeeee……份量ok大份，幾飽！(3) 「牛油帶子爐端燒」，好大粒既「帶子」（其實唔係帶子，不過係近親……唔記得lu），真係好大粒！！！牛油味重，不果多油=_= )))(4) 「明太子炒飯」，好多海鮮料，盛得滿滿，不錯！！！還有一碗「麵豉湯」送。(5) 我們還要了兩杯果汁，如果是鮮榨會較好~~~Services方面ok，食物上檯也快，是因為平日關係嗎？總括來說，這餐飯我和朋友也食得開心~~~~~~~

The food is nice.The environment is nice.But the waitress,is very impolite.