巷仔內

营业中

休息中

巷仔內向來都是一間我很喜歡的台灣菜小店，店內是簡約原木風格，用餐環境很舒適～巷仔內由台灣人主理，主打以實惠價格呈現台灣風味，因此食物方面也是很有水準，正宗台式味道！⧐ What we ordered ⧏手撕巨無霸炸全雞 HK$198巷仔巨無霸排骨便當 HK$75塔香鹽酥雞 HK$45佛手柑梳打 HK$25手撕巨無霸炸全雞這份巨無霸炸全雞，會不會太巨型ᵎ ᵎ ᵎ即點即炸，店員端來時還冒著煙～外皮很香脆，裡面的雞肉很嫩滑，好吃到都吃光，很滿足的一份炸全雞巷仔巨無霸排骨便當這個便當真的有比我想像中要多！炸豬扒是很大的一塊，底下還有半隻溏心蛋如果溏心蛋能醃得再入味一點就更好～還有就是…點了少飯也是很多飯啦！塔香鹽酥雞鹽酥雞是每次吃台灣菜都會點的小食，雞粒都是一口大小，吃的時候好方便特別喜歡吃葉子，香香脆脆的～佛手柑梳打佛手柑好像平日比較少見，是很清爽的口味ᵎ ᵎ ᵎ很喜歡橘子類的東西，很香很醒神在夏日悶熱的天氣喝一杯好消暑！除了可以點餐飲外，在下午4-9點有自助飲品吧，提供免費任飲冬瓜茶和綠茶，可以實現冬瓜茶自由啦！

之前俾正宗台灣人主理既台灣菜【巷仔內】既炸全雞洗版，所以最近就同朋友去左試下。位置相當方便、觀塘地鐵站步行一分鐘就到。最重要係價格實惠、地方寬敞舒服。Lunch 同tea time叫主食送一杯飲料、4點後免費任飲冬瓜茶同綠茶！蒜味香腸：每次必點台灣小食、炭烤香氣超濃郁，蒜味爆香，咬落去油脂滲出，配埋生蒜片一齊食，鹹香惹味。巨無霸排骨魯肉飯：排骨大塊到誇張！炸到金黃酥脆，肉質鬆化唔油膩。魯肉飯肥瘦均勻，醬汁滷得入味，撈飯食真係停唔到口。塔香鹽酥雞：外皮炸到超脆，九層塔香氣撲鼻，雞肉嫩滑多汁，椒鹽調味啱啱好。滷味三選麵：可以自選麵食同配料，我就選擇左關廟陽春麵、甜不辣、百頁豆腐同花枝丸。關廟麵彈牙有咬口，滷汁香甜唔死鹹。甜不辣Q彈、百頁豆腐吸晒滷汁精華，花枝丸鮮味十足！手撕巨無霸炸全雞：即叫即炸，上枱熱辣辣！外皮脆到「咔嚓」聲，雞肉鮮嫩爆汁，連雞胸都完全唔柴，撕開仲有肉汁流出黎～本身就用左椒鹽調味，風味更上一層樓！炸全雞有生日配套服務、可以同餐廳預定安排（需要五天前預約）。仲有大胃王挑戰【金雞下蛋】、包括全雞+4隻半蛋+切片豬排，有興趣同有實力既朋友可以去試下。

呢日去咗觀塘食生日飯！呢間餐廳喺觀塘工業中心入面，地鐵站行過去方便～餐廳都幾大間，座位都幾多，白色木系裝修，環境幾舒適😊近門口有個位置，放咗綠茶、冬瓜茶、冰水，下午4-9點，買任何主食都可以無限添飲，特別個冬瓜茶幾好飲🤭叫咗呢幾樣，手撕巨無霸炸全雞 $198上檯嘅時候插咗生日蠟燭，仲有福如東海、壽比南山嘅牌😂 再加大大個壽字，都幾震撼😍隻雞熱辣辣，炸到金黃色，勁多肉汁，嫩滑，連雞胸都唔鞋👍搣嘅時候睇住焫親手😂😂紅燒牛肉湯飯 $78牛肉夠腍，跟咗個飯有大量粟米，仲有半隻溏心蛋～快樂地瓜球 $38勁Q彈，有少少煙煙韌韌咁，呢個好食！！小朋友食唔停口滷味拼盤 $48呢個滷水拼盤嘅開心，有豬耳，白蘿蔔，雞中翼，牛筋，全部都係我鍾意食嘅嘢，夠晒入味，個蘿蔔仲好腍！蒜味香腸 $35好耐無食台灣香腸，面頭有啲生蒜同胡椒粉～另外仲叫咗兩杯嘢飲～百香果蘇打 $23 加椰果 +$5蜂蜜柚子梳打 $25 加愛玉 $5兩杯都唔會過甜，味道剛好👍正宗台灣人主理，價錢實惠，喺觀塘都食到正宗台灣風味！推介推介🙌

今晚約咗朋友食飯, 冇心水餐廳嘅我就問同事有咩好推介. 同事話前幾日係官塘工業中心試咗一間叫「巷仔內」既台灣餐廳, D嘢食好味大份又抵食💆🏻‍♂️既然佢講到咁正, 咁我今晚就一於同朋友去試吓呢間台灣餐廳係由台灣人開🇹🇼入到去, 見到成間餐廳都充滿文青風格同台灣風味. 而且空間寬敞, 坐得一啲都唔迫, 非常舒服✨嘢食價格亦十分相宜✅我同朋友點咗幾款小食同佢地既招牌菜式, 包括巨無霸排骨飯, 犇三寶牛肉麵及塔香鹽酥雞. 原本想試下佢地另一樣出名既手撕巨無霸炸全雞🐓但門口已掛住「完售」既紙牌🥲有點小失望🥲下次一定早啲嚟食😤！🥩🍚巨無霸排骨飯排骨外酥內嫩, 唔會炸到乾爭爭, 咬落去啖啖肉, 每一啖都好Juicy💦而且塊排骨真係好大, 大個塊面, 真係唔惹少✨熱辣辣嘅炸排骨配上魯肉及白飯, 簡直係絕配🐂🍜犇三寶牛肉麵牛煮得好腍而且好入味, 濃郁嘅湯底配上順滑彈牙既陽春面. 食完就感覺好似返咗去台灣咁. 真係一絕✨🐓塔香鹽酥雞加檸檬椒鹽每舊鹽酥雞外表炸到金黃酥脆, 加上檸檬椒鹽嘅搭配, 鹹香中帶著檸檬清新, 每舊雞表面薄脆內裡多汁, 一咬落去淡淡嫩肉, 真係好正✨🍡地瓜圓口感Q彈, 甜而不膩. 同其

唔係同事介紹都唔知觀塘工業大廈上面有間台式小店，味道非常正宗，係台灣嘅風味，而且價錢合理，帶埋小朋友嚟試吓，店員就推介一定要食呢度嘅炸全雞，原隻上夠晒震撼。餐廳俾定手套你，自己慢慢撕落嚟食，小朋友覺得好好玩，食得好開心，而大人就覺得好驚喜，因為估唔到味道咁出色，隻雞好入味，食入口仲好嫩滑，真係雞有雞味，非常驚喜好好食。另外叫咗巨無霸排骨飯，真係巨無霸咁大塊，豬扒厚切好有口感，白飯撈埋醬汁同埋粟米一齊食，好好食。另外去台灣小店點可以唔野鹽酥雞，新鮮炸氣好香好脆。台灣新竹米粉小朋友最鍾意，仲有花枝丸都係好有台灣嘅感覺，下次一定要試埋其他食物。最後不得不提，小朋友最開心係原來餐廳做緊推廣，除咗店內有自助冰茶同埋冬瓜茶免費任飲之外，而家仲會送埋台式飲品，大大杯夏天飲非常消暑，4個人食4百幾蚊其實都算幾抵食。

話說朋友生日，知道呢度有個生日蛋糕雞就特登約咗同佢來食，隻雞真係令我好有驚喜！！我叫咗一個牛肉麵，腸仔，感覺都還可以飲品，叫了冬瓜茶及黑糖薑茶～真係超級好飲呀！我比較喜愛黑糖薑茶加冰一定要大贊嘅，就係呢隻雞！唔知點解佢炸得咁好食，好香口，雖然好多油，但係我一啲都唔介意全部連皮食晒，因為皮嘅油先係精華！兩個人食晒成隻雞，好新鮮好好食仲要生日裝飾得好靚，朋友好鍾意，最緊要真係好食全程QR code落單原來店主係真正嘅台灣人主理，非常有禮貌佢哋嘅炸物真係做得好好唔知係咪啲油靚，炸出嚟好香好好食住觀塘嘅朋友要幫襯，晚上四點後可以無限添飲品，自助式，唔錯唔錯

🍗 **觀塘工廈隱世台味 | 巨無霸炸雞x滷三寶攻陷食肉獸** 「巷仔內」藏身觀塘工廈，主打台灣夜市風味，歎齊巨無霸炸雞+滷肉飯，打工仔Lunch激抵之選！ lunch 🥗 套餐包飲品，2:30pm後免費提供冬瓜茶綠茶。🍱 **必食台式暴擊** ✅ **巷仔巨無霸排骨便當** $75比臉大嘅炸排骨🤯！外皮酥脆似天婦羅，肉厚多汁，配滷肉飯+酸菜+半熟蛋，飽到上心口～ ✅ **手撕巨無霸炸全雞** $198 即叫即炸原隻春雞🐔，雞皮脆到似紫菜片，撕開肉汁狂流，手套都擋唔住邪惡！ 2:30後供應。✅ **塔香鹽酥雞** $45九層塔炸到酥香，鹽酥雞粒醃到超入味，撒滿椒鹽同蒜片，追劇級邪惡小食📺 ✅ **滷香犇三寶** $58牛腱+牛肚+牛筋滷到淋晒，牛筋膠質黏唇👄，加$15轉滷肉飯變身終極肉食組合 🍜 **麵食控注意** 🔥 **滷味三選麵** $68自選3款滷味（花枝丸/雞翼/溏心蛋）+關廟陽春麵，麵條掛滿滷汁，地道台南風味 。花枝丸+雞中翼，花枝丸彈牙到打乒乓波🏓，雞翼滷完再炸，外脆內嫩爆肉汁 呢間抵食夾大件，炸物水準拍得住台灣夜市，收工約同事chill住撕雞超爽～ 😎🍗

叔叔同我預祝生日，佢話準備左個好特別既蛋糕比我，點知佢帶左我去觀塘工業區既一間餐廳。原來呢間台灣人開既地道台式餐廳，比佢個生日炸雞蛋糕驚艷到😋呢度有個飲品自助區，可以任飲冬瓜茶、綠茶、冰水，店員同我地講lunch叫一個餐都送一杯冬瓜茶/綠茶，全日都有飲品送超正😍主食我地叫左個巨無霸排骨滷肉飯同生日炸雞蛋糕，兩樣野既份量都超大‼️ 巨無霸排骨滷肉飯超大舊排骨，炸粉薄又勁厚肉，鋪滿哂成個飯面，勁誇張🤤最重點果個生日炸雞蛋糕，係叔叔訂枱果時叫餐廳整既生日版手撕全飯炸雞🐥真係第一次見😍上面有啲壽桃、生日牌做裝飾，仲會插埋蠟燭俾你許願+吹蠟燭🕯️估唔到原隻炸雞啲肉可以咁嫩咁多汁，又好食又好打卡able然後我地叫左啲小食，鹽酥小食拼盤、鹽酥杏鮑菇、麻辣鴨血，小食拼盤有杏鮑菇、台灣腸、鹽酥雞、地瓜，可以一次過試晒唔同既小食👍🏻麻辣鴨血有少少微辣，都幾惹味🤤

觀塘工廈隱世台灣菜，由台灣人主理，口味好正宗，價錢又唔貴。🔸手撕巨無霸炸全雞$198超巨大夠3-4人食！雞皮酥脆，雞肉超級多汁，連雞胸位都唔會嚡。生日🎂想有啲特別嘢，可以訂埋佢哋嘅炸全雞生日配套服務（五天前預約）！🔸塔香鹽酥雞$45人少少嘅話嗌呢個啱晒！細細件炸到超級香口。炸全雞vs鹽酥雞人多share vs 獨食多肉多肉汁vs多皮香口我就鐘意多啲肉，冇咁肥嘅炸全雞喇😆。🔸巷仔巨無霸排骨便當$75真係超大塊排骨，表面炸到脆卜卜，肉質好腍。糖心蛋有滑滑蛋黃，煮得啱啱好。🔸滷香犇三寶$58🔸滷香花枝丸$40🔸滷汁高麗菜$26牛三寶勁大兜，仲要冇菜墊底。牛筋、牛𦟌、牛肚都煮得好入味。花枝丸好甜又彈牙。高麗菜清甜又keep到爽脆口感。佢哋而家有大胃王挑戰【金雞下蛋】：全雞+4隻半蛋+切片豬排。大家可以挑戰下。嗌任何主食 ⁠（大胃王都得）仲可以免費添飲冬瓜茶，綠茶。

呢間位於近觀塘工廠區的台式料理店，最近睇到唔少人post咗佢地既巨無霸炸雞，佢哋聲稱係「全港第一」巨無霸炸雞～所以決定黎一試～炸雞上枱時，真係有d嚇親，第一次見到成隻炸雞咁上，店員會比手套同刀用黎拆雞，但因為真係成隻咁炸起，好熱辣辣，拆開時真係有啲難度，都拆左成5分鐘有多先食到😅撕開雞肉時，好多肉汁流出，好誇張，啖啖都係鮮嫩多汁。如果想食得方便啲、斯文啲，可以試下佢哋嘅鹽酥雞粒，鹽酥雞炸得粒粒酥脆，仲可以加佢哋獨特嘅芥末椒鹽粉或者青檸粉，味道好特別，超好食！另外，佢哋嘅巨無霸鹽酥豬扒飯都好值得一試。見到嗰塊豬扒，我真係驚訝到！原來豬扒下仲有多一層，兩層豬扒鋪滿整碟飯，份量真係超有誠意我地去食時係夜晚，原來下午去，仲可以有免費任飲冬瓜茶同綠茶，唔洗加錢叫～

今日去了由正宗台灣人主理嘅「巷仔內」，還餐廳價錢超實惠，還原寶島風味😍 晚市人氣爆棚。同朋友慶祝生日可以預訂「生日炸雞蛋糕+浮誇摩天輪」，旁邊有旋轉摩天輪，好特別！💥 巨無霸排骨便當晚市必點「巨無霸排骨便當」！比手掌大嘅排骨炸到金黃酥脆，咬落外層炸衣香脆。肉質厚實Juicy，加了黑松露醬濃郁奢華～驚喜位在溏心蛋！蛋黃拌飯一流！配菜粟米清甜解膩，整體份量多到男士都飽到捧腹～ 🍗 手撕炸全雞「手撕巨無霸炸全雞」即叫即炸，上枱震撼全場！雞皮脆如薯片，撕開瞬間肉汁瀑布湧出～連雞胸都嫩滑不柴。加了檸檬椒鹽粉提鮮，2-3人分享就啱曬！ 🔥 塔香鹽酥雞鹽酥雞炸得外脆內嫩，九層塔香氣撲鼻，夜市水準～🌶️ 夜市麻辣鴨血鴨血滑溜入味，喺香港食到呢種台灣味太感動～ 🍹 蘇打特飲「檸檬蘇打」清爽解膩，「百香果蘇打+愛玉」酸甜Q彈！ 📍巷仔內香港觀塘觀塘道436-446號觀塘工業中心4期1樓C室

今日和朋友到觀塘行街，後選擇了這一間餐廳。這家位於觀塘的台灣餐廳，無論是環境還是菜品，都展現了文青的風格，並且性價比高，讓人驚喜。1.巷仔巨無霸排骨便當（$77）份量十足，排骨肉質鮮嫩，非常豐富，，讓人吃得滿足。2. 手撕巨無霸炸全雞（$200）星期六日全日供應。這套巨無霸炸全雞，必不能錯過，這道菜色香味俱全，外皮酥脆，內裡多汁，可以選擇半隻雞或全隻雞。新鮮熱辣上枱，配有手套，可以手撕，適合與朋友分享。3. 塔香鹽酥雞（$45） 台灣必食小食，鹽酥雞。口感酥脆，香氣四溢4. 蒜味香腸（$35） 台灣另一款消息都是我最愛的，蒜味香腸5. 滷味五選麵滷味麵，可以選擇三款，四款，五款配料，我們選擇了五款配料。這一次選擇了豬大腸、關廟陽春麵、百頁豆腐、高麗菜、花枝丸和甜不辣，湯底非常濃郁，陽春面非常彈牙。。6. 百香果蘇打［椰果］（$28）7. 葡萄柚蘇打［蘆薈］（$28）我們另外選擇了不同的飲品，晚餐有冬瓜茶，綠茶任飲。下午時段，只要惠顧一份煮食，便免費送一杯嘢飲。 這家餐廳的菜品不僅美味，價格也讓人感到實惠，特別適合喜歡台灣小吃的朋友們。環境舒適，非常適合聚餐或約會。下次再來觀塘，肯定會再

冇諗過除咗生日蛋糕之外，仲有生日炸雞！觀塘巷仔內台灣嘢，竟然有巨無霸原隻炸雞，即刻約咗愛炸雞之人一齊去食。原隻巨無霸炸雞，上枱勁有儀式感，有埋生日牌，皮脆肉嫩炸到熱辣辣，真係要攤一陣先食到。肉質勁滑，滴晒油，忍唔住食晒成隻雞髀。🤣台式滷水拼盤，好入味，最抵讚係個蘿蔔，清甜得來又有滷水味，最緊要係冇渣。香蒜台灣腸，真係夜市必點，所以我哋都嗌咗嚟食，清晒。巨無霸排骨肉燥飯，真係巨無霸，因為佢有兩層肉，炸到好鬆化，排骨醃得好入味。佢嘅肉燥唔肥膩，仲要個飯配合粟米粒，好清新。鹽酥雞，又係夜市啲點，一啖一粒，而且唔油膩，炸得啱啱好！同場仲有好多廢水點嘅，不過佢四點後綠茶、冬瓜茶都任飲，所以我哋淨係嗌咗一杯廢水！位置好方便，觀塘地鐵站D3出口一落嚟向上望就見到佢啦，巷仔內見！

唔洗 $200 既生日驚喜🎂可能系我見過造型最特別嘅「生日蛋糕」😹造型浮誇，識得播生日歌嘅蠟燭仲有壽桃包裝飾🤣✨手撕巨無霸炸全雞 $198🤍推薦！份量巨型！食雞一定要揀全只鎖住哂全部肉汁精華😌本身仲擔心會乾爭爭同鞋口但出奇地嫩滑多汁😱尤其系雞髀位不得了～✨巨無霸排骨飯 $68份量同樣系大大份，台味十足！有多款台式小食店員同廚師應該都系台灣人即刻好掛住台灣了🤤-快樂地瓜球 $38-台南蝦卷 $32-夜市花枝丸 $40-塔香咸酥雞 $45午市套餐會包一杯飲料夜晚會有飲料喝到飽詳情可向店員查詢～

到咗生日月，去咗呢間巷仔內同朋友食飯。呢度出名巨無霸炸全雞同埋巨無霸排骨飯，午餐又包一杯飲品。估唔到朋友仲俾咗個驚喜我。手撕巨無霸炸全雞做成生日蛋糕，的確幾驚喜，第一次食炸雞吹蠟燭。聽佢哋講要早五日預訂。但炸全雞就平時2:30後就供應，假日就全日供應添。手撕炸雞內面爆曬汁，外皮脆爆。超級好食。其他台式美食都唔錯，巨無霸炸排骨，真係有成隻手掌咁大塊。塔香鹽酥雞亦都夠晒台式風味，加埋檸檬椒鹽味道更加清新添。仲有原來晚市係任飲綠茶同埋冬瓜茶，咁就完全唔使怕啲熱氣嘢口渴啦。