影片
相关文章
好耐无同朋友食饭，见近排天气冻冻地就想食下鸡煲，讲起鸡煲大家会谂起边间？有朋友就推介咗一间喺屯门嘅平民街坊鸡煲，试过之后确系无介绍错！！讲紧嘅就系位于屯门嘅巴辣仔，今日我同3位朋友大约喺晚上7点半就去到，人流唔算好多，一坐低就嗌咗一个鸡煲、手切安格斯肥牛、羊肉卷、黑柏叶同鹅肠。鸡煲嗌咗BB辣，一啲唔太食得辣嘅朋友亦都啱食，而且唔会太咸，鸡肉肉质鲜嫩弹牙，非常有惊喜。肥牛正常水准，有牛味，但系唔会话太过出色。羊肉卷鲜嫩多汁，个膻味啱啱好，比肥牛出色！黑柏叶一个字，爽！鹅肠味道较为普通，亦冇太多肥膏，个人认为我想要够肥先至够香好食。最后呢碟鸭血系今晚最失色嘅一个𩠌，一啲味道都冇，最终只系食咗半碟就投降。整体而言，巴辣仔未必系全港最好嘅鸡煲，但绝对值得我再返黎食！
继续阅读
今晚嘅食评，带大家去海底寻宝！🐟 首先，原条烤鱼吖，真系一大亮点！沙巴龙趸焗到个皮金黄香脆，掂晒！煎完嘅鱼放进番茄汤里头，个味啊！酸酸甜甜，清新过瘾！再嚟讲下配菜，莴笋片、金菇吸晒汤汁，鲜甜得滞，实在太夹！黑豚肉卷就真系轻轻松松一弹嘴，豚肉味道鲜，而且唔会太肥腻。自家制紫菜响铃卷就有另一番风味，面头脆卜卜，咬落去爽口得嚟又唔会黐牙。豆腐皮就似食紧条面，可口卡滋！饮品方面，大家都知啦，港人爱个大大杯！龙凤柠乐同凤凰水果茶冰冰凉，大杯得滞，饮得超满足！🍹总括嚟讲，食完今晚嘅海鲜飨宴，真正系饱到弹开只裤扣咁劲！店家嘅服务同环境都算过得去，面面俱到。以后谂唔到食咩，呢度会系我嘅顶选之一！总之，跟住我嘅食步，你都可以变做美食探险家！👍🏻
继续阅读
同3个狗朋友拉队去试咗家讲紧嘅烤鱼店，心谂「今晚必须有嘢好话」。老实讲，成晚都嗌得好嗌饱！沙巴龙趸选酸菜bb辣，第一啖极度满足🤤，鱼皮炸到啱啱好嘅脆，沾上边嘅辣酱简直惹味到爆灯！肉味新鲜得滞，饱满得黎无任何生腥味。烤鱼底下嘅配菜都一绝——豆卜真系个中之宝，软滑而又吸晒美味汤汁，香口得嚟又唔腻♂️✨。而家讲下特饮，Cup大过脸型，饮咗几口，称得上清新解渴。至于加料部分，肥牛同肥肠加进去继续炆，每样都唔失礼，肥肠滑溜溜毫无怪味，肥牛适中肉感亦系𠮶星鲜甜。总括来讲，呢度烤鱼食落有家乡嘅味道，加料価更加平，三两好友嚟食呢度啱晒。嘿，下次要试下佢哋嘅爆辣个款，挑战下味蕾极限🌶️😏！
继续阅读
店舖环境：从来冇去过一间地舖食野，系咁冻❄️，成家人食住鸡煲都冻🥶到震晒，妈妈仲比🌪️风吹到头痛🤢，我仔仔要著住羽绒带住冷帽食野，平时仔仔最怕热，都话好🥶冻，真系唔建议好冬既天气去食，可能食完餐饭你会吹到病左🤕在电话落单后，冇果样𩠌又唔出声，会自动❌取消张单，到我地再check 单时，先发现取消左，我地又重新落单，之后先有员工黎话已经卖晒，所以我觉得服务有待改善食物味道，不过不失，没有好食到要再去食既感觉，但系果度大风到吹到妈妈头痛，就肯定唔会想再去食野，始终做冬系想开心，唔系想吹病既
继续阅读
11月头去开屯门就走左去食烤鱼，因为午餐的一人烤鱼最抵食🤭。有几款可拣，但我觉得江团鱼较少骨，就点左佢嚟食。还可以加配特饮，超抵啦！条鱼食落几香口，一个人食完条鱼已食唔到碗薯粉🙈，安全起见就叫左柑桔柠檬来饮。
继续阅读