巴西燒烤餐廳 (已結業)

看完戲已是十時多，到尖東"醫肚"。聽朋友說巴西燒烤不錯，於是打算一試。餐廳是以巴西特式燒烤肉食為賣點，晚市$98 一個人。九時半後就只需$58，營業至凌晨一時。難得是十一時多仍有服務員拿來新鮮熱的多種烤肉，味道不錯的。甜品則比較普通，味道非常一般。由於指定費用不包括飲品，橙汁、汽水需另加$16﹝可任飲﹞；啤酒在宵夜時段就買一送一。若是想找"抵食夾大件" 的愛食肉人仕，可試試這類的小型自助餐。

呢間既服務好差,食物種類又唔多....<br />

半自助餐形式....有沙律..有熱葷...有甜品...仲有人將燒好既野食送埋檯....仲要好味.....加埋一都係一百蚊到...九點半後入座仲抵.......咁既價錢又有咁既質素...抵食到爛....唯一要彈既係...佢地唔會主動幫你換碟....食兩轉個碟污糟糟...都唔係幾好意思再拎出去...

老實講，食物既味道不算上好出色，種類亦不算得上叫多，而且食物種類都偏向肉類居多，不一定適合大眾市民既口味，與自助餐既宗旨(不同食物迎合不同口味既人)有少少矛盾。不過呢一間餐廳有著與一般自助餐食肆不同的地方，首先氣氛和諧，使人不會過份拘謹或顯得過份低級。除此之外，有即場燒烤串既餐廳相信在港真的廖廖可數。衣家香港眾多食肆當中，相信絶大部份既食物質數都只屬一般，但有特色既真的可謂絶無僅有，因此我覺得巴西燒烤都係一間值得一去既餐廳。

第一次食巴西燒烤~覺得食物一般~尤其甜品唔好食~~同埋野食太少~~~

D食物溫度一D都唔熱而且數量供應時多時少

果到係d廚師黎比果d野食就正,出黎果d....難食.....我去過食幾次啦,有幾次係lunch, 出面見到一個大大眼,幾型仔又肥肥地既哥哥係出面果到make D意大利分比我食果時好好食架!!之後又唔知點解佢又會囉果d一串串果d野黎比我地食wor,我上次想問佢囉電話wor,之後無囉啦,呢幾日返去食,唔知點解唔見左哥哥仔wor@@,有冇人知呀?

食過2次,都係lunch去食.冇食燒烤buffet,剩係食set.Order完好快就有餐到,上檯時只係微暖.個次食個朱仔脾配墨西哥炒飯,朱仔脾完全比疏打粉掩過,炒飯濕濕地成pat野咁,又勁辣喎.有同事叫左個牛仔肉飯,但似豬肉多d囉.個餐仲要唔平架.服務又唔係好喎.第一次去食係上年既事,食完之後個個同事都肚痛,已經驚左.今次去食,又係食埋晒d疏打粉.唔使旨意再幫襯呀!

我前果排去過, D服務唔係咁差, 我同我個朋友去, 去到都成10點幾喇, 仲有好多人食緊, 咁我個朋友有叫任飲, 但係我就冇, 我都有叫WAITER拎水比我, 佢都好快會拎到過黎, 仲時不時加比我呀~同埋廚師拎黎既野食好好味, 仲她HARD SELL呀, 不過可能食物既款式比較少啦, 但我一定會再去, 好抵嘛~

d waiter 服務態度勁差　我食左咁多餐廳最差一間。我地問佢拿水，等左十分鐘都未拿來，再叫佢拿，佢話不如叫汽水，我地話唔叫，d waiter既刻黑面，唔俾人唔飲野咩．．．咁既服務態度。大家唔好再去！！！！

冇咩貴野食不過勝在多囉由廚師拎出來既肉會好味d但係訂座就咪了第一次訂朋友生日訂十幾個都唔算少啦?一早訂好左都仲要拎籌等都仲要等成半個鐘仲要話明送旦榚點知佢打黎話我地冇講喎(好惡咁樣死話冇)大旦榚變細旦榚第二次三十人訂又係有人生日點知佢話要收500訂但係都仲係要拎籌等位咁佢收咩訂呀老闆?!為我同我地將d枱排埋一齊喎(佢個waiter真係咁講)唔係卦?以後都唔再去!!!但係有兩個叔叔會彈結他唱英文歌即點即唱咩都識咖佢地以後都會掛住佢地

都幾失望架，之前聽人講話幾好，可能我遲去卦？我成十點先去，58蚊位+16蚊任飲，講真d麻麻地，又唔熱(可能遲去)，好多都幾難食，

我8月9日去食既！好多人呀！唔知係咪星期六呢！所以好多人食，我覺得野食唔差，食倒好多種烤肉！而且有人行埋黎砌比你，所以唔駛搶都有得食，仲食得好飽添！而且又有沙律，有水密桃，好味！仲有呀！有兩個人負責唱歌架！如果生日仲會唱生日歌添！如果有朋友生日，你又想比驚喜佢！就唔錯既選擇！不過唔好既就係地方唔係咁清潔，我仲見到有人差少少跌倒，所以行路要小心，自己出去攞野食既地方原來有魚生、生豪架！不過我覺得間野唔係咁乾淨，所以生既野都唔係咁敢食！仲有甜品冇樣好食，雪糕唔得，我覺得有D怪味！所以食食下就冇食喇！服務方面普通啦！

我0個日同個朋友一齊去食?夜晚buffet 啦, 食7:00pm~9:00pm , 都唔錯ga , 有專人拎野俾你地食, 而且都唔錯, 幾好食呀, 推介係燒豬頸肉, 燒雞翼, 燒粟米.....^^"幾香ga...但d 甜點就麻麻地啦...我最鍾意係個度d 氣氛呀, 可能係暑假多左人去搞party , 如果係搞birthday party , 就有專人幫你地唱生日歌, 2個外國人都幾好唱口ga.....而且都識得唱好多英文歌, 幾好聽呀^^"

我地8個人去食宵夜埸,以為會少D人.....點知勁多人..要等位...入到去真係勁多人...好迫...不過見佢咁平咪食囉~D野食都唔錯ge ~但係拎野食排哂隊咁.....又因為太多人...冇人倒水俾我地...要叫幾次先會倒......### D碟好明顯只係用hot水沖過...仲有油ga ...