影片
相关文章
是夜本来想帮衬宁记, 不过因为没有坐位而改去近近地的巴西烧烤, 怎料便出事了巴西烧烤, 很久没去过了, 今次重临, 只感觉是差差差~第一地方差, 一踏入门口一刻, 已感觉地板是痴笠笠的, 提起双脚也有难度, 点解地板那么痴笠笠都不去拖拖地~~第二地方差, 食物差, 所有食物不觉得是烧烤出来, 感觉是焗熟或洽熟, 再放在烧烤叉上, 如果是烧没理由一点焦焦的地方也没有, 点解我会咁讲, 系因为以前帮衬不是这样的(可能有7, 8年前了, 系唔系转左手?) 而且种类很多, 不会像今晚, 只有粟米, 肠类(3种), 菠萝, 猪脾用, 粟米出左两, 三转添, 烧牛肉见过一次, 还没埋到我们的台便没有了, 再问一问已说今晚不会再有烧牛肉, 真系有冇搅错, 我都唔知自己今晚食过D咩烧烤,数一数手指都不够5样, 每样只系一round, 热盘一般, 没什么特色或有大惊喜~~第三地方差, 我还没说埋单, 一个类似经理级的拎张单过来叫我们埋单, 便走开了, 跟住我惊佢比错人,再叫返佢过来问清楚, 这个人说因时间差不多够了, 所以要埋单先~~ 够钟埋单我觉得好正常, 但都应该要讲声吧, 一张单队埋黎, 咩都冇讲, 我地都唔知发生咩事, 系唔系都要同个客讲声够钟, 麻烦埋左张单先, 呢D基本礼貌或常识都不懂, 怎可以做服务性行业, 还要这里是尖沙咀区耶
继续阅读
早几年食过都唔差，谂住再试下啦！我哋系食消夜时段，每位＄６８。一入去明明有好多卡位都唔比我，又话有人ＢＯＯＫ咗！Ｄ侍应态度好差，好悔气咁攞Ｄ巴西烧问你要唔要！又无表情，问佢嘢又唔答！Ｄ嘢食又够难食！我自问要求唔高，但系都要食到先得架！件猪扒硬到无办法咬得开！冷气劲冻，好似想赶你走咁！个日系星期日，食到一半有半个场都系吉嘅！我唔明佢点解安排唔到卡位比我啰！终于明白点解执剩呢一间！我以后唔会再去！
继续阅读
笔者早前曾与朋友吃过这间巴西烧烤，只觉食物的品质只可算是一般，谈不上叫好味，加上笔者是9:30后入席，表示是最后一ROUND，所以鱼生，青口的东西都是没有的。可是笔者认为若要吃这些东西，相信其他地方会有更好的选择。故此，笔者只是抱著「抵食」自助去的。可能好多人会认为自助餐若食物素质谈不上好，食来何用呢?但笔者认为这间巴西烧烤之所以值得一去是因为如下其一) :食物的款式( 甜品，热食，冻食)都算多。(其二) :餐厅的一个特色是有专人把烧好的食物走到你前面问你要不要，再切给你。(其三) :场中有注场的结他手，在你吃东西之余都能好好享受一下，放松心情吃东西。(还能点歌噢~，笔者可见到有外籍人士点了「NOBODY」。)以上三点都是本人觉得其比较吸引之处~大家若都与笔者当时抱著「抵食」的心态的话，不妨一试!!
继续阅读
寻晚(14-5-2010 Fri)放工后同男友出尖沙咀食饭,原本想同佢去Initial,点知真系要book枱兼full o左,我o地唯有揾过第二间食,忽然好想食烧牛肉之类o既o野,男友就话不如巴西烧烤,其实我同佢未认识前同N年前都食过,o个次我同朋友食时好爆,要坐o系近正门o既房里面,搅到要行好远至攞到o野食同人地有o既我o地冇惨况.不过男友讲过好多次想再o黎食,今次就顺佢意啦.呢晚7:00pm场$128.00一位加一,限食两个钟,冇问题啦.时间尚早唔多人,男友呢头去攞o野食,o个头有个男仔拎串烧羊肉o黎,我就要o左两件先.我食到羊膻味,男友话食唔出.其他o既有:几好味o既有:吉列鸡翼,估唔到咁都整,虽然冻o左但皮仍脆,鸡肉仍嫩.千岛汁焗蚝南瓜忌廉汤,南瓜味浓.田螺,青口同虾都好新鲜,唔错,可以encore.黑椒肠,比起辣肉肠冇咁辣,香香地咁啦.粟米肠,里面有粟粒,有口感.烧粟米,好有牛油香.鼓油鸡,估唔到呢个好味㖞.烧秋刀鱼烧菠萝,男友好记得有呢样o野,话要必食.点知o岩o岩讲起,个男仔就拎出o黎,我o地有得食返,暖暖地o既菠萝系几好食.可以o既有:焗青口辣肉肠,呢个劲辣,我食o左一啖畀o左男友,男友食落都话好辣.烧蕃薯,蕃薯都有甜味o既,只系食落有啲论尽.烧牛肉,如果食到个皮就好好,因为烧汁只留o系皮o既位置,肉就冇味,要自己加喼汁食.白汁鸡扒烧茄子炸鱼块,呢个外青似炸薯饼,连外面o既味道都似,鱼肉唔’梅’唔,鯹.麻麻o既有:煎猪扒,落o左泰式酸甜酱,辣辣地,猪扒畸嫌干o左啲.三文鱼刺身,唔系好靓.唔知咩鱼刺身.烧鸡髀菇,鸡髀菇口感似鲍鱼,可惜串住o黎烧,横切畀客人食就觉得唔够味.好差o既有:酸瓜,竟然呢样最唔掂,系没浸过龙,白萝卜竟然酸到可以呛喉.甜品:好味o既有:相中左下角o既系由一个用cream唧到似菠萝钉再用火烧o既外层,装住o既甜品,其实我唔知系咩o黎,试o左觉得唔太甜,男友话系栗子蓉,佢唔太甜之余亦唔漏,里而亦有菠萝肉.而o个pat cream,男友就好欣赏,话烧到好似棉花糖.香蕉蛋白慕思香蕉,男友一食就食得出系香蕉,清清地,唔漏.芒果蛋白慕思,一样系清清地,唔错.朱古力雪糕,里面有朱古力粒,有口感又好味.红豆雪糕,好有惊喜,唔太甜但红豆味足,好味.咖啡雪糕,亦唔太甜,唔错.普通o既有:桂花糕,清清地啦,不过冇乜味.胶杯装绿色啫喱,以为系蜜瓜味,点知系薄荷,面o个层鱼胶状o既o野太清凉,唔系几好多食.林明顿方块芝士饼,冇问题.麻麻地o既有:柠檬蛋白慕思香,面上o个层鱼胶太甜,蛋白里面o既柠檬味都好浓烈.环境:好阔落舒适,枱与枱之间留有一张椅畀客人摆o野,真细心.仍保留外籍歌手埋枱点唱呢个特色,增加热闹感,唔错.卫生:地下有啲黐笠笠,唔系几好呢.
继续阅读
一间完全唔得嘅所谓巴西烧烤!!!! 经理 - 唔识变通。食物 - 有热炉啲嘢食都系冻嘅，巴西烧烤都系又少，仲有好多嘢食都好似放隔咗唔知几多日咁。环境 - 一入到去有阵味。价钱 - $118 + 10% 服务费；我觉得$48 都比多佢，10% 服务费? 算拉，比佢。我同妈咪仲有舅母一齐喺𠮶到大约20分钟。我与经理嘅对话:-我: 我想问点解啲食物一啲都唔热嘅?经理: 我地已经将个热炉开到最大，佢唔热我都冇办法。我: 咁我想问有咩办法我可以有热嘢食呀?经理: 唔好意思，我帮唔到你。我: 咁你啲食物唔热你叫我点食呀?经理: 唔好意思，真系冇办法。我: 经理我都系做饮食，我唔理你收几多钱，你都唔应该比啲冻嘅热盘比客食啰。热盘系热食家嘛系咪? 假如你同我讲你会帮我丁丁佢,我反而仲会开心啲。经理: 小姐既然你都系做饮食，你都好清楚丁反热个味道系唔同。我: 经理，我都知，但系你啲嘢食好似隔咗夜,丁唔丁都系咁家拉!经理: (冇声出)我: 咁我又想问你,如果你系我，我应该继续比钱食冻嘅热盘定系有其他选择?跟住系点，我相信大家都心中有数.....各人口味都唔同，有人觉得冇所谓，曾经系饮食业打滚嘅我虽然只系一个管理6间分店嘅行政人员，但系我真系睇唔过眼啰，因为我系受害者。
继续阅读