巴西燒烤餐廳 (已結業)

它是我和一班朋友仔的聚腳點。每逢什麼喜慶節日都會去那兒消費，因為它十分的便宜，而且地點又方便，所以我們都會去那兒慶祝。不過就少了些甜品，如果可以加多一點就更perfect。

好似食肉獸咁..... 太多肉類啦, 甜品極差又唔多選擇囉!! BUT 我都知咁既價錢都唔可以要求喧高啦.......呢間野幾岩D 做SALES 既人去...因都好開到好夜但待應的服務就個別囉...有幾個都幾NICE , 成日問你要唔要, 又講得笑

我同男朋友慶祝一周年選擇左哩間餐廳,我同佢都係第一次去哩間餐廳食Buffet,選擇哩間餐廳既原因係佢營業時間開到零晨,可以放工之後慢慢坐,價錢方面又合理,更欣賞係哩間餐廳有人響你身邊彈結他唱歌,你仲可以點佢唱,非常之Romantic,雖然可以比你選擇既食物唔多,味道一般,但係有專人送埋黎既烤肉就又熱又新鮮又好味,好快就食到飽晒,我最鐘意食既就係燒菠蘿,豬頸肉同埋雞翼!!最唔好既地方就係坐既位置,拎野食好麻煩又睇唔到結他手既唱歌表演,有D失望!!大致上一切都好好,值得一試!!

呢間餐廳,我覺得物超所值,食物唔錯,多元化,仲好有氣氛,有band唱歌比你聽,服務態度友善,一間值得一去0既餐廳!

我有個朋友都係3月30日生日咖....佢叫做Cherryson 呀....祝所有3月30日生日o既人....."生日快樂"

世上真係無期不有，咁o岩我男朋友又係3月30號生日架!!

你好呀! 小弟都係呢日生日，真係橋哪!祝你男友生日快樂!

今晚男朋友生日，我靜靜雞book 左兩位，之後想改時間，個姐姐都肯，我話要張臺僻d，佢又安排到，好呀！<br />仲有d 食物都好呀，雖然出面d 食物唔多吸引，但d 甜品幾好，特別係d 餅底，好鬆化！不過送上來的食物都好好，待應都好好，可能我地要求唔多，整體都好好，我最鐘意佢地d 格局同有人唱歌既氣氛，最好既當然係男朋友都話滿意啦！

D 叉住肉o既waiters 幾好傾, D 燒肉上得幾快,SERVICE 幾好~<br />D 燒肉好好味,但出面D 野食就麻麻地唔係全部都~HOT .

千其唔好去依一間呀!<br />果次我同女朋友去, 果D 切肉的Waiter 多多o野講,<br />又囉D 食物'對'落我女朋友道, 我話要雞亦, 之後佢囉o左o黎,我地兩個剩係要一隻, 佢就話我地,重爆粗囉,勁無禮貌,唔要野食一陣,佢就唔囉野食o黎,要叫先o黎!!! 勁差。

我最鍾意唱歌環節~ 幾正~

以$98食一個Dinner Buffet都算不錯, 但待應的服務真是一般過一般, 切肉的Waiter用自己只可以聽得到的音量介紹肉的品種, 另外一位Waitress姐姐竟用我們抬上的食物夾把我們吃剩的骨頭夾走清理, 然後把夾放回在我們的抬上. 真是不太衛生.

food 係冇眾數的啊!

星期一o個日我女朋友牛一, 考完個quiz同班朋友仔同佢行完波鞋街就去左樂道巴西燒烤食dinner, 九點半後入坐, 地方ok夠坐, 可能比較肥, 環境靚, 加上我之前booking, 有個成2lb既cake送, 加埋有兩個勁正既人唱歌, 玩guitar, 一流, 出面自助食物唔錯, 不過有o的bbq野食就老左o的, 香腸勁好味, crab no good, o的哥哥仔同姐姐仔服務唔錯, 好helpful, 要咩都好快有反應, 送旦糕o黎同樂隊到我地張抬既時間match得十分好, 女朋友好開心! o個晚正呀!

我講一講我o既經驗畀大家參考啦:係出面等成七,八個字先入到去坐...0的侍應黎親我地張都係得番一兩粒肉...出面自助餐檯上面放左好多"美食"啊, 有"巴西乾沙牛河", "巴西滑蛋肉片飯", "巴西咖哩魚旦", "巴西茄汁煮雞肉腸", 個意粉又一味放芝士...過其他材料的味道......如果唔係班朋友要堅持去食......總之冇下次啦......五,六十蚊黎食呢0的"巴西"野, 總算大開眼界!!