巴西燒烤餐廳 (已結業)

Buffet方面完全無特色, D 三文魚剌身極不新鮮, 熱食同大家樂無分別.BBQ ok, 但款少, 只有牛, 羊, 豬, 雞, 瓜. 腸. 味道一般.總結, $98 太貴, 除非自在一大堆人吹水!

去到有班band係度好正~食物唔錯~地點方便~價錢好平

我那次去吃宵夜，五十幾蚊，食的o野就普通，不過有埋歌聽，算不錯啦。最唔開心係門口個女侍，成日話幾分鐘有位，結果等了好耐，我諗講清楚d較好，等我有個預算嘛。咁o既價錢有主菜有甜品有燒肉，算幾開心。

其實唔係特別好食,但當約一班FDS食飯,總會有幾次黎呢到~貪佢夠熱鬧同平卦~食物同環境水準好多人都講過,我想講係個度有個WAITER好攪笑,成日叉住舊肉走黎我地個,講一大輪0野,我地知佢好悶,都好樂意同佢傾下計,跟住佢就次次都行埋黎吹下水~都幾得意~不過有D人可能會嫌佢煩LAW~~

如果正價($96)唻講係唔抵的,所以都係食宵夜時段去抵d~~而且最好多d人去.....咁樣d waiter會成日俾你揀先

尋晚(19/6 星期六)同個朋友慶祝生日, 我地係食宵夜個時段, 我地星期二已經book定左位, 估唔到去勁多人, 仲要拎飛等多等, 好彩早book枱, 所以都係10號飛之內。(所以諗住去食既朋友, 一定要早d book 枱)入到去, 一坐低放低野, 第一時間出去拎野食, 嘩, $58 都預左係差, 不過還可接受, 但係壽司就真係過份地核突, 初頭仲以為d 人搞到散晒, 後尾見d staff 拎出, 先知原來係佢地整得樣衰, 不過成9:30pm 先食飯, 所以唯有都食住先, 後尾就陸續有bbq 既肉拎出黎啦~~其實bbq 既野我覺得真係ok 囉, 燒菠蘿必食, 仲有雞扒都幾好味~~ 仲有羅宋湯好好味, 必飲, 芝麻雪糕好濃芝麻味, 但相反好受歡迎既綠茶雪糕一d 都唔掂, 一d 味都冇~~仲有, book 枱個陣佢話送個蛋糕畀我地, 初頭諗住佢都唔會記得架啦, 但突然間佢地拎個蛋糕出黎, 好驚喜~~ 仲有個兩個彈結他既人, 好鬼搞笑, 好識搞氣氛, 先後過黎彈左兩次生日歌畀我地聽!! 講番個蛋糕, 都好有水準, 仲好味過佢放出黎個d cheese cake~~

有次同成班friend係lee度攪聚會，除左地方迫d外，lee度既氣紛唔錯囉，同d waiter 招呼都好好。

上次生日,同左一大班朋友仔黎尖東0個間食dinner buffet,冇咩特別,佢話就話係D 燒烤野食最出名,但係我眼見0既種類唔多啦,來來去去都係0個幾樣,真係食到口都X埋,,之不過出面0個salad bar都叫做見得下人,D salad幾fresh,而出面有個waiter哥哥仔炒0既意粉幾好食,算係可以啦~ 仲有D好笑野,0個度夜晚會有D外籍人仕彈住結他唱D好classic0既歌仔,好得意架,又攪笑,都幾relax!~

8/6同朋友去慶祝生日, 呢間野既人拎肉出o黎時好似好趕時間咁, 以超光速"燒...雞...", 講到個翼字時已經去左3張台後... 成日都要大嗌叫住d人...食物差唔同多啦, 我係7點pm去到, 但好似都唔係太多選擇咁既, 感覺上尖東o個間好好多...

尋晚同小學同學食飯，其中一個提議黎呢度，話呢間抵食，最初以為去尖東，點知佢話樂道呢間仲多野食D。其實我本來想試9:30PM之後，因為平好多，但見朋友咁想食，無計﹗七點左右去到，唔算多人，大家都剛開始食，但有D唔鍾意佢話只可食兩個鐘，宵夜時段反而唔限($58，9:30-1:30)…另外加$16可以汽水、橙汁任飲，都OK0既，一晚都飲到3-4杯，計番每杯都係$4-5…熱葷都有十款，有生蠔、三文魚、蝦、沙律等等，都好多野食，而且不停有人叉住D肉問你要唔要，所以一定食得飽。熱葷試左好少，因為想試佢D燒烤物多D，燒烤物都好多，有火雞腎、牛仔骨、叉燒、三四款腸、牛、魷魚、雞翼、菠蘿、茄子等等…好多肉，全部都熱辣辣，幾香口…但真係太多肉喇，每樣試少少都飽到上心口，所以好多都無試到﹗甜品佢都有十幾款，但就真係可以唔洗試，因為一來已經唔凍喇(都唔知放左幾耐)，二來得個甜字，乜味都無…連西瓜都可以係無味0既，勁﹗反而雪糕有D特別，佢四款味，綠茶、芒果、雲呢拿同一款啡白色不知名味道，問D 侍仔又唔知，問個女經理又唔知，話係咖啡喎…我覺得唔係幾似，就"不"左一球返去試。噫？﹗好立克味？咁搞笑？但又幾好味喎…反

我都有食開呢間巴西,比起以前差好遠,d野食種類少左好多.d人無之前咁nice.我諗9:30後食會低d囉

我本來想去等整Pancake, 點知等等下見到個廚師傷風咁既樣仲冇帶口罩, 兼且用佢對用黎整野食既手去抹鼻涕, 真係好惡頂, 嚇到我調頭走!另外, D服務態度都真係好差!D野食都係九唔搭八, 十樣有九樣你都唔想食...!

近日經朋友介紹到巴西燒烤食自助餐.食後有以下的評論.基本上您如果是一位無菜不歡的人.您到這裡..可說是食氣氛和環境.我不是說這間餐廳出品不好.而是他們主打是燒烤.故菜類比較少.但食品的類別真是十分之多.豬,牛,羊,雞都不只一種的烤法及味道.喜愛食肉的朋友.這餐廳是您的不二之選.另外該餐廳的甜品亦具酒店水準.而餐廳最大的特色.是各類燒烤食品是由廚司新鮮燒好然後一大串的走到您的面前您要多少他們都給您就好像這次...我們一行8人當廚司拿著一大串的烤腸及一大隻烤脾到我們面前我們說全部放下他馬上幫我們分件...放到我們的碟上而食品亦不停供應..沒有不夠食的情形我與友人食至最後..服務員還會問我們有什麼食品還想食的...可叫廚司再燒給我們我們各人即說..多來兩個燒菠蘿吧..

有特色，不過走大眾化路線，所以食物質素，服務，環境都只算一般，甚至差。9 點後特價時段50幾蚊位，這時入場先覺抵。不過會有大批"難民"迫嚮自助食物台度，膽小人事切勿於此時段前往。

我初時聽到佢個名．．．仲以為係間幾高級ｇｅ餐廳啦．．．唉～一入到去呢．．．油煙多到爆！之後去囉野食啦．．．激到死！ｄ魚生俾人囉剩蕃幾件，兼且俾人搞到亂哂＞佢都唔理！之後呢，我去囉ｐａｎｃａｋｅ啦，佢果度寫左張野話要等陣啦．．．咁我咪係度等囉～唉．．．激到我死呀．．．我足足等左成十五分鐘呀．．．個人都已經開始嬲ｇｅ時候咪問個ｗｅａｒ住西服ｇｅ　ｗａｉｔｅｒ究竟幾時先囉到ｐａｎｃａｋｅ．．．佢竟然用ｄ好唔友善ｇｅ（太）度同我講話ｄｐａｎｃａｋｅ係要等１個鐘先得嫁．．．之後佢就好無禮貌地行開左．．．激死我咩！咁你可以寫明呀！係咪？之後我咪好激氣咁叫蕃佢過泥囉．．．佢好唔ｌｉｋｅ地行蕃過泥～我咪同佢講話我已經等左好耐，你可唔可以叫佢ｍａｋｅ左俾我先．．．佢咩都冇講就自已走開左啦．．．激無禮貌囉！但係值得一讚嫁呢．．．就係ｄ　ｗｅａｒ住白色衫ｇｅ待應囉！佢地ｇｅ服務起碼好過ｄ　ｗｅａｒ西服ｇｅ幾十倍啦！！唉～總之哩間野ｇｅ服務真係差到爆．．．簡直１分都唔值！！