巴依餐廳

营业中

休息中

这个店整体感受超级差，整体服务超级差，我们6:25到达餐厅，服务员直接带我们入座后，但没有提醒我们收台时间是7:30，我们7:25点饮料的时候还继续让我们点，结果7:30开始赶人走，短头发的服务员扯着嗓子喊，太没素质了。食物整体也一般，手抓饭没有味道，土豆丝和呛生菜也没有味道，超级不推荐！！！中间要换菜点的时候 店家特别不情愿，找了各种理由来推拖，最后好不容易终于说服了才很不情愿的给换了，其实那时候刚点菜3分钟，他们肯定没有跟厨房下单。

d待應態度衰到一個點好似你要乞佢咁，服務咁差真系香港罕見。永遠唔會再去。味道叫OK既，但食完一肚火，幾好食都無用。想響度寫粗口架喇，但應該唔比post。希望佢地快d執唔好阻住個鋪位。

一直想試公司附近的這間巴依餐廳，今日終於約到人一齊食，12:30去到已經滿晒位要喺門口等等咗15分鐘先可以入坐。叫咗兩樣嘢，午餐食啱啱好。烤羊排$99新鮮烤好上枱時仲熱辣辣，羊肉一啲都唔鞋，非常之嫩滑，調味亦唔會太濃蓋過咗羊味，同時亦都唔會太膻，加埋孜然粉一齊食完美。羊雜湯$80呢個係Menu上面冇嘅，只係貼咗喺餐廳牆上，因為屋企人好鍾意飲湯，今次就試左羊雜湯面。份量好足，而且羊雜一啲腥味怪味都冇無，處理得好乾淨，調味亦都啱啱好個湯就咁飲都唔會覺得太鹹加試面一齊食又唔會太淡啱啱好。不過一定要快啲趁熱食，因為食到後面凍咗就會覺得有啲油膩。我覺得兩個人午餐一個主食，一個烤羊就啱啱好，但一定要記得早啲去，越晏越多人。

一直都好想試吓呢間嘅新疆菜，咁岩我地三個都好鍾意食羊肉，就Book咗六點鐘枱，但已經話烤羊排賣晒😮‍💨新疆老虎菜，開胃配肉解膩一流。烤羊串不可少，$99兩串，所以我哋嗌咗兩份，肥瘦均衡，撒上孜然粉同辣椒面🌶️酥酥脆脆，和啤酒超級配，強烈推荐！手抓羊肉非常嫩滑有肉汁，用手抓著吃，豪爽份量足！羊肉薄皮包子，已經小心翼翼夾起，仍然每粒都會穿窿，肉汁流走晒🥺燴苞菜正正常常，杏仁羊奶凍，Q彈香滑奶香濃厚❣️整體喜歡吃羊肉的朋友表示唔夠羶味，可能配合返香港人口味🤭同埋限時90分鐘就真係爭少少🤏🏻

朋友邀請下一試， 我最鍾意食嘅係要提早預訂嘅烤羊腿， 佢係整得幾嫰滑，但都唔係話令我想講好食，冇咩羊羶味🫢我覺得平時食個啲羊腩煲仲正 …另外，食咗老虎菜，佢係係酸酸地嘅沙律菜，都幾清新， 最正係有生洋蔥😁，但要一大匙擺啲沙律落口食先食到個種酸爽感， 唔錯嘅。羊肉薄皮餃子就真係做到薄皮，但一夾就穿， 味道都係ok而已，屬配料嘅陳醋反而仲正😂酸奶同杏仁羊奶凍ok,幾易入口，淡淡羊奶味，但無咩記憶點。Overall黎講,我覺得真係比較普通，羊肉好瘦（我偏好有啲肥肉），肉嘅調味偏淡，食唔到新疆菜應有嘅惹味感覺，而且羊味唔重（如果鍾意羊羶味嘅人應好失望）。 btw, 間嘢好多內地同胞食，可能只係間嘢口味唔多岩我啦🤣但佢拎過咁多次michelin 真係令我有點摸不着頭腦😅

記得以前係大陸新疆菜館食過羊肉手抓飯，念念不忘，搵下香港有無，得寥寥可數個幾間，咁岩出開港島就過黎試下😁食既時候係夏天，但都忍唔著叫個羊肉湯試下，好彩有嗌！真係好暖身好正！冬天一定要黎再飲！羊肉串大大串，咬落好香好夠味，好食！手抓飯不過不失，記憶中係大陸食既比較濕潤，呢到較乾身。羊肉份量唔多，下次會叫烤羊排試下。大盤雞無乜特別，我prefer食辣子雞或雞煲多啲😂😂身為新界人出到西環真係有啲遠，而且價錢唔平架！不過係一定會encall之選😊

一年前嚟過一次，嗰次阿哥話帶我嚟試新嘢，其實對佢嚟講一啲都唔新，因為佢自己就幫襯咗好多年。佢話老闆娘去新疆旅行識咗個當地人，即係而家嘅老闆，千里姻緣從這開始。佢話嚟呢度一定要食手抓羊，今次我哋當然都有order啦。不過如果怕羊肉嘅「蘇」味，同埋怕「漏」，咁最好就同人share －塊，因為好大塊。我哋今次仲試咗洋蔥羊肉飯同京蔥羊肉飯。京蔥嗰個好食啲。😋 平時我都唔係好食內臟，今日阿哥點咗個羊雜湯，羊肝切得好薄，連乜肝都唔鍾意食嘅我，都覺得好okay。雖然$150都值得一試。有湯、有肉又有飯，加埋個炒菜就perfect啦！個菜雖然肥咗少少，但係好有回鍋肉入面啲菜嘅風味，好食。最後我哋試咗新嘅甜品：酸奶涼糕，本來想一人一份，好彩店員話都好大份，同埋有糯米，應該唔使一人一份，於是叫咗一份試吓。果然係好大份。😅呢個超好食😋😋，值得推介，之前阿哥話酸奶啲味好怪，不過今日連佢都讃好。👍🏼👍🏼

爱羊必食之選之前有好友推介所以必試！带了一位喜羊肉朋友超爱！羊扒烤羊腿要訂的！一定要訂位！由於只有约十張枱很多外國人喜爱！先試酸酸奶比印度杰身！更濃奶味！正再羊雜味湯麵足四位份量！特式好味麵爽口！冬日濃湯暖身！嗆包菜有嬳氣！烤羊串够香口！再加了手抓羊扒有八件！二人加啤酒共六佰元！美味喜羊一定要試！離港大站站約七分鐘鐘上山步程！

一坐低👉🏻茶位每位$5😂好彩唔洗加一😭味道評分:☄️(highest_surprise)/☀️/🌤(pass)/⛅️/💨(lowest)☀️手抓肉$238 聞落有少少羊so味，食落都有少少😝有4舊羊髀(啲肉瘦d會冇咁滑)，同4舊羊肋骨(有啲油脂，滑d好食d!)點粉食更惹味🌞☀️新疆手抓飯 $60(小)好油既飯😂夠2個人食~配搭羊肉同好Q彈既紅蘿蔔(口感似啫喱咁）估唔到又幾好味喎~Btw個飯有羊so味，最後會以回甘既方式出現✨🌤杏仁羊奶凍$30嗯…落完order直接係雪櫃拎出黎😂有杏仁味 但羊奶味我係冇feel到~滑的❤️‍🔥有風味 見好多人都慕名而來 係門口等位2人枱星期日1230黎到要第15分鐘位(越多人既枱應該要等越耐)💨個外賣盒雖然都幾大，但收左3蚊🫠

新疆菜喺香港嘅選擇唔多，其中最威威之一就一定係 巴依餐廳，之前連續九年攞到米芝蓮推介，主打羊肉料理，身為「羊魔」梗係要去試試佢。餐廳唔算好大，好彩有訂枱，我地坐低無幾耐已經全場爆滿喇，留意返，佢地嘅「烤羊腿」係需要預訂先有，訂枱嘅時候記得訂埋呀～ 先嚟上左兩個菜先，熗苞菜，一道好常見嘅家常菜，爽口辣辣地非常開胃。 新疆老虎菜，本身以為咩係 老虎菜 個名咁勁，原來 老虎菜 即係 東北菜沙律 嘅意思，將唔同嘅蔬菜切絲撈埋嘅涼菜，亦係另一個東北常見嘅家常菜。洋蔥嘅微辣，醋嘅酸度，青瓜嘅爽甜，加埋晒食落又係非常開胃。再嚟 手抓羊，大大串羊肉，首先留意返， 佢一份係兩串，我地叫左兩份所以先係四串。 一上枱已經聞到勁香羊味，細細粒咁一口一口羊肉 非常之爽。 蘸埋佢啲香料，東北菜嘅味道就更加強烈。主角 烤羊腿 出場喇～ 一大盤嘅羊肉，下面係有連埋條骨，如果鍾意食羊的話一個人劈晒成盤應該無乜問題，肉非常香，個皮都好香口，但係調味上，其實同啱啱食完嘅手抓羊 都幾似。見到隔離枱叫，又叫埋個「羊肉薄皮包子」，佢一份，係15 隻！！ 如果人唔多想食就真係要三思，佢真係幾薄皮，所以好易一夾就穿，味道方面，其實佢

睇過好多食評講呢間米芝蓮都推介既羊肉串同烤羊腿, 今次1行6人book枱留埋烤羊腿試試佢烤羊串 - 要九十幾蚊2串唔平, 上枱好大串而且真材實料, 不過孜然粉另上, 就咁食都夠惹味, 有少少羊油脂所以已經係全晚最膻既菜式, 但怕膻既朋友都食到烤羊腿 - 羊皮硬脆, 羊肉嫩滑, 少少膻味, 調味較單薄要靠旁邊孜然粉, 如果人唔多就唔建議呢到菜 羊肉薄皮包子 - 即係餃子, 不過羊肉份量較少, 餡料主要係洋蔥同紅蘿蔔大盤鷄 - 新疆十大經典名菜之一, 用雞件和薯仔炒燉, 而且會跟皮帶面好正宗, 辣度唔高尚算香辣, 但餐廳對雪藏雞既處理工夫麻麻, 好大雪味新疆老虎菜 - 新疆式沙律, 西北/清真既涼拌菜, 酸辣清爽脆, 開胃解膩, 聽講因為呢道菜刮油猛如虎所以有咁架勢既名, 入面主要係青瓜、洋蔥、蕃茄熗苞菜 - 椰菜 / 捲心菜加乾紅辣椒同花椒炒新疆奶茶 - 熱飲, 牛奶加香料煲既奶茶, 攤涼會易飲到香料味, 幾特別杏仁羊奶凍 - 杏仁霜加羊奶, 2樣都係我喜歡口味, 有羊奶餘韻, 會推薦總結, 可能米芝蓮偏好冇咁膻既羊, 喜歡羊膻味既朋友可能會失望

不知道是不是換了老闆，服務的人和餐廳都不一樣。跟之前吃的差太多，今天飯沒熟，羊肉沒味道，不會再回去了。可能真的換老闆了。要回去需要想清楚。環境跟之前也不一樣雖然裝修後比以前好點

位於水街尾嘅巴依餐廳喺西環有一段日子，事關我喺佢啱啱開業嘅時候已經對佢饒有興趣，但礙於各種終於，等咗好多年終於有得拜訪。🙈記得舊時餐廳門口未係咁人聲鼎沸，喺攞咗好多年米芝蓮推薦同埋得到蔡生讚賞之後，依家要食，最好就提早一個禮拜左右book喇！Book位嘅時候職員會問你使唔使留羊腿——冇食過呢度嘅烤羊腿就唔好話自己嚟過食巴依啦，所以梗係老虎蟹都留啦🙏🏻🙏🏻當晚我只有兩位，所以有好多嘢都未有機會試。但係盡我（肚量）所能，試咗烤羊腿、苞菜、清燉羊肉湯、家常拌麵、酸奶、杏仁羊奶凍，都係有讚無彈。烤羊腿羊皮硬脆，頗有食曲奇餅嘅口感；羊肉十分嫩滑，羊羶味剛剛好，唔會太重但仍有風味，點埋啲孜然粉真係好味到會升仙，不過兩個人食真係食唔晒，如果大家多啲人食會好啲。乾煸苞菜有川菜風味，少有香港餐廳做到呢種感覺。有辣椒香氣、微嗆但不辣喉。清燉羊肉湯，湯頭清，羊羶味偏重，我個人喜歡呢個口味。家常拌麵稍顯普通。酸奶口感較稠唔太抗拒杏仁露味道嘅朋友都可以試試杏仁羊奶凍，杏仁味較出，唔係太多「羊奶」嘅味道，口感順滑。

上次嚟巴依食飯已經係2018年，5年後終於再有機會親臨光顧。今日同朋友大約晏晝一點半到餐廳，等咗大約5-10分鐘就有枱，不過要搭枱。成間餐廳坐滿人，枱與枱之間都幾迫，但環境都算整潔。好明顯係太旺場，伙記唔夠，都真係要舉一陣手先有人理。見評論話服務唔好，但今日侍應阿姨態度都算客氣，起碼我唔覺得有問題。我哋兩個女仔叫咗一個細嘅新疆手抓飯 ($60)，一份烤羊肉串，同兩杯原味酸奶。上菜等得唔算耐，第一道先上手抓飯。個飯有淺淺嘅羊油味，雖然油，但有紅蘿蔔伴住食，唔會覺得膩。羊肉本身煮得夠淋亦唔太膻，面頭有啲孜然粉剛好，所以無蓋過本身嘅羊肉味。如果係重口味可能會嫌太淡，但我覺得唔錯。 果然期望越大，失望越大。本身羊肉味唔夠 (膻味都太少)，expect佢孜然粉係已經灑上羊肉度，可惜係要自己點嘅，咁樣個羊肉亦無乜孜然味。多年前曾到烏魯木齊街邊食過當地正宗嘅烤羊肉，相比之下今日嘅真係好失色。食完飲番杯酸奶解油膩，剛好。酸奶質地夠濃夠杰身，唔錯。最驚喜嘅係臨走時，隔離搭枱嘅夫婦叫咗羊肉湯，嚟到發現太大鍋，主動請我哋每人飲咗半碗。飲咗一啖馬上後悔點解要嗌羊肉串😂 個湯好清甜，有香濃嘅羊膻味，但亦唔係會令

從未在OpenRice寫食評，此次動筆因為真心想為店家應援，明明是一家美味無比亦富人情的好餐廳。幾年前去新疆玩了一個多星期，對那裡的美景固然回味，但更念念不忘的是各種西北風情美食，回台灣後一直找不到正宗的新疆餐廳，想不到在香港遇上這一家。#羊雜湯麵 用料新鮮湯頭醇厚，愛吃內臟真的會瘋掉。#手抓羊肉 鮮嫩至極，看似清淡其實極夠味。點上孜然粉就這麼抓著吃，實在太美。#烤羊肉串 外酥內軟，照片看不出來，本人其實超大一串。很驚喜的是 #老虎菜 也很地道，雖然感覺有降低調味輕重、迎合南方人口味的清淡，但已很滿足。新疆式的涼拌菜和川式的不同，不放紅油不下花椒，吃來鮮香爽脆帶微辣，剛好平衡羊肉的豐富油脂。（看到其他食評說對老虎菜很失望、怎麼不是麻辣的，我想你不會去到義大利吃pizza卻抱怨怎麼沒加菠蘿吧？）結尾再點個 #手工酸奶，是店家每日新鮮自製，不含多餘添加物，口味滑順酸度自然。我和先生都只喝到兩口，因為一大杯都被兩歲兒子嗑光。這家店在OpenRice上負評甚多，幾乎一面倒都是批評服務不佳，但實際上造訪完全沒這回事，個人的感覺是，客氣親切得不得了。看見我們帶著小朋友不但主動張羅安排易入座的桌位、