巧手坊 (已搬遷) 新店位置

想係荃灣搵間有得坐又有得食串燒的餐廳。於是搵到呢度。環境唔算舒服，冷氣凍到趕客，較極都極凍。10點左右全場計埋我地，有3枱客。HK$50的茄子有半條係燒到「脆」既。肉已經乾哂、除非你鍾意食又黑又脆的茄子皮。其餘食物都係好一般，呢度價單貴、而且完全唔係嗰個水準。（呢個價錢可以去嘆"南亭"了）唯一推介燒蠔，HK$22壹隻，係所有食物中較為OK。雖然有朋友話無咩蠔味，但總算是JUICY。埋單要小心計數，免中陷井。

一年前試過巧手坊, 食物只是一般!但前天友人再推薦, 為應酬友人, 勉強再一試!店鋪跟前比較加了不少菜式.隨便點了印尼黃薑飯配串燒, 撈麵, 串燒及燒魔鬼魚,本人喜歡是很喜歡野味之串燒!發覺串燒醮滿了香草汁, 味道不錯!(誇張啲講法係誘人的汁液刺激著味蕾細胞,芳香的汁液使人齒頰留香,愛不釋手進行添食)黃薑飯造得亦相當地道, 亦是應食之選!我和友人同時因覺食物不錯, 亦先後喝了二瓶Asahi,這種食法可用"過引"來形容!與店鋪老闆聊天, 問他是否剛開店, 他說開了兩年多, 人手, 食物已較開業時穩定!他推介下次可以試食全港可能係首創日式車仔麵、羊扒意大利粉和安格斯牛柳，聽來不錯, 約定下週一再去!巧手坊地址:德華街6號地鋪電話: 34813296

好耐好耐冇食過咁有質數嘅串燒及意粉！Nice Nice有十個nice! 先講佢個牛肋條，超juicy yummy yummy!!跟住嗰日個黑松露燒蠔，超新鮮，一個字惦，再加上紐西蘭羊扒意，一d都唔so,意粉帶有芝士香但又唔溜，咁嘅價錢咁嘅質數邊到搵？？？個老細仲送張優惠咭比我地，超nice!!!!原來依度仲有私房菜，過兩星期我個best friend 生日，我已決定再食一次，try下私房菜！yeah"..........

今日同老婆和呀仔到巧手坊食嘢, 之前食過佢地d燒烤, 又其事d 牛肉, 更係令我回味無窮.一路我都以為佢哋d燒烤出名,但我因為想試下d 新嘢,未叫個牛肋飯食, 我太太就食海鮮喇沙, 呀仔就食炒意粉, 等了一會, 先來個喇沙, 雖然有小小辣, 但真係幾好食, 好食個好多地方, 而炒意粉唔需要講, 又香又好食.至於牛肋飯, 真令我很有驚喜, 除了牛肉口感一流之外, 牛肉本身更充滿肉汁及牛肉味, 唔似其他餐廳, 食牛肉係食唔出牛肉味最後找數時聽老板講, 下星期有新嘢出, 我一定同家人再來食.

同朋友食飯無諗頭~就諗住去試下BBQ同意粉啦~未搬鋪之前食過都唔差既~諗住唔會失禮朋友啦! 點知就出事喇!!點左泰式鳳爪一份,燒石蠔兩份,蝦兩份,牛油冬菇一份,雞軟骨,墨魚圓,腸,韮菜,生菜各一串!三個人食左咁小小野都已經要$327埋單喇! 如果好味同服務態度好既話都無所謂既~但食物水準好普通~生蠔無蠔味~樣樣野味道都唔夠~好淡~我平時都唔係食好濃味~但都食唔慣~朋友問個阿姐~"可唔可以比D辣粉我地自己加?" 阿姐就答~"我地唔會另上架!你有咩唔夠我拎出去幫你加~唔夠味同唔夠辣係兩回事! "去到呢度已經好唔明~辣唔係味道既一種咩?你唔比就算啦~~我地有自己既野飲~唔可以係度飲可以有禮貌咁話唔得~唔洗話" 呢度唔可以帶野飲入黎飲架! 我地會收返錢架!"咁我地坐底水都無杯比我地,你話唔得就唔飲啦~問伙記拎三杯水~就特登比三杯出曬煙既滾水我地!既然食得唔開心~諗住埋單轉場, 又話唔收$1000蚊紙~$1000紙唔係香港通用貨幣咩??呢間野九唔搭八,又貴~我諗唔到有咩理由想再去食!大鋪搬細鋪原來真係有原因架!最後我地搵到間茶餐廳~ 服務好~味道中尚~價錢合理先食得飽咋!

同老公一齊冇idea,見到個男人介紹,就試下啦!超好食!!!!!老闆果然冇介紹錯,新鮮鹽焗蟹,超正正正............................!安格斯牛肋條簡直冇得彈!!大大粒,勁Juicy都係$15,質數一流!!!!!-鹽燒黑鰂跟自製醬汁,好match,燒得剛剛好!!!!!-羊骨扒配香蒜炒意粉,意粉帶好香芝士味!!!-廚師推介,燒尖椒,百合茄,香草串燒雞翼...................,好味到不得了!!!!!!!!依間串燒比起我食過e.g. X皇,川X好得多!!!!下次我一定同班friend嚟食餐勁!!!!!!

真係貴夾唔飽, 而且食到一肚火.一般人所祈望$38 o既晚餐應該係有個湯, 主菜, 涷飲加$2.但我所食到o既係一碟平生以來食到最細碟o既所謂晚餐, 仲要味道平平, 而且, 冇湯, 涷飲再加$6, 抵唔抵食真係見仁見智. 唉! 因為個飯實在少得可憐 (香炸豬扒拼扎肉飯, 扎肉係由一片薄切再切開兩半, 豬扒係連鎖快餐焗豬扒飯o既一半厚度, 只有4小件, 飯量亦只有1/2個大飯碗飯量), 唯有叫多個串燒安格斯牛肉粒及牛舌.燒安格斯牛肉粒真係好似介紹中係有少少甜, 而且幾香口. $15 個牛舌坦白講, 我覺得似雞腎. 不吃也擺! $15 兩個鐘後為o左填補胃內空虛迫住要再去食一碗牛腩河再加淨雲吞先滿足, 下次執到錢都唔會再去! 笨蛋做一次已經足夠!

原來金剛小儀都介紹過這間巧手坊，但就是在路德圍那邊，還未搬過來的。串燒是這小店的招牌食物，但除了串燒外，鴛鴦腸香蒜炒意炒也是很出名的，就試試吧。鴛鴦腸是牛仔腸和豬肉腸兩款，但吃不出什麼打什麼，只得一個咸字。意粉有著我最不喜歡的香草味道，不合心意。或者下次真的要試串燒才知其真正水準。