影片
招牌菜
食记 (9)
见到呢间食串烧就试下啦。如果天气太热，就唔会坐街食啦!先叫左串烧拼盘，炒意粉，烧元贝，都唔错，但味道最好系牛肋条。牛肋条原味烧充满肉汁同牛味，唔系梳打牛。意粉落香草同芝士粉又唔过量，连我男友唔中意食意粉都话好食再加牛肋条，鸡翼，牛脷都好食！如果可以多几把风扇就会多d人食呢!
继续阅读
每次行过路德围都只会系食糖水突然有一日见到串烧好想食，就坐底试下啦...就系咁...半个月黎食左几次!我地食过德国猪肉肠($13)，老细用沙嗲加蜜糖烧到脆卜卜，就好似烧野食将d蜜糖烧到黏住哂咁，唔系最后先加架~一咬落去仲好有肉汁，加上香肠本身已经有调味，真系几好食。虽然贵少少但都食左两次~火鸡肾($9)：可以拣味粉既~我地次次都拣香草中辣~食过三次...水准比较飘忽，有一次好juicy又够辣，有一次就太干...不过有成8粒左右都好抵食~~墨鱼丸 ($8)：一串2粒半，我地好好奇点解佢唔俾埋o个半粒呢?上次食左沙嗲味，其实唔系太入味同埋弹牙，所以冇encore呢黄金烧卖 ($12)：呢个系o系炸物类既~有6粒，脆卜卜既外层加上d辣辣地既味粉，我好钟意呢个呀烧烧卖 ($12)：第二次再黎既时候试烧烤类既烧卖，睇落其实同炸既黄金烧卖冇咩分别，食落原来都冇分别唯一既分别就系少左一粒，得5粒lor~除左串烧，呢度都有饭，炒意粉同喇沙食，不过d配料都系串烧d野食有一次试左炸鸡扒喇沙，个鸡扒好香脆，但喇沙就有好劲既蕃茄味...唔太辣，麻麻地黎呢度食野唔好以为可以好快食饱走人，因为落左柯打都要等返两三个字咁滞，可能即烧挂，都值得等下既~其实一串一串密密食，食到饱都系百几蚊两个人，系唔太肚饿既时候既好选择
继续阅读
行过呢间东东好多次﹐今晚终于有机会试喇!! 两个人食﹐叫左好多野~~!! (太肚饿啦)* 黑椒烧牛俐﹕* 烧鸡软骨 (香草味)* 炸鸡翼 (香草味)* 芝士肠* 汉堡扒烟肉炒意粉* 鱼片芝士肠炒意粉2罐忌廉Total $114D意粉好香口!! 落左香草炒﹐好够味。唔会太油﹐都ok! 隔离台两个日本仔叫左同一样野都话好味!! D串烧都好好味呀!! 老板其实会炸左D串烧先放系个炉度烧。但系真系好香口!! 好正!! D鸡软骨0岩0岩好!! 超香!! 牛俐其实唔系我食过最好食个间﹐但系呢度够新鲜!! 等耐少少都抵!! 今日星期三唔系太忙﹐老板招呼都唔错。几好。座位都比想象中坐得舒服。几好风味~一定会再黎!!
继续阅读
其实我同男朋友成日都好钟意串烧系tm，元朗成日周维揾食串烧的地方但好多时都会失望，一系贵，一系唔抵食，一系唔好食因为男朋友成日都会出荃湾玩，呢间野佢就食过先带我去食的第一次去个阵就觉得好似无咩特别因为个铺面真系唔系好得，坐得唔舒服佢个炒意炒好好食，好香蒜蓉味，但唔会有蒜蓉的辛辣味另外叫左串烧牛肘骨，呢个令我一食上瘾一粒粒牛肘骨肉串起黎烧，烧得岩岩好有肉汁，唔会咬唔到，一啖一粒岩岩好整得咁好食都系12蚊(一串5粒)仲有烧带子，好新鲜，好鲜美自从个日之后，我同男朋友成日去食每次都可以keep到水准，对于一间餐厅黎讲，难得*第二度一定食唔到咁高水准ge串烧另外仲有一个好得意小朋友招呼客人!!应该系老板个小朋友黎架你问佢餐厅ge野佢先会理你，其他问题唔会答的!!劲搞笑
继续阅读
夜"妈妈"系荃湾揾宵夜食, 竟然见到有间食店系有串烧 & 面食,佢地有喇沙鱼汤 & 鲜茄鱼汤 2 个汤底, 因为太夜只有 鲜茄鱼汤, 都试试佢啦!!最后叫左:1) 安格斯牛粒串烧;>做紧HKD10.00 推广价, 牛肉内有肉汁, 非常惊喜;2) 鱿鱼串烧;>OK, 不过不失;3) 海鲜鲜茄鱼汤米粉;> 呢个真系有好大既改善空间; 真系希望佢地参考下胜香园个D,个汤清到无茄味亦无鱼味; 海鲜亦系只系虾比较鲜, 其他系鱼片...etc.4) 奶茶 & DIET COKE>奶茶都 ok 正常, 佢地其实有罗汉果茶, 系其他地方少见有的,下次可以试试呀!!! 不防一提, 写单的哥哥非常礼貌, 及有食物推介, 希望佢地食物可以进步d~~
继续阅读