左麟右李粥麵小菜專門店 (已結業)

平日的下午三點左右來到, 餐廳只有幾台客, 所以可以任坐卡位.經理(睇服飾應該係) 的招呼唔錯, 點了一個細蓉同一個小籠包.細蓉的出品超正, 湯底好有蝦的鮮味, 麵質彈牙, 雲吞細細粒但夠滋味, 單以雲吞麵的出品來說, 已經合格有餘了 (雖然價格貴了少少).小籠包係見到牆上貼了廣告先叫的, 出品只係正常, 比起一般的酒樓好, 但對比小籠包專門店仲有幾條街的距離, 覺得係一早包好, 係雪櫃冰凍, 有單先拎出來蒸熟的水平, 餡有肉汁, 但四隻中, 有兩隻已經蒸到爛皮了.連埋茶錢加一, 兩個人七十幾蚊, 因為坐得舒服, 價格係值得比的.

在門外見廣告中翻远仔粥，相當多料，以為堂堂明星開，唔会呃人啦，失望極。碗艇仔粥成50蚊，只得两條瘦肉，兩塊魚片，同張相差天共地！叫碟鲜豬潤攪麵，D豬潤又鞋又冇味，得薄薄5片，盛惠60大元。真係冇下次

位於旺角「西洋菜南街」北上方向，接近太子的位置，有一間以香港知名歌星「譚詠麟」，和「李克勤」名義經營的中式粉麵餐廳，名稱很簡單，就是「左麟右李」。「左麟右李」這間「星味」極濃的中式粉麵餐廳，雖然餐廳至於依然健在，但是餐廳現在已經開始成為「集體回憶」。因為現在娛樂圈的「左麟右李」已經名存實亡，李克勤現在已經離開「環X唱片」，轉投至另一間唱片公司「英X娛樂」。桃花依舊，人面全非，「左麟右李」人雖然已經各散東西，但是餐廳總不會因為娛樂圈內的一點變動，而突然宣告結束營業。只是現在我來到「左麟右李」，現在「譚校長」和「克勤」兩人恐怕難以再聯袂，在娛樂記者面前光顧試食「左麟右李」。至於我，則是初次上門光臨「左麟右李」，初次品嚐「左麟右李」的中式粉麵美食。進入「左麟右李」餐廳範圍後，我立刻發現餐廳內，仍然保留着很多，跟「譚校長」和「李克勤」有關的事物，包括唱片封面和相片。我沒有期待過，在我食「左麟右李」「雲吞麵」期間，「譚校長」和「克勤」會突然出現，場內其他的食客大概都是一樣，抱着一般食客的平常心食雲吞麵，追星的心態反而成了其次。「左麟右李」不單止是一間中式粉麵店，而且店內還帶有一股中式茶樓的氣氛，

新生活第一樣要做便是跟車爸爸去拍拖，真的很久沒優哉游哉哋拍拖吃晚飯，在旺角整完頭髮便約剛收工的車爸爸去了左麟右李吃晚飯！ 記得好友劉總曾讚賞這兒的雲吞麵，所以就選來這兒開餐！ 餐廳內比一般麵店雅緻企理，但檯與檯間也頗親密，可幸我們夜食就不覺迫夾！ 車爸爸點了份晚餐有盅燉湯，今晚係菜膽盅豬肺湯，試了一口尚算有味，可以接受！ 紅酒燴牛尾車爸爸話夠淋身，味道不俗薯仔又粉淋入味送飯一流！ 而我則享受晚餐優惠加＄20的一碗細蓉，湯色幾對版仲有韮黃和蝦籽味道是我喜歡，而雲吞就正宗的放在麵底。 雲吞外型正宗皮夠滑溜，餡料比例亦恰好，味道帶有大地魚香，如果蝦肉能再鮮味多點就更妙，而麵質亦算爽彈沒多鹼水味頗合我心！

突然記番起2月時去過呢間明星食堂，講番幾句先記得當日仍是農曆正月期間，相约了好友拜年，约咗喺旺角等，朋友提議去呢間明星食堂下午茶，記得當時四圍好多茶記門外都好多人等位，唯獨呢間唔需要等，入到去坐低睇餐牌怪不知唔係咁多人，原來新正頭仍未有下午茶餐供應，唔緊要照叫嘢食，我哋叫咗個炸醬麵及校長蝦多士，先講炸醬麵，麵好乾爽幾彈，而D炸醬料調配得唔錯甜甜辣辣算好食不過至於校長蝦多士就……油浸麵包咁，咬落去只係覺得油味蓋過哂所有，唔好食食到尾聲時突然見到個好熟面口既男人入黎，呢個咪係阿麟D員工全部叫老細，阿麟就 派利是畀員工，之後就坐低食嘢都好……食貴DD有明星睇都抵D

As a Hongkonger, you see bbq pork and soy sauce chicken on a daily basis especially at local fast food restaurants. However, not many places can serve them with consistent quality. Starz Kitchen is an exception and that's why I am a regular here.As usual I ordered their recommended "four treasures rice" 四寶飯 because the combo is perfect. You get a small portion each of bbq pork, soy sauce chicken, suckling pig and salty egg. Makes me hungry just looking at the photo.

經常都經過但係今次係第一次食午餐一邊睇餐牌一邊聽到細細聲的音樂好正吖！有李克勤又有譚校長一邊食嘢一邊聽歌盡在不言中我揀咗呢個鎮店四寶飯L12$68⋯出乎意料好好味原本係諗住都係一般既普通的茶餐廳我朋友就揀咗星洲炒米一般鎮店四寶飯裏便四樣餸一隻鹹蛋1️⃣叉燒夠林又入味2️⃣雞夠滑3️⃣燒腩仔夠香脆唔太鹹4️⃣鹹蛋就超級正夠鹹夠香我加左$8凍檸茶完全無茶味好似冰水一樣希望有待改善好味會再去環境衛生正乾淨企理值得推薦食過就知物有所值

是日放假，不如出外走走，於是到了太子閒逛一下。在逛街時，總會遇上了一些開業有一段時間的食店，雖然不是甚麼老字號的，但是不會有甚麼特別想走入去食番餐。就像左鄰右李，縱使是有明星效應，但是卻又不會真的刻意走入去噃。既然在太子，又有分店，不妨入去食下，看個究竟。餐牌有著小菜粥麵和燒味，但是卻又不是真的很肚餓，來一個簡簡單單的午飯就算了吧。一客叉燒飯，個喇叉燒有著燶位，但大部份是沒有的。白飯頗為大碗，似乎有點吃不完的感覺。叉燒雖然為瘦，但食起來卻不會太硬和靱的，反而有軟腍的口感，而且不算是很鬆化的。來一杯凍奶茶作為餐飲，是一杯順滑而有茶味的奶茶。左鄰右李雖然不是首選，又不是很渴望會去的餐廳，但是入內食吓嘢又無妨的。

今日下午 10/12同老婆去試下 因為覺得應該好食 叫了干抄牛河 同叉燒飯 叉燒飯ok 好食。但干牛河賣相已經好吾得。我先食左塊牛肉 有點咸 跟著老婆想食時 通覺冇牛肉 於是我地撩下全碟 只得剩一小塊碎牛。所以同部長講 而部長都禮貌地話幫我地整果碟。便攞走碟冇牛肉既牛河 冇耐攞過碟來 我一見就火起 因為全碟碎濕濕 好似人地食剩哄。我同果個部長講 點解用翻果碟來抄離譜 於是部長攞翻入去問㕑房 後就自己出來話呢碟係新整既。但就冇攞果碟雜碎牛河出來對證。我話佢一睇就知係用翻果碟啦 因為好明顯睇到賣相 最後當然取消單吾敢再食。我覺得今次經驗話我知 有d野 名過於實同時 真係過份 哄既質素😩😩

之前係電視遊戲節目 聽到克勤同校長賣廣告 話左鄰右李好好食！原來呢間茶餐廳係佢地兩個開架！！今日係旺角行完街岩哂，可以去試下。店內播住克勤同alan既歌，牆上又掛左佢地既唱片封套，歌迷一定好中意 哈。主要食粥，粉，麵，飯。全部都係香港地道食物。仲以為明星開既餐廳，價錢一定貴到飛起，點知又唔係喎~價錢都尚算合理*豬潤豬腰* 超香超滑黃沙潤，豬腰又爽又無異味，激讚*豬手撈粗* 麵底夠爽 無梘水味。豬手超入味又夠稔，好好味*細蓉* 三個字！彈 爽 鮮

今天吃燒鵝飯午餐，飯是大碗的可以接受的，燒鵝的賣相也+分美麗，服務員也十分友善有禮貌！但吃時就發現燒鵝只有皮，膏，大骨，可以說下欄位！令本人+分失望，已反映，希望下一位食客不用失望！我自己不會再去了！

今晚我們去咗旺角西洋菜南街嘅「左麟右李」食晚飯！我們叫咗鮮蝦雲吞麵、皮蛋瘦肉粥、生滾魚片粥、蟲草花燉鷄湯、白灼菜芯、乾蔥豆豉鷄煲、剁椒蒸魚雲、紅酒牛尾煲同紅棗糕！鮮蝦雲吞麵嘅麵質好幼身，口感好爽口彈牙，雲吞皮相當薄身，蝦肉嘅肉質非常爽甜彈牙！皮蛋瘦肉粥同生滾魚片粥嘅粥底煲得好綿，材料份量十足，魚片嘅味道好鮮甜，皮蛋嘅質感好煙韌彈牙！蟲草花燉鷄湯嘅湯底好香濃，味道好鮮甜！白灼菜芯好青嫩同無根！乾蔥豆豉鷄煲嘅鷄肉嘅肉質好滑，唔會好「嚡」，乾蔥香甜嘅味道令到醬汁好惹味！剁椒蒸魚雲嘅色澤賣相好鮮艷吸引，肉質非常新鮮嫩滑，味道相當鮮甜！紅酒牛尾煲炆得好腍好入味，肉質好鬆軟，肉味好濃郁！紅棗糕嘅質感好煙煙韌韌，味道亦好香甜！

出開黎旺角做野，又唔係咁肚餓，行行下見到左麟右李，一睇個名就知係最有記性既校長同送禮勤開架啦就試下你呢間明星餐廳掂唔掂先 杯碗碟都印晒招牌，夠晒一致豬潤麵 （$42）由於真係唔肚餓，所以就簡簡單單食碗麵啦，其實要煮一碗好食既豬潤麵都唔係容易架，有時愈簡單既野就愈見正章 講番個麵，麵無乜鹼水味，麵質都彈牙，豬潤煮得岩岩好，唔會太老但份量就略少啦，得兩舊，可以俾多d就更好啦我見呢間餐廳野食係略貴的，例如一個炒飯都差唔多$100，其實講到尾呢間都只係一間裝修好d既茶餐廳，掛個明星招牌但價錢其實都可以貼地d既

經朋友推介下, 專程揸車到旺角品嚐這間有"明星味"的餐廳雖然是星期六晚上, 但等位時間只是10分鐘, 這店裝修很有懷舊味道，店員態度非常有禮貌, 已是很難得了。我點了以下食品：子薑皮蛋:首先這不是很多餐廳有得食, 有子薑和蔥花在皮蛋上面, 有薑汁滲入皮蛋, 加上蔥花一齊食, 太好食了. (但它不是糖芯皮蛋)白灼腰潤:非常非常爽口!!! 豬腰加豬潤, 豬腰真的超爽口, 豬潤煮到9成熟, 時間剛剛好! 一點也不硬, 配合那碟醬油, 好鮮甜, 簡直津津入味！細雲吞面在菜單介紹很詳細，應該是店舖主打，我們每人一碗，面條好彈口, 雲吞真材食料, 有2隻蝦，再配合大地魚湯, 沒有落味精, 頂瓜瓜呀!!! 不過份量比較細 ><炸蝦多士這個反而沒太大驚喜, 多士炸得很脆口, 但比較多油, 炸蝦也沒什麼蝦的味道, 或許我不懂欣賞而已整體而言，這是有水準的餐廳，菜式也有心思，價錢會貴少少，但仍然能接受，店員還會和我們交流各款食物，很難得吧～～～

今日忽然好想食乾炒牛河，中午時份已忍唔住問身邊朋友邊度好食？！朋友介紹話叫我去呢間試試，我誤會她話好食，而且係旺角才來。黎到睇下餐牌，見到1D都唔平，價位定價中上，索價88的乾炒牛河，份量適中，河粉切得剛好，炒得不會油膩，面身尚算干，面質不粉口，而牛肉炒得亦香，完全不un，加上自家制辣椒油一起吃不錯！細細面的福建炒飯，我倆好久沒吃而想叫的。濕炒的汁料沒有太份，而炒飯是用旦預先炒過的，面層的雞粒，菇菌菜心甘荀粒等，材料不少，汁醬味道得宜，不會太咸，吃完感覺挺健康。