影片
以上资料只供参考，请与餐厅确认详情
复活节假期天气幻变不定，中午时段红雨、黄雨、雷暴，但好彩黄昏时段天气回复稳定，所有暴雨、雷暴警告也取消，我们的BBQ活动如常举行，嚟到荃湾川龙开心坊自助烧烤场。我喜欢这里地方宽敞，烧烤炉唔会互相太贴近有压迫感，烧烤场有室内场有上盖再下雨也可如常烧烤，不受风雨影响。室外亦有大空地，有小朋友的可以打秋千、踏单车、sir 滑梯…，家庭、朋友聚会的好地方。而且这里食物丰富，肉类: 猪、牛、鸡扒、金沙骨、咖哩鱿鱼、鸡肾、鸡中翼、鸡全翼…肠、 丸类: 鱼蛋、 牛丸、 墨鱼丸、 猪肉丸、烧卖、狮子狗、鸡肉肠、芝士肠、红肠……素类: 蕃薯、粟米、金菇、鲜菠萝、原条茄子、蕃茄仔、 韭菜、鲜冬菇、方包……肉类调味很入味，味精唔重食完唔口喝，而且烧烤场很贴心，提供调味品及有锡纸供应，入场费已包餐具、烧烤义、2包炭、蜜糖、一卷厕纸及每人一支水一罐汽水类饮品换购由黄昏烧到晚上又食又同朋友倾计，真系好抵食，而且好开心 老板娘亦很亲切，常会出嚟和食客倾计，感觉很窝心烧烤场亦有几只可爱的猫猫，喜欢猫猫的朋友可以同猫猫玩下，猫猫好可爱又乖巧开心坊真的一个远离烦嚣的聚会的好地方
继续阅读
Boxing Day 跟著小朋友黎左聚会烧烤埸，地方企理干净，有大幅空地适合小朋友玩，又有麻雀聚友，只系地点略嫌偏远，食物质素都好味，只系部份偏咸，整体都有80分！节日大人都系＄170一位，低玩！
继续阅读
去郊野公园烧烤嘅人感觉越嚟越少，当然，始终仍有唔少喜欢到郊野公园烧烤嘅捧场客，小弟就喺其中之一 。不过，烧烤场却渐渐兴盛起嚟，以前就通常晌啲新界区先有，如大埔、元朗、屯门、西贡……等等，依家就连市区都有唔少，甚至工厂区嘅厂厦又有，市区天台亦有，好豪华嘅一样有，真喺百花齐放。今晚同几个朋友嚟到荃湾川龙开心坊，喺一边烧嘢食，一边迎月睇月光 。以前嚟川龙叹茶、行山，都偶遇过依个烧烤场，实际开咗几多年就唔知，但环境依然颇新簇，比起小弟屋企附近嘅「吉吉」同「九华径」两个烧烤场，就光猛阔落好多，而且中央有一大片空地，可以俾啲细路仔玩吓。是夜经过下午一场雨，天色更清，皎月就晌头上。如果坐小巴上到川龙，都仲要行一段路先入到嚟，幸好朋友有车，可直驱烧烤场，而场外大把泊位，点泊都得。入场第一件事就喺俾钱，几个主理人栋晌门口柜枱，就即时以唔多好嘅态度问你收钱，凭贴纸记认，贴甩咗随时会再问你收过。而最搞笑，想攞多张櫈摆袋都被佢哋话，好在有个男负责人开声先无问题，当时成个场大把吉櫈，真喺唔知佢哋做乜咁都要管制 ！嚟得依类烧烤场无非为咗两个字：「方便」，第一方便，就喺起炉，师傅仔拉住支石油汽过嚟，一开火「咋咋声」搞掂，前后唔使5分钟就起好炉，仲火光熊熊 。第二方便，唔使讲就梗喺唔使买、唔使洗、唔使腌就有得烧嘢食。不过，未讲烧烤，先讲讲收费，星期一至四，成人收$128，小童收$88，而星期五至日、假期，成人收$148，小童收$108，无时限，但据知特别日子就有分时段。5人以下一个细炉，包一樽蜜糖及一包炭，而5人以上就一个大炉，包两樽蜜糖及两包炭，额外再要炭就每包$28 。其实，一包炭真喺唔够烧，好彩我哋6个人，有两包炭用，不过，事后发觉佢哋俾咗一樽蜜糖过我哋。此外，每位客人都附送一支750ml蒸馏水及一罐汽水，收费时会派张换领卡，自行前往里面柜台换取，不过，张换领卡喺孖住，即喺一次过要同时换领蒸馏水及汽水各一，依样有啲唔弹性。 额外饮品、雪条、甜筒或一啲零食，就成为自费项目，店方当然唔欢迎自携饮品，不过，自携食物佢哋就无任欢迎，所以，我见唔少熟客都带啲私伙海鲜嚟烧。食物方面，一大个雪柜放晒所有生肉、蔬菜，不时补充，走咗几转，都甚少见某款食物缺货。款式都算几多，凭相片记录，一次过打晒出嚟等大家有个参考，包括：黑椒牛扒、汉堡扒、黑椒猪扒、蒜香猪扒、蜜汁金沙骨、蜜汁猪颈肉、黑椒鸡扒、蒜香鸡扒、黑椒鸡翼、蒜香鸡翼、咖喱鸡翼、瑞士汁鸡翼、香茅鸡翼、黑椒鸡肾、狮子狗鱼蛋、芝士肠、鸡肉肠、红肠、咖喱鱿鱼、三文鱼头、秋刀鱼、多春鱼、杂丸、烧卖、金菇、鸡脾菇、冬菇、韭菜、菠萝、车厘茄、茄子、豆卜、粟米及蕃薯，应该都无乜点打漏。雪柜旁仲有一列调味品及锡纸，作用喺用嚟包吓啲杂菌拎去烤焗。讲咗咁多资讯性嘅嘢，究竟啲嘢食味道喺点？大部份肉类都腌得几入味，而且，同一种肉类，有多款味道选择，好似鸡翼咁就最多，就足足有5款味道：黑椒、蒜香、咖喱、瑞士汁及香茅 ，而且，每款味道都做得错，唔会食嚟食去都喺𠮶只味，不过，始终喺任烧任食，贵价嘢就欠奉，好似成本贵啲嘅牛扒，就只有黑椒味。唯一问题喺，普遍性有过咸嘅情况，食咗好几款扒都如是，个人而言，鸡翼、鱿鱼腌得最好，恰到好处 。除咗蕃薯，饱肚嘅淀粉类就喺方包，唔知老友喺有心关照定靠害，一次过拎咗成磅方包返嚟 ，拎咗嚟就当然唔好拎返去咁唔卫生，一人一块搞掂佢，小弟就夹块猪扒成为蒜香猪扒多，又几正㖞 。其实，对依一类烧烤场都唔会抱太大期望，反正，味道其次，纯粹过吓烧烤瘾。虽然服务态度差咗啲，不过，不得不赞佢哋晌卫生方面搞得几好，场地干净企理，而所有食物都放晌雪柜里面，有不锈钢夹可以用嚟夹生料，侧旁嘅方包亦有盖冚住。大家烧咗3个几钟，又有明月相伴，够晒尽兴。第三方便，就喺食完拍拍「萝柚」就走得，干手净脚！
继续阅读
烧烤场，我就去过许多过汀角，小㰖，西贡，马鞍山....这一次来到荃湾，就真系觉得环境非常好，好似置身大自然，烧烤埸地新簇簇，特别一赞是厕所空气清新。对于食物方面除了有一般的丸类和肉类外，本人特别推介：三文鱼头，牛仔骨，新鲜菠萝，鸡肾。食物大致上都系好味o既，鸡翼入味，若加上慢慢烤的话，真系我最钟意的食物。三文鱼头，多汁入味。牛仔骨入味，菠萝新鲜，多汁，外脆内juicy,鸡肾爽口。
继续阅读
今次都系有朋友话俾我地知系大帽山川龙新开咗间bbq场,即兴底下谂住去试一试去到虽然唔系好大地方,但系都够干净,旁边仲有一个小小农场,钟意大自然既可以去租黎玩下,都系一个乐趣野食方面,觉得佢地都好有诚意,肉类调味可食出系无松肉粉,唔会有好多味精同唔咸,最欣赏系佢个鸡肾,鸡翼,牛扒,鱿鱼海鲜有秋刀鱼,三文鱼头...........同埋佢地有好多菜类,有菇,茄子,韭菜,菠萝等等........最好既系有个调味枱,好多款调味料,ps,个蒜蓉牛油好好食佢地好好人,仲请我地食糖水呀
继续阅读