影片
近来这间附近多开了间同类的鱼店, 是更高级装潢的那种. 可是我一向不重装潢, 看过网友食评后便放弃那间.三人共晋, 选了大半边的鱼, 也不晓得是什么鱼, 因没写明. 再另外点了碗米线share. 后者𩠌菜和米线质地不算差也不算出色, 反而鱼的汁调得味道不错. 初时不觉太辣, 可一会便觉了, 当然我是不想太辣的, 但第一次来不知辣的程度如何. 可是这已是小辣了, 不知有否微辣? 鱼肉算滑, 但鱼味不够突出. 配菜味道和份量还可以, 以为三人分享未必饱, 结果又够了.
继续阅读
这是在红磡一间火锅店,中午有米线提供.价钱不贵,算系抵食.汤底选择了麻辣肉碎,味道不像一般的四川火锅汤底般浓,而系比较清一点.配上不太烟韧既红薯粉,味道只属一般.但其配料就十分出色,鲜牛肉肉嫩牛味重,份量十足,鱼片亦是好足料,肉质仲有少少弹牙.可能火锅店拎到既食材比较新鲜挂如果可以将汤底调较得浓点,相信是个不错既中午饭选择
继续阅读
嚟到红磡揾食，多数都喺𠮶个原因，出席白事。收工匆匆赶过嚟出席完以前一位导师妈咪嘅安息礼拜后，同老婆行到过嚟湖光街一带，因为知道佞度附近都几多食肆，西式、港式、星马菜、台菜、茶记、粥面、快餐店……都有，最后，帮衬咗近街尾卖烤鱼、鸡煲、小菜及米线嘅「川王府」。铺内地方细细，但放咗唔少位，所以，感觉有啲压迫感，就算我哋两公婆坐晌入口门左边嘅卡位，其实都有少少窄，不过，一室鲜红梳化櫈，个人就觉得跟墙身唔太衬，但就显得环境光鲜企理，为食川菜作火辣辣热身嘅感觉！除咗墙身贴有唔少店家嘅招牌菜色外，估唔到一家小店，个餐牌都做得有板有眼，一啲都唔马虎。餐牌内主要罗列近年大热嘅鸡煲、唔同做法嘅烤全鱼、川菜特色嘅小菜，全部图文并茂。不过，个排版就有啲「娘」，甚似内地一啲偏远县市嘅餐牌风格！而点餐除直接跟店员落单，亦可以自己慢慢剔落单纸，减少言词间嘅出错。食烤鱼、鸡煲，饮多几支冻饮解解辣、解解渴都喺惯常，而饮品定价亦唔算贵。好几款喺鸿福堂产品，解辣解渴以外，仲可以清热滋润吓添。至于米线，就只有一张落单纸一版睇晒，由汤底、面底、配料（$4 / $8 / $12），到饮品（+$6 / $8），一样一清二楚。望见隔离枱碗米线咁大碗，我哋两个，点两客小菜，加碗米线，相信都已经好够！题外话，店内大部份枱都用嵌入式电磁炉，亦有一、两枱要用明火，如果食鸡煲、烤鱼，再加多少少火锅料，摆晒晌枱面嚟就真喺勉强啲！重庆口水鸡 $68虽然跟餐牌张相有啲出入，少咗好多辣油，相反多咗好多花生碎，不过，少辣多香就仲啱我。虽然小弟工作关系经常走访重庆山区，不过，都喺食唔惯当地嘢，又辣、又麻，又油，而眼前嘅口水鸡，或许对某啲人而言未够正宗，但少辣、少麻，既香又带点刺激，加上皮爽而鸡肉细滑，个人觉得好好食。凉拌猪肚丝 $58睇相睇佢唔出，嚟到先见又喺另一道麻辣冷盘，猪肚丝入口冰凉爽口，亦喺少辣少麻，下底又有唔少西芹丝，口感超爽脆。咪以为两道属于小菜形式就「睇少」佢，份量著实不少喔！三鲜汤米线 $47自选米线$23起步价，6款汤底，7款面底，辣度、麻度都有得拣。因为点咗两个小菜都喺辣麻嘢，所以，个米线要三鲜汤，基本配料有鸡蛋1只、蕃茄及香菇，而额外配料加咗金菇（+$4）、顺德鱼腐（+$8）及牛三宝（+$12），所以，成碗米线盛惠$47。米线较幼身，口感亦较腍，胜在够多够份量啫；三鲜汤比较清，加埋我哋又走辣走麻，唔会食得太「辛」苦，而且，真喺有成只蛋晌度，无欺场；金菇处理有少少俹簁，一炷过就算；鱼腐唔知点解嚟咗鱼片头，都见喺同价，我哋又无所谓，照食都费事搞咁多嘢，而牛三宝听个名好似好劲，但牛肚得一片，牛腩两小粒，牛筋多啲，有成4旧仔，其实味道都OK嘅，只喺被人感觉碎湿湿啲啫！店家设有宵夜时段，9:30pm-11:30pm有85折优惠，我哋参加完白事过嚟，啱啱好用得著，加埋又唔收加一，折实食咗都喺$148，几抵吓！服务方面都算可以啦，店员嘅招呼唔算好主动，不过就快手快脚，唯一喺个米线唔知点解等得较耐，由落单计等咗成20分钟左右。整体而言，今晚所试嘅两个小菜认真有水准，相反，个米线就觉得麻麻哋！
继续阅读